اجمل قنوات التلجرام لنشر وتلحين القصائد الحسينية👇
https://t.me/+QYhwKvqAiD7e_b1P

اجمل قنوات التلجرام لنشر وتلحين القصائد الحسينية👇
https://t.me/+QYhwKvqAiD7e_b1P

جديد .... قصيدة ( هاذي يابويه الحياة )

لسان حال الامام علي (ع) في ليلة الجرح وهو يخاطب الحوراء زينب (ع)

●●●●●●●●●●●●●●●●

تنتظرني الزهره أُمچ الهه وشعندچ كلام

لو شفتهه راح اگلهه زينبچ تقره السلام

هاذي يابويه الحياة ... كل نهايتهه الممات

●●●●●●●●●●●●●●●●●

گربت بويه المنيه و الاجل اصبح قريب
السمه كلهه ملامح فرگه وملاگه الحبيب
من التراب وليه نرجع كل وجه لازم تريب
مات طه عگبه فاطم امري موشيءٍ عجيب

المنيه الليله ادري اختلف حتى النظام
ابن ملجم يالحبيبه لازم بأيده الحسام
طبرتي وكت الصلاة ... هاذي يابويه الحياة

●●●●●●●●●●●●●●●●●

چالحلم هالدنيا لحضه و لو خلص لازم نگوم
ماكو غَير الباري باقي وحده وجهه اليدوم
المنايه اگبالي تنعه والأجل حولي اليحوم
كلشي متغير اشوفه حتى وجهچ والرسوم

سابح ابدمي اردلچ بل النهايه والختام
والأمر يابويه حتمي يكره الضي الضلام
والشجاع البي ثبات ...هاذي يابويه الحياة

●●●●●●●●●●●●●●●●●

هذا وز الدار ينعي و ليلة الطبره الأكيد
اسمع املاك السماء تنادي حيدر ياشهيد
دمعچ بخدچ مردني حزنچ ايطول وبعيد
زينب اعله فراگي صبري باجر احزانچ تزيد

سامحيني لو جرحتچ ما يعوفوچ اللئام
انتي بت كوثر محمد همه ابناء الضلام
زينب اعليكم قساة ....هاذي يابويه الحياة

●●●●●●●●●●●●●●●●

باجر اهمومچ تحيرچ باجر اخوانچ تروح
عمرچ ايضيع بفگدهم ما الچ بس الجروح
الحسن بالسم منيته وعاشر احزانچ يلوح
عالنهر يوگع كفيلچ و السمه اعليكم تنوح

اشكبر يالحره صبرچ ياجفن الكم ينام
تحترك باجر خيمكم يحترك جنح اليمام
عالجمر تركض بنات ...هاذي يابويه الحياة

●●●●●●●●●●●●●●●●

ينسحك غالي محمد بالحوافر من يطيح
بويه يازينب اخيچ اسمه بالعرش الذبيح
حسين ياغصه عمرنه نلطم اعليه ونصيح
بالجنان يضل دمعنه يبقه لحسين ويسيح

ينتهي الطف بسبيكم والفرح لأهل الحرام
بالعوالي راس اخوتچ بالعبي حرك وسهام
تشرد اطفالچ حفاة ....هاذي يابويه الحياة

●●●●●●●●●●●●●●●●

الشاعر :
حيدر العمار الخزعلي

●●●●●●●●●●●●●●●●

لسان حال العقيلة

قصيدة : (فجر النوايب)
شهادة الامام علي (ع)
..............................

