Gedirəm Gedirəm
Səs:Afət Fərmanqizi
@Axaaq

پارالئل،              
جیزگی سالیر،                
اینتیظارلی-                  
باخیشلاریم.
ب
قاتار 
قاتار  
گلیشینه،
دورنالارين.

یوسفعلی گلدسته-قوجا موغانلی
@SheirOcagi
@Axaaq

Gözlərim Aydin
Səs:Ulviyye Nəmazova
@Axaaq

موسی یعقوب‌ون "بو دونیانین قارا داشی گؤیرمز" شعرینه نظیره

درین-درین دریالاردان درد درین
اَیه‌ بیلر دیزلرینی درد نرین
کسه بیلسه یوللارینی دردلرین
بو دونیانین قارا داشی گؤیه‌رر

تپه‌رینی طالعینه آچارسان
طیلسیملری کامالینله آچارسان
آغلار گؤزو گولدورمه‌یی باجارسان
بو دونیانین قارا داشی گؤیه‌رر

داغ باشیندا آرخا بیلیب قار قاری
زیروه‌لره یاخین قویماز باهاری
شاهمارلاردان سئچن اولسا شاهماری
بو دونیانین قارا داشی گؤیه‌رر

پونهان ایسماعیللی
@Axaaq

قاپامایین گؤزلریمی

واختلی-واخسیز بیر اؤلو‌م‌دور گله‌جک
بوغوب منی قاه-قاه چكیب گوله‌جک
آچیق قالان گؤزلریمسه گؤره‌جک
قاپامایین گؤزلریمی آماندیر

باخاجاغام یوردومون دان اوزونه
تاریخینده قورویان قان ایزینه
گؤزوم دؤنر بیر توفان دنیزینه
قاپامایین گؤزلریمی آماندیر

بیر جوت چیچک گؤزلریم‌دیر باخا‌جاق
ذیروه‌لره ایزلریم‌دیر چیخا‌جاق
بیر بولاغا قوشولا‌راق آخا‌جاق
قاپامایین گؤزلریمی آماندیر

اولدوزلارا قوشولا‌راق هر گئجه
دؤنه‌جک‌دیر گؤی اوزونده نرگیزه
آنا یوردوم گؤزل‌لییه سرگیسه
قاپامایین گؤزلریمی آماندیر

گوله-گوله قوووشاندا ایل،ایله
گؤره‌جه‌یم آراز آخیر گول ایله
ایمکان اولسا دوربین قویون قبریمه
قاپامایین گؤزلریمی آماندیر

نصرت کسمنلی
@SheirOcagi
@Axaaq

حیات نه قدر شیرین
حیات نئجه عزیزدیر‌
آرزوموز عملیمیز‌
حیاته‌ تؤحفه‌میزدیر‌

حیات سیناق مئیدانی‌
حیات ائنیش یوغوشدور‌
اینسان زیروه‌لر سئون
قارتال قانادی قوشدور‌

حیات آنا لایلاسی‌
تورپاغین شفقتی‌دیر
اینسانین‌ اینسانلارا
سونسوز محبتی‌دیر

حیات دؤیوش دئمک‌دیر
حیات امک باغی‌دیر
حیات سئون کسلرین‌
شیرین آرزولاری‌دیر

سؤز:مدینه گولگون
سس:پونهان ایسماعیللی
@Axaaq

دویغولارلا دولاشدیغیم گونلریم
بیر گون اولار حسرت اولار کؤنلومه
نه بیل ایدیم سنسیز کئچن گونلریم
بیر اوخ اولوب تاخیلاجاق عؤمرومه

سینا شعاعی راد-تک باشینا
@Axaaq

تانریلار
یاراتدیقلارینین
ییخیلیب دورماسیندان
لذذت آلیرلار دئیه؛
یئنیلمزلیگین یولو
یئنیلمه پیلله‌لریندن‌دیر.

غلامعلی حسین زاده-سیرداش موغانلی
@Axaaq

حسینه یئرلر آغلار...

سس و سؤز:استاد شهریار
آواز:سلیم مؤذن زاده
@Axaaq

تاپشیرمیشام

گول‌لره تاپشیرمیشام
سن گلینجه کؤچمه‌سین
یئل‌لره تاپشیرمیشام
یانیندان‌دا کئچمه‌سین

باهارا تاپشیرمیشام
قیشدا گیرسین یوخونا
یول‌لارا تاپشیرمیشام
آشا-آشا داغلاردان
سنی او اوزاقلاردان
گتیرسینلر یاخینا

گؤیلره تاپشیرمیشام
آغ دون بیچسین گونونه
نئیلره تاپشیرمیشام
سون قویسون درد اونونه

گونشه تاپشیرمیشام
اویناسین اوتاغیندا
گولوشه تاپشیرمیشام
قایناسین دوداغیندا

سئل‌لره تاپشیرمیشام
کؤرپونو دبرتمه‌سین
ایللره تاپشیرمیشام
نئچه کی بیز آیریییق
عؤمروموزدن اؤتمه‌سین.

من سنی تاپشیرمیشام
ائله اؤزوم اؤزومه
اؤزوم کؤچه‌ری قوشام
ماهنیما تاپشیرمیشام
یاشاسین عوَضیمه
ماهنیما تاپشیرمیشام
کؤنلونو سحر-آخشام
اوخشاسین عوَضیمه

تاپشیراراق هامییا
تاپشیراراق هر شئیه
آدینی دؤنه-دؤنه
بیرجه کؤورک سئوگیمی
تاپشیریرام من سنه

آغا لاچینلی
@SheirOcagi
@Axaaq