Оила

Дунёда энг буюк бахт,
Энг бебаҳо тож-у, тахт,
Азалдан ва ҳамма вақт,
Оила

Қувонч-у ғамда ширин,
Кўзида нам яширин,
Дарслари бор бир қийин
Оила

Ватаннинг дебочаси,
Кўркамнинг зебочаси,
Юрагимнинг барчаси,
Оила

Меҳрнинг чин макони,
Қалбларнинг хонадони,
Келажаги бўстони,
Оила

Дилнинг ота онаси,
Ака-ука,опаси,
Севар ёри,боласи,
Оила

Табассумга кон дунё,
Орзумга макон дунё,
Кичкина жаҳон дунё,
Оила

Ўсса ўссин бўй чўзиб,
Ғамлар ўтмасин бузиб,
Инсон учун муносиб,
Оила

Яшашни чин маъноси,
Руҳнинг об-у, ҳавоси,
Бахтнинг танҳо самоси,
Оила

Соғинч ёздирган шеърим,
Узоқда она ерим,
Ягона бахтим дерим,
Оила!

Дилмурод Акбар (Дил Мурод) шеъри

Oila

Dunyoda eng buyuk baxt,
Eng bebaho toj-u, taxt,
Azaldan va hamma vaqt,
Oila

Quvonch-u gʻamda shirin,
Koʻzida nam yashirin,
Darslari bor bir qiyin
Oila

Vatanning debochasi,
Koʻrkamning zebochasi,
Yuragimning barchasi,
Oila

Mehrning chin makoni,
Qalblarning xonadoni,
Kelajagi boʻstoni,
Oila

Dilning ota onasi,
Aka-uka,opasi,
Sevar yori,bolasi,
Oila

Tabassumga kon dunyo,
Orzumga makon dunyo,
Kichkina jahon dunyo,
Oila

Oʻssa oʻssin boʻy choʻzib,
Gʻamlar oʻtmasin buzib,
Inson uchun munosib,
Oila

Yashashni chin maʼnosi,
Ruhning ob-u, havosi,
Baxtning tanho samosi,
Oila

Sogʻinch yozdirgan sheʼrim,
Uzoqda ona yerim,
Yagona baxtim derim,
Oila!

Dilmurod Akbar (Dil Murod) sheʼri

ЎЛИМ ВАҚТИДА...

Муаллиф: Дилмурод Акбар.

Ижрода: Музаффар Ҳафизович.

t.me/Muzaffar_Xafizovich1975

t.me/Muzaffar_Xafizovich

Томиринг тортишиб қақшайди бадан,
Оловда ёнганга ўхшайди бадан,
Кечирим сўрагинг келар ҳаммадан,
Ортингга боққанда ўлим вақтида...

Товонингдан сизиб чиқар экан жон,
Қоринга келганда оғрийди ёмон,
Оғизга келганда қанча пушаймон,
Ортингга боққанда ўлим вақтида...

Нимага келдим-у, нималар қилдим,
Мақсад қолиб, қайси йўлга интилдим,
Дейсан адашибман оҳ бугун билдим...
Ортингга боққанда ўлим вақтида...

Сўзим аччиқ, нафсга ёқмайди бироқ,
Ким қалбга ёқар ким ёқмайди чироқ,
Ўлмасингдан бурун ортингга бир боқ,
Ортингга боққунча ўлим вақтида...

Алқисса йўқдан бор қилган Қудрат,
Ўзини танишга берди қисқа вақт,
Дилмурод умрингдан чекма надомат,
Ортингга боққанда ўлим вақтида...

Дилмурод Акбар (Дил Мурод) шеъри

Tomiring tortishib qaqshaydi badan,
Olovda yonganga oʻxshaydi badan,
Kechirim soʻraging kelar hammadan,
Ortingga boqqanda oʻlim vaqtida...

Tovoningdan sizib chiqar ekan jon,
Qoringa kelganda ogʻriydi yomon,
Ogʻizga kelganda qancha pushaymon,
Ortingga boqqanda oʻlim vaqtida...

Nimaga keldim-u, nimalar qildim,
Maqsad qolib, qaysi yoʻlga intildim,
Deysan adashibman oh bugun bildim...
Ortingga boqqanda oʻlim vaqtida...

Soʻzim achchiq, nafsga yoqmaydi biroq,
Kim qalbga yoqar kim yoqmaydi chiroq,
Oʻlmasingdan burun ortingga bir boq,
Ortingga boqquncha oʻlim vaqtida...

