"ماذا لو استجاب في أوائل رمضان ؟
= لبكيتُ من شدة فرحتيّ ، لسجدتُ شاكرة الله على استجابة دعوتي التي طالما حظيتُ سنوات بالألحاح بها اللهُم لا تنسى جبر قلبي كما جبرتهم" 🥹🥹

لو راحت عليكى نومة ومصليتيش الفجر او الضهر أو العصر أو اى فرض.
ومصليتيش الفرض دا وخرج وقته أو اتى وقت الصلاه التاليه تعملى اى ؟!
كتير مننا مش بتصلى الفرض اللى راح عليها وتقول هصليه بكره فنفس الوقت
يعنى هصليه ضهرين او عصرين او مغربين ودا غلط
لييه غلط ؟؟
لان " كفارة قضاء الصلاه الفائته " = هى صلاتها فور تذكرها
قال رسول الله صل الله عليه وسلم
" من نام عن صلاة أو نسيها فليصليها إذا ذكرها فإن ذلك وقتها "
قضاء الصلاة .. فذكر فإن الذكرى تنفع المؤمنين

اللهمَّ إني أحسنتُ بكَ الظَّن فاجبُرني ، ربي لا تدع لي أمراً إلا يسرته ولا حلماً إلا حققته ، ربي أنِر بصيرتي، وأرضني بقدري، وأحيني وأمتني مقبولًا مستوراً .

‏اللهُم حَقق لِي مَا أريد فأنت تعلم السر ومَا يَخفى ، اللهُم فَوضتُك امرّي كُله فَجمِله خَيراً بِما شِئت واجعلني يَارب مِمَن نَظرت فَرحِمته وَسمعت دُعائه فأجبته

لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ?

﴿رَبَّنا وَلا تُحَمِّلنا ما لا طاقَةَ لَنا بِهِ﴾

" ماما هو إحنا معندناش أكل عشان الدنيا غالية؟ "

من يوم ما ابني سابني وراح لحياته الأبدية عند ربنا وانا لوحدي.

انا اتجوزت صغيرة في السن ومخلفتش من زوجي غير ولد واحد وبعدين توفاه الله.. ابني كبر وبقى مهندس شاطر جدًا واشتغل في اكبر شركات الإستيراد والتصدير في السعودية، كان بيبعتلي كل اللي معاه وانا كنت بعمله مستقبله هنا.. كنت بعمل كل حاجة لوحدي!

أخويا بعد عني عشان مراته زهقت إنه بيجيلي دايمًا فقررت إني هبني لابني مستقبله بدون مساعدة حد.. وجه اليوم اللي بقى معايا فيه فلوس كتير وبيت كبير متشطب أحسن تشطيب.
ولما استنيت ابني ينزل عشان أخطبله جالي في كفنه.
من اليوم ده ونزيف قلبي لسه موقفش، جرحي كل يوم بيكبر وانا لوحدي وكنت متوقعة نهايتي، أكيد هموت على سريري ومحدش هيحس بيا لحد ما ريحة جسمي تطلع.

وفي يوم نزلت اشتري شوية حاجات وانا راجعة لاقيت بنت صغيرة قاعدة على الطريق بترسم أكل وفاكهة.. بصيت ليها بتعجب وقولت:
" قاعدة هنا لوحدك ليه؟ "
بصتلي بابتسامة بريئة وقامت شالت الأكياس من ايدي وقالت:
" عشان أوصلك، أكيد ربنا جابني هنا عشان أشيل عنك "

استغربت طريقة تحليلها للكلام.. حاسة إنها طفلة بس بعقل عواجيز وفي نص الطريق سابت الأكياس من إيديها ومشت ناحية القطة اللي واقفة عند كيس زبالة وقعدت فتحت الكيس وطلعت منه علب تونة حروفها حادة وحطتها في كيس لوحدها.. وبعدين حطت للقطة الأكل على جنب وطبطبت على راسها.. قربت منها وقولتلها بتعجب:
" انتي بتركزي في كل حاجة كدا؟ "

ضحكت وقالت: " لازم اعمل كدا "
رديت باستغراب وقولت: " لا طبعًا مش لازم، الواجب عليكي الصلاة والصوم والصدقة والزكاة والحاجات الأساسية، مش مطلوب منك تفكري في كل حاجة، لازم تركزي مع نفسك عشان متتعبيش "
غمضت عينيها وفكرت شوية وبعدين قالت بهدوء طفولي:
" صاحبتك جاية تزورك النهاردة "
استغربت كلامها وقولتلها " تزورني انا؟ "
ضحكت بصوت مسموع وقالت: " شوفتي فرحتي إزاي؟ "
مفهمتش كلامها وكأني كنت في مناظرة مع حد عاقل مش طفلة في ابتدائي وقعدت افكر في مقصدها فقطعت فضولي وقالت:
لو عندك صاحبة بتحبيها جدًا وبتحبي تحكي ليها كل حاجة وجات في يوم عملتلك زيارة هتحبيها أكتر صح؟
- صح طبعًا..
ولو ساعدتك بفلوس في ظروفك الصعبة ولما ظروفك اتحسنت وقررتي ترجعي ليها الفلوس رفضت تاخدها هتقولي عنها إيه؟
- هقول إنها أختي مش صاحبتي وهحبها أكتر من الأول.

