ژوند د سیند د څپو په څېر دی، چې هره شېبه یې بڼه بدلېږي. هر څه چې نن درسره دي، سبا د یوې هسکې څپې په شان لرې وړل کېږي. د ژوند تر ټولو بده برخه دا نه ده چې وخت تېرېږي، بلکې دا ده چې هېڅ شی تر اخېره نه پاتې کېږي—نه خوښي، نه غم، نه خلک، نه حال، نه خیال.

یوه ورځ به د تودو خاطرو لمبې سړې شي، د زړونو نږدې والی به د تقدیر په لارو کې ورک شي، او د امیدونو زرینې شمعې به د برخلیک باد ته تسلیم شي. هره خندا، هره ژړا، هره ژمنه، هر انتظار—ټول د وخت په خړو اوبو کې لاهو کېږي.

خو که ژور فکر وکړو، همدا ناپایداري د ژوند تر ټولو ستر هنر دی. که هر څه تلپاتې وای، نو ارزښت به یې نه و. که شېبې تل پاتې وای، نو د وخت سحر به له منځه تللی وای. نو راځئ، چې دا بې ثباتي د یوې ښکلي نغمې غوندې واورو، د باد په څېر یې احساس کړو، او د لمر وړانګو غوندې یې له ګوتو تېریدو ته وګورو—ځکه چې همدا د ژوند هنر دی!

د انسان ذهن، کله چې د نړۍ په بېلابېلو اړخونو کې غرق شي، د پوهې د سمندر له ژورو سره مخ کیږي. هره پېښه، هر حقیقت، هره ستونزه د هغه په ذهن کې لکه څپې راټوکېږي، چې ورو ورو یې زړه ته خفګان او کړاوونه ورکوي. څومره چې انسان د نړۍ په پیچلتیاوو پوهیږي، هغومره یې داخلي ارامش له لاسه ځي او د فکرو په ویر کې ورک شي.

خو، په حقیقت کې، خفګان یوازې د پوهې لومړنی اثر دی. هغه پوهه چې کله انسان ته د حقیقت په ژورو کې ځلانده رڼا ومومي، بیا هغه ته د داخلي سکون او ژوند حقیقي ښکلا ته لاره پرانیزي. د پوهې په لاره کې د خفګان سره مخامخ کېدل، د انسان په روح کې د نوي روښانه لمر ټوټه ګڼل کیږي.

افغان نجونې او د زده کړو فرصتونه
په دې ټول پوهیږو چې د یوه هیواد د پرمختګ، سوکالۍ او پر ځان بسیا کیدو لپاره اړین او بنسټیز شرط عصري زده کړې دي. عصري زده کړو ته زمینه مساعدول د دولتونو او حکومتونو مکلفیت دی؛ د حکومت بنیادي مسؤلیت دا وي چې ملت او رعیت ته به خدمات وړاندې کوي او په دې سره به د حکومتونو او ملتونو ترمنځ همکاري په وجود کې راځي.
د نجونو زده کړې یوه حیاتي موضوع او زمونږ د نسلونو مسله ده، باید ورته زیاته پاملرنه وشي.
په هر نوم او بهانه د نجونو د عصري زده کړو مخه نیول، ځنډول او یا خنډونه جوړول د وطن، خاورې او حکومت په ګټه نه وو او نه دي.
غوښتنې او حل لارې:
الف)د شته حکومت له مشرانو احترامانه غوښتنه کوو چې د نجونو زده کوونکو پر مخ د پوهنتونونو، انستیتیوتونو او ښوونځیو دروازې خلاصې کړئ، هر ډول شرایط چې تاسو یې یادوئ او د مساعدولو ژمنه یې کوئ، له وسه مو پوره ده. که له قاطعیت کار واخلئ نو کولای شئ دغه چاره په یوه اوونۍ کې ممکنه کړئ. نو لطفاً راوړاندې شئ او د ملت غوښتنو ته لبیک ووایئ او خلکو ته دا احساس ورکړئ چې مونږ یو ځواب ویونکی حکومت یو او د خلکو هره مشروع غوښتنه زمونږ د حکومت په اډانه کې منل کیدلی شي.
ب)د قومي مشرانو او دیني عالمانو رول بیخي زیات مهم دی او دا ددوی فرض جوړېږي چې له حکومت سره په احسنه طریقه یو ډیالوګ رامنځته کړي او د شته ستونزو د حل په موخه اغیزمن فعالیتونه ترسره کړي.
ج)د اسلامي امارت زیاته برخه چارواکي ظاهراً داسې ښکاري چې د نجونو د زده کړو ملاتړي دي؛ هغوی دې هم لاس تر زنې نه کښیني او خپلو مشرانو ته دې قناعت ورکړي تر څو ولس او حکومت سره زیات نږدې شي.
مونږ د حکومت په مشرانو غږ کوو چې د بل له محتاجۍ د ځان خلاصولو یواځینۍ لاره علم دی نو مهرباني وکړئ راځئ چې پیل یې کړو.

‏کانال ✒️PasoonBookClub? را در واتساپ دنبال کنید: https://whatsapp.com/channel/0029VazDMobLo4hbIjRH0k3d

زه به درته خپل دردونه ووایم
راشه ددي ستړي ژوند لیکوال مي شه.

محبت يواځي په ژوندي زړه کې پيدا کيږي او د زړه ژوندون د نفس په مرګ سره کيږي. نور خلگ دي د محبت لاپي نه وهي.?****

کله چې خپل نعمتونه شمېرم، په تا دوه ځلې شکر کاږم.?****

زه به د ځان غوندې بدنامه چیرته ولټوم
دلته خو ټول د فرښتو نه هم سپېځلي ګرځي.

خپله نیمګړی ځای مو د نورو په غولول مه ډکوئ!

که مې د ژوند کیسې شروع کړې
دا ناست ولاړ خلک به ټول په ژاړه کړمه#ټپه