Alqissa yoʻqdan bor qilgan Qudrat,
Oʻzini tanishga berdi qisqa vaqt,
Dilmurod umringdan chekma nadomat,
Ortingga boqqanda oʻlim vaqtida...

Dilmurod Akbar (Dil Murod) sheʼri

Меҳнаткаш мухожир,мусофир одам,
Ушалсин энг эзгу қалб армонлари...
Бир сўз билан айтсам улар чинакам,
Бугунги замоннинг қахрамонлари...

Юрагида умид,хадик ва қувонч,
Уни тутиб турар мустаҳкам ишонч,
Ойликдан ортириб тўплагани ганж...
Бугунги замоннинг қахрамонлари...

Шарафли инсонсиз,яхши инсонсиз,
Рўзғорни ўйлаган қадрли жонсиз,
Тангрим паноҳида бўлинг омон Сиз,
Бугунги замоннинг қахрамонлари...

Ватанни ҳаммадан кўпроқ севган,
Уйим,болам-чақам,оилам деган,
Келажак авлоднинг ғамини еган,
Бугунги замоннинг қахрамонлари...

Сиз шаъни тозасиз, меҳнати ҳалол,
Матонатингизга тўртта фасл лол,
Доим омон бўлинг ва топинг камол,
Бугунги замоннинг қахрамонлари...

Осонмас ўрнингиз ўзингизга хос,
Соғинч,қийинчилик - манзили эъзоз...
Ҳақнинг синовида юрибсиз бироз,
Бугунги замоннинг қахрамонлари...

Ҳаммаси ўтади келар яхши кун,
Ва ўз уйингизда бўласиз мамнун,
Дуойи хайрим бор мусофир учун,
Соғ бўлсин Илоҳим тани жонлари...
Бугунги замоннинг қахрамонлари...

Дилмурод Акбар шеъри

Mehnatkash muxojir,musofir odam,
Ushalsin eng ezgu qalb armonlari...
Bir soʻz bilan aytsam ular chinakam,
Bugungi zamonning qaxramonlari...

Yuragida umid,xadik va quvonch,
Uni tutib turar mustahkam ishonch,
Oylikdan ortirib toʻplagani ganj...
Bugungi zamonning qaxramonlari...

Sharafli insonsiz,yaxshi insonsiz,
Roʻzgʻorni oʻylagan qadrli jonsiz,
Tangrim panohida boʻling omon Siz,
Bugungi zamonning qaxramonlari...

Vatanni hammadan koʻproq sevgan,
Uyim,bolam-chaqam,oilam degan,
Kelajak avlodning gʻamini yegan,
Bugungi zamonning qaxramonlari...

Siz shaʼni tozasiz, mehnati halol,
Matonatingizga toʻrtta fasl lol,
Doim omon boʻling va toping kamol,
Bugungi zamonning qaxramonlari...

Osonmas oʻrningiz oʻzingizga xos,
Sogʻinch,qiyinchilik - manzili eʼzoz...
Haqning sinovida yuribsiz biroz,
Bugungi zamonning qaxramonlari...

Hammasi oʻtadi kelar yaxshi kun,
Va oʻz uyingizda boʻlasiz mamnun,
Duoyi xayrim bor musofir uchun,
Sogʻ boʻlsin Ilohim tani jonlari...
Bugungi zamonning qaxramonlari...

Dilmurod Akbar sheʼri

https://t.me/DilmurodAkbar

Отам-онам

Отам-онам бошимдаги тожим менинг,
Улар омон осмонларда бошим  
менинг.
Ғамлар йироқ пешонамдан,давримда соз,
Отам,онам даврасида ошим менинг...

Отам,онам сабаб мингдир бир қувончим,
Паноҳида ер тишлайди алам,ранжим,
Меҳри дарё,меҳри осмон,ой,қуёшим,
Дилимдаги дунёлардан улуғ ганжим.

Эркаланар фарзандларим бобожон деб,
Эртак айтиб беринг азиз моможон деб.
Юрагим жўш уриб кетар ота-онам,
Боламни ҳам суйиб турса болажон деб.

Бахтимизга соғ саломат яшасин шод,
Хизматида ҳаётимиз бўлсин обод.
Дуолари хайрли зот отам онам,
Роҳатимни кўриб яшанг то умрбод...

