#በቅርቡ_በመንበረ_ፓትርያርክ_ቅድስት_ማርያም_ሕንፃ_ላይ !

ላለፉት ሁለት ወራት በጊዜያዊ አድራሻ ሰወር ብሎ የቆየው ባኮስ መጻሕፍት መደብር፥ #ለዐቢይ_ፆም ሠረገላውን ወደ ቀድሞ ቦታው አጠገብ አምጥቶ፥ አምስት ኪሎ መንበረ ፓትርያርክ ቅድስት ማርያም ሕንፃ ላይ ሥራ የሚጀምር መሆኑን ስንገልፅልዎት በታላቅ ደስታ ነው።

ለበለጠ መረጃ 0920888887 / 0911571530 መደወል ይቻላል!

#ንስሓና_ምጽዋት_ታተመ!

በዚህ መጽሐፍ የተካተቱት ዓሥር ድርሳናት፥ ቅዱስ ዮሐንስ አፈ ወርቅ በ386 እና በ387 ዓ.ም. በአንጾኪያ ያስተማራቸው ሲኾኑ፥

👉 ኃጥአንም ጻድቃንም ንስሓ እንደሚያሻቸው እግዚአብሔር ለሰው ልጆች ካለው ወደር የለሽ ፍቅሩ የተነሣ አንድ ዓይነት የንስሓ መንገድ እንዳልሰጠ፣

👉 በዚህ የቅድስት ቤተ ክርስቲያን ዓምድ ትምህርት በኾነው በንስሓ አማካኝነት ኃጥአን ያሳደፉትን ልጅነታቸውን የሚያድሱበትና ሕይወት ወደ ኾነው ወደ ቅዱስ ቁርባን የሚመልሳቸው መንገድ መኾኑን፣

👉 ወደ ቅዱስ ቁርባን መድረሻ መንገድ ብቻ ሳይኾን ከላይ እንደ ተገለጠው በተለያየ መንገድ ማለትም በጸጸት፥ በምጽዋት፣ በጸሎት፣ በፆም፥ በትሕትና፥ ቅዳሴውንና አጠቃላይ የቤተ ክርስቲያን ሥርዓተ አምልኮን በመሳተፍ፥ በአጠቃላይ ምግባር ትሩፋትን በመሥራት ያሸበረቀ ቤተ ክርስቲያናዊ ሕይወትን በመኖር የሚገለጥ ምሥጢር መኾኑን፣

👉 የአምላክን መጠን አለፍ ቸርነት ስጦታ መኾኑን ከብዙ ማሳያዎች ጋር ያስተማረባቸው ናቸው፡፡

መጽሐፉ በ200 ገጾች፣ በሚማርክ ኅትመትና በ300 ብር የሽፋን ዋጋ ለሦስተኛ ጊዜ ታትሞ ለአንባቢያን ቀርቧል።
____
ባኮስ መጻሕፍት መደብር!

0920888887

#ትንሿ_ቤተክርስቲያን - 8ኛ ኅትም!

ይህ መጽሐፍ ሦስት ክፍል ያለው ሲሆን፥

1⃣ የመጀመሪያው ክፍል "ምን?" በሚል መነሻ ጥያቄ፥ የጋብቻንና የቤተ ሰባዊ ሕይወት ትምህርትን ይዳስሳል። ነገረ ሰብእ ከጋብቻ አንጻር ከውድቀት በፊት ምን ይመስል እንደ ነበረ፣ ከውድቀት በኋላ ከብሉይ ኪዳን እስከ ሐዲስ ኪዳን ያለውን ሒደትና እድገት፥ ከትንሣኤ ዘጉባኤ በኋላም ይህ ነገረ ሰብእ ራሱ ከጋብቻ አንጻር ምን እንደሚመስል ይፈትሻል።

2⃣ ኹለተኛው ክፍል ደግሞ "ለምን?" በሚል መነሻ ጥያቄ በምንነቱ ላይ መሠረት አድርጎ ስለ ጋብቻና ቤተ ሰባዊ ሕይወት ዋና ዓላማ ምን እንደ ኾነ ጎላ አድርጎ ያሳያል።