خُفه ذاك الفجر وشجايب اخبار
اخذ مني علي وريته إِلي اختار
وّي فَجة النور
حيدرنه مطبور

————————————-
————————————-

طلع فجر النوايب والملك صاح

هِوت كل الركائز والحمل طاح

گلت ربي دخيلك من هالصباح

أحس جايب منيه والأُبُو راح

آگليبي اليفور
حسيته مكسور
آشو فَجئه وأشاهد أظلم الدار
خُفه ذاك الفجر وشجايب اخبار

————————————-
————————————-

جِفل گلبي واناظر إِخوِتي ذوّل

يحملونه بحضنهم چنه مچتول

شفت لمن أجوني صدره مبلول

صُبغ دَمه لِحيته ودَمه عالطول

نص راسه محفور
و برگبته ايدور
من الألم ماينعرف اتغير اشصار
خُفه ذاك الفجر واشجايب اخبار

———————————-
———————————-

إِجت كل الأرامل وَّيه الأيتام

تنادي يا علي يا سيف الاسلام

عرفنه هالمسه من راعي اللثام

تره محد إجانه بهاي الأيام

يا نار الصدور
محنيه الِظهور
ويه الأرامل تننحب يابويه الزغار
خُفه ذاك الفجر و شجايب اخبار

———————————-
———————————-

علي بخير الليالي وادع الناس

حچه واخر كلامه وصه عباس

يخو زينب اريدك ترفع الراس

تره طفك يناطر وانته عفراس

يَوليدي منذور
للشده مذخور
لمن تطيح وتنذبح الحُره تحتار
خُفه ذاك الفجر وشجايب اخبار

———————————-
———————————-

اخذ كلشي برحيله الجفن شاب

علي ماريده عيدي وإِنتَ بِتراب

تره خلصت دنيتي والحجر ذاب

بقينه ابلايه فَيَک بين الِذياب

الراسه مَطبور
تاركني مَجبور
غفت عينه و تركنه و الدمع نار
خُفه ذاك الفجر وشجايب اخبار

———————————-
———————————-
أهدي ثواب وأجر هذا النص
الى روح والدتي رحمها الله
نسأل الله القبول
............
............

الشاعر : حيدر العمار الخزعلي

...........
.
.

قصيدة (ذو الفقارك)
.

لسان حال الحوراء زينب (ع) و سيف ذو الفقار
••••••••••••••••••••••••••••••••••••••

ذو لفقارك ....
اول يتيم بطيحتك يالحامي جارك
ذو لفقارك...
مثلي يحس بخلتك يالضلمه دارك

•••••••••••••••••••••

باقي يحن ليمنتك سيفك يغالي

اصرخ انادي انتحب اسمع حچالي

نَصلي عِمه* يابت علي بعد الجرالي

غِمدي لحد صاير ألي حيرني حالي

تچوي نارك...
ينعه يون بحسرتك شيطفي نارك
ذو لفقارك....
مثلي يحس بخلتك يالضلمه دارك

(*نَصلي عِمه - نصل السيف اصبح غير حاد وأعمى )

••••••••••••••••••••••

مثلي يتيم ومنكسر مثلي يعاني

سيفك يسولف عالغدر غادر زماني

شفته انطبر گال وشفت چفه جفاني

ما احتمل گلي واضن حيدر نساني

وَبمدارك ...
كل الحچي لمن حچه دار بمدارك
ذو لفقارك....
مثلي يحس بخلتك يالضلمه دارك

••••••••••••••••••••••••

گال بأُحد اسمي عِله فوك الهنادي

صوت الوحي لمن هتف بينه ينادي

بعد الفتى خايف انه من الاعادي

لا انسلب خل اندفن بيده مرادي

و ابجوارك....
وياه اريدن اندفن بويه بجوارك
ذو لفقارك....
مثلي يحس بخلتك يالضلمه دارك

•••••••••••••••••••••

زاد الألم من اسمعت و اكثر جرحني

خايف يضيع وينسلب سيفك شدهني

شنهو بعد بيه العمر وإلمن عفتني

وشراح اگول آبكربله يالضيعتني

بانتظارك....
ابقه اناطر بس تردلي و بانتظارك
ذو لفقارك...
مثلي يحس بخلتك يالضلمه دارك

•••••••••••••••••••••••••

ذايب دليلي ومهجتي حزنك سحني

كلشي يروح وينتهي والباقي حزني

بليلة قدر وياه أون لو تدري وّني

بچه السماء السابعه واسألهه عني

بأنكسارك....
عاش وعشت بعدك آون وبأنكسارك
ذو لفقارك....
مثلي يحس بخلتك يالضلمه دارك

****الشاعر:
حيدر العمارالخزعلي

.

