قد تكون أنت الرائع وأنت لا تدري
ليست الروعة بالإنجازات فحسب
بل الروعة بروحك الصافية وإلهامك للأخرين أن ينجحوا
أن يستمروا
الروعة أن تعطيهم الأمل كل يوم وأنت لا تدري
أن تصحبهم في حياتهم وأن ترسم الابتسامة على شفاههم حتى وإن كنت غائباً عنهم.
أن تكون بذلاً وعطاءً وملاذاً أمناً،، تلك هي الروعة بحق
فالفراشات لا تعرف ألوان أجنحتها ولكن أعين البشر تعرف مدى روعتها
أنت لا تعرف مدى روعتك ولكن هناك من البشر من يعرف مدى أهميتك وروعتك

"تأتي الأحلام على طبقٍ من تعب"??

ماف حاجة ساهلة وماف حاجة مستحيلة، طول ما أنت مُصمم على تحقيق حلمك حتصل..

عمرها اللغة والجنسية ما كانو عائق في طريق الإنجاز وإنك تصل القمة، كل إنسان قادر يعمل العايزو ويعيش حياتو بالحاجة الراسمها في عقله.

كل الناس الحققوا إنجازات وثروات كانو في يوم أشخاص عاديين وعايشين حياة بسيطة..
بس الخلاهم يصلوا للمستوى دا هو الإستمرارية!

طول ما أنت ساعي ورا حاجة جميلة وحلم نفسك تحققو إتاكد حتلقى كمية عدم قبول وإنتقاد ما عادي..
وهنا أعرف إنو انت ماشي صح.

البشر ما بوقفوا نقد وترخيص لأي حاجة حتى لو كانت عظيمة دا طبع فيهم ومستحيل يغيرو.
وانت ما خسران حاجة لو وقفت تسمع لكلامهم بالعكس الطريق هيوضح ليك ومع الزمن حتلقى نفسك عبرتّ.

وبذات في الوقت الحالي الناس بقت هدامة ونقادة وكسارة مجاديف، للأسف.

ومع دا كلو ماف شي بقيف في طريقنا وما حنوقف مثابرة وإجتهاد عشان نصل للبنتمناه، ويكونوا هم ضيوف الشرف عشان يشوفوا بعينهم إنو حققنا الكان مستحيل في نظرهم☕️?

بين مقولة محمد شكري : "..على المرء أن يبقى مشغولاً للحد الذي يلهيه عن تعاسته .."
ومقولة غازي القصيبي : ".. العمل لا يقتل مهما كان شاقا ولكن الفراغ يقتل أنبل ما في الإنسان.. "

دليل واضح و بيّن على أن الفراغ يجر الإنسان نحو التعاسة والبؤس أغلب الأوقات؛ الحقيقة هي أن الفراغ يضخم غالبية الشعور ، يضخم العاطفة ، يضخم التعب ، يضخم الألم ، وأكاد أثق أن الغارق بانشغالاته يكون متزنًا بانفعالاته تجاه الحياة ، لأنه ببساطة لا يملك الوقت لينجرف تجاه شعور أحمق ..

- الفراغ هو العدو الحقيقي للإنسان ?

عارفين متين نقدر نقول الزول ده راقي ؟!

الرُّقي ما كلام انجليزي في نص الونسة ،
ولا باللبس و العفش في البيوت و إختيار الماركات الغالية و خلاص !

طيب أعرف الزول ده راقي كيف ؟?

لمن يكون الزول دائماً في حاله ومشغول
بنفسه ، وما بحاول يعرف تفاصيل عن الناس اللي حواليه مهما كانوا قريبين ، إلا لو هم حابين يحكوا ليهُ .

الانسان الراقي ما بتكلم عن نفسه كتير ،
و لا بجتهد يظهر إنجازاته كل الأوقات ، ولا بحاول يثبت حاجة لزول ?

تلقاهُ بيدخل بيوت الناس
ضيف أعمى ما بشوف شي ، و أصم ما بسمع شي ،
و يطلع أعمى وأصم ما بيحكي عن الحاجات اللي شافها أو سمعها مهما كان !

الراقي ما بعاين في رزق زول ،
ولا بقول ده عنده و أنا ما عندي ؛ لأنه واصل مرحلة من التهذيب و الزوق خلّته فاهم طبيعة الدنيا إنه مافي زول بياخد أي حاجة عايزها !
عشان كده بكون واثق إنه زي ما غيره عنده نعمة ،
أكيد حيكون محروم من نعمة تانية ؛ لأنها سُنة الحياة و الكمال لله .

الراقي ما بيحرج زول بسؤال ،
ولا بيطلب من زول حاجة فوق طاقته ،
ولا بيتدخل في حاجات الناس !

الرُّقي فهم و إحترام و أدب ، الرُّقي مخافة الله و خشيته ??

#اتزان

فاللهم اجعلني من القلوب الرّاقية ، أن تتعطّر سيرتي بكل خيرٍ ، و أن أكون طيّبة الأثر و الحضور

في هذا العالم هناك أشياء تخصك لا يفهمها أحد غيرك ... قد تجذبك الغيوم ،، وتعشق إمضاء ساعات تحدق بها ، قد تحب صفاء السماء بعد المطر ، أو نسيم الفجر البارد ، قد تلمس قلبك النجوم ، أو وقت منتصف الليل ، قد تغريك أمواج البحر جداً ، أو يمكن للنباتات أن تريحك ولا تعلم لماذا ؟؟
قد تعشق أضواء المدن في الليل ، أو قد ترتاح عند سماع قطرات المطر مثلآ ... هناك أشياء قليلة جداً تصل الى مشاعرك بعمق ، وتهز بك ألف شيء ، وتشد إعجابك بشدة ... يراها الآخرون أشياء تافهه ، لكنها تحرك الكثير بداخلك ... أشياء تعطيك شعورا غريبا ، شعور بالانتماء ، شعور نادرا جداً ، شعور لطيف وجد لك أنت بمفردك ، لا أحد يحمل تجاهه اي انجذاب ، شعور غير قابل للوصف !! *