"ကဗျာမရေးခင်"

ကဗျာ မရေးခင်
ရေမိုးချိုး ကိုယ်လက်သန့်စင် ရမလား
ကဗျာ မရေးခင်
ခေါင်းလျှော်ပြီး နှုတ်ခမ်းမွေး မုတ်ဆိတ်မွေး ရိတ်ရမလား
ကဗျာ မရေးခင်
အိမ်သာထဲ ခဏဝင်ထိုင်ရင် ကောင်းမလား
ကဗျာ မရေးခင်
သေပြေးရှင်ပြေး ပြေးခဲ့ဖူးသလား
ကဗျာ မရေးခင်
စားပွဲပေါ်မှာ နှင်းဆီပွင့်လှလှနဲ့ ပန်းအိုး ပြင်ထားရမလား
ကဗျာ မရေးခင်
စာရွက်နှင့် ဘောလ်ပင် အသင့်ပြင်
ကဗျာ မရေးခင်
ကျန်းမာရေး လေ့ကျင့်ခန်း လုပ်ချင်လုပ်
ကဗျာ မရေးခင်
သူများအတင်း တုတ်ချင်တုတ်
ကဗျာ မရေးခင်
ဆေးလိပ် ဖွာချင်ဖွာ ၊ ယမကာ သောက်ချင်သောက်
ကဗျာ မရေးခင်
လောကသုံးပါးကို ဆင်ခြင်
ကဗျာ မရေးခင်
အာရုံခြောက်ပါးကို အသင့်ပြင်
ကဗျာ မရေးခင်
အမျိုးသမီး တစ်ယောက်ကို စိတ်ထဲမှာမြင်
ကဗျာ မရေးခင်
ကာမဂုဏ်ကို ပိုခုံမင်
ဘဝတဏှာကို ပိုယုံချင်
ကဗျာ မရေးခင်
ကိုယ့်ကိုယ်ကိုယ် သရဏဂုံတင်
ကဗျာ မရေးခင်
စိတ်ထဲမှာ ဟင်းလင်းပြင်
ကဗျာ မရေးခင်
အာရုံမှာ တစပြင်
ကဗျာ မရေးခင်
အရင် ရေးခဲ့တဲ့ ကဗျာတွေကို သံယောဇဉ်ကို ဖြတ်ရမယ်
ကဗျာ မရေးခင်
‘ ကဗျာဟာ အသက်ဝင်နေတဲ့ အနုပညာ ’ ဆိုတဲ့
သတင်း ဝင်လာတယ်
ကဗျာ မရေးခင် . . .
ကဗျာ မရေးခင် . . .
ကဗျာ မရေးခင် . . . ။ ။

#လှသန်း

ဆောင်းညတွေရဲ့ အဆွေးသရဲ
နှလုံးသားထဲ ပုဏ္ဏက တိုက်ချိန်မှာ
သောကြာကြယ်ကြိုးဆွဲတဲ့
အလွမ်းတစ္ဆေက ဝင်စီးဖို့
အမှောင်ထဲမှာ ဟန်တကြွကြွ
မေတ္တာမီးတောက် က တဆင့်
နှလုံးသားကိုနွေးစေချင်ကြောင်း
အချမ်းဒဏ်နဲ့ဝေးဒဏ်ကြားက
နှင်းကွက်ကျခံရတဲ့
ကဝေတစ်ကောင်က စုတ်သတ်ရှာတယ်

Lavina

ကျောင်းသားဘဝ(၁)

