Murmansk-Sant-Peterburg yo'nalishida yuk poezdi va yo'lovchi poezdi to'qnashuvining sabablari(batafsil).

18-dekabr kuni soat 14-37 da Knyajaya stansiyasidan oʻtib ketgan 2013 sonli yuk poyezdining Knyajaya - Kovda stansiyalari oraligʻida (17 metrli koʻtarilishi ukloni mavjud) harakati davomida bir necha bor kontakt tarmogʻida kuchlanish oʻchib qolishi kuzatiladi, bu haqida energodispetcher Shmelev poyezd dispetcheri Makarovaga xabar beradi. Soat 14-55 da poyezd dispetcheri 2013 yuk poyezdi mashinisti Zichkovdan 1113km 9 piketida elektrovozning tok qabul qilish moslamasi singanligi sababli toʻxtaganligi toʻgʻrisida xabar oladi. 2013 sonli yuk poyezd mashinisti soat 14-56 dan 15-47 gacha singan tok qabul qilish moslamasini bogʻlab qoʻyish yoʻli bilan bartaraf etib, boshqa tok qabul kilish moslamasini koʻtarmoqchi boʻlganida havo bosimi pasayib ketganligi sababli bu ishni amalga oshira olmaganligi va poyezdni 5 dona tormoz boshmoqlari bilan qotirganligi toʻgʻrisida Knyajaya stansiyasi navbatchisi Ivanovga xabar bergan (oʻrnatilgan talab boʻyicha 33 dona tormoz boshmoqlari bilan qotirilishi kerak edi). Soat 16-08 da yuk poyezdi mashinisti Zichkov poyezdning orqaga harakatlanayotganligi toʻgʻrisida xabar beradi, natijada ushbu yuk poyezdi orqaga qaytib Knyajaya stansiyasining 1-chi yoʻlidan oʻtib 5-chi strelkali oʻtkazgichda stansiyaning 5-chi yoʻliga kirib kelayotgan 11-chi yoʻlovchi poyezdinining oʻrta qismi bilan toʻqnashgan.

Ushbu holatning yoʻl qoʻyilishiga, lokomotiv brigadalarning tok qabul
qilish moslamasi singandan keyin uni bogʻlab boshqa tok qabul qilish moslamalarini koʻtarishini va yuk poyezdi tormoz tizimida yetarli havo bosimini oʻz vaqtida taʼminlamaganligi, ularning holat yuzasidan tezkor ravishda xabar bermaganligi, poyezd dispetcherining uzoq vaqt davomida holat yuzasidan yetarli chora koʻrmaganligi, stansiya navbatchisining oʻz vaqtida yuk poyezdini toʻxtatib qolish uchun tormoz boshmoqlarini yoʻlga qoʻymaganligi, 6-chi yoʻldagi mavjud boʻlgan “oprokidivayushiy ostryak”ga yoʻnaltirmaganligi va yoʻlovchi poyezdini kirish svetoforida toʻxtatmaganligi sabab boʻlgan. 

👉 @temiryolchi_uz 👈