3⃣ አንድ ሰው አንድን ነገር ምንነቱንና ዓላማውን ከተረዳ በኋላ ቀጥሎ የሚያመጣው ጥያቄ “ይህን በምን መላ ልተግብረው?'' የሚል እንደ መኾኑ በዚህ መጽሐፍ ሦስተኛው ክፍል “እንዴት?” ለሚለው ጥያቄ እስክናገባ ድረስ ንጽሕናን ጠብቆ ከመቆየት አንሥቶ ስለ ትዳር አጋር አመራረጥ፣ ስለ ኦርቶዶክሳዊ ዕጮኝነት፡ ስለ ሰርግ፣ በኦርቶዶክሳዊ ትዳር ውስጥ ትንሿን ቤተ ክርስቲያን ስለ ማነጽና በዚያች ውስጥ ስለሚኖሩ አገልግሎቶች፡ እነዚህን አገልግሎቶች ለማከናወን ማን ምን ሚና እንዳለው፣ ሊያጋጥሙ የሚችሉ ተግዳሮቶችና ፈተናዎች ከምን አንጻር ልንፈታቸው እንደምንችል በዝርዝር ይዳስሳል። ከቅዱሳን ሕይወት ልምድ አምጥቶ ያሳያል፤ “ያ ዘመን ለዚህ ዘመን አይኾንም” እንዳንልም በዘመናችን ይህን ሕይወት የሚኖሩ ኦርቶዶክሳውያን ሕይወት እያሰናሰለ ያቀርባል።

በተጨማሪም፥ ከ1960 ወዲህ ከሮክና ሮል ሙዚቃ፡ ቴሌቪዥንን ጨምሮ በይነ መረቦች፣ እንዲሁም የተለያዩ ርእዮተ ዓለሞች በመምጣታቸው ወላጆች ከፍተኛ የኾነ ተግዳሮት ገጥሞናል። በአጠቃላይ በአሁኑ ሰዓት ከሴኩላሩ ዓለም ልጆቻችን የሚሰሙት ነገር ፈጽሞ ከሚያድነው ከክርስትና ትምህርት የተቃረነ ኾኖብናል። ልጆችን ኦርቶዶክሳዊ አድርጎ ማሳደግ ይገባል ሲባልም እንዲሁ እንደምንናገረው ቀላል አይደለም። ከልምዳችንም እንደምናየው ልጆቻችን በዋሉበት እየዋልን ለሚያጠፉት ጥፋት ማስተካከያ ልንሰጣቸው አንችልም። ልናደርገው የምንችለው፤ ከእኛ ርቀው በሚውሉበት ቦታና ጊዜ ራሳቸውን ክርስቲያናዊ የኾነ ትጥቅን ታጥቀው እንዲሔዱ ማድረግ ነው። ይህን እንዴት አድርገን ልናስታጥቃቸው እንደምንችል ማሳየት የመጽሐፉ የሦስተኛው ክፍል ተጨማሪ አጀንዳ ነው።

መጽሐፉ የሚደመድመው በሦስተኛው ክፍል “እንዴት” ብለን ላነሣው ጥያቄ፥ ለአሁኑና በተለይም በሚቀጥሉት ዓሥርና ዓሥራ አምስት ዓመታት ምን ምን ነገሮችን አስበንና አስልተን መሥራት እንደምንችል የታየኝን ምልከታንና ምክረ አሳብን በመጠቆም ነው።
____
ለ8ኛ ጊዜ ታትሞ በ ባኮስ መጻሕፍት መደብር - Bakos Book Store እየተከፋፈለ በየመጻሕፍት መደብሩ ያገኙታል።