Дилмурод Акбар (Дил Мурод) шеъри
https://t.me/DilmurodAkbar

Бўлса бахтинг,обрў,мол-у,давлатинг,
Уйинг тўла бўлар дўст-у,улфатинг.
Гар тойилсанг мартаба ё амалдан,
Ошноларинг йўқламас шу ҳурматинг...

Дўстларнинг дўсти бор қиёматлик то,
Сен хам дўст танлашда қилмагин хато,
Дўстлар бор душмандан ёмондир ҳатто,
Улар ичингдаги бало,кулфатинг...

Дўстлар бор молингга нонингга ошно,
Улар дўст то сенинг кунларинг рўшно,
Омадинг юз буриб кетган чоғ,асно,
Ўчар китобидан номинг,рўйхатинг...

Дўстлар бор чиройли ёрингни кўзлар,
Тили сенга,дили ёрингга сўзлар,
Кун келиб сир олиб ўша беюзлар,
Уйингни бузгунча қилар ғийбатинг...

Бўлмагин ҳеч ғофил,мудроқ,нотавон,
Қадр-қийматингни бил хар лаҳза хар он,
Ақл-у,идрокингда,қўлингда ишон,
Ё бахтли ё бахтсиз бўлар қисматинг,
Ё бахтли ё бахтсиз бўлар фурсатинг...

Дилмурод Акбар (Дил Мурод) шеъри

Boʻlsa baxting,obroʻ,mol-u,davlating,
Uying toʻla boʻlar doʻst-u,ulfating.
Gar toyilsang martaba yo amaldan,
Oshnolaring yoʻqlamas shu hurmating...

Doʻstlarning doʻsti bor qiyomatlik to,
Sen xam doʻst tanlashda qilmagin xato,
Doʻstlar bor dushmandan yomondir hatto,
Ular ichingdagi balo,kulfating...

Doʻstlar bor molingga noningga oshno,
Ular doʻst to sening kunlaring roʻshno,
Omading yuz burib ketgan chogʻ,asno,
Oʻchar kitobidan noming,roʻyxating...

Doʻstlar bor chiroyli yoringni koʻzlar,
Tili senga,dili yoringga soʻzlar,
Kun kelib sir olib oʻsha beyuzlar,
Uyingni buzguncha qilar gʻiybating...

Boʻlmagin hech gʻofil,mudroq,notavon,
Qadr-qiymatingni bil xar lahza xar on,
Aql-u,idrokingda,qoʻlingda ishon,
YO baxtli yo baxtsiz boʻlar qismating,
YO baxtli yo baxtsiz boʻlar fursating...

Dilmurod Akbar (Dil Murod) sheʼri

Чой

Чой

Сен дардларга дармон чой,
Ичмаганга армон чой.
Бобом суйиб ҳўплаган,
Қумғончой...

Ўрик ўтин тафтида,
Оловлар атрофида,
Қайнайсан ўз вақтида,
Қумғончой...

Ранги шафақ чойим сен,
Пиёламда доим сен,
Оғзимдаги мойим сен,
Қумғончой...

Аччиқ-аччиқ дамласам,
Лабларимни намласам,
Тандан қочар дангасам...
Қумғончой...

Юлдузли қора ўчоқ,
Ош тайёр деб турган чоғ,
Чўғида турсанг қайноқ,
Қумғончой...

Ўтмиш, тарихни ёдлаб,
Бобом руҳини шодлаб,
Суюнаман бир ҳўплаб,
Қумғончой...

Аччиқ-аччиқ кунлардан,
Аланга, ўтинлардан,
Сўзлайсан чин диллардан,
Қумғончой...

Бугун фараҳбахш замон,
Яйраб яшайман омон,
Сен бари-бир қадрдон,
Қумғончой...

Дилмуроднинг дил жойи
Каби қайноқ эй, чойи,
Чойларнинг энг чиройи,
Қумғончой...

Дилмурод Акбар (Дил Мурод) шеъри

Choy

Sen dardlarga darmon choy,
Ichmaganga armon choy.
Bobom suyib hoʻplagan,
Qumgʻonchoy...

Oʻrik oʻtin taftida,
Olovlar atrofida,
Qaynaysan oʻz vaqtida,
Qumgʻonchoy...

Rangi shafaq choyim sen,
Piyolamda doim sen,
Ogʻzimdagi moyim sen,
Qumgʻonchoy...

Achchiq-achchiq damlasam,
Lablarimni namlasam,
Tandan qochar dangasam...
Qumgʻonchoy...