مولد الحجه( عج)
ـــــــــــــــــــــــــــــــــــــــــــــــــــــــــــــــ

عجل الله ضهور المنتظر
مولدك عيد يسيد هالبشر

~~~~~~~~~~~

تُصفگ النوارس طارت بجنحهه
اتبيـن ابقدومك عَلـت بفـرحهـه
بَشرت لشواطي وبَّلغت صُبحهه
غـارت البـلابـُل وحُبك فضحهه
غردت ابـ هلهوله
واعرفت التگوله
المهدي مابي لوله
فدوه لأسمه وعينه
عجل الله ضهور المنتظر
مولدك عيد يسيد هالبشر

~~~~~~~~~~~

شمعة الليالي الضوه خيالك
الــورد تحيير دايـخ بجمالك
فتح ابفرحته بمولدك دعالك
ياهـلا يمهدي والفرح حِلالك
الـورد لـو تظهـر
ينگلب كله احمر
من الفرح يتفجر
تشوف الندى بخدينه
عجل الله ضهور المنتظر
مولدك عيد يسيد هالبشر

~~~~~~~~~~~

مولـدك يهيبـه رحمـه للبـريه
خاتم الامامه هاشمي الهويه
سيد الكـواكب سيـد الوطيه
سيد الروافـض جيتك هديه
انته حلم الوادم
واليعشگك خادم
هسه كونك قادم
كل الهلـه مهدينه
عجل الله ضهور المنتظر
مولدك عيد يسيد هالبشر

~~~~~~~~~~~

مبهر بجمالك گمره بالمسيه
چنك الصميده چنك الزچيه
منقـذ العوالـم منقـذ الرعيه
ننتظر قدومـك كـل مغربيه
جُمعه بعد الجُمعه
وانه شاعل شمعه
يمته صوتي تسمعه
وتظهر تمر بينه
عجل الله ضهور المنتظر
مولدك عيد يسيد هالبشر

~~~~~~~~~~~

فرقد الفواطم صاحب الحميه
تكـرم و تسامـح ايـدك سخيـه
تَشفـع بمقـامك تـدفـع الـرزيـه
نظرتك تَفضـل سيدي و عطيه
عيني فدوه لعينك
يمته توفي بدينك
تضهـر و لحسينك
تشفي جرح اسنينه
عجل الله ضهور المنتظر
مولدك عيد يسيد هالبشر

~~~~~~~~~~~

حيدر العمار الخزعلي
.

اجمل قنوات التلجرام لنشر وتلحين القصائد الحسينية👇
https://t.me/+QYhwKvqAiD7e_b1P

قصيدة ( باب المطالب)
شهادة الامام الكاظم عليه السلام
ـــــــــــــــــــــــــــــــــــــــــــــــــــــــــــــــ

باب الرحمه انته وخصك الله لناس
يا باب الحـوائج تبـرد بيك الانفاس
باب المطالب  ..  بابك يـ راهب

××××××××××××××××××××××××××

رحمه الباري ونزل موسى على اهل الارض
يسجد الكون اعله ايده من يصلي كل فرض
راهب الآل  ..  دمعه همال
راحه ماشاف بحياته والشمس عنه اختفت
وسفـه چفينـه السخيـه بـالحبـال اتچتفـت
حزنه چتال ... يمرد اجبال

نور الله اشيضمه نوره مضوي الافلاك
مـن تدخل حضرته يگلك اهـلاً و هـاك
باب المطالب  ..  بابك يـ راهب

