Қой құрсын, осымен каналдың негізгі бағытына оралайық. Арасында осылай фиқһты қойып, бағыттан ауытқып тұратыным баар енді, түсіністікпен қараңдар)

Шынайы оқиғаның куәсі ретінде, түннің бір тыныш сәтінде қаламым өздігінен қозғалғандай…

Жүрек – нәзік, ал оны алдау – үлкен опасыздық. Бір адамды үмітке байлап, кейіннен одан теріс айналу – көңілдің кілтін таптап, арды аяққа басу. Сенім артқан жүректі алдарқатып, өз пайдаңа жарату – рухани мүжілудің айқын көрінісі. Әркімнің сенімін жібектей иіп, ақыры суық сөзбен кесіп тастау – бұл дүниенің ауыр жүгін арқалаумен тең.

Өмірде бәрі өткінші: күлкі де, құшақ та, алдамшы жылы сөздер де. Бірақ адам баласының бір ғана қымбат аманаты бар – ол сенім. Оған қиянат жасасаң, бір күні сол сенімнің өзіңе қайтарымын көресің. Қолдағыдай көрінгенімен, адалдықсыз сезімдер уақытша ғана жалт етіп, қара түннің құшағына жұтылады. Өмірде адалдықтың жүзі жарқырайды, ал жалғандық ертеңгі күні өзіңді тасқа соғады.

Біреудің жүрегіне жалған үміт сеуіп, кейіннен сол үмітті өз қолыңмен қирату – адамгершіліктің азғындауы. Әрбір үміттің артында бір жанның тағдыры, бір жүректің арманы тұрғанын ұмытпа. Сен бүгін біреудің сенімін аяққа басып, жеңімпаздай сезінгеніңмен, ертең сол әрекетің үшін опық жеп қаларың сөзсіз.

Өмір – сынақ. Әрбір ойнақтап айтылған сөз, орынсыз берілген үміт – сенің жолыңда өз ізін қалдырады. Сеніммен ойнау – тікенмен өрілген жолға түскенмен бірдей. Әрбір қадам сайын сол тікендер жанды жаралайды, ал ең соңында сенің де жүрегің сол тікеннің ұшында қалуы ғажап емес…

Бұқара не айтпақ, қай жаманды көрмек – оның еркі, ал сенің еркіндігің – шынайылық.

Өзгелерге сен жайлы жаман ойлауға мүмкіндік бер.

Басымдағы азғантай миымда сансыз идеялар мен жоспарлар тоғысып жатыр. Бірақ, өкінішке қарай, оларды жүзеге асыруға қажетті мүмкіндік, қолдау жетпей жатады. Жан-жағыңда сені демеп, серпін беретін ешкім болмағанда, көтерген еңсең қайта түсіп, үмітің сөніп қалады. Кейде қолымда бар мүмкіндіктер болса, дүниенің игілігін пайдаланып, барлық күш-жігерімді салар едім деген ой келеді. Бірақ бұл ойдың шынайылығына күмәнім бар – мүмкін, бұл тек алдамшы арман шығар, кім білсін. Осындай сәттерде бәрін тастап, тек күнделікті тіршіліктің қамын ойлағың келеді. Дегенмен, алдыма қойған мақсатымды еске алып, қайтадан сабырға келемін. Жанымдағы бар күш-жігерімді жинап, алға қарай ұмтылудан танбаймын.

Өмірде қиындықтар мен кедергілер кездескенімен, алға қойған мақсаттар мен арманға деген ұмтылыс рухымды шыңдайды. Әрбір өткінші қиындық – адамды шынайы күшімен сынайтын, рухын бекітетін кезең. Қолдау болмаса да, сенім мен табандылық жолды жарықтандырады. Өмірдің шынайы мәні де осы – мақсатқа жету жолында күресіп, әрбір қиындықты жеңу. Тіпті, барлығы қарсы болғанда да, алдыңдағы жарық сәулеге қарап, өзіңе сеніммен, үмітпен жол табу – нағыз табандылықтың көрінісі.

Жан жылуын аңсаған жүректер Отбасылық өмірдің алтын діңгегі – ерлі-зайыптылар арасындағы өзара құрмет пен жауапкершілік. Алайда, кейде барлық жағдайы жасалып, махаббат пен мейірімге толы шаңырақтың ішінде де әйелдердің өз міндеттерінен бас тартып жататынын…

Жан жылуын аңсаған жүректер

Отбасылық өмірдің алтын діңгегі – ерлі-зайыптылар арасындағы өзара құрмет пен жауапкершілік. Алайда, кейде барлық жағдайы жасалып, махаббат пен мейірімге толы шаңырақтың ішінде де әйелдердің өз міндеттерінен бас тартып жататынын байқаймыз. Осындай жағдайларда әйелдің күйеуінің төсектегі ақысынан бас тартуы – отбасының берекесін шайқалтып, жылуын сөндіретін ауыр соққы болуы мүмкін.

Ер адам отбасының амандығы мен бақыты үшін күн-түн демей еңбек етіп, барлық қажеттіліктерді қамтамасыз етіп отырғанда, әйелінің мұндай әрекеті оның жүрегін жаралайды, оның көңілін мұздай суытады. Төсек қатынасы тек тәндік емес, рухани байланыс екенін ұмытпайық. Бұл байланыс – ерлі-зайыптылардың махаббатпен өрілген нәзік жібі. Әйел адам ерінің жан-дүниесіне терең бойлап, оның қажеттіліктеріне мейіріммен жауап бермесе, бұл жіп үзіліп, отбасының іргесі сөгілуі мүмкін.