Yulduzli qora oʻchoq,
Osh tayyor deb turgan chogʻ,
Choʻgʻida tursang qaynoq,
Qumgʻonchoy...

Oʻtmish, tarixni yodlab,
Bobom ruhini shodlab,
Suyunaman bir hoʻplab,
Qumgʻonchoy...

Achchiq-achchiq kunlardan,
Alanga, oʻtinlardan,
Soʻzlaysan chin dillardan,
Qumgʻonchoy...

Bugun farahbaxsh zamon,
Yayrab yashayman omon,
Sen bari-bir qadrdon,
Qumgʻonchoy...

Dilmurodning dil joyi
Kabi qaynoq ey, choyi,
Choylarning eng chiroyi,
Qumgʻonchoy...

Dilmurod Akbar (Dil Murod) sheʼri

Эсла

Қават-қават уйлар қуриб осмон ўпар,
Тинмай уни безатарсан эй, пултопар.
Дунё ишқи билан чопиб шом-у, саҳар,
Унутдинг чин манзилдаги иморатни...

Нафсинг бедов от бўлди сен чавандози,
Юлдузларни қучар орзунгни парвози,
Эй, дунёда қолмас дунё ишқибози,
Фирибларга ҳижоб қилдинг тижоратни.

Худбинлик домига қанча фазилатинг,
Чўкиб кетди, инсон сенинг бу иллатинг,
Одамийлик туйғусидан ҳувуллатдинг,
Кўнгил деган офтобмакон ҳароратни...

Ҳатто, ота-онангга ҳам қизғаниб вақт,
Вақт пул дейсан хол сўрашга бормай баъдбахт,
Эй, силлайи раҳм қилмас меҳри карахт,
Бир кун боланг кўрсатар шу кароматни...

Дилмурод не султонларни еган бу ер,
Бу дунё бир ўрмон, унда ажалдир шер...
Ўтмишга боқ мозий сенга нималар дер,
Тафаккур қил эсла келар қиёматни...

Дилмурод Акбар (Дил Мурод) шеъри

Esla

Qavat-qavat uylar qurib osmon oʻpar,
Tinmay uni bezatarsan ey, pultopar.
Dunyo ishqi bilan chopib shom-u, sahar,
Unutding chin manzildagi imoratni...

Nafsing bedov ot boʻldi sen chavandozi,
Yulduzlarni quchar orzungni parvozi,
Ey, dunyoda qolmas dunyo ishqibozi,
Firiblarga hijob qilding tijoratni.

Xudbinlik domiga qancha fazilating,
Choʻkib ketdi, inson sening bu illating,
Odamiylik tuygʻusidan huvullatding,
Koʻngil degan oftobmakon haroratni...

Hatto, ota-onangga ham qizgʻanib vaqt,
Vaqt pul deysan xol soʻrashga bormay baʼdbaxt,
Ey, sillayi rahm qilmas mehri karaxt,
Bir kun bolang koʻrsatar shu karomatni...

Dilmurod ne sultonlarni yegan bu yer,
Bu dunyo bir oʻrmon, unda ajaldir sher...
Oʻtmishga boq moziy senga nimalar der,
Tafakkur qil esla kelar qiyomatni...

Dilmurod Akbar (Dil Murod) sheʼri

.:
Қора илон фильмидан таъсирланиб ёзилган шеър

Жоним қақшаб ётар,дилимда титроқ,
Бу ҳикоям аччиқ,ҳақиқат бироқ...
Гиёҳванд моддалар хумори тутиб,
Қўлимда жон берди икки чақалоқ...

Ҳалол инсонларга эдим зурриёт...
Ҳалол меҳнат билан бўлиб бунёд...
Ҳалол меҳнат қилиб яшаб келардим,
Ўз оилам билан хуррам ва дилшод...

Илк бор шароб тутди дўстдек бир ғаним,
Бошим узра завқ кайф,бўшашди таним.
Кўзим тиниб кетди,хира тортди онг,
Сўнг наша хам чекди илк нафс тубаним...

Шайтон саройига қўйдим илк қадам,
Кўзимга ўзгача кўриниб олам.
Меҳнатга энди ҳеч бормасди қўлим,
Гиёҳванд моддага бўлгандим қарам...

Кундан кун оилам жанжалга бойиб,
Файз-у,барокот хам бўлганди ғойиб...
Жамғарган бор пулим топганда
якун,
Мен пул талаб қилдим отамни койиб...