إحنا كدا مع ربنا بس بطريقة مختلفة، إحنا هنتعاقب على الفروض ولو مساعدناش الناس ورحمنا الكائنات مش هنتعاقب عشان ده مش إجباري علينا، بس لو الرحمة زادت في قلوبنا وساعدنا غيرنا وبعدنا عنه الأذى ربنا هيحبنا أكتر وعشان كدا لازم نمشي على مبدأ..
«إحنا هنقرب من ربنا عشان بنحبه مش عشان خايفين من العذاب»

حسيت إن البنت دي خسارة تبعد عني، عرضت عليها تاخد أكل من معايا وطلعت ليها فلوس رفضت تاخدها برغم إن هدومها كانت مقطعة؟ فقررت أروح معاها بيتها واللي اكتشفته إن البنت كانت جعانة جدًا بس نفسها كانت عزيزة عليها ولما سألت أمها عن قعدة بنتها على الطريق لوحدها قالتلي:
" مكنش في بيتنا أكل ومعاش أبوها لسه منزلش، ولما جاعت قولتلها تروح تلعب ووعدتها إنها لما ترجع هتلاقي البيت مليان أكل، وقعدت أدعي ربنا وأهي البنت رجعت والأكل مجاش! "

الدموع نزلت من عيني زي المطر وقولت:
مين قالك كدا؟ الاكياس دي كلها اشتريتها عشان بنتك!

بس عاوزة أعرف الدعوة اللي دعيتي بيها كانت إيه؟
عيونها دمعت من الفرحة وقالت:
" اللهمَّ لا تكلني إلى نفسي طرفة عين أبدًا "

معنى الدعاء ده إيه؟
يعني يارب متسبنيش ولا لحظة، حتى اللحظة اللي هرمش فيها بعيني متسبنيش فيها عشان ملناش غيرك.

وأهو ربنا استجاب وهاخدك تشتغلي معايا في بيتي.

ولما المرض دق بابه عليا كتبت لأخويا نص أملاكي والنص التاني كان من نصيب البنت وأمها.. حسيته رزقهم!

" وقد يكافئك الله على لِين قلبك.. وقد يرزقك من العدم! " ❤?.

#عزة_العمروسي

تصحيح فهم بعض المصطلحات فى القرآن الكريم

" يذبحون أبناءكم و يستحيون نساءكم "

يستحيون = يغتصبون ❎

يستحيون = يبقونهن أحياء للخدمة ✅

" يسألونك ماذا ينفقون قل العفو "

العفو = الصفح و التجاوز ❎

العفو = ما فضل من المال و زاد عن الحاجة ✅

" ومن الناس من يشري نفسه ابتغاء مرضاة الله "

يشري = يشتري ❎
يشري = يبيع ✅

" فإن أرادا فصالاً عن تراض منهما و تشاور "

فصالاً = طلاقا ❎

فصالا = فطام الصبي ✅

" وأملي لهم إن كيدي متين "

أملي لهم = أقوم بإملائهم ❎

أملي لهم = أمهلهم ✅

" اقتلوا يوسف أو اطرحوه أرضاً "

اطرحوه أرضا = أوقعوه أرضا ❎

اطرحوه أرضا = ألقوه في أرض بعيدة ✅

" هي عصاي أتوكأ عليها و أهش بها على غنمي "

أهش بها على غنمي = التلويح بها على الغنم لزجرهم ❎

أهش بها على غنمي ... أضرب بها على الشجر لتتساقط أوراقها ليسهل على الغنم تناولها

اللهم علمنا ما ينفعنا وانفعنا بما علمتنا وزدنا علمًا
اللهم لا علم لنا إلا ما علمتنا إنك أنت العليم الحكيم.

- بالله عليكُم حد يلحقني، إبني بياخد نفسه بالعافية وهيضيع مِنّي.
وفي أقل مِن ثانية، صوت غريب جِه من بعيد بيقول:
- أنا دكتور يا أمي بس عندي شلل نِصفي وعاجز عن الحركة حد يشيلني يا جماعة بسرعة ويوديني عندها.
في الوقت ده كُنا راكبين طيارة بس لسه ماتحركِتش، رايحين رحلة طويلة أوي إتكتبت على كُل واحد فينا وسواء كان
بـِ رِضانا أو غصب عننا لازم نكملها للآخر.
وبالفعل شاب مِن اللي راكبين معانا وِقف بسرعة وشال الدكتور ووداه ناحية الإبن وبدأ يعالجُه لحد ما الطِفل فاق، ساعتها الأم مِن فرحتها قالت بدموع صادقة:
- يارب زي ما الدكتور ده ساعد إبني وخفف عني وجعي أرزُقه بأعلى درجات الجنة، وراضيه وإرضى عنه.