ለበለጠ መረጃ 0920888887 መደወል ይቻላል።

#ጉባኤያት

በወንድማችን ዲያቆን አዶንያስ ብርሃነ የተጻፈውና ብዙ የተደከመት ይህ መጽሐፍ፡ ከጌታችን ዕርነት በኋላ ከተጠራው የሐዋርያት ጉባኤ (ሲኖዶስ) ጀምሮ እስከ ገባኤ ቊስጥንጥንያ ድረስ (AD 381) የተከናወኑ ዓለም አቀፋዊ ጉባኤ ቀኖናትን አስደናቂ በሆነ መልኩ አቅርቦልናል፡፡ ዲያዞን አዶንያስ ስመ ጥር የሆኑ የቤተ ክርስቲያን ታሪክ ጸሐፊዎች (አውሳብዮስ ዘቂሳርያ፡ ሩፈኖስ፣ ሶቅርጥስ ወዘተ) የጻፏቸውን ጥንታውያን የታሪክ መዛግበት በልዩ ትጋት እያጣቀሰና ከተጨማሪ የግእዝ ምንጮች ጋር እያመሳከረ የጥንቷን ቤተ ከርስቲያን ታሪክ እንድንማር ይጋብዘናል። በየገጹ የተጠቀስት የኅዳግ ማስታወሻዎችና ዋቢ መጻሕፍት እንዲሁም ደራሲው የተከተለው ምሁራዊ የአጻጸፍ ዘዴ መጽሐፉ በሥነ መለኮት ተቋማት ውስጥ የደቀ መዛሙርት ማስተማሪያ ሆኖ እንዲመረጥ ያደርጉታል ብዬ አምናለሁ::

ይህን መጽሐፍ የሚያብቡ አፍቀርያነ መጻሕፍት፡ አንዲት፡ ቅድስት፡ ኵላዊትና ሐዋርያዊት የሆነችው የክርስቶስ ቤተ ክርስቲያን በየዘመናቱ የተነሡባትን ኑፋቄያት ለመመከት ያደረገችውን ታላቅ ተጋድሎ እየተደመሙ ይማሩብታል፡፡ ኑፋቂያት*ን መቃወም ብቻ ሳይሆን፡ የእምነት አርበኞች የሆኑት የቤተ ከርስቲያን ታላላቅ አባቶች ቅዱሱን መጽሐፍ መሠረት በማድረግ አርቶዶክሳዊውን አስተምህሮ በማያሻማ መልኩ የገለጹበት ሂደትም በዚህ መጽሐፍ በዝርዝር ስለተዳሰስ፡ መጽሐፉ የእናት ቤተ ከርስቲያናቸውን ትምህርተ ሃይማኖት በተሻለ መልኩ ለማወቅ ለሚፈልጉ ሰዎች ጠቀሜታው እጅግ ከፍ ያለ ነው::

ከዚህ በተጨማሪ ስለ ምሥጢረ ጥምቀት፤ ሥርዓተ ቊርባን፡ የክህነት አገልግሎት (መዓርጋት ከህነት) ከጋብቻና ፍቺ ጋር የተያያዙ ጉዳዮች የጌታ ዐበይት በዓላት አከባበር፡ ከአማንያን ኅብረት (ቤተ ከርስቲያን) በኑፋቄ* ምክንያት ስለተለዩ ሰዎችና በንስሐ ስለሚመለሱባቸው መንገዶች ጥናት ማድረግ ለሚፈልጉ ሰዎች ይህ መጽሐፍ በዋነኝነት የሚጠቀስ ነው:: ዲያቆን አዶንያስ በገባልን ቃል መሠረት የመጽሐፉን ሁለተኛ ክፍል በቅርቡ እንደሚያስነብበን ተስፋ አደርጋለሁ፡፡

