الفراغ العاطفي علاقات الحب المبنية على اساس الفراغ العاطفي شنو سبب هذه الجوع العاطفي؟ اشوف ان محيطك والظروف هي محط هذه الفراغ ونرجع نكول المشاكل الي تمر بيها بالطفولة سواء عنف او تفكك اسري وعدم اهتمام اهلك الك ، النسبة الأكبر لسبب هذه المشكلة هم قلة وعي…

الفراغ العاطفي
علاقات الحب المبنية على اساس الفراغ العاطفي
شنو سبب هذه الجوع العاطفي؟
اشوف ان محيطك والظروف هي محط هذه الفراغ ونرجع نكول المشاكل الي تمر بيها بالطفولة سواء عنف او تفكك اسري وعدم اهتمام اهلك الك ، النسبة الأكبر لسبب هذه المشكلة هم قلة وعي الام والاب عن شلون انطي ابنائي الحب والاهتمام والمساحة الخاصة بان يعبر عن مشاعره واسمع له وأشوف له حل وإذا طبقنة هذه الشي راح يغني الاطفال بأن أنهم يدورون برا البيت عن مصدر يلبي هذه الرغبة (والرغبة هي اي شي ينحرم من الابناء جوا البيت راح تصير عنده رغبه يبحث عن مصدر ثاني يلبيها اله)
الطفل بالابتدائية مايهتم بالجانب الاجتماعي اكثر شي يهتم ب الالعاب بس لما يدخل مرحلة البلوغ فجأة راح يبدي يهتم بتكون علاقات بالإضافة إلى الشي الفاقده الي هو الجانب العاطفي الضعيف الي ماعرف يشاركه ويا احد ، هو رغم عنده علاقات عامة ويا الناس بس ما تعلم من الصغر شلون يطلع هذه الجانب ويا الناس وعندنا مجتمعياً خصوصاً للذكر مو طبيعي انك تكون عاطفي ويا الناس وتظهر هذه الجانب بدون ما تستحي أو تتردد وصعب عندنا الرجل يظهر هذه الجانب لرجل ثاني ف يظهره لاخواته أو أمه واذا بيئته ما سمحت يظهره الهم فما يكدر لاهو جبير ولا صغير يظهره لاحد (أساساً الرجل مايعرف ناقصه هذه الجانب🫠) أما الأنثى لمن تدخل مرحلة البلوغ تبدي تنتبه لاحتياجاتها العاطفية وتهتم بيها بالتالي تكوين علاقات بالنسبة للطرفين لسد احتياج الفراغ العاطفي
ومن هنا راح نشوف اغلب قصص الحب الوهمية والجذابة والقايمة على أساس وهمي وزائف
صار عندنا سوشيل ميديا واحد ارسل الها شكلك حلو (غريزة الرجل الجنسية البحته تدفعه يكلم بنات ومن سوالف الغزل) واخيراً تم الصيد (مصدر جيد لسد الاحتياجات العاطفية) ، الأنثى المحرومة من الحب وعندها نمط تعلق السائد في مجتمعنا هذه الانثى راح تحب خيال اي شخص ينطيها قطرة حب اهتمام كلام طيب والي يمشي الها خطوة راح تركض وراه الف خطوه تكون ضحية سهلة وما يحتاج للشخص يتعب ويصير ذكي حتى يحصل عليها وممكن يخدعها ويستغلها ومن نقطة الضعف هذه عرف بعض الذكور يسيطرون على النساء ويستغلونهم بعلاقات عاطفية تنتهي بالذكر يأخذ فوائد عاطفية ، نفسية، مادية ، جسدية ( والاغلب سالفة الصور المنتشرة بمجتمعنا) يخرج منها الذكر محصل كل مميزات الزوجة بدون ما يضطر يكون زوج ويتعب نفسه بالمقابل انثى مجروحة ، ضحية، مسلوبة من كل طاقتها، بالإضافة للتعلق
بالاخر هذه العلاقات ماتنتهي بزواج لان مابنيَ على باطل فهو باطل والنتيجة حرام وغير صحية

مواد سيئة - المطبخ

في وقتنا الحالي وبتقدم الزمن صار كثير من جوانب حياتنا اليومية فيها شوائب واكو هواي أسباب لكن هنا راح نحجي عن المخاطر والمواد اللي ضروري نبدلها بغيرها.

المواد المستخدمة في صنع ادوات الطهي:

1- التفلون: التفلون يكون مضر من يكون مصنع وية مادة كيميائية اسمها PFOA اللي ممكن تسبب سرطان لكن بعد 2013 ماكو ولا اداة مفروض بيها هاي المادة. طيب , واكو مصنعة وية مادة PTFE واللي اذا سخن الاداة بحرارة 260 سيليزي تسبب مرض اسمها فلاوزنا التفلون اعراضه ممكن تبقة 24 ساعة فقط. [1] ينصح الابتعاد عن التفلون لان ممكن الشقوق اللي تصير تسرب مواد الكيميائية ايضا للغذاء [2]

2- الالميوم: علساس تسبب الزهايمر لكن ذني مجرد اشاعات [3] [4]
حسب الدراسات ذني ينصح الالمينيون لكن ما ينصح من الاغذية التالية: قلي بيض, لحوميات, اطعمة مهدرجة.