လူသားတွေဟာ ပညာနဲ့ဆက်တဲ့အသက်ဟာ ရှည်ကြ‌ာကြောင်းသိလာတယ်။

ပညာဟာ ကျွန်တော်တို့ မဖြစ်မနေရှိရမဲ့ တရားတစ်ခု။

ရွာကျောင်းကခေါင်းလောင်းသံ
မြို့ကျောင်းက bell သံ

ငါတို့အသိဖွံ့စမှာ ဝင့်ကြ‌ွစွာဖူးခဲ့ကြတယ်။

ပန်းကလေးများပွင့်တော့မည်။

ပျော်စရာဘဝ။
တစ်သက်မှာတစ်ခါရတဲ့ဘဝ။
အဆုံးနီးကပ်တဲ့ဘဝ။
အပြုံး အစေးကပ်တဲ့ဘဝ။

အပူအပင်တွေကင်းတယ်။
‌အရောင်ခြယ်ကြပေမဲ့ အရောင်မဆိုးတတ်ကြဘူး။
ဝလုံး မဝိုင်းပေမဲ့ အလှမပြုံးတတ်ကြဘူး။

ငါတို့ဘဝတွေက တကယ်ပ‌ွင့်ကြမှာလားး

#ကိုလူချစ်ခင်

ပိုင်ဆိုင်ခဲ့ရပီ အထင်နဲ့ လက်လွတ်ခဲ့ရတာ
မနက်ဖြန်ဆို (1နှစ်)ပြည့်ပြီးအချစ်ရေ.....🥀

နေ့စဉ်နဲ့အမျှ ပူလောင်ခဲ့ရပုံများ
နေ့ရက်တိုင်း ကျွန်မမျက်ရည်တွေမခမ်းနိုင်ခဲ့တဲ့အထိ

မင်းပဲသိပ့်ချစ်ပေးခဲ့လို့လား ငါကပဲ
အစွဲအလမ်းကြီးခဲ့တာများလား ကိုယ့်ကိုကိုယ်ပြန်မေးရင်း....

ကျွန်မအကြိမ်ကြိမ်ဆုတောင်းမိတာတစ်ခုက
ဘဝသစ်တစ်ခုမှာ ငြိမ်းချမ်းပါစေ
ကျွန်မ လစဉ်ပြုသမျှကုသိုလ်တိုင်း အချစ်ပဲရပါစေ...💭

အချစ်တွေ စစ်တဲ့ ဒီလောကထဲ
စစ်တွေဖြစ်ခဲ့ရင်တောင်

ကိုယ့်တို့တွေလိုမဟုတ်ပဲ ချစ်သောသူတွေ
အနာတရကင်းကင်းနဲ့
စစ်ကြီးပီးတဲ့အခါဆုံစည်းနိုင်ခွင့်ရကြပါစေ အချစ်ရေ....👫

Cherry

ရုပ်ပုံတစ်ခုထဲက
သက်မဲ့လက်ကို
စိတ်ကူးလေးနဲ့တွဲဖူးတယ်
အတွေးထဲမှာ
နွေးထွေးသလောက်
လက်တွေ့ကမ္ဘာက
အငွေ့အသက်က
အကွာအဝေးကြောင့်
အေးစက်ရတယ်

Lavina

ကမ္ဘာကြီးရဲ့စကားနဲ့ကဗျာစပ်ခြင်း

မနေ့က ကမ္ဘာကြီးက စကားတခွန်းပြောတယ်
ဈေးကြီးတဲ့အိပ်မက်တွေ၊လက်မခံပါတဲ့
ဒီနေ့ ကမ္ဘာကြီးက စကားပြန်ပြောတယ်
ခန္ဓာအပျက်တွေနဲ့ဟင်းချက်နေတာ ကြည့်ကောင်းသတဲ့
မနက်ဖြန်မှာ သူ စကားတွေရပ်တန့်ပြီး
ဆုတစ်ခုတောင်းမယ် ထင်ပါရဲ့
ဒီမြန်မာပြည်နဲ့ဒီကမ္ဘာ
အနာရောဂါကင်းရှင်းပါစေ"တဲ့။

