**Jizzax politexnika instituti rektorining Konstitutsiya kuni munosabati bilan bayram tabrigi

Qadrli hamkasblar, aziz talabalar!**

Barchangizni qutlug‘ ayyom – O‘zbekiston Respublikasi Konstitutsiyasi qabul qilinganining 32 yillik bayrami bilan chin qalbimdan tabriklayman.

Xabaringiz bor, “O‘zbekiston Respublikasi Konstitutsiyasi to‘g‘risida”gi O‘zbekiston Respublikasi Konstitutsiyaviy qonuni tarixda ilk bor 2023-yil 30-aprel kuni o‘tkazilgan referendumda umumxalq ovoz berish orqali qabul qilindi. Konstitutsiyaning yangi tahrirda qabul qilingani xalq farovonligini yanada yuksaltirish uchun mustahkam zamin yaratib, uning xohish-irodasini namoyon etdi, desak aslo mubolag‘a bo‘lmaydi.

Qadrli vatandoshlar!

Mamlakatimiz taraqqiyotining huquqiy poydevori bo‘lgan Bosh qomusimiz har bir vatandoshimiz taqdirida, ularning bugungi hayoti, ertangi kelajagini ta’minlashda muhim omil bo‘lib xizmat qilmoqda.

Osuda hayotimiz asosi bo‘lgan Konstitutsiyamiz qabul qilinganligining 32 yilligi munosabati bilan barchangizni yana bir bor tabriklab, o‘zim va mehnat jamoamiz nomidan sihat-salomatlik, tinchlik-xotirjamlik, oilaviy farovonlik hamda fidokorona mehnatlaringizda ulkan zafarlar tilayman.

Institut rektori,
t.f.d., prof. Alisher Usmankulov

Sizda hal etilmagan masalalar, muammolar, shikoyat yoki takliflar bormi?

U holda siz o‘z murojaatingizni quyidagi bot orqali to‘g‘ridan-to‘g‘ri Jizzax politexnika instituti rektori A.Usmankulovga yuborishingiz mumkin.

? @Rektor_qabulxonasi_bot

@jizpiuz | @jizpi_online

Jizzax politexnika instituti rektorining o‘qituvchi va murabbiylarga bayram tabrigi
Muhtaram ustoz va murabbiylar!
Siz, azizlarni, ta’lim-tarbiya sohasining barcha jonkuyar xodimlarini umumxalq bayrami — O‘qituvchi va murabbiylar kuni bilan chin qalbimdan muborakbod etaman.
O‘z qalb qo‘rini, ko‘z nurini, bilimi hamda salohiyatini xalqimizning barkamol o‘g‘il-qizlarini tarbiyalashga, ularni komil insonlar etib yetishtirishdek ulkan va mas’uliyatli ishga baxshida etgan ustozlarimiz, muallimu murabbiylarimizning pedagogik faoliyatida omad, sog‘lik va salomatlik tilayman.

Hurmatli hamkasblar!
Bugungi shiddatli zamon barchamizning oldimizga o‘ta muhim va murakkab vazifalarni qo‘ymoqda. Bozor iqtisodiyoti munosabatlari sharoitida raqobatbardosh, yetuk kadrlarni tayyorlash qat’iy talabga aylandi.
Shunday paytda ezgu maqsadlarimizga yetish, dunyo miqyosida raqobatbardosh bo‘lish uchun yoshlarimizni ilm va ma’rifat bilan qurollantirishimizni zamonning o‘zi talab qilmoqda.
Yangilanayotgan O‘zbekiston ilm-fani rivojida Sizning boy tajriba va mahoratingiz beqiyos ahamiyatga ega, deb hisoblayman. Barchangizga mazkur olijanob faoliyatingizda hamisha yangi yutuq va omad tilayman.
Muqaddas vatanimizning jahon hamjamiyatidagi o‘rni va nufuzi har doim ortib boraversin.
Institut rektori,
t.f.d., prof. Alisher Usmankulov