ቀሲስ ዶ/ር መብራቱ ኪሮስ (ዮአከቴተ ቊርባን መጽሐፍ ደራሲ)
_ _
አሳታሚና አከፋፋይ፥ ባኮስ መጻሕፍት መደብር

#ጊዜያዊ_አድራሻችን፦ አምስት ኪሎ ምስራች ማእከል አጠገብ በሚገኘው የገበያ ማእከል ውስጥ፥ የሱቅ ቁጥር 20
ለበለጠ መረጃ 0920888887

https://t.me/Bakosbookstore

#ጉባኤያት

የቤተ ክርስቲያን የቀኖና መጻሕፍት፥ በቀድሞ ዘመን ለመምህራን ብቻ አለፍ ሲልም ለካህናት ብቻ እንጂ ለሁሉ የሚነገሩ የሚተረጉሙ አልነበሩም። መጽሐፍቱም ምናልባት በገዳማትና ታላላቅ አድባራት ወይም በአብያተ መጻሕፍትና በጳጳሳት ዘንድ እንጂ በካህናት እጅ እንኳ ኣይገኙም ነበር። ባለንበት ዘመን ግን መጻሕፍተ ቀኖናት (ሲኖዶስ፡ ፍትሐ ነገሥት) በመጽሐፍና በዘመኑ ቴክኖሎጂ ምክንያት በስስ ቅጂም ጭምር እየተዘጋጁ በቀላሉ በየሰዉ እጅ ይገኛሉ፡፡ ስለዚህም አንባቢ ንባቡን ብቻ ተመልክቶ የራሱን አስተያየት እየሰጠ ከሚተረጕም፥ ምን እንደሚሉ፣ ለምን እና እንዴት የተወሰኑ መሆናቸውን አስቀድሞ ማሳየት የተገባ ነው። ይህን ለማድረግም የተጻፉ አያሌ መጻሕፍት አሉ፡፡ ለምሳሌ፦ ዶክተር ዲበኵሉ ዘውዱ፡ “ፍትሐ ነገሥት ብሔረ ሕግ ወቀኖና” ፤ መምህር በጽሐ ዓለሙ፣ “ፍትሐ ነገሥት ምን አለ?" ፤ መጋቤ ምስጢር ስማቸው ንጋቱ፥ “መጽሐፈ ሲኖዶስ ዘሐዋርያት" ወዘተ መጥቀስ ይቻላል።

ይህ የዲያቆን አዶንያስ ብርሃነ መጽሐፍም፡ እነዚህ የቤተ ክርስቲያን ቀኖናዎች የተወሰኑባቸውን ዐበይት ጉባኤዎችና አበው ታሪክና ቀኖና ብቻ ሳይሆን፥ በዓለም አቀፍ ደረጃ ተቀባይነትን ያገኙ እንደ ሎዶቅያ፣ ዕንቆራ፣ ጋንግራ፥ የመሳሰሉ ንኡሳን ጉባኤዎችን ታሪክና ቀኖናዎቻቸው ምን እንደሚሉ፣ የቀኖናዎቹ ሐሳብ ምን እንደሆነ፣ ቀኖና ያልተሠራላቸው በየጉባኤው የተወሰኑ ጉዳዮችን እንዲሁም ሌሎች ቁምነገሮችን በዝርዝር አካትቶ የያዘ ነው፡፡ መጽሐፉ በዘመን ቅደም ተከተል የተዘጋጀ ሆኖ፥ አከፋፈሉም ጉባኤ ኒቅያን ማእከል አድርጎ፥ ከቅድመ ኒቅያ እስከ ድኅረ ኒቅያና ድኅረ ሎዶቅያ እስከ ጉባኤ ቁስጥንጥንያ ዋዜማ ድረስ ያለውን የሸፈነ ነው።

መጽሐፉ፥ ለረጅም ጊዜ ከገበያ ጠፍቶ በመቆየቱ አንባብያን ድጋሚ እንድናሳትምላቸው በተደጋጋሚ ሲጠይቁን ቆይተዋል። ጊዜ ገቢር ለእግዚአብሔር እንዲል እነሆ አሁን በባኮስ መጻሕፍት መደብር አሳታሚነትና አከፋፋይነት እንደ ገና የኅትመት ብርሃን አግኝቶ በቀጣይ ማክሰኞ ይወጣል። ትጠቀሙበት ዘንድም ግብዣችን ነው።
_#ጊዜያዊ_አድራሻችን፦ አምስት ኪሎ ምስራች ማእከል አጠገብ በሚገኘው የገበያ ማእከል ውስጥ፥ የሱቅ ቁጥር 20

https://t.me/Bakosbookstore

ቤተሰብ ነክ የኾኑ ጉዳዮች የሚማርክዎት ከኾነ፥ ይህን መጽሐፍ ያነቡት ዘንድ እንጋብዝዎታለን።
______
ከመግቢያው የተቀነጨበ አሳብም እነሆ፦