ကမ္ဘာကြီးရေ မင်းလည်းတစ်ခွန်းပြော
ငါလည်းတစ်ပုဒ်ရေးမယ်
မင်းဆုတောင်းသလို ငါလည်း
ဆုတောင်းမယ်
ငါ့ဆုတောင်းကတော့
အလှပန်းပင်တွေ လန်းပါစေ
ဘဝသစ်တွေ ငြိမ်းပါစေ
နောက်ကဗျာတစ်ပုဒ် ကောင်းပါစေ။

နေညို။။။။

လမ်းခွဲ ဒိုင်ယာရီ
..........................
ပူပင်ခြင်း ကင်းမဲ့
ပစ်ကာ သွားလေတဲ့ (ခင်)
မင်းစကား တစ်ခွန်း
အပြုံနဲ့ ရှေ့ဆက်
မင်းထားခဲ့ လေပြီ။
လေနှင်ရာ ရွေ့ကာ
သွားလေ တဲ့တိမ်
ပြန်လည် နီးဆက်ဖို့
မဖြစ်နိုင်တော့ပေ။
ပြန်အဆင်ပြေဖို့
ကြိုးစားလဲ မရပေအုန်းတော့
မင်း လှည့်မကြည့်စတမ်း..
ထွက်ခွာသွားပါတော့....
ခင်ရယ်။

#မိုးတိမ်

တစ်လုတ်စားဖူးသူ့ကျေးဇူးတဲ့အခါ

ကဗျာ တစ်ပုဒ်ဖတ်ထားဖူးရင်လဲ ကျေးဇူးတင်ပါတယ်။

#ကိုလူချစ်ခင်

မင်းအသံလေးကြားရခြင်း
တေးသီငှက်လေး သီကျူးနေသလိုမျိုး

ကိုယ်ကတော့ မင်းအတွက်
တေးဆိုငှက်လေး လိုမျိုး

ကိုယ့်အိတ်ထဲက ဘောပင်လေးဟာ မင်းဖြစ်လာတယ်
ရေးသမျှစာတွေ ရေးသမျှကဗျာ မင်းအတွက် ဆိုတာမျိုး

မင်းရဲ့ ရင်ဘတ်က အိတ်ကဒ်လေးမှာ
အမြဲချိတ်ထားတဲ့ ဘောပင်လေးဟာ ငါဖြစ်နေသလိုမျိုး
မင်းလိုသလိုရေးခြစ်စေချင်တာမျိုး

မင်းနှလုံးသားဟာ ကိုယ့်အတွက်ဖြစ်ချင်မှဖြစ်မယ်
ကိုယ်နှလုံးသားဟာ မင်းအတွက်ကလွဲလို့ အလုပ်မလုပ်သလိုမျိုး

မြို့အနှံ့နယ်အနှံ့ မင်းလက်တွဲပြီး လျှောက်သွားချင်တာမျိူး

ချစ်သောရေ
ကိုယ်အရမ်း ချစ်ရသော
အမျိုးသမီးလေးရေ
နတ်ပြည်ကနေ နတ်သက်ကြွေလာတဲ့
ကမ္ဘာမြေက ကိုယ့်ရဲ့ တစ်ဦးတည်းသော
နတ်သမီးလေးရေ

ကိုယ်ဘယ်အရပ်ရောက်ရောက် မင်းကိုငါချစ်တယ်

အင်း...

အဲထပ်လဲပိုရင်ပိုလိမ့်မယ်...

#ခန့်ထည်

တီတီတာတာ ပြောကာ
အမြဲစိတ်ကောက်နေတက်တဲ့
ဂျပုမလေး ရင်ခွင့်မှီတော့
ရင်ခုန်သံတွေ ကြားမယ်မျှော်လင့်
မဖြစ်နိုင်ပါ ပေအုန်းတော့လား။
အားမန်ရဲရဲ ကြိုးစားမယ်ပြုခ
ပြိုင်ဘက် ဘုရင် အသင့်စောင့်တော့
ဒီလူ မောင်ရင် အသည်းကွဲပေအုန်းမယ်။
(ဒါကိုသူနားလည်ပါ့မလား)
#မိုးတိမ်