Creator : @DONATER_SHOXRUX
Garand ⚡ @DANATER_RAVSHANOV
Rek kere bo'sa @REKLAMA_FREFIRE ✅
Admin + Rekchi kk💛
Danater 💎 @Joxon_top
Stajlar 👇
https://t.me/+tGCPAfdmRXszNmFi
TEKSHRIIB ISH QILILA 🇺🇿
ALHAMDULILLAH ❤️
XAR KUN TURIK VA QIWI BOLAD 🩵
Last updated 1 month, 2 weeks ago
Ustoz Mahmud Usmon
Ijtimoiy tarmoqlardagi rasmiy sahifalarimizni kuzatib boring:
Taplink.cc/mahmud_usmon
Savol va takliflar uchun:
@mahmudusmon_aloqabot
Last updated 2 months ago
تاپشیرمیشام
گوللره تاپشیرمیشام
سن گلینجه کؤچمهسین
یئللره تاپشیرمیشام
یانینداندا کئچمهسین
باهارا تاپشیرمیشام
قیشدا گیرسین یوخونا
یوللارا تاپشیرمیشام
آشا-آشا داغلاردان
سنی او اوزاقلاردان
گتیرسینلر یاخینا
گؤیلره تاپشیرمیشام
آغ دون بیچسین گونونه
نئیلره تاپشیرمیشام
سون قویسون درد اونونه
گونشه تاپشیرمیشام
اویناسین اوتاغیندا
گولوشه تاپشیرمیشام
قایناسین دوداغیندا
سئللره تاپشیرمیشام
کؤرپونو دبرتمهسین
ایللره تاپشیرمیشام
نئچه کی بیز آیریییق
عؤمروموزدن اؤتمهسین.
من سنی تاپشیرمیشام
ائله اؤزوم اؤزومه
اؤزوم کؤچهری قوشام
ماهنیما تاپشیرمیشام
یاشاسین عوَضیمه
ماهنیما تاپشیرمیشام
کؤنلونو سحر-آخشام
اوخشاسین عوَضیمه
تاپشیراراق هامییا
تاپشیراراق هر شئیه
آدینی دؤنه-دؤنه
بیرجه کؤورک سئوگیمی
تاپشیریرام من سنه
آغا لاچینلی
@SheirOcagi
@Axaaq
هارای گئتدی دم الدن
قویماز منی غم الدن
گئتسه دونیالار گئتسین
گئتمهسین همدم الدن
@Axaaq
سنه اوخشاسین!
منه دانیشماق اؤیرت، سؤزوم سنه اوخشاسین
چؤرهییمین دادی اول، دوزوم سنه اوخشاسین!
منی بیر اویونا سال، چاشیم اؤزومدن چیخیم
اؤزومو سنده گؤروم، اؤزوم سنه اوخشاسین!
منی خاطرلایاجاق سنی گؤرن آداملار
ائیله بیر ایش گؤرموشم، ایزیم سنه اوخشاسین
سنه اوخشار بیر گلین، گئجه گلدی یوخوما
دئه نئجه بو یوخونو یوزوم، سنه اوخشاسین؟!
سنین کیمی ساریشین، سنین کیمی یاشیل گؤز
سئویرم گلهجکده، قیزیم سنه اوخشاسین
مهران عباسیان
@SheirOcagi
@Axaaq
Sariyo Başa
Səs:Siyamək -Siyam
@Axaaq
سؤزجوکلر چاتیشمازدیر
بو اوزدن سوسورام سنی...
وقار نعمت
@Axaaq
Alçak
Səs:Siyamək -siyam
@Axaaq
سهگاهیم
نیه بولبول کیمی ناله چکیرسن
آ منیم گؤزلری آغلار سهگاهیم
سنی سئونلرین اولماز قراری
آ منیم نیسگیللی داغلار سهگاهیم
بیر نازلی گلینسن قاشی یای کیمی
عؤمرومه وئریلن شیرین پای کیمی
سنین هر خاللارین جوشقون چای کیمی
منیم اورهییمده چاغلا سهگاهیم
روحوم نفسیمی ائلیندن آلیب
بولبول هوسیمی گولوندن آلیب
بیچاره"راسیم"ی الیندن آلیب
مئیلینی اؤزونه باغلار سهگاهیم
راسیم لهچهلی
@Axaaq
اسامی بچه حیوانات
ایت بالاسی:کوچوک
دوز بالاسی:جوققا
آیی بالاسی:دیغا
تولکو بالاسی:دوببه
پیشیک بالاسی:ماوری
سیچان بالاسی:پیسلیق
پورسو بالاسی:توپوق
دَله(سنجاب) بالاسی:چیتلیق
اوو(آهو) بالاسی:جویور
گوزن:جئیران
@Axaaq
عشقین صفینه کئچمیشم آللاها توکل
بیر نازلی نیگار سئچمیشم آللاها توکل
وصلین شرابین شوق ائله مستانه گؤزوندن
من خانه خراب ایچمیشم آللاها توکل
ترک ائیلهمیشم مسجدی میخانهیه گلدیم
هاردان هارا گؤر کؤچموشم آللاها توکل
بو یولدا باشا قوی کی نهلر گلسه ده گلسین
من زندگیدن کئچمیشم آللاها توکل
"فیکرت" کیمی مجنونلیق ائدیب لیلییه خاطیر
داغلارا داغا دوشموشم آللاها توکل
لطفعلی فیکرت
@Axaaq
پنبه داغ جنون ایچره نهاندیر بدنیم
بیری اولدوقجا لیباسیم بودور اؤلسم کفنیم
جانی جانان دیلهمیش وئرمهمک اولماز ای دیل!
نه نزاع ائیلهیهلیم او نه سنیندیر نه منیم
داش دَلر آهیم اوخو شهد لبین شهدیندن
نولا زنبور ائوینه بنزهسه بیت الحسنیم
طوق زنجیر جنون دایره دؤولتدیر
نه روا کیم منی اوندان چیخارا ضعف تنیم
بلبل غمزدهیم باغ و بهاریم سنسن
دهن و قد و رُخون غؤنچهوی سرو و سمنیم
عشق سرگشتهسیام سیل سرشک ایچره یئریم
بیر حبابم کی هوادان دولودور پیرهنیم
ائدهمم ترک "فضولی" سر کویون یارین
وطنیمیر، وطنیمدیر، وطنیمدیر وطنیم
حکیم ملا محمد فضولی
@Axaaq
Creator : @DONATER_SHOXRUX
Garand ⚡ @DANATER_RAVSHANOV
Rek kere bo'sa @REKLAMA_FREFIRE ✅
Admin + Rekchi kk💛
Danater 💎 @Joxon_top
Stajlar 👇
https://t.me/+tGCPAfdmRXszNmFi
TEKSHRIIB ISH QILILA 🇺🇿
ALHAMDULILLAH ❤️
XAR KUN TURIK VA QIWI BOLAD 🩵
Last updated 1 month, 2 weeks ago
Ustoz Mahmud Usmon
Ijtimoiy tarmoqlardagi rasmiy sahifalarimizni kuzatib boring:
Taplink.cc/mahmud_usmon
Savol va takliflar uchun:
@mahmudusmon_aloqabot
Last updated 2 months ago