Кітап, қалам ұстатқан қолдарыма,
Падиша бар кеудемнің сол жағында.
Ол мені адастырмай өткізеді
Мына әлемнің сан түрлі жолдарында.

Пайда болса санамда сұрақ түрлі,
Келген сәтте басыма сынақ мұңды,
Шытынаған өзгеше бөліктерден
Ол ең дұрыс шешімді құрастырды.

Сабырлықпен бас дейді ашуыңды,
Құптамайды қиыннан қашуымды,
Білем дейді жақсы мен жаманды да,
Білем дейді ойларды жасырулы.

Ол билікті құрады рақымымен,
Мен оған бағынамын ақылыммен.
Әділет, нысап, ұят, мейірімге
Жүрек ылғи тұрады шақырумен.

"Таңдауың бар!"
Дейді ол жиі маған.
Маған деген өмірдің сыйын алам.
Сол тұсынан кеудемнің белгі келсе,
Сол қолыммен жанымның күйін жазам.

#теңізболамдегенде
© Бинұр

Ана бір сезім бар ғой:
Барлық экзамендер аяқталып, көңілің тоқ, чемодан жинаулы, бар мақсат сыйлық алып үйге кету.

Сондай жайлы, жағымды сезімді сессия аяқталған кезде ғана емес, басқа сәтте сезінуге бола ма? Мұқтажбын.

Тәуекел түбі жел қайық, өтерсің де кетесің.
Уайым түбі тұңғиық, батасың да кетесің.

Шыр айналып дүние құбылады,
Мен адасып көрмеп ем бұрын әлі.
Түзу жолдан тайдым ба,
Сұрағым көп,
Тұрмын әлі іздеумен Құбыланы.

Жалғыз аяқ жол қайда орналасқан?
Шуақ шашып тұратын жоғалды аспан.
Мені бәрі жатырқап қалғандай ма,
Мен келгенде жәндік те тұра қашқан.

Бағыт керек, жол керек маған дара.
Соқпақ керек салынған маған ғана.
Мен өзгенің ізімен жүрер болсам,
Сия төкпей қалады қалам қара.

Қай тарапқа бұрайын желкенімді,
Күтейін бе сағынып ертеңімді?
Тұманданып ештеңе көрінбейді,
Қалдырмады бұл тағдыр келте кімді.
#теңізболамдегенде

Группаластармен неге математикада екінші жыл оқып жатқанымызды ойлап, қайғырып аламыз да, ары қарай есеп шығара береміз.

1 есепке 1 сағат жұмсау✅

Көліктер ағылып жатыр. Мен де солардың бірін ішіндемін. Өзімнің "самозванец" екенімді айтып едім, енді ондай сезімнен қалай құтылуға болады деп ойланып келемін. Шыныда, бізде мүмкіндік де, таңдау да бар. Өзімізді өзімізге аманат етіп берген. Бар керегі - жақсы адам болғаның, не істесең де махаббатпен істеуің. Қиындатып жүрген біз.
Шай = терапия. Сырласу жанды емдейді, жараларды жазады.

Адамның қандай жоспары болса да, Оның одан да биік жоспары бар.

...сен аспанға қарадың ба бүгін бір?
- баяғы сол...
бұлт, деймісің – бұлыңғыр.
с-ә-әл анықтап қарасаң — сол биікте,
менің жерге қия алмаған мұңым жүр.

Жанна Елеусіз.

Әңгіме арасында уақыт жетпей жатқанын, үлгеру қиын боп жатқанын айтып отырмыз. Ұйқы жоқ. Апай:

Көтере алмайтын жүкті бермейді ғой.

Қараша, өтінемін, ызғарлы күніңмен жылу бер.