زمان جوانیش سرکشِ بی، ویش هم بە پیا مزانا هم ژن، پری کار و فرمان عارش نمەآما. همیشە پانتولش مکرد نە پا. دایم نە جوش و خروش بی. رسم زمانە آدش پاسە بار آوردەبی کە مشیایەم پی هیچ چیو سرش نمنایە، چنی ژیوای دایم نە جنگ بی.ایسەیچ کە عمرش یاوان بە هفتا و کونە کمانش کردن نە کول، دایم ملوا نە چیر دارە تفکان و تفیش جمع مکرد. کار و هرمان لوابینە دلی رگ بە رگیش، نە هونش جمَش مکرد. کار  بیەبی بە بشە نە وجودش.

@herman_2018

#خاتون

صبحەن تا ایسە تماشای آویر آویرگا مکرو، چند ساعت مبی کە هر پاسە واقش بین پوری، چند جار گرکم بی بچرونش ونە بلام دلم ناما. آرو نمزانو پی چیش حزم مکرد پی چند ساعت، اصلن ویلش بکرە بازە با دلی ویشنە بو. بلام دلم راضی نمەبی، هر چند دقیقە جارە تماشام مکرد و هواسم پوش بی. بلام هیچ وخت پاسە ندیبیم یواش یواش خریک بی جورەم پنە ماما. دلم آمابی نەجوش. آمانی نە پال دلاقە، حزش مکرد وختە واران وارایە پردەی دلاقەش مدا ولا و همیشە مواتش: عطرین، هواست بو هیچ وخت وخت واران وارای پردە ندیرە. حز مکرو هر وخت نە هر کونج ای یانە رد مبو  چمم نە وارانی ببو. اراگیل واران بی. هیچ وخت بنیادمە چانەم ندیبەبی، پر هیبت، آرام و اصیل. سر و سیماش آرام بی و همیشە زردە خوە نە سر لیوش بی. سالارە ژن گوران،  وختە ملوا رانە و هنگامش هور مگیرت پاسە ملوا کە پیسەن بواچی نە سر زمین پا نمەنیو، پیسەن نە سر هورکان بلون رانە، سوک و راحت. اصلن شاکی نوی، اچی چندە سالان نەدیم جە کسە یام جە یوی شکایت بکرو، اصلن اگر گلەیچش بیایە. یعنی اصلن گلەیش بی جە یوی؟ نمزانو، ندیەنم و نشنوتنم.اصلن نمزانو پی چیش؟ هیچ کس نە درونش خبرش نییەن. مگر مکریو بنیادم بی و اهل شکایت نوی؟ نمزانو. حز مکرو بلون نە پال خاتون بنیشو، پیسە آدی بلون نە توی دل آویر و بیخیال دنیا ببو. آدە چانی نوی اراگیل واران بی. ایسە اگر تماشای وارانش کردایە چیوە، پی چیش آویر؟؟ چیوش نبیەبو... آمّان، خوا نکرو.  وارانیچ هر وش نمکرو. کفتان نە ویر هیزی شوی، شلای هیزی شوی ارسلان خان چیگە نویایە، شلای نامایە اصلن ارسلان خان چامنەن، هکە آما چیوە خراو روە مدو. خان زادە هر بە ویش مگنو، بالاش ماچی چنارو لا نساری، وش پنە کفتە، سر و  ریش خنەین و پر.  وختە برنو  مکرو شانش و سینەیش پر مکرو جە فیشەک  تمام منطقەی شامیان و لهون جە هیبتش ملرزو.

«بشە جە داستان خاتون»

#گوران
#داستان_گورانی

@herman_2018

‌ #شێعرەوزەمانەی
ــــــــــــــــــــــــــــــــــــــــــــــ
#زەمانە...
فایل:?mp3

✍نویستەی
و
?وانـایــوە:#جلیل_خون_دل
ــــــــــــــــــــــــــــــــــــــــــــــــــــ

??میکس
و
مسترینگ:#کاوان_محمدی
ـــــــــــــــــــــــــــــــــــــــــــــــــــــــــــــــ

┏━━━━━━━━━┓  
❣️  @wjalilkhondel    ?
┗━━━━━━━━━┛

#Stationary_Traveller

? @herman_2018

گفتگو برنامەو پلکە زیرینەی جە رادیو مریوان چنی کاک #عدنان_معاذی فعال فرهنگی گوران.

