ЯНА СЕНГА

Аёз ёноғидан ўпган гул мисол,
Эртаси ноаниқ бўлиб яшадим.
Энди сен келтиргин менга баҳорни,
Қировмас, қуёшга буркансин қалбим!

Шамол совурди вақт тегирмонида,
Қўриб тўкилмоққа кўнмас умидни...
Илинж бекатида кутяпман ҳамон,
Мени бахт томонга элтар поэздни.

Кунлар маржон каби турар тизилиб,
Дилда чалкаш ҳислар тортадилар саф...
Баҳорни олиб кел йўлбошчи бўлиб,
Келмасанг...
Йўловчи бўлмоқдан не наф?!

ANGLAM

Shu bilan boshlandi hammasi,
Shu bilan qalb baxtdan oldi rang.
Shu bilan kulgular gulladi,
Shu bilan har kunim quyoshrang!

Baxtlanib kuylashni o‘rgandim,
Baxtlanib yuragim yoshardi.
Baxtlanib yashashim yoqqancha
Baxtlanib baxt to‘lib toshardi!

Kun sayin anglamlar chiroyli...
Kun sayin qo‘l silkib dunyoga,
Kun sayin yaqinlab borurman
Kun sayin qo‘llagan Xudoga...

Shu bilan boshlanur hammasi...

Vaqt o‘tavergani, ulg‘ayaverganing sari avvalgi maqsadlaring, qarashlaring, orzularing o‘zgarib boraverar ekan...

Hozir menda shunday... Ko‘p narsalar o‘z qiymatini yo‘qotgan. Na mukofot, na qaygadir sayohat va na biror bir tanlov — hech biri qiziq emas. Yashasam, xotirjaaaam yashasam, bolalarim bilan yashashning har bir lahzasini his qilsam... Allohimga ko‘proq yaqinlashsam...

Ba'zan odamga noqulayliklar ham kerak. Shukr qilish uchun, yashayotganini his qilish uchun...

Кимнинг ҳузури деб ким сарсон бўлди,
Биров биров билан андармон бўлди.
Тарози палласи тенг келмади ҳеч,
Ким қиммат талашди, ким арзон бўлди.

Дерларки, жангдан сўнг ботир кўпаяр,
Иш осон кўринса, шотир кўпаяр,
Атрофда дарди йўқ талабгор бўлса,
Майдонда хашаки шоир кўпаяр.

Не учун ҳолимга ачинмайди тил,
Эртанги сўроқдан чўчимайди тил?
Оғзимга тош солиб, жим турай дейман –
Бекордан-бекорга қичимайди тил.

2009

© Беҳзод Фазлиддин @Behzod_Fazliddin

#Кутмаган_кунларим_кутган_кунларим

Уриндим - асроринг еча олмадим -
Хар битта жилвангда минг сирли тугун.
Фақат, Тангрим, кечир, бандаларингдан
Эрку, Озодликни кутганим учун.

Қичкирдим - бўгзимда қотдилар унлар,
Кўз ёшларим оқди сув каби бетаъм.
Ахир, Тангрим, кечир, қоронғу тунлар
Бўзлаб, йўл сўрадим, бандаларингдан.

Сенинг осмонингга етмади бўйим,
Ердан паст кўкларни айладим тавоф.
Фақат, Тангрим, кечир, бандаларингдан
Мангу саволларга изладим жавоб.

Раво айламайсан менга меҳрингни
Хатто кўргазмайсан ғазабу зуғум.
Фақат, Тангрим, кечир,бандаларингга
Бир қатра озодлик бермаганим-чун.

Қон ютган кўримлар учун кечиргин,
Бемаҳал ўлимлар учун кечиргин.
Кўзимнинг ёшлиги учун кечиргин,
Дунёнинг тошлиги учун кечиргин.

Кечиргин - кўйингда адашганимни,
Кечиргин - кўйингни танимаганим- чун.
Кечиргин - эрк учун талошганимни,
Ва эрк сенлигингни билмаганим-чун...

Усмон Азим

https://t.me/UsmonAzimijodi

2018-yil edi o‘shanda??

#olis_yaqin_ovozlar

☆ ☆ ☆

Ranjima, so‘zimdan sezilmasa ishq,
Ranjima , sevgimni etmasam oshkor.
Ming bir Laylilarning sevgisidan ko‘p,
Senga tuhfa etar muhabbatim bor...

Lekin, buni oshkor etmoqlik dushvor,
Qalbda yashamoqda hadsiz andisha.
Sening ko‘zlaringda yashnaydi bahor,
Sening so‘zlaringda ishq bor hamisha!

So‘zing otashidan quyosh hayratda,
Mehring ziyosidan unga tuhfa et.
Yorug‘likdan yorug‘, samodan katta,
Qalbing dunyosiga meni olib ket!

Men esa aytmasman «sevaman!» so‘zin,
Kechir, dildan tilga ko‘chmas tuyg‘ular!
Senga pichirlayman sevgimni o‘zim,
Taqdir yo‘llarimiz bir bo‘lsa agar...

Qaysdek yashab turgin, bo‘lib devona,
Roziman, sevsang-u sevilaversam...
Ammo, ne qilayin ochiq oshkora,
Sevmoqlik gunohdek tuyulaversa...

Laylo SOBIR qiziYoshlikjurnali.uz@yoshlikjurnali

Sizlarga shifoxona, u yerdagi turfa taqdirlar va achchiq-chuchuk xulosa-yu anglarimni aytib beraymi?

Баъзан мени ортга қайтариб, илгарги ҳолимга келтириб қўйинглар дегинг келади.

Аммо вақтнинг, ҳаётнинг "ортга йўл йўқ" деган азалий ва абадий қонунияти эсингга тушгач чорасизликдан тинчиб қоласан.

Бир кун келиб ортга қайтишни истамаслик учун нима қилиш кераклигини ўйлаётганингда эса Достоевскийнинг: "Нима қилсанг қил, пушаймон бўласан: ё қилганларингдан, ёки қилмаганларингдан" деган афоризми ёдингга тушиб асабийлашасан.

Яна валдирай бошладим. Кўп ўйлайверсангиз менга ўхшаб валдираб-шалдираб қоласизлар))

Хуллас ҳозирни яшаб, ҳозирни ҳис қилиш, ҳозирдан фойдаланиб қолиш ўтмиш учун ҳам, келажак учун ҳам фойдалироқ деган қарорга келдим.
@qodirova_g

– Ўшанда жуда чиройли кетдинг... – деди эркак. –
Йигирма йилки кетишингни унитолмайман.
– Раҳмат. – деди аёл.
– На жанжал, на зуғум, на бир оғир сўз....
Фақат эсимда,
кетаётганингда елканг бетўхтов силкинди...
Йиғлаган эдингми?
– Йиғлаган эдим.
Ёшим тўхтаган йўқ
ҳали ҳануз ҳам...

Сукунат.

Эркак бош эгди.

Қанча уринмасин кўтаролмади бошини.

Елкаси эса,
силкингани-силкинган...

Усмон Азим

https://telegram.me/dilgamaktublar