Бүген Каюм Насыйри туганга 200 ел тулган көн. Бу бөек мәгърифәтче гомере буена туган халкына хезмәт итеп яшәгән. Әгәр ул бүген яшәсә, мөгаен, ул безнең арада иң сәламәт яшәү рәвеше алып баручы һәм иң популяр блогер булыр иде: ул сәламәт ризык ашаган (ул әле беренче кулинария китабы авторы да), дару үләннәре җыеп киптергән, физик һәм акыл хезмәтен дөрес режимда аралаштырып башкарган һ.б. Математика, география, химия, медицина белән кызыксынган. Картаймыш көнендә паралич алгач, үзен электр энергиясе белән дәвалаган. Уен коралларында уйный белгән, агач эшкәртү эшен бик яхшы белгән. Өстәвенә бик модалы итеп, затлы киемнәр генә киеп йөргән. Вафаты алдыннан үз акчасына туган авылында мәчет салдырган. Холкы да бик үзенчәлекле: җор телле интроверт... Аның турында җүген Россия-Культура каналыннан 19.45 сәгатьтә фильм күрсәтәчәкләр. Карамый калмагыз! #КаюмНасыйри200

Үзең коткар бәла һәм афәттән,
Ярдәмчем бул, ниләр күрсәм дә.
Тик коткара күрмә мәхәббәттән,
Учагыңда көлгә дүнсәм дә.

Озак яшим инде — күп булгандыр
Гөнаһлар да, үзең ярлыка.
Тик мәхәббәт гөнаһларын калдыр,
Мин бәхетле алар барлыкка.

Яман телдән, яман күздән сакла!
Сөю хисен сайрат, телен ач!
Һич рәнҗемәм гыйш вә гашрәт хакына
Калсам да ач һәм шыр ялангач.

Шигең булса Венерадан сораш,
Синнән-миннән күбрәк белә ул.
Мәхәббәткә әсир һәр газиз баш!
Шуңа бездән көлә генә ул.

Җибрил вәхый — илһам китерә диеп,
Көтсәм синнән зарыгып кич-иртә, —
Амурлары аның килә биеп:
Уйный-көлә, сөйдерә, исертә...

Син үзең дә тәхетең — биек күктән
Алиһәне күрсәң, мөгаен,
Гашыйк булыр идең һәм мөкиббән
Китәр идең бугай, ходаем!..

Бу дөньяда тынгы белмәгән җан
Тегесендә, белмим, тынармы!
Кисәтеп куй әле үзең алдан
Кабер ташы язучыларны, —

Ташка җамлы амур ясасыннар,
Җамда шәраб — шатлык яшьләре...
«Тыныч йокла...» түгел, ә язсыннар:
«Ул, — дип, — туды, сөйде, яшәде».

Нури Арсланов ✍****

Каен, миләш, карама кызлары йөгерә, көз йөгерә, алардан да җитезрәк яз булып, күңелләр Питерга йөгерә... Чү! Каршыда кызыл аждаһадай кызыл фура калыкты һәм дөнья юкка чыкты... Больницада Зиннурны дүрт көн буе комадан чыгара алмадылар.? СЫЛТАМА: https://kazanutlary.ru/news/povest/kyshky-yashen-povest

Йолдыз,
Кайда син, Йолдыз?
Әллә айда, әллә күктә?! 
Мин олырак синнән күпкә.
Шалтыратам – өзек-өзек гудок килә...
Яңгырый күңелем кайтавазы 
Ялгызлыкның чиге илә..
Йолдыз,
Кайда син, Йолдыз?
Әллә күктә, әллә айда? 
Җаным минем, син соң кайда?
Шалтыратам – 
Телефоның ятлар ала... 
Сине эзсез югалтуым 
Йөрәгемә сагыш сала...
Йолдыз,
Кайда син, Йолдыз?
Әллә айда, әллә күктә?..
Мин олырак синнән күпкә... 
Телефонда – Бер ир заты (тавышы калын): 
«Шылтыратма бүтән, абзый,
Ул бит күптән минем хатын!..»
Йолдыз!
Кайда син, Йолдыз?..
Хәