ህይወት አንድ ሆና አታውቅም ብዙ መልክ ነው ያላት ብዙ ባህሪ አላት ። ላንዱ ስትመች ላንዱ ደግሞ ትቆረቁራለች  ። እንድትመች ለማድረግ የግዴታ ጥረት ማድረግ ያስፈልጋል ምክንያቱም ለኔ አልሆነችም ብሎ ማማረር ደስታችንን ይቀንሰዋል አላማችንን ያሳንፋል  ። ምንም ባትመች አስቸጋሪው ጊዜ የነገ የስኬት ደረጃ ከፍ የሚያደርግ ፍሬ ነው  ። ስለዚህ ጥሩ እና ደስታ የተሞላውን መልኳን ለማየት ጥረት ከተስፋ ጋር ይዞ ለነገው ዛሬን መጣር ያስፈልጋል  ።

**➳➳➳ ሼር ያድርጉ!! ➢➢➢   

Telegram channel 👇👇👇
➱💚 https://t.me/Asresee ➱💛 https://t.me/Asresee ➱❤** https://t.me/Asresee

የነገረሽ የለም ?....

የነገረሽ የለም?.....
ንፋስ እንደገፋኝ መቀንጨሬን አይቶ ልብሴ እንደወፈረ ሰውነቴን በልጦ

የነገረሽ የለም ?......
ሲንቢሮ ፣ ቀጫጫው ፣ አርዲ ገለመሌ ቅፅል እንደሆኑኝ ፤ በመጣው በሄደው መሳቂያ እንደሆንኩኝ ።
የነገረሽ የለም ?.....
ዶፍ ሲጥል ዝናብ እንደሳተኝ ጠጠር እንዳስቀመጠኝ

የነገረሽ የለም ?.......
አፈቀረሽ ብለው ያ ከሲታ ያ ሲንቢሮ ፍቅርሽ እንጂ ያላከሳው ኑሮና ተፈጥሮ ። ሲሉ አልነገርኩሽም ?
ብቻ ነይ ወደኔ...... እንደ ልደት ቀኔ ...... እወፍራለሁ ፍቅርሽ ተጠግቶኝ ሲንቢሮ ተረስቶ ግብዳው ይሉኛል ሰውነቴ ታይቶ ።

ብቻ ነይ.... ነይ ወደኔ..........

**➳➳➳ ሼር ያድርጉ!! ➢➢➢   

Telegram channel 👇👇👇
➱💚 https://t.me/Asresee ➱💛 https://t.me/Asresee ➱❤** https://t.me/Asresee

❝ፍቅር አያልቅም ወረት አልባ ነው.. የወረት መጨረሻው ግን ቅርብ ነው። ፍቅር እንደወይን ነው ሲያድር ይበልጥ ጥኡም ይሆናል።***♥️***በእርጅናም ዘመን እንደ ልጅነት ያፍለቀልቃል.. በቃ ፍቅርን መነፅርህ አርገው.. ተነስ በእሱ እይ አትደክምም። ሰው ለፍቅር ሲበረታ የሌለውን አይቆጥርም.. ለሁሉም ነገር እይታ ፍቅር መነፅርህ ሲሆን ያለህ ነገር ይበዛል!!!❞

........💚💛❤️💚💛❤️...........
💚 t.me/Asresee 💚
💛 t.me/Asresee 💛
❤ t.me/Asresee ❤

👩‍ሴትነት!

✅ ሴትነት ሰው የመሆን ሁለንተናነት ነው። አንድ ሰው የሴትነትን ታላቅነት ካልተረዳ ገና #ሰው የመሆንን ሚስጢር አልተገነዘበም ማለት ነው። ምክንያቱም ሴት እናት ነች። እናት ደግሞ የማያልቅ ዘላለማዊ ፍቅርን በስስት የምትለግሰን #የፍቅርን ምንነት መገለጫ ናት። ታዲያ ከፍቅርና ፍቅርን ከማወቅ በላይ ምን ታላቅ የህይወት ሚስጢር ይኖራል? ምንም አይኖርም።

✍ ሌላው ታላቅ ከሚያደርጓት ነገሮች ደግሞ በህይወት ውስጥ አስቸጋሪ ሁኔታዎች ተጋፍጣ #በብልሃት እና #አሸናፊነት የምትወጣ ጠንካራ ፍጥረትነቷ ነው።

✅ ሩህሩህነትን ከአፍቃሪነት ጋር ታድላ የተፈጠረች ለወንድ የህይወቱ ማገር እና ምሶሶ ናት። ወንድ ያለ ሴት ሙሉነት እና የህይወት ጣእም የሌለው ያላለቀ የእግዜር ጅምር ስራ ነው።

✅ ሴት ልጅ ስቃይዋን እና ሃዘኗን መደበቅ ካስፈለጋት መከፋትዋን ሳታሳይ ደስተኛ በመምሰል ለምትወደው ሃሴትን መስጠት የምትችል ረቂቅ ፍጠረት ናት።

✍ ሴትነትን ሆነው ካላዩት በእርግጥ ስለ ሴትነት ሙሉ በሙሉ መናገር የሚቻለው አይኖርም። ረቂቅ እና የህይወት ጣእም ሚስጢር አድርጎ ከፈጠራት ፈጣሪ በስተቀር።

✅ ሴት ልጅ ከወንድ የጎን አጠንት ብትሰራም በህይወት ዘመኑ የጀርባ አጥንቱ ሆና ብርታትን እና ፀናትን የምትሰጠው “ሃይል” ናት። የታላላቅ ስኬቱ ጀንበር ሆና የምትፈነጥቅለት ነገር ግን ከእርሱ ልቃ የማትታይ የመድመቂያው ጮራ መፍለቂያ ናት።

✅ ሴት ልጅ ከልብ የመነጨ ክብር ይገባታል። ሴትን የሚያከበር ራሱን #የሚያከብር ነው። ሴትን የማያከብር ቢኖር የህይወትን ጣእም እና ፍቅርን ካለማወቁም በላይ ሰው የመሆን ብቃት የጎደለው ነው።

Join
💚@ t.me/Asresee
💛@ t.me/Asresee
❤@ t.me/Asresee

ሚስጥረኛ ሁን!
፨፨፨///////፨፨፨
በሆዳችሁ የያዛችሁትን፣ በልባችሁ ያዘላችሁትን፣ ውስጣችሁ የሚመላለሰውን ሚስጥራችሁን እስካልተናገራችሁት ድረስ ማን ያውቀዋል? እናንተና እግዚአብሔር አምላካችሁ ብቻ። የልብን ስብራት፣ የውስጥን ብሶትና ህመም ደጋግሞ ለሰው መናገሩ መፍትሔ ካላመጣ፣ የጉዳዩን ክብደት ካልቀነሰው፣ ይባሱንም መጠቋቆሚያና መዘባበቻ ካደረገን ለእራሳችን ሚስጥረኛ ብንሆንስ ምን እንጎዳለን? ሁሉ ቢነገር ሆድ ባዶ ይቀራል እንዲል ብሂሉ ስለራሳችሁ ማንም የማያውቀው ሚስጥር ሊኖር እንደሚገባ እወቁ። ማንም የሚዳፈራችሁ የሚያውቃችሁን ያክል ነው፤ ማንም ስማችሁን የሚያጠፋው ፊት በሰጣችሁት ልክ ነው። ልታይ ልታይ ባላችሁ ማግስት ደብቁኝ ደብቁኝ ማለቱ እንዳይመጣ ተጠንቀቁ። ማንም የሚያጠቃችሁ ሚስጥራችሁን ሲያውቅ ነው። አንዳንድ ጉዳዮች ከሚስጥርነትም አልፈው ለራስም ድጋሜ የሚነገሩ ላይሆኑ ይችላሉ።