"የዛሬ 17 ዓመት በአገራችን የመጀመሪያው የሥነ-ልቦና ማማከር እና ሥልጠና አገልገሎት ለመጀመር 'ዕርቅ ማዕድ' የሚል አሳብ ይዘን መጥተን ስንሠራ በተለያዩ የሥነልቦና ጉዳዮች እና በቤተሰብ ዙሪያ አገልግሎት መስጠት ጀመርን፡፡ በጋብቻ ዙሪያ፥ በኋላ ላይ ደግሞ 'ዕእርቅ ማዕድ' የሬዲዮ ፕሮግራም ላይም የተጣሉ ሰዎችን ማስታረቅ ነበር በዋነኝነት የምንሠራው፡፡ በመካከላቸው ያሉ ግንኙነቶችን የሚያሳሱ፣ ፍቅራቸውን የሚበርዙ፤ አብሮነታቸውን የሚያዳክሙ እክሎች ሲገጥሟቸው ወደ እኛ እየመጡ ስሜታቸውን ማድመጥና ወደ ሰላም እንዲመጡ በማደራደር (me- diation ማድረግ ) ነበር፡፡ በዚያ ወቅት የገጠሙን ሁለት ዋና ተግዳሮቶች ነበሩ፡፡ አንዱ በምናያቸው አብዛኞቹ ባለትዳሮች የፀብ ታሪካቸው የሚጀምረው ዛሬ ሳይሆን ከ5 እና 7 ዓመት ፣ እንደውም ጭራሹን ከመጋባታቸው በፊት ካለው ግንኙነታቸው ጋር የተያያዘ ሆኖ መገኘቱ ሲሆን ሌላኛው ደግሞ ዕርቅ ከወረደ በኋላ የተስማሙበት ጉደይ ወይም ችግሩ እንደ ገና ተመልሶ ማገርሸቱ ነበር፡፡

"በዚህ ሁኔታ በጣም ግራ እንጋባ ነበረ። በምክክር አገልግሎት ወቅት ቀጥታ የምንገናኘው ከደንበኞቻችን ዛሬ ጋር አይደለም፡፡ ለምሳሌ ሚስት ባሌ 'የቤት ወጪ / ኪራይ በጊዜ አይሰጠኝም' ብላን ብትከስ የባልየው ታሪክ የሚጀምረው በዚህ ወር ሳይሆን ከ 8/11 ዓመት በፊት ሆኖ ይገኛል፡፡ ክሱ ሲታይ የዚህ ወር ይምሰል እንጂ ከ10 ዓመት በፊት፣ ገና እንደ ተጋቡ ወይም ሳይጋቡ በፊት ጀምሮ ያለው የኋሊት ታሪክ ነው የሚመዘዘው፡፡ ጉዳዩን ቀረብና ጠለቅ እያልን ስንሄድ ደግሞ ጭራሹም ጉዳዩ ከባለ ታሪኮቹ ልጅነት ጋር የተሳሰረ ሆኖ ይገኛል፡፡ የተጣሉትን እናስማማለን፤ እናስታርቃለን፡፡ ግን ተመልስው ወደ ኋላ ይሄዳሉ፡፡ የጠባቸው ቀስቃሽ ምክንያት ለእኛ ትንሽና ለጠብ የማያበቃ ይሆንብናል፡፡ በዚህ ግራ እየተጋባሁ ባለሁበት ወቅት ነው ስለ አዕምሮ ቁስለት የሰማሁት።

• ምን ሆኛለሁ?
  በትዕግሥት ዋልተ ንጉሥ
  ________
  መጽሐፉን በመጽሐፍ መደብራችን ያገኙታል!