Ўзбекистон Республикаси Президентининг 2024 йил 15 ноябрдаги "Умумий ўрта таълим мактабларида мусиқа маданияти фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида" ги ПҚ-391-сон қарори қабул қилинди.
Қарорга кўра:

Ўқувчиларни мусиқа ва санъатга кенг жалб этиш ва уларнинг иқтидорини рўёбга чиқариш учун болалар мусиқа ва санъат мактаблари ҳамда умумий ўрта таълим мактаблари интеграциясини йўлга қўйиш мақсадида қуйидагилар умумий ўрта таълим мактабларида мусиқа маданияти фанини ривожлантиришнинг асосий вазифалари этиб белгиланди:

мусиқа маданияти фани ўқитувчилари учун ўқув қўлланмаларини ишлаб чиқиш;

**ўқитувчилар малакасини оширишнинг янги тартибини жорий этиш;

ўқитувчиларга малака тоифасини бериш механизмини қайта кўриб чиқиш;
мусиқа маданияти фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини йўлга қўйиш;**

маданият ва санъат йўналишидаги олий таълим муассасалари битирувчиларини мактабларга ишга қабул қилиш тизимини соддалаштириш.

Шунингдек, қарорга кўра 2025 йил 1 мартдан бошлаб мусиқа маданияти фани ўқитувчилари учун назария ва амалиёт уйғунлаштирилган ҳолда малака ошириш тизими йўлга қўйилиши, бунда малака ошириш таълим дастурининг назарий қисми А. Авлоний номидаги педагогик маҳорат миллий институти, Қорақалпоғистон Республикаси ва вилоятлар педагогик маҳорат марказларида, амалий қисми болалар мусиқа ва санъат мактабларида ташкил этилиши ва марказларга ишга қабул қилинадиган мусиқа маданияти фани ўқитувчилари меҳнатига соатбай асосда иш ҳақи тўланиши белгиланди.

2025 йилнинг 1 сентябридан бошлаб:
болалар мусиқа ва санъат мактабларининг белгиланган ўқув дастурларини тўлиқ якунлаган, 11-синфни тугатган умумий ўрта таълим тўғрисидаги шаҳодатномага эга бўлган битирувчиларга "Баркамол авлод" болалар мактабларида тўгарак раҳбари сифатида ишлаш ҳуқуқи берилади;
маданият ва санъат йўналишидаги олий таълим муассасаларининг ўқув дастури доирасида психология ва педагогика фанларини ўрганган мусиқа йўналиши битирувчиларига мактабларда мусиқа маданияти фанини ўқитишга руҳсат берилади.

Бунда мусиқа маданияти фани ўқитувчиларига миллий чолғу асбобларидан камида 1 тасини ижро этиш кўникмасига эга бўлиш талаби қўйилади.

Маданият ва санъат йўналишидаги олий таълим муассасалари битирувчиларининг битирув олди амалиёти келишув асосида мактабларда ташкил этилади.

Олий таълим, фан ва инновациялар вазирлиги, Мактабгача ва мактаб таълими вазирлиги, Маданият вазирлиги ҳамда Билим ва малакаларни баҳолаш агентлигига:

2025/2026 ўқув йилига қадар мусиқа маданияти фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини ишлаб чиқиш ва амалиётга жорий этиш чораларини кўриш;

2025/2026 ўқув йилидан бошлаб маданият йўналишида кадрлар тайёрлайдиган олий таълим муассасаларида психология ва педагогика фанларини ўқитиш амалиётини жорий қилиш вазифалари топширилди.

Маданият вазирлигига Мактабгача ва мактаб таълими вазирлиги билан ҳамкорликда 2025 йил 1 апредан бошлаб "Турон" мактаб театрининг ижобий тажрибаси асосида мактабларда "Иқтидор" бадиий ҳаваскорлик жамоаларини ташкил этиб, жамоалар ўртасида "Иқтидор мактаб ансамбли" республика танловини ўтказиш вазифаси юклатилди.

Бунда:
танлов ҳар йили миллий ва жаҳон мусиқаси йўналишлари бўйича мактабларнинг бадиий ҳаваскорлик жамоалари ўртасида ўтказилади;

танловнинг республика босқичи ғолиблари хорижий давлатларга таълим саёҳатига юборилади.

Мусиқа маданияти фани ўқитувчиларига малака тоифаларини бериш 2 босқичда амалга оширилади:

биринчи босқич-Мактабгача ва мактаб таълими вазирлиги томонидан ўтказиладиган тест синовлари;

иккинчи босқич-Маданият вазирлиги томонидан белгиланган болалар мусиқа ва санъат мактабларида ташкил этиладиган амалий(ижодий) имтиҳон.