بعدها بلحظات الدكتور ده إتنقل مِن الدرجة اللي إحنا راكبين فيها للدرجة المُميزة في الطيارة.
ومرة واحدة لما واحد مِن الرُكاب عِرف بحاجة زي كدة، قام ووشه أحمر جدًا مِن الغضب وبص للسما وقال بكُل جبروت:
- ده ظُلم، هو مش أحسن مِنّي في حاجة، ليه تُرزقه هو وماتُرزقنيش أنا؟
أنا عاوز أنزِل من الطيارة دي وأعيش حياتي.
"جسمي بدأ يترعش مِن كلامُه واعتراضُه على رزق وحِكمة ربنا".
فـ وقفت وأنا ماسك العُكاز بتاعي وبصيت عليه وقُلت:
= الرحلة لسه طويلة يابني والصبر نهايتُه وصول، والدُنيا عايزة عزيمة وطريقها آخرُه نور.
" دموعه بدأت تِنزل وقال:
- بس أنا تعِبت يا حاج، حقيقي والله تعِبت، أنا زيي زي أي شاب بسيط، من يوم ما جِه الدُنيا وهو بيتقاله بُكرا تِكبر وترتاح والعُمر يسرقني كُل يوم عن التاني، وأنا بصبر وبعاند إتعلمت وضيعت سنين عُمري في السعي ورا حِلمي وإتقالي الشهادة بتاعتك مالهاش لازمة، سافرت وإتغربت وإتقالي هتفضل برضو شخص مالوش لازمة.
عارف يا حاج أنا لحد اللحظة اللي بكلمك فيها دي عُمري ما حسيت إني عايش ولا دوقت طعم الراحة اللي كانوا بيقولولي عنها دي لحد دلوقتي.
"ومرة واحدة صوت عياطُه غلب علي صوتُه وقال:
أنا خايف أموت قبل ما أدوقها.
"قربت مِنه وأخدتُه في حضني"
= استغفر لذنبك يابني مش دايمة، ولو دامت ماكانتش وصلتك، فانية وعمرها ما كانت للراحة، تِفتكر لو كانت زي ما أنت مُتخيل كان ربنا هيخلق الجنة!
ربنا بياخد مننا حاجة وبيديني مكانها حاجة تانية، زي الدكتور ده مثلا، أخد مِنه صحة، وإداله مكانة عالية بين الناس.
"وطبطبت على كِتفُه"
وأخد مِنك راحة بس كرمك بقلب أنا واثق إنه نضيف.

"بدأ يمسح في دموعه ويستغفر، وقعد مكانُه وهو راضي تمامًا عن كُل حاجة".

وبدأت أمشي بعيد عنه، ناحية الكابينة الخاصة بقيادة الطيارة، وفجأة لاقيته بينادي عليا وبيقول:
- سايبنا ورايح فين يا حاج؟
ابتسمت ورديت بصوت عالي:
= أنا الكابتن صابر، كابتن الطيارة ودي رحلتي.
" دخلت قعدت على الكُرسي اللي عن طريقُه هبدأ الرحلة دي ومسِكت المايك وبدأت أتكلم:
= أحب أعرفكُم بنفسي، أنا الحاجة اللي مالهاش وقت، والغفلة اللي عُمر ما كان ليها معاد، ساعة الصفر زي ما بيقولوا واللي لما بتيجي مابتتعوضش مرة تانية.
بالصبر هنوصل للجنة، بالرضا هتزيد درجتنا فيها، ذاكر كويس وإعمل اللي عليك علشان تِنجح في امتحان آخر العُمر، والطيارة دي رحلتنا اللي هنعيشها، مابين الدُنيا والوصول للآخرة، فـ اختار رِحلة تليق بيك وتتباهى بيها بين أهل الجنة.
"وفجأة سمعت صوت الشاب اللي كان معايا من شوية وهو بيقول بصوت عالي جدًا هز كُل حتة في الطيارة:
- أوعدك من اللحظة دي مش هعمل غير كُل حاجة صح توصلني لربنا وهو راضي عني.
بس بحق آيات رب العالمين، لتقول يا حاج أنت مين!

" دموعي بدأت تنزل وقُلت:
= أنا عُمرك يابني، فـ ماتضيعنيش على الفاضي.
وشغلت مُحركات الطيارة وبصيت للسما وقلبي راضي وكملت كلامي بصوت هادي:
"على السادة أصحاب القلوب الطاهرة ربط الأحزمة وعدم التفكير مُطلقًا فى الهبوط، سنبدأ الآن رحلة الوصول إلى الجنة وستدوم رِحلتنا سنين طويلة وتحديدًا حتىٰ الموت".

‏"لا يُكَلِّفُ اللَّهُ نَفْسًا إِلَّا وُسْعَهَا"

اللهُ لا يضع ثماراً على غصن
لا يستطيعُ حملها
كل مسؤولية ألقاها الله على عاتقك
أنتَ لها
كل معركة ألقاكَ في غمارها
أنت لها
كل ثغرٍ كلّفك حراسته
فهذا ثغرك فالزمه
كل هم وغم وحزن أصابك
أنت بحجمه وقادر على حمله
المصاعب والمصائب تقويك
فلا تترك موقعك??

‎#رسائل_من_القرآن