Сотдим ўз онамнинг зирагини хам,
Отамни тунадим бўлдим муттаҳам...
Суғуриб олганман бармоқларидан
Никоҳ узугини хотиндан ул дам...

Кундан кун домига тортди бу оғу,
Гиёҳванд моддасиз дунё қоронғу...
Ўргимчак тўрига тушган пашшадек
Оҳ урдим мен хумор тутгани чоғи...

Онам куйиб йиғлаб холимни кўриб,
Кундан кун хазондек борарди қуриб...
Менинг азобимга етмай бардоши,
Бир куни жон берди онам оҳ уриб...

Ортидан отам ҳам кетдилар тезда,
Мендан рози бўлмай ўшал шўр кезда.
Бироқ бу жудолик қилмасди таъсир,
Чунки,қалб йўқолган эди мен безда...

Бир куни қаттиқроқ тутди хумори,
Кўзларим кўр бўлди,топилмай дори...
Онгим заҳарланди,идрок йўқолди,
Гўёки,оғу бу дунёнинг бори...

Шунда мудҳиш хато,тузалмас хато,
Рўй берди мен бадбахт сабаб шу асно.
Мен ўз фарзандларим,икки боламни
Ўлдирдим тешада чопиб О,
Худо...

Менинг гуноҳларим битмас,тугалмас,
Шўр аччиқ қисматим бўлсин сизга дарс...
Огоҳ бўлинг огоҳ азиз инсонлар
Гиёҳванд моддага қул бўлмасин нафс...

Дилмурод Акбар шеъри

Qora ilon filmidan taʼsirlanib yozilgan sheʼr

Jonim qaqshab yotar,dilimda titroq,
Bu hikoyam achchiq,haqiqat biroq...
Giyohvand moddalar xumori tutib,
Qoʻlimda jon berdi ikki chaqaloq...

Halol insonlarga edim zurriyot...
Halol mehnat bilan boʻlib bunyod...
Halol mehnat qilib yashab kelardim,
Oʻz oilam bilan xurram va dilshod...

Ilk bor sharob tutdi doʻstdek bir gʻanim,
Boshim uzra zavq kayf,boʻshashdi tanim.
Koʻzim tinib ketdi,xira tortdi ong,
Soʻng nasha xam chekdi ilk nafs tubanim...

Shayton saroyiga qoʻydim ilk qadam,
Koʻzimga oʻzgacha koʻrinib olam.
Mehnatga endi hech bormasdi qoʻlim,
Giyohvand moddaga boʻlgandim qaram...

Kundan kun oilam janjalga boyib,
Fayz-u,barokot xam boʻlgandi gʻoyib...
Jamgʻargan bor pulim topganda
yakun,
Men pul talab qildim otamni koyib...

Sotdim oʻz onamning ziragini xam,
Otamni tunadim boʻldim muttaham...
Sugʻurib olganman barmoqlaridan
Nikoh uzugini xotindan ul dam...

Kundan kun domiga tortdi bu ogʻu,
Giyohvand moddasiz dunyo qorongʻu...
Oʻrgimchak toʻriga tushgan pashshadek
Oh urdim men xumor tutgani chogʻi...

Onam kuyib yigʻlab xolimni koʻrib,
Kundan kun xazondek borardi qurib...
Mening azobimga yetmay bardoshi,
Bir kuni jon berdi onam oh urib...

Ortidan otam ham ketdilar tezda,
Mendan rozi boʻlmay oʻshal shoʻr kezda.
Biroq bu judolik qilmasdi taʼsir,
Chunki,qalb yoʻqolgan edi men bezda...

Bir kuni qattiqroq tutdi xumori,
Koʻzlarim koʻr boʻldi,topilmay dori...
Ongim zaharlandi,idrok yoʻqoldi,
Goʻyoki,ogʻu bu dunyoning bori...

Shunda mudhish xato,tuzalmas xato,
Roʻy berdi men badbaxt sabab shu asno.
Men oʻz farzandlarim,ikki bolamni
Oʻldirdim teshada chopib O,
Xudo...

Mening gunohlarim bitmas,tugalmas,
Shoʻr achchiq qismatim boʻlsin sizga dars...
Ogoh boʻling ogoh aziz insonlar
Giyohvand moddaga qul boʻlmasin nafs...

Dilmurod Akbar sheʼri