@angrenmadaniyat

*🇺🇿 *QAROR IJROSI AMALDA

🇺🇿 Nomoddiy madaniy merosni har tomonlama muhofaza qilish, raqamlashtirish, targ‘ib qilish va saqlash vazifasi O‘zbekiston Respublikasi Prezidentining 2023-yil 25-dekabrdagi "Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida"gi PQ-405-sonli Qarorida keltirilgan ustuvor yo‘nalishlarda belgilab qo‘yilgan. Mazkur Qarorga ko‘ra nomoddiy madaniy meros namunalarini yozib olish va keng targ‘ib qilish, jumladan, internet va ijtimoiy tarmoqlarda e'lon qilish uchun 50 ta audiovizual asarlar yaratish vazifasi ham berilgan.

🔸O‘zbekiston Respublikasi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti jamoasi yuqoridagi topshiriqlar ijrosini amalga oshirish uchun mas'uliyat ila harakat qilmoqda. Xususan, nomoddiy madaniy meros namunalari aks etgan 50 ta audiovizual materiallar tayyorlanib, ICRICH'ning ijtimoiy tarmoqlardagi sahifalarida muntazam e'lon qilib borilmoqda:

⚡️Samarqand qog‘ozi
⚡️Yog‘och o‘ymakorligi
⚡️Ko‘pkari
⚡️Beshik yasash
⚡️Temirchilik
⚡️Dolg‘irotning tug‘ilishi
⚡️Alpomish dostoni
⚡️Davlatyorbek dostoni
⚡️Yedigey dostonidan
⚡️Arab Rayhon dostoni
⚡️Maqom nima?
⚡️Kulolchilik san'ati
⚡️Miniatyura nima?
⚡️Kelin salom marosimi
⚡️Kigiz va kigizchilik
⚡️Kandakorlik
⚡️Ganchkorlik san'ati
⚡️Gilamdo‘zlik san'ati
⚡️Dorbozlik san'ati
⚡️Katta ashula nima?
⚡️Zargarlik san'ati
⚡️Zardo‘zlik san'ati
⚡️Yedigey dostoni
⚡️Terma
⚡️Go‘ro‘g‘li dostoni (Xorazm)
⚡️Go‘ro‘g‘li dostoni (Surxondaryo)
⚡️Tandir yasash
⚡️Savat to‘qish san'ati
⚡️Sandiqsozlik san'ati
⚡️Qovun sayli
⚡️Popopchilik san'ati
⚡️Xorazm dostonchiligi
⚡️Samarqand dostonchiligi
⚡️Oshiq G‘arib dostoni

#qarorijrosiamalda #nomoddiymadaniymeros #icrich #audiovizualmateriallar #dayjest

*🎩 *ICRICHning ijtimoiy tarmoqlardagi sahifalari:*🌐Telegram *| *🌐Facebook *| *🌐 Instagram *| *🌐***YouTube

Алишер Навоий номидаги 1-сон шаҳар маданият маркази биносини таъмирлаш учун овоз беринг!

Азиз юртдошлар!

Сизнинг овозингиз билан шаҳримизда жойлашган Алишер Навоий номидаги 1-сон шаҳар маданият маркази биносини таъмирлаш имкониятига эга бўламиз!

Бу марказ шаҳримиз аҳолиси учун муҳим маданий майдон бўлиб, унда турли тадбирлар, концертлар, кўргазмалар, театр томошалари ўтказилади.  Аммо, айни пайтда ушбу бино таъмирлашга муҳтож бўлиб қолган.

"Ташаббусли бюджет" лойиҳаси орқали овоз бериб, биз биргаликда:

• Маданият маркази биносини замонавий талабларга мос равишда таъмирлашимиз мумкин.
• Шаҳримиз аҳолисининг маданий ҳаётини янада бойитишимиз мумкин.

Овоз бериш орқали сиз шаҳримиз маданий ривожига ҳиссангизни қўшасиз!

Овоз бериш учун:

• 2024 йилнинг 22 августидан 1 сентябригача бўлган муддатда ушбу ҳавола орқали https://openbudget.uz/boards/initiatives/initiative/48/77d9e8b2-6b39-453b-8241-d39b80942015 "Openbudget" платформасига ўтинг

• "Алишер Навоий номидаги 1-сон шаҳар маданият маркази биносини таъмирлаш" лойиҳасини топинг.

• "Овоз бериш" тугмасини босинг.

Овоз беринг!

@angrenmadaniyat