Жаратқанның әйелге берген ерекше мәртебесі бар, бірақ бұл мәртебе жауапкершілікпен келетінін естен шығармау қажет. Ер азамат өзінің барлық парызын адал атқарып, әйеліне деген сүйіспеншілігін, қамқорлығын аямай отырғанда, әйелдің төсектегі міндетінен бас тартуы – әділетсіздік. Мұндай әрекет ерлі-зайыптылар арасындағы сүйіспеншіліктің шырағын өшіріп, отбасының жылуын жоғалтады.

Әйел адамға сеніп тапсырылған осы бір нәзік міндетті орындау – отбасының тыныштығын, махаббатын сақтаудың басты кепілі. Әйелдерге Алла Тағала тарапынан берілген осы бір қасиетті рөлді құрметтеу қажет. Ер азаматтың көңілін қалдырмау, оның жан дүниесіне мейіріммен қарау – әйелдің ең үлкен міндеті.

Махаббат пен сыйластық – бұл тек екі жанның ғана емес, бүкіл отбасының амандығы үшін қажет қасиеттер. Әйел өз рөлін адал атқарғанда ғана отбасында нағыз береке орнап, жылулық сақталады. Әйелдер өз ерлерінің жүрегін жараламай, оған деген сүйіспеншілігі мен қамқорлығын көрсетіп отырса, отбасының іргесі мықты, шаңырағы биік болмақ.

https://www.instagram.com/reel/C_I6eBYMeah/?igsh=YzR3NG9sOWVxbmJ2

Сот арқылы ажырасудың шариғи үкімі

**«Әйел ап, бала тудыру ақылды қажет етпейді. Күнделік құмар сезімді өрілгені үшін отпенен,
Шатастырып алдық, құдай-ау, бір туар махаббатпенен.

Нағыз қыран мәңгі ардақтап өтер болар өз көгін, Өзіңді-өзің ұмыта біл, бақыты үшін өзгенің»**
Мұхтар Шахан ағамыз осы шумақтарына қазіргі біздің қоғамдағы үйленсе де әлі өз жартысын таппаған, сырт көзге бақытты көрініп жүрген бақытсыздарды сидырғандай. Расында үйленіп артыңнан ұрпақ қалдыру үшін артық ақылдың керегі жоқ. Бұл кез келген адамның қолынан келетін іс. Үйленуді бақытты кезең деп алатын болсақ, бұл сезімді екі жақ бірдей сезіне білуге құқылы. Өзінің құндылығына, рухына сай келмейтін адамға тап болып, өзгенің бақыты үшін өзін құрбан етіп жүргендер қаншама бүгінде. Бақытсыздықтың басы — қате таңдауда! Сыртқы бейне — алдамшы.

"Қазақтың бірінің біріне қаскүнем болмағының, бірінің тілеуін бірі тілеспейтұғынының, рас сөзі аз болатұғынының, қызметке таласқыш болатұғынының, өздерінің жалқау болатұғынының себебі не?" - деп кемеңгер Абай атамыз күйіне сөйлеген. Бұл үшiнші қара сөзінен алынған үзінді. Қазаққа сыншы болған Құнанбайдың ұлы Ибраһимдей тұлғалар кемде-кем. Бір сөйлемге халқымыздың бар айыбын сыйғызып тұр.

Бірінші сөйлемге байланысты ой тарқатсақ. "Абай жолын" оқығандар болса, сондағы көптеген көрініс, орын алған жағдайлар бәрі-бәрі қазақтың ішінара қырқысуын, өз қазағына қырғидай тиген билеушілерді, ортақ мәмілеге келе алмаған атқамінерлерді сипаттайды. Тура сол сияқты тарих шежіреміздің алтын қазынасы "Көшпенділер" трилогиясында да бар қазақтың басын қосып, ел қылу Керей мен Жәнібекке аса бір қиын болғаны жайлы айтылады. Одан басқа да мысал жетерлік. Сондағы түсінетініміз қазақ қазаққа жау болып, бір-бірінің аңысын бағып, жығылған жерін тосып, аяқтан шалу - рухани дертіміз екен. Иә, оны мойындау керек. Бойыңдағы кемшілікті жою үшін, әуелі оның бар екенін қабылдау ләзім. Мінсіздей болып бәлсініп, бөсе беру елдік те, ерлік те емес.

Саясатпен айналысатын адам болмаған соң, мысалды кітаптан келтірдік. Бірақ осы дерттің күнімізге дейін жойылмағанын саясаткер болмай-ақ та білуге болады. Одан төмен түссек қатардағы қарапайым жұмысшының да өмірінен оның тасы өрге домалағанда, көре алмай, қастық жасағандар болғанын ести аламыз. Бірақ күнімізде оның бәрін жиыстырып қойғанда, діни сфераның өзінде осындай тартыс пен тіресулер болып жатқаны қынжылтады. Тіпті жаға ұстатарлық жағдай деуге де болады. Өйткені дінге қызмет ететін адамның ниеті мансап та, атақ та, дүние де емес еді ғой. Ниет, арман, мақсат бөлек болуы керек. Бұны не деп ақтауға болар екен?!

~~Құрбан айт осы айдың 17 нен басталады~~

16 МАУСЫМ – ҚҰРБАН АЙТ МЕРЕКЕСІНІҢ БІРІНШІ КҮНІ