#گوران
#goran
@HORAMYANE

ه       اهمیت دای بە بنما فرهنگیەکا پیسەو:
شیعریو  ادبیاتی، ادبیات شفاهی، گورانیی ، 
و جغرافیا و یاگە نامەکان.
و        ئاگاهی بەخشی بە کومەلگای سرو ئا  بنەما فرهنگیا کە باسمان کرد هتا خلک جە بارەو رسنایتیوە وریشەی تاریخی ویشوه بە امنیتی روانی بیاو وجە سر ونە شیویایی چی بارەوە خلاص دریو.
ز.....

شەپولەی  یەرومە
ای مەوجی(شەپولی ) کە هینامی چنەش، رایە سخت تەرش هینا ورنە جیا جە انجام دای هرمانە ولینه کان، کارهایە پیسەو تولیدو محتوای،  جیهت دای پی وەروە لواو هرمانەکان، تلاش پی رسانەی گروهی پیسەو ڕادیو تلویزیونی، رونامەی ، تحلیلو  اثاری ورینو ( کلاسیک )گورانی ، همگرایی بینو هورامیه کان ونزیکوه بیەی نظرەکان. وپیوندو ئا حلقانە، کە بینو گوران زوانەکانە، پرچیاینی و وانای و نویسیای جە مدرسە دولتیەکانە، کار سرو زاروا، ثبت ومدون کردەو گردو اثارە ولینەکا چی ئانی نویسیاینی چی اثاری  دمواچ ( شفاهی ) و...
اینانه کمترین کاریه نی که ورو دەمینە ویشا مرمانا.

بە وشیتاوە
سنە  حەمە شەریف  عەلی رمایی ۱۴۰۳/۵/۱۵

#گوران
#goran
@HORAMYANE

شەپولەی یەرومە
جەهەورامان گەراییوە تا گنجینەو گورانی

بریە وخت و زمانیە، رویە مەی وروە کە جە سرنویشتو تاریخو ملتیەنە ، تاثیریە شکودارمنیوره که ئا خلکە متاوا  رایە تازی بیزاوە و مسیریە تازە پی ویشا هورچنا.
   جە سر دمیەنە  کە گوران  بە عام وهەورامان بە خاص ،
پەردیه جه بی خوری و بی تفاوتی کیشیا بی ملشاره، بە جوریە بی تفاوتی و وش خیالی یاگی ویری واندیشەش گیرتیبیوە،  بە حوکمو آنەیە کە کوملگاە هیچ وخت جە ویژدانی بیداری، هالی نمەووە، جە گوشەو کنارو ای ولاتیە پیسەو:
مریوانی،  سنەی، پاوەی، سليماني وهەلبجەی وبریە دگاکا، بروسکیە جە روشن ویری، دروشیاوە و ئا پردە تاریکو سیاوە کە کیشیابی سرو ویرو خلکیرە، لاشادا هتا بە یاری اوەزیو و معرفتی، چراوەوو زانایی، گیسیونە و  روشنایی وارو ملو ای ولاتیرە.  اچی سر دمو وختەنەبی، کە شەپولەی یەکمە بنامی هورامان گرایی  پیسەو ضرورتیه تاریخی سرش هوردا کە نە تنیاهەورامانش پوشارە بلکو بەریە تازش روبە وینگایە تازی کەردوە هتا خلک فرەتر بەوی شناسی  بیاوو  و راهایە روشنتری و وشتەری گنا ورا چم.
ای شەپۆلی، تاایسە دوی قوناخیش بریینی وایسە هینایمی قوناخەو یرومینە با بزانمی جە هر شەپولیەو مرحلیەنە چیش کریان وچی دسکەوتیەش بین.

شەپولەو یکمی:

پی اوە مانای و بر دوامی حیاتو  انسانی، نیاز بە فرە چیوا هن بریەشا لازمینی بریەترشا جیا جە لازمی، ضروریینی.  دقت فرماودی: ( لازم وضروری) انی لازمینی  همیشە هینای شونەو ضروریەکاوە مثلن:
کابرا لازمن، یانش بو. اگر نەوش مجبورن  یانیە گیرو کرها چون ضرورن یاگیەش بو ستارش چنه گیرو. وهر پاسه لازمن ماشینش بو ولی اگر نەوش ضرورن به ماشینی کرها و ... اماولوا کرو وبقیەو کارەتریچ پی شیوەنە.
پی مبنایوە، بی کە ضرورتی تاریخی یەخی جماعتیه روشن ویرو دلسوزاش چی ولاتە  گیرتە. چون هورامان وزنەن( سنگەنە) پار سنگ نین  و قرار نین تا ابد فقط وختو وزن کشی سر حساو کریو و کراش پارسنگ پی ریکی پیکێ وزن کشی ویشا.
       جە وراورو ای کاریوە،اولین  هنگامەکە هورە گیریا،   نهادینە کردەو نثری به زوانی ویمانە  بی . وهور گیرتەی ای هنگامی، کاریە گەورە بی .چی راینە، مانعی فری  امی وروە  بەلام موجەکە( شەپولەکی) ئاندە بە هیزەبی کە گردو کوملگاو هورامانیش گیرترە بە جوریە، ژنو پیا کورو کناچە وخلکی عادی
عارشا ایوەنە، بە غیرزو زوانو ویشا بە زوانیەتر  چیو بنویسا،  ایسەیچ هر ئا تاثیرشە منەن. دنیای مجازی شاهیدو انەینە.
چی دەورانە کتیبی هورامیی چاپ کریای  کونیشت و جموە بیەی فرە دسش پنە کرد
چندە انجمنی ادبیی جە شارەکانە دسشا کرد بە هرمان کردەی جە حفتە نامەکانە روزنامەکانە، مطلبی فری چاپی بیی.سرجم متاومی واچمی اخیزیه به‌هیز و توانا شکلش گیرت که تاثیرو ویش جە کوملگانه، نیانەرە.
اگر ایمە جم بندیەمابو سرو ای شەپولی، متاومی ادعامابو ، کە گەورەترین دسکەوتو ای مرحلیە،  ایجاد ونهادینە کردەو ایرادەیە قوی بین کەچی وختە شکلش گیرتن بە جوریە ئا کسانە باورشا پی هرمانی بین ایسەیچ دسشا جە کاری نەکیشان و ویپاو سرو ویرو زهنو ویشاوە هرمانە مکران تمدارو
خط و نیشانو کسی نیەنی ایسە ممکینەن جیاوازی سلیقەی جە یوی دورشوە وستیبا، بەلام هر کام بە راو ویشا خریکینی. وای دورانە، دەورانو عزمو ارادەی ویپا و قوی بە حساو مەی .به هرمانی فری به یاگی وعالیوه.

شەپولەی دومە :

تاثیراتو شەپولی اولی انده قویه بی ایتر فرە کسی پاسە ویری کرینیوە کە ایتر اینە اخرو کارین ومیدانو ویری وکاری هر اینەنە. کە فرە کسی چا میدانە منیوە وایسەیچە  خریکو هر مانینی. بەلام جەلاو بشیەترو کوملگایوە، ای هرمانی، نیازش بەمیدانیە گەورەتری بی واچینی:  ای قضیی، نمەو چیگەنە قتیسوە بو ودور نمایەما پی دماروی نەو. چون ای زوانە و ای فرهنگە، چانیە گەورترن و وەر ولاوترن کە ترنجنیش دلی  کاسیە ویکلەی. هرپی بونەوە قضیەو گورانی اما وەروە کە بە دورە وینی پی دماروی و وی شناسی فرەتری ودس یاوای بە میدانیە گەورە تری و هر پاسە پی پاریزنای شەپولەو اولی ضر‌ورتی تاریخی بی کە مەثلی گورانی سرش هوردا.هتا تداوم وپیوندی تاریخی  ای زوانیه خاستر گنو وراچم. دس یاوای بە گەنجینەو گورانی، هورامانش، تا حدیه جە وراوروکم وکسری تئوریوە، بی نیاز کرد وپیوندی ریشەیی وتاریخی هردویش محکمترکردیوە.

دسکوتی ای مرحلەیە:

الف  ادامەو کارە ولینەکا بە مقیاسیە فرەتروە.
ب    شناختیە فرەتر سرو هورامان وگورانی.
ج     جموە کردەی وبە دس اوردەی بی حد وحیساب اسناد تاریخی وفرهنگیی، گورانی و تحلیل تاریخی سرو ای سنداوە.
د     تلاش وکوشش پی بە دس اوردەو بڕیە چیوا کە حریم وتبار شناسی و تداومو تاریخی ای زوانیە پاریزنا پیسەو رانویسی و...