لمن ترسم طريق حياتك مع زول معين،ويوعدك بإنه يكمل المشوار معاك,
وتبدأ تحدد شكل حياتك حيكون كيف❤
وفجأة;
تلقى القسمة إختارت زول غيرك عشان يحقق أحلامك،ويكمل مشوارك،ويسعد الكان مفروض يكون "زولك"
ولأنه مشاعرك كانت صآدقة حتتوجع،لكن حتقول "قسمة"
وعشان كدا:)
((من الأفضل إنه نفارق ناسنا بسبب أخطاء بدرت منهم،عشان نلقى فرصة نكرههم وما نتألم لفراقهم..
بس لمن تكون "القسمة" السبب .. ما حتلقى طرف يتعاتب لأنه القدر هنا كتب حروفه))

#حاجات_كدا❤️

من لطف الله بنا أنه أكرمنا بالعقل:)
فبفضله جروحنا تلتئم كلما تقدم بنا العمر،لأننا نصير أكثر نضجاً ووعياً...ونتعلم متى نتجاهل من يسئ إلينا ومتى نردُ بقوة، لأن عقولنا ترتقي بتفكيرها فنميزُ بين من يستحق أن نناقشه ومن لا يستحق حتى النظر إليه...لولا ذلك;
لصارت كلماتنا نُواحاً من شدة الألم،
ولثُقبت صدورنا بأقوال الناس،فهم لا يدركون كم تشابه إلسنتهم الرماح،وكلماتهم السهام.
ومن حب الله لنا أنه أكرمنا بنعمة النسيان:) ولولا ذلك أيضاً;
لتسببت ذاكرتنا بموتنا،حسرةً وندماً على ما مضى ولكن كثيراً ما تخوننا ذاكرتنا،ولغبائنا الشديد نعُد ذلك شراً ولكنه ما كان إلا رحمةً بنا وبقلوبنا فبعض المواقف إن خلدت في الذاكرة لما وسعتنا الأرض..ضيقاً..!
((ولذلك تجدُ الله دائماً ينجيك من الألم الذي قد يسببه لك الأخرون وإن خفي عنك ذلك،فهناك نوعٌ من الناس لا يملك أحدٍ سلطة عليهم..❤إلا ربي❤...
وأدرك جيداً أن التعامل مع البشر فنٌ لن يتقنه إلا من إستغاث بربه ليعينه على ذلك..))

Razaz?

سلام لأولئك الذين يستشعرون الوجع من نبرة اصواتنا سلامُ اليهم حتى يبلغ السلام منتهاه لهم مني خالص حبي وامتناني..

لا أشتهي أن أكون في القمة فيصيبني الغرور كما فعل بالكثيرين وأخسر أخرتي،ولكن أريد فقط أن أكون أفضل حالاً من "نفسي" قديماً..
لا أطلب من الأخرين أن يروني رائعة فغداً سنختلف وسيتغيرون عليًّ،بل أريد أن أبدو جميلة بنظر عينيّ فأنا فقط من لن يخذلها أبداً:)
لا أحب أن أتعلق بأحد فيرحل ..وتتوقف حياتي عند رحيله..
لا أتمنى أن أصادق الجميع،بل أريد صديقاً يُحبه الله فيقربني إليه أكثر..
لا أُلحٕ بطلب السعادة في الدنيا،فلعلي أعشقها وأنسى الله فينساني:(بل أريدُ أن أشعر بالإطمئنان دائماً.
#كن_بسيطاً_ترى_الجمال_في_كل_شئ
_❤️*❤️❤️❤️__________*

بنعتذر على الغياب الطويل..
#حاجات_كدا:)

For your best friend ?

الريد والحب(: وبيحصل إنه يتجسد في صورة زول يهواك ..ويقراك من غير ما تنطق حرف..
زول بتلقى في صدره آمان من كل مخاوفك وشوفته دواك من كل مواجعك..
وبجلسة معاهو تقدر تنسى ألم الفات والجاي..
وبيحصل إنه الزول دا ما #حبيب
بيحصل إنه الزول دا :) #حبيبة_وصديقة_تعادل_أخت

حلوة المحبة لمن تكون متبادلة بين طرفين..
وبيدوم فيها الإهتمام لو كان من الجانبين..
وبيعمر فيها الريد :)لو كان أصله محبة بدون مصالح ونية صافية ووقفة رجال وسط المواجع..ونزاهة حب بدون خيانة وكلمة #بوفي_ليك_ي_زول_وما_بسيبك_مهما_كانت_الظروف معاكساانا❤️..
سمحة الريدة المكتومة جواة ال❤️وشايلة جواها أكبر خجل،وبس منتظرة أنسب فرصة عشان تدق الباب وتطلب إيدك من وسط الأهل الحيصيرو نسب عزة وضهر??..
سمحة الريدة البدت بكيف أمورك??بالله كيف أصبحت من ألالام أمبارح???تصدق اليوم كان مسخان بلا مزاحك?!!
سمحة الريدة النهايتها زغرودة حلوة من أم حنونة مناها تشوف وليدها راجلاً إختار حبيبة?..
سمحة الريدة النهايتها بيت صغير يلم قلبين إختارو إنه دربهم يبقى 1..

سمحة الريدة البتخلي الزول يقيف وسط الخلق وينادي بأعلى حسه ي ناس دا زولاً إختاره القلب ..
مناي إنه يكمل معاي ومحال أسيب درب الريد مادام لقيته معاي?..

?