الي يحب يسحب نسخة يسويلي قائمة لمجموعتة ويرسلها الي حتى اجيبهة الكم 🤍

تحديات و وزاريات الاستاذ صارت جاهزة 🔥

https://t.me/+6TyKJjYkQx83N2M6

السلام عليكم اعتذر من الجميع
لم اتواصل معكم بسبب السفر
وعن قريب نتواصل
ونعود للماده بقوه ان شاء الله والهدف الحقيقي هو فهم الماده
واكيد اشتاقيت لتواجدي معكم

الي ماذكرته يدزلي @aborom

وحوش الدور الاول نريد بعد وحوش ب دور الثاني ?

اسئلة الامتحان الشامل دفعة 2024

سلام عليكم استاذي
من زمان جنت اريد ادز الك هل رساله بس مجانت عدي الشجاعه الكافيه اني ادزها اني جنت اتمنى ما اكون متواجده بالمحاضره الاخيره لان كلش ما احب لحضات الوداع ابدا مجنت اتوقع انو ممكن يجي يوم وبعد منحضر محاضراتك ولا نسمع نصائحك وسوالفك الحلوه واسلوبك الحلو بشرح الماده حرفيا جانت ايام ابد متنسي ولا راح تنسي هل ايام انت مجنت مجرد استاذ انت صرت النه اب واكثر من اب تعاملك ويانه وحنيتك عليه وخوفك علينه مثل خوف وحنيت الاب على اولاده اني ابد محنساك ولا انسه اي شي من نصائحك الي ولا راح انسه اي شي من اللي سويته الي وانت ساندتني ودعمتني بهواي اشياء وجنت ع طول تحفزني واني لو ما انت جان ماكدرت اكمل واوصل لهل مرحله ??واني تشجعت ادز هل رساله لان شفت احد الطلاب يشكرك على حسن تعاملك ويانه

سلام عليكم استاذ ودي اكولك كلام من القلب والله ❤️
كلش اكره ايام الوداع وماجنت اتمنى تقرب النهاية وننحرم من شوفتك بعد لكن كون واثق راح تكون دائماً بذكرياتي واذكرك بالخير بل واذكر كل نصايحك لغيري وكلاهم أبي استاذ عقيل قال ذلك جداً اشكرك على تعبك ويانة على كلامك على حرصك علينة وعلى الابوة الي شفتها منك فعلاً انت أب قبل لا صير مدرس وافخر بنفسي انو اني صرت يوم من اولادك ومثل ماوعدتك استاذ اذا تذكر مراح اخذلك بالوزاري وكون واثق من هذا الكلام

بيوم تگعدون ساعة ٤ الفجر وتستغربون شلون گعدتوا هيج وقت وحتة نعاس ماكو تگعد تراجع اخر مادة وانت تگلب اوراق كد ماضابط المادة تسد الكتاب تباوع ع الغلاف تبتسم وتباوع ع الساعة ٦ حيييل الوقت واكف تروح تحضر نفسك للامتحان اقلامك تمشط شعرك تبتسم بالمراية وتباوع ع طرف المرايا جدولك وانت حاط صح ع كل المواد الامتحنت بيهم طلع تتمشى للمدرسة وانت تشوف الشارع هدوء وماكو بشر يعني بس انت التعبت واليوم اخر يوم تعب الك تدخل المدرسة تروح تمتحن تشوف الاسئلة سهلة تبدي تحل وانت فرحان اخر سؤال كملتة بديت تراجع مرة مرتين ثلاثة اربعة سديت الدفتر وضليت صافن الكل مكملين بس ليش كاعدين تبتسم ومتردد حتة تسلم الدفتر ترجع تراجع اخير شي تغمض عينك ودكول اني سويت العلية وبهمة وإبتسامة " استاذ اني كملت وتسلم الدفتر وكل الي بالقاعة يبدون يطلعون وياك تطلع تشوف اصدقاءك متفاجئين بدال مايناقشون اجوبتهم كالعادة بعد كل امتحان تلكي واحد يحضن الثاني ويكول للثاني جانت تجربتي وياك حلوة وتاخذون صور واكيد التعب الي ع تفاصيلكم تاخذون صورة توثقون بيهه اخر يوم اخر محطة تعب ترجعون لبيوتكم ماتشتهون اكل راسا تتمدد وتضل صافن معقولة السادس خلص ؟ تدمع عيونك وانت تذكر كل لحظة تعب تعبت بيهه وكل سهرك وتذكر المادة وتحن الهه
بعد فترة تبدي تحلم بالنتائج احيانا تحلم انك راسب واحيانا طالع الاول ع العراق توتر هالايام حتكون اصعب من السادس حرفياً
تبدي القنوات التافهه تنشر روابط وانت مثل المجنون كل شوية عبالك النتائج طلعت الما تطك روحك وتبجي وتخاف ودكلهم حنام واصلا انت منايم بعدهه تظهر النتائج تلاحظ اطرافك ترجف تحس دم بجسمك ماكو تشوف اهلك شكد خايفين وتخاف لاتخذلهم تذكر الشماتة وتخاف يشمتون بدرجاتك تبدي تبجي وتعوفهم يطلعون درجتك وانت تنتظر وتنتظر وطكك اصابيعك وماكو عاد يدخلون ع الرابط وانت صبر ماكو يدخلون ع مدرستك ينتظرون الصفحة تحمل انت من اللاوعي تسحب الجهاز وتشوف نفسك فلان الفلاني ناجح معدل .... البالك حققت حلمي نبضات كلبك تدك واهلك خايفين وينتظروك تحجي وانت انعقد لسانك ياخذون الجهاز يشوفوك حققت التريدة تبدي الهوسة والهلاهل والچكليت وانت تبجي معرف تضحك مشاعر مخربطة تتذكر شكد تعبت والله حققلك حلمك هاي احلا لحظة بكل حياتك اللحظة هاي انتظرتها ١٢ سنة ! حققت حلمك
أدو واجبكم وحققو احلامكم لتسمحون لهذا وذاك يگول عليكم حجي مو زين
وبالتوفيق??