3- الحديد الغير قابل للصدأ Stainless: هاي احسن وحدة متعددة الاستعمالات وممكن قلي هواي انواع اغذية بيها.

4- الغرانيت: حالة حال اي قلاية ثانية الاكل ميلزك . هم بيها  PTFE  التفلون , اسم الغرانيت مجرد دعائي.
ينصح بس تكون حذر حتى متسوي غدش بالقلاية

5- الحديد الصلب: هذا يتحمل اسوء الظروف وهو انسب واحد وصحي.
ينصح لكن اكو اغذية راح تلزك. [5]

6- السيراميك: حاله حال الغرانيت والطبقة الكيميائية اللي تخلي القلاية غير لزجة تزول اسرع.
يحتاج حذر بالغسل

7- الفولاذ الكربوني: بنفس مستوى الحديد الغير قابل للصدأ واحسن وية بعض الاغذية.
ينصح

الخلاصة: اذا القلاية بيها طبقة تمنع اللزوجة يعني تكون حذر بالغسل والطبخ عليها , اما الحديد الغير قابل للصدأ والفولاذ الكربوني يعتبرون ستاندراد في الطبخ الاحترافي اليومي والصحي.

8 - الصخر ? : اي الصخر جيب صخرة واطبخوا عليه من أسلافنا القدماء لكن ديربالاك ممكن يطك بوجهك اذا كان الصخرة قريبة من نهر , يعني صخرة بيهة رطوبة ابتعد عنه. لان مي موجود بداخلة ووية البخار الهائل بسبب الحرارة تطك.

--
#دراسات

‏من علامة النضج العميقة هو تصالح الإنسان مع كونه إنسان عادي ، يعرف بأنه قابل للرفض و التجاهل و في احيان كثيرة غير ملحوظ الوجود ، يهزم تضخم الانا و المقارنات ، مؤمن بأن تنافسه مع ذاته ، بأنه قابل للفشل والخوف والتردد ، يتقبلها حتى يتجاوزها ، ذلك التصالح هو تواضع لعمق الوعي بمفهوم بأننا محكومين بالمحدودية ، محدودية الفهم و الإدراك والقدرة ، ذلك النضج يمد لنا جسور التسامح والتفهم مع الآخر ، تساعدنا على التحرر من هيمنة الحقائق ، لا أحد يقر بأنه كائن عادي مالم قد خاض صراعات عميقة بين تناقضات تكوينة حتى استقر بأن التواضع لحقيقتنا هي من يحرره.

من المؤسفِ أن يُهَزَأَ بحزنِ الحسينِ بتحويله إلى مجردِ مناسبةٍ سطحيِّة و مظاهر زائفة. كيفَ يمكنُ لأولئكَ الذين يظنُّونَ أنَّ انتهاءَ مراسمِ الحزنِ يُبرِّرُ نشرَ الأغاني والاحتفالاتِ أن يُقَدِّرُوا عمقَ تضحيتهِ؟ الحسينُ لم يكن رمزًا لحزنٍ عابرٍ، بل كان تجسيدًا للثباتِ والشرفِ.

الفرحُ بعدَ الحزنِ ليس دليلًا على الوفاءِ، بل هو تجسيدٌ لجهلِ مغزى الرسالةِ التي حملها الحسينُ بدمائهِ.

غدا راح يكون يوم افضل - التأثيرات

طفولتنا نكدر نعتبره نصف العمر او حتى 60% من تكوين شخصية الفرد وتبقى اثاره ممكن للابد.

المنبوذ
من يكون الطفل مهمل والاهل غير مهتمين بالاشيا اللي يريده ويحبه وميحصل دعم بالاغلب هيجي نوع من يكبر يكون اكثر شخص داعم للناس بكل الاوقات وانه احتياجاتهم مو مهمة وحصولهم للحب مو ذاك المهم وراح يعانون من قدرتهم بالتعبير عن المشاعر.[1]

الاذى اللفظي
ممكن الطفل اللي يتعرض لهيجي نوع من اذى يتعرض لضعف مناعة وامكانية انه يتطور بيه امراض مثل الربو تزداد [2] ويقل ثقته بنفسه وممكن يسبب اكتئاب. [3] وقوة وتأثيره للطفل حاله حال الاذى الجسدي. [4]

كذلك ال PTSD او اضطراب ما بعد الصدمة الة امكانية اكبر انه يصير بالطفل اذا الطفل فكر كثيرا بالصدمة اللي تعرض الة. [5]

--
#دراسات