××××××××××××××××××××××××××

سابـع انوار الإمامه ما يضم ضيـه السجن
تارس الدنيه بعطائه التارس عيونه الحزن
بالسجن غاب  .. ويحرس الباب
أبن شاهك والأراذل واحقر انواع البشر
منعـو الوادم تزوره و گلبه نصين انفطر
سجنه محراب  ..  والرمش شاب

محد يلفي يَّمه وماكو لسجنه خطار
منعو اهله منه صارت صعبه الأخبار
باب المطالب  ..  بابك يـ راهب

××××××××××××××××××××××××××

خلصت ايامه وحياته بالسجون المظلمه
ليله مخبوط ابـنهاره ماكو ضي ولا سمه
ضلمه وأغلال  ...  بيده واحبال
اگلت چفوفه السلاسل تَعبه ثگـل الوزن
جامد الدم برگبته وينعه للحـره و يوون
يذكر الحال  ..  بين الأنذال 

ضل لعمته ينعه يبچي بسجنه لحسين
مـن يذكـر مصابـه رأسـن تدمـع العيـن
باب المطالب  ..  بابك يـ راهب

××××××××××××××××××××××××××

ماكفاهم هاذه وضعه دسوو السم بحقد
رادو ايموت بحُفرته و ذابل اعليه الورد
عدهم احقاد  ..  من الاجداد
شالو الجثه النحيله اربعه لصوب الجسر
طلعت الشيعه تنادي سيدي وكت الظهر
اسد بغداد  ...  بيده اصفاد 

چن الزهره تنعه تمشي ويه الاحباب
و تنادي يموسى عادت لچمت الباب
باب المطالب  ..  بابك يـ راهب

××××××××××××××××××××××××××

ما محه الطاغوت ذكـره گُبته فوگ النجم
موسى لن باب الحوائج تسجد ابابه الزلم
تاخذ امراد  ..  منه العباد
العليل بصحنه يبره يفرج بجاهه العسر
الحوائج يمه سهله ينسه اليزوره الفقـر
بصحنه وفاد  ..  من البلاد

من تدخل تزوره تلگه بصحنه زوار
من كل الاماكن من أشكال الأقطار
باب المطالب  ..  بابك يـ راهب

××××××××××××××××××××××××××

حيدر العمار الخزعلي  .

.

جديد .. قصيدة ( دمعي سچاب )
شهادة موسى الكاظم (ع)

▪▪▪▪▪▪▪▪▪▪▪▪▪

دمعي سَچاب .... ينزل احمر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

الكريم الجازي صيته يختلف مچياله
موش بيده بحضنه ينطي كلمن اتعناله
يملي چفه وي شليله اليوصله هنياله
كاظم الغيظ اليگصده تختلف احواله
الحجر ناح .... ناح و تِفسر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

المريض الي يزوره ماتخيب اضنونه
الضرير بصحنه يرجع الضوه لعيونه
اليجور اعليه دهره حاجته مضمونه
يدخل اعليه ويحلفه بالبقت محزونه
بين الاشلاء ... تمشي تعثر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

حگي ألطم اعتنيله وانتحب لمصابه
الملايك كلهه وگفت تنتحب يم بابه
هذا ابو الروح الأبيه الگضه آبمحرابه
دمعتي بالخد تلالي و بالقلب سچابه
المهدي محتار ... وخده تّحفر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

مااجازي ساعه وحده بلسجن گضاهه
ليله يسأل عن نهاره والوحي يقراهه
الكاظمين الغيظ ايه وسيدي فحواهه
السجون اعليه تنحب والقيود آوياهه
ويه الازمان ... جرحه يكبر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

بالسجن غابت شمسنه وانعرف چتاله
من بعد سمه يوصي الحرس من شاله
عالجسر خلوو يگلهـم النعش بـأغلاله
رايد الوادم تشوف الكاظم بهـل حالـه
يبقه هارون .... هوه الابتر
والله لمصاب موسى ابنَ جعفر

•°•°•°•°•°•°•°•°•°•°•°•°•°•°•°•°•°•°•°•°

كلمات : حيدر العمار الخزعلي .

.