*⚡️*⚡️Магистратураға қосымша қабыллаў ушын рухсат берилди
📑 Мəмлекет комиссиясының тийисли протоколы менен 2024-2025-оқыў жылы ушын республикалық жоқары оқыў орынларының магистратура қəнигеликлерине қабыллаў процесинде талап дəрежесиндеги шет тили сертификатына ийе болып, қабыллаў квотасы шеңберинде студентликке усыныс етилмеген талабанларды жоқары оқыў орынлары тəрепинен белгиленетуғын базалық төлемли контракт муғдарының 2 есесинен артық болмаған муғдардағы төлемли контракт** тийкарында қабыллаўға рухсат берилди.

☑️ Қосымша қабыллаў тийкарында оқыў тилегин билдирген талабанлар тиккелей жоқары оқыў орнының қабыллаў комиссиясына мүрәжат етиўи соралады.

📤 Постты жақынларыңызға тарқатың.

*👩‍🏫 @bilimlendiriw_uz *— билимлендириў тараўына байланыслы әҳмийетли хабарлар

​👩‍💼 Мектеплерде педагоглардың кийиниў мәдениятына қойылатуғын талаплар бар ма?

🗂 Әдеп-икрамлылық қағыйдаларына бола, мектептиң педогикалық кеңеси тәрепинен руўхый-этикалық тәрбияға қайшы келмеген ҳалда оқытыўшылардың кийиниўине қойылатуғын талаплар белгилениўи мүмкин.

📑 Егер мектеп уставында оқытыўшылардың кийиниў мәдениятына болған талаплар белгиленбеген болса, төмендегилер усыныс етиледи:

🔹 еркеклер мәўсимге қарай — классикалық шалбар, костюм-шалбар (илажы барынша қара, басым көк реңдеги), көйлек (ақ, ашық көк), галстук, аяқ кийим (қара реңде болыўы усыныс етиледи) кийиўи, сақалы алынған болыўы;

🔹 ҳаяллар мәўсимге қарай — классикалық юбка, костюм-юбка (илажы барынша қара, басым көк реңдеги), ҳаўа температурасына қарай классикалық шалбар (илажы барынша қара, басым көк реңдеги), денени ашық көрсетип турмайтуғын жуқа болмаған кофта (ақ, ашық көк), көйлек, төмен өкшели ямаса өкшесиз аяқ кийим (қара реңде болыўы усыныс етиледи) кийиўи;

🔹 денесиниң ашық жерине татуировка түсирилмеген ямаса пирсинг исленбеген болыўы, шашы тәртипке келтирилген ҳәм жақты (биртүрли) реңлерге боялмаған болыўы;

🔹 қулақ ҳәм бармақлардан басқа денениң түрли жерлерине сырға ямаса металл буйымлар тағып жүрмеўи керек.

✅ @bilimlendiriw_uz — билимлендириў тараўына байланыслы әҳмийетли хабарлар

👨‍💻 «emaktab.uz»да оқыўшылардың қатнасын белгилеў бойынша еслетпе
⠀
S – себепсиз сабақта қатнаспады;
DQ – кеширимли себеп пенен сабақта қатнаспады;
K – кесел болғаны ушын сабақта қатнаспады;
KQ – сабаққа кешигип келди;
M – үзликсиз сабақ қалдырыў.

Пән оқытыўшылары тәрепинен қойылатуғын талаплар!
S – себепсиз сабақта қатнаспады;
KQ – сабаққа кешигип келди;

🧠 Еслеп қалыў аңсат болыўы ушын төмендегилерди усыныс етемиз:

N – белгисиз;
DQ – сабақ қалдырды;
K – кесел;
KQ – кеш қалды. (#)

➡️ Постты танысларыңызға тарқатың.

✅ @bilimlendiriw_uz — билимлендириў тараўына байланыслы әҳмийетли хабарлар

#сиз_ушын_пайдалы

❗️Тамшылатып суўғарыў арқалы көп шығынсыз, 20% артық өним аласыз

Видеодағы усыл арқалы жер майданыңыздың қурғап кетпеўин тәмийинлеп, турақлы түрде бирдей нормада ығалландыра аласыз. Сондай-ақ, 15-20% артығы менен де өним алсаңыз болады.

📹 Видеоны егинлерин көп суўғаратуғын танысларыңызға жиберип қойың.

📨 Постты жақынларыңызға тарқатың.
*🔹 @bilimlendiriw_uz *— билимлендириў тараўына байланыслы әҳмийетли хабарлар

❗️Оқыўшы сабақта оқытыўшыға ҳүрметсизлик қылса шара көриледи

Бунда ата-анаға Ҳәкимшилик жуўапкершилик ҳаққындағы кодекске тийкар жуўапкершилик шарасы қолланылады. Яғный, бул

- БЕМның бир есесинен бес есесине шекем муғдарда жәрийма салыўға себеп болады.

Бул жағдай тәкирарланса БЕМның бес есесинен он есесине шекем муғдарда жәрийма қолланылады.

📨 Постты жақынларыңызға тарқатың.
*🔹 @bilimlendiriw_uz *— билимлендириў тараўына байланыслы әҳмийетли хабарлар