አዎ! ጀግናዬ..! ሚስጥረኛ ሁን! ከራስህ ጋር ብቻ የምታወራው፣ አደባባይ የማይወጣ፣ ውስጥ ውስጡን የሚተገበር፣ እያደር ፍሬ የሚያፈራ፣ አንተ ብቻ የምትቀርፈው ጉዳይ ይኑርህ። አንዳንዶች ሲበዛ ግልፅ ናቸውና ስለነርሱ ህይወት ከባጣ እስከ ቆጡ የማያውቅ ሰው የለም። ህይወትህን የሚኖርልህ ማህበረሰቡ ሳይሆን እራስህ ነህ። የቤትህን በር በርግደህ ከፍተህ ሌባ ቢገባ ሌባውን ተጠያቂ ማድረግ አትችልም። ገመናህን በሙሉ በየቦታው እየዘረገፍክ ብትናቅና ብትገፋ ሌላውን አካል መውቀስ አትችልም። የግል ሚስጥርን አለመጠበቅ እራስን እንደመካድ ይቆጠራል፤ የቤትን ጉዳይ በየቦታው ቡና መጠጫ ማድረግ በፍቃደኝነት ጠላትን ወደ ቤት እንደመጥራት ይታያል። ሚስጥረኛ የምትሆነው ማንንም ልትጎዳ ወይም ማንንም ንቀህ አይደለም። ሚስጥረኛነትህ እራስህን ከአደጋ ለመጠበቅና የህይወትህን ደህንነት ለማረጋገጥ ነው።

አዎ! ማንም ምንም ይበልህ የራስህን ነገር ግን ለራስህ ብቻ ያዘው፣ ማንም እንዴትም ይጠይቅህ መናገር የሌለብህን የግል ጉዳይ ለማንም አትናገር። ህይወት የራሷ ሸክም አላት፣ ሚስጥርን ማባከን ከተጨመረባት ደግሞ ሸክሟ እጅግ ይጨምራል፣ ውስብስብነቷም ይባባሳል። ቀላል ህይወት ለመኖር አንደኛው የምታደርገው ነገር ብቻህን ማድረግ የሚገባህን ነገሮች ብቻህን ማድረግ ነው። ችግርህን ስትነግረው ሁሉም ሰው ጆሮ የሚሰጥህ የምርም ሊረዳህ እንዳልሆነ እወቅ። ግማሹ ያንተን ችግር ከራሱ ጋር እያነፃፀረ ይፅናናብሃል፣ ግማሹም ነገ በክፉ ቀን ስምህን ሊያጠፋበት ይጠቀመዋል። ምንን ሚስጥር አድርገህ ከራስህና ከፈጣሪ ጋር ማውራት እንዳለብህ እወቅ፤ ለሰዎች የምታጋራው ሃሳብም ምን እንደሚያስከትልብህ አስቀድመህ መርምር። ስታወራው እንደሚቀልህ ብቻ ሳይሆን ወሬው የሚያመጣውን የከፋ መዘዝም ለመቋቋም እራስህን አዘጋጅ።

**ውብ ምሽት ይሁንልን!!

.......✍️(Epha A.)

....Telegram channel 👇join👇
.....✍️ https://t.me/Asresee .....✍️ https://t.me/Asresee .....✍️** https://t.me/Asresee

💧ሲከፋህ መኖርህ ትርጉም ያጣ ይመስልሀል እንጂ ያንተ መኖር የሚያስፈልጋቸው ብዙ ሰዎች አሉ፤ ባዶነት ሁሉም ሰው ይሰማዋል ወሳኙ ነገር በዛው ቅፅበት ያንተ ወደዚህ አለም መምጣት ህይወታቸው ላይ አንድ ሀይል የሚጨምርላቸው ሰዎች አሉ።

🧤በፍፁም አላስፈልግም እንዳትል! ወዳጄ ታስፈልገናለህ! እህቴ ታስፈልጊናለሽ!

ደማቅ አመሻሽ ተመኘንላችሁ🙏
@Asresee
@Asresee
@Asresee

**እወድሻለሁ  አልኳት

<<አሁን ነው ትንሽ ያገገምኩት ፤ መሳቅ የጀመርኩት ፤ ብቻዬን መሆንን የለመድኩት ። አሁን ነው እንቅልፍ ሳልቸገር መተኛት የጀመርኩት ። አሁን ነው ሰበብ እያደረግኩ ፣ የሆነውን እያስታወስኩ መነፋረቅ ያቆምኩት ። >>

እኔ እኮ.. ..አቋረጠችኝለቁምነገር ነው የምፈልግሽ ...አከብርሻለሁ ... እወድሻለሁ ...እታመንሻለሁ... አልከዳሽም ....ልትለኝ ነው አይደል ? ሁሉንም ተብያለሁ ተወኝ ትንሽ ብቻዬን መሆንን ላጣጥመው ፤ ትንሽ ማገገሜ ይታወቀኝ ...ተወኝ >>

እሺ ...ግንእውነቴን ነው ብሎ እውነተኛም  አለ ፣ ኋላ ማየት ኋላ ያስቀርሻል ፣ ህይወት ወደፊትም ነው .....አሁንም አቋረጠቺኝ

<እሱንም ተብያለሁ......>> 

እሺ ..አልኳት**ከትላንቱ ጋ የተጣበቀን ሰው ነገን ማሳየት ከባድ ነው።

..............ምንጭ፦እንማር

.... https://t.me/Asresee.... https://t.me/Asresee.... https://t.me/Asresee

.......አንድ ቀን ተስፋ ነው..........

`ሲያውቀው እርቀቱን ደርሶ እንዳይመለስ
የሞት  መንገድ ደፍሮ ሲፈርድ በራሱ ነብስ

የሰው ልጅ በምድር አለም ስትሰብረው
አይዞህ ባይ ካላጣ በቃል የሚያክመው

ካልቸገረው በቀር ካልሆነበት ግዱ
በራስ አይወስንም በጁ አይሆንም ፍርዱ

አንዱ ሲያፊዝበት  ሌላው ሲያስረው በእዳ~~~~~**ወዳጅ ያረጋቸው ~~~~~ወላጅ የሚላቸው**ዘመድና አዝማድ  ሲሆንበት ባዳ
የኔ ባለው ሁሉ በክደት ሲከዳ
ለማይሰሙት ጆሮ መናገር ሲዳዳ**~~**አንደበቱን ታስሮ አትናገር ሲባል
ተማፅኖው ተቃሎ እንደ እቃ ሲጣል
ይሄኔ ነው ደፍሮ ሰው ከሞት ሚዋዋል**~~~~እንጂማ**የሰው ልጅ በምድር ምን መከራው ቢልቅ
ይኖራታል እንጂ ዛሬን በነገ ሲፍቅ
ራሱ ራሱን ጠልፎ አይችልም ሊወድቅ**~ ካልተገፋ በቀር**ሂድ ሚለው ከሌለ ተስፋውን ሚያጫርስ
ከማያውቀው ሀገር
መሄድ ባልተመኘ ከመቅረቱ ባይብስ**~**ያን ድቅድቅ ጨለማ ያንን ዙርያ ጥምጥም
ይወስደዋል እንጂ የማይመልስ ፍጥም
አዋሳጅ ከሌለ ሚሸኘው ከሌለ አይጓዝም ማንም**~እናም**አልሄድም አትሂድ ባንሄድ ይሻላል
ነገም ሌላ ቀን ነው
አንድ ቀን ተስፋ ነው ብርሀን ይሆናል`

.............Join..&..Share........
👇👇👇👇👇👇👇👇👇👇👇
.....✍️* t.me/Asresee *.....✍️* t.me/Asresee *.....✍️**** t.me/Asresee

➱ካላመንሽው ይቅርብሽ!
፨፨፨፨////////////፨፨፨፨
የእምነትን ወሳኝነት ለማወቅ ግዴታ በክህደት ጎዳና ማለፍ አይጠበቅብንም። ከማናምነው ሰው ጋር ወንዝ መሻገር አንችልም፤ ስለወደፊት ህይወታችን በእርግጠኝነት መናገር አንችልም፤ በእያንዳንዱ እንቅስቃሴያችን ከስጋት የፀዳ ጊዜን ማሳለፍ አንችልም፤ በፍፁም ተረጋግተን መኖር አንችልም። መታመን አለመታመን የእርሱ ጉዳይ ቢሆንም ማመን ግን ያንቺ ሃላፊነት ነው። ከማታምኚው ሰው ጋር ህይወት ለመምራት ማሰብ አውቆ እራስን ለህመም እንደማጋለጥ ነው። ባለማመንሽ ውስጥሽ በጥርጣሬ ይሞላል፤ በወጣ በገባ ቁጥር ትረበሺያለሽ፣ እያንዳንዱን እንቅስቃሴውን ማወቅ ትፈልጊያለሽ፣ ሁሉንም ተግባሩን እንዲያሳውቅሽ ትጠብቂያለሽ፣ ጭቅጭቅና ንዝንዝ የየለት ተግባርሽ ይሆናል። አለማመን ስሜትሽን ይጎዳል፤ ነፃነትሽን ይጋፋል፤ ህይወትሽን ያዝረከርከዋል፤ ሰላም ይነሳሻል፤ በእራስመተማመን ያሳጣሻል። በተጠራጠርሽ ቁጥር እራስሽን የመጫወቻ ሜዳ ታደርጊዋለሽ።

➱ ጀግኒት...!
ካላመንሽው ይቅርብሽ። ልብሽ ሳይፈቅድ አዕምሮሽ ብቻ ሊያሳምንሽ ቢጥር ዋጋ የለውም። ማንነትሽ ያልተቀበለውን፣ ከአንቺነትሽ ጋር ያልተስማማውን ሰው የህይወት ዘመን አጋር ለማድረግ መጣርሽ ትልቅ ዋጋ ሊያስከፍልሽ እንደሚችል እወቂ። የትኛውም ግንኙነት ያለመተማመን ግንኙነት ሊሆን አይችልም። ሁለት ነፍሳት የመዋደዳቸውና የመፈቃቀዳቸው ዋንኛ መሰረት መተማመናቸው ነው። ያንቺ ታማኝ መሆን ደግሞ የህይወት አጋርሽን እንድታምኚው ያደርግሻል። አብዛኛው ተጠራጣሪ ሰዎች ለእራሳቸው ታማኝ ያልሆኑ ሰዎች ናቸው። ስለዚህ መጠራጠር ስትጀምሪ በቅድሚያ የእራስሽን ታማኝነት በሚገባ አስተውዪ። ሰዎች ሁሉ እንደኛ ሰለሚመስሉን እራሳችን ላይ የምናየውን ክፍተት በእነርሱም ላይ መፈለግ እንጀምራለን። አንድ ነገር እወቂ፦ ያንቺ መጠራጠር፣ ያንቺ በሙሉ ልብ አጋርሽን አለማመን በእርግጥም እርሱን የማይታመን ሰው አያደርገውም። ለጥርጣሬ የሚያበቃሽ የትኛውም ምክንያት ቢኖርሽ አስቀድመሽ የእራስሽን ታማኝነት አጣሪ፣ በመቀጠልም በምክንያትሽ ላይ በግልፅ ለመነጋገር ጊዜ ውሰጂ።

➱ ጀግናዬ..!
የምታምነው የሚታመን ሰው ስላገኘህ ላይሆን ይችላል፤ በጭፍኑም ያየሀውን እንዳላየህ ሆነህ ላየሆን ይችላል። የምታምነው እምንት የግንኙነትህ ምሰሶ ንግግር ደግሞ ዋና መሰረቱ እንደሆነ ስለምታውቅ ነው። ያንተ ማመን የምታምነው ሰው ይበልጥ ታማኝ እንዲሆን ያደርገዋል። አንድ ሰው ሃላፊነት ሲጣልበትና እንዲሁ ሲተው የሚያሳየው እንቅስቃሴ አንድ አይደለም። ለእራስህ ታምነህ ሌላውን ማመን ስትችል ሰላማዊና የተረጋጋ ግንኙነት ይኖርሃል። ወንድነትህ መናገር ያለብህን በሰዓቱ ከመናገር እንዲያግድህ አትፍቀድ። የአጋርህን ውሎ ተከታትለህ መታመን አለመታመኗን ማረጋገጥ አትችልም፤ በጥርጣሬህም ነገሮችን ወዳልተፈለገ መንገድ መምራት አይኖርብህም። የምታምናት ለእራስህ ብለህ እንደሆነ ተረዳ። የመታመኑን ድርሻ ለእርሷ ተውላት፤ አንተም ማመን እስካለብህ እመናት። የታማኝነት ክፍተት ቢፈጠር እንኳን በግልፅነት መነጋገሩን የመጀመሪያ ምርጫህ አድርግ።
አስደሳች ቀን ይሁንልን!

➱ t.me/Asresee
➱ t.me/Asresee
➱ t.me/Asresee

አንዲት ማራኪ የዜን ታሪክ አለች…

ጎን ለጎን ያሉ ሁለት ቤተ መቅደሶች ነበሩ፡፡ የሁለቱ ቤተ መቅደሶች ካህናት ተጣልተዋል፡፡ አይነጋገሩም፡፡ ለነገሩ እነዚህን ካህናት ለማለት እንኳ ይከብዳል፡፡ የይስሙላ ካህናት ናቸው፡፡ ስለዚህም ተጣልተው እርስ በርስ አይነጋገሩም፡፡ ሁለቱም ቤተ መቅደሶች ደግሞ ሁለት የሚላላኩላቸው ትንንሽ ልጆች ነበሯቸው - ከገበያ አትክልቱን፣ ፍራፍሬውን ሌላ ሌላውን እንዲገዙ የሚልኳቸው እነዚህን ልጆች ነበር…

እናም ካህናቱ ተጣልተው የለ … እርስ በርስ አይነጋገሩም አይደል - ልጆቹንም እንዳትነጋገሩ ብለዋቸዋል፡፡

ልጆች ደግሞ ያው ልጆች ናቸው - ማውራት ይፈልጋሉ - ደግሞ የተከለከለ ነገር እንዴት እንደሚጥም…

ስለዚህም አንድ ቀን አንደኛው ልጅ ሌላኛውን ልጅ እንዲህ ሲል ጠየቀው፣ “ወዴት ነው የምትሄደው ?”

“ንፋሱ ወደ ወሰደኝ ቦታ” አለ ሁለተኛው ልጅ፡፡ እንግዲህ ይሄ ሁለተኛው ልጅ ቤተመቅደሱ ውስጥ መንፈሳዊ ክርክር ሲደረግ የሰማትን መመለሱ ነው…፡፡ ሥነ መለኮት ሲሰማ ስለሚውል በልጅነቱ ፈላስፋ ሆኗል…

የመጀመሪያው ልጅ የሚመልሰው ጠፋው፡፡ ምን ይበል ? ዝም አለ፡፡ ያልጠበቀው መልስ ነበራ፡፡

ተናደደ…

እናም ደግሞ ተፀፀተ - ‘መምህሬ ተው ሲለኝ ! እውነትም እነዚህ የሌላኛው ቤተ መቅደስ ሰዎች አደገኞች ናቸው፡፡ መጥፎዎች ናቸው፡፡ እኔ ‘ወዴት ነው የምትሄደው’ ብዬ ቀላል ጥያቄ ብጠይቀው እሱ የተራቀቀ ፍልስፍና ይመልስልኛል ?’

ልጁ ወደ ቤተ መቅደሱ ተመልሶ፣ “ትዕዛዝዎትን አፍርሼ አጥፍቻለሁ መምህር ሆይ …” አለ እናም የሆነውን ነገራቸው…

“ኦ … ይሄማ አይሆንም” አለ መምህሩ በንዴት፣ “ማሸነፍ አለብህ፡፡ እንዳሳፈርህ ማሰፈር አለብህ፡፡ መቼም ቢሆን ከእነሱ ጋር በክርክር ተሸንፈን አናውቅም፡፡ አንድም ጊዜ !!! ስለዚህም ነገ እዛው ቦታ ትጠብቀውና ‘ወዴት ነው የምትሄደው’ ትለዋለህ፡፡ እንደ ልማዱ ‘ንፋሱ ወደ ወሰደኝ ቦታ…’ ሲል፣ ‘ንፋሱ ባይነፍስስ… ምን ታመጣለህ ?’ ብለህ ታፋጥጠዋለህ”

ልጁ በጣም ተደሰተ፡፡ ነግቶ ብድሬን በመለስኩ ብሎ እንቅልፍ ባይኑ ሳይዞር አደረ፡፡ ለሊቱን ሙሉ እንዴት ብሎ እንደሚጠይቀውና እንደሚያሳፍረው ያጠናትንን ሲደጋግም አደረ፡፡

በቀጣዩ ቀን በጠዋት መንገድ ላይ ሆኖ ልጁን ይጠብቀው ጀመር፡፡
ልጁ ሲመጣ “ወዴት ነው የምትሄደው ?” ሲል ጠየቀው፡፡

“እግሬ ወደ ወሰደኝ ቦታ” አለ ልጁ፡፡

ያልተጠበቀ መልስ፡፡ አሁንም ልጁ የሚመልሰው አጥቶ እንደሞኝ ፈዝዞ ቀረ፡፡ ምክንያቱም ያጠናት መልስ አሁን ለዚህች ጥያቄ አትሰራማ…

‘ምን አይነት መጥፎ ሰዎች ናቸው ግን እነዚህ የዛኛው ቤተ መቅደስ ሰዎች’ አለ ልጁ፡፡ ወደ ቤተ መቅደስ ተመልሶ ለመምህሩ የሆነውን ሁሉ ነገረው፡፡

“ችግር የለውም፡፡ የፈለገ ቢሆን ማሸነፍ አለብን፡፡ እርግጥ እነሱ መሰሪዎች ናቸው፡፡ ቢሆንም በክርክር ተሸንፈን አናውቅማ፡፡ ስለዚህ መሸነፍ የለብህም፡፡ ነገ እዛው ቦታ ትጠብቀውና፣ ‘ወዴት ነው የምትሄደው’ ትለዋለህ፡፡ ‘እግሬ ወደ ወሰደኝ ቦታ…’ ሲልህ ወዲያው ቀበል አድርገህ ‘ሽባ ሆነህ ብትወለድስ ኖሮ … በምንህ ትሄዳለህ’ ትለዋለህ - አዎን እንዲያ ብለህ ታፋጥጠዋለህ” አለ መምህሩ፤ “እንጂ መሸነፍማ የለብህም”

በቀጣዩ ቀን እዛው ቦታ መጠበቅ ጀመረ፡፡

ልጁ ሲመጣ፣ “ወዴት ነው የምትሄደው ?” አለው፡፡
“ሰላጣ ለመግዛት ወደ ገበያ እየሄድኩ ነው” አለ ልጁ…

እሺ አሁን ልጁ ምን ይበል…

ሕይወት እንዲሀ ነች፡፡ ጥያቄ አዘጋጅተህ ስትመጣ እሷ ትቀይረዋለች፤ “ሰላጣ ልገዛ ወደ ገበያ እየሄድኩ ነው” ትልሃለች፡፡ የተዘጋጀ መልስ ለሕይወት አይረዳህም፡፡ የትላንት መልስ ለዛሬ ዋጋ የለውም፡፡

እያንዳንዱን ቅፅበት በጥልቀት እያየህ ለየቅፅበቱ ምላሽ ካልሰጠህ ከሕይወት ጋር ትተጣጣላችሁ፡፡ ቅፅበት በቅፅበት ኑር፡፡ የትላንት መረጃ እና እውቀት የዛሬን ሁነት እንዳታይ እንዳይከልልህ ተጠንቀቅ…

👉Share&Join👇👇
https://t.me/Asresee
https://t.me/Asresee
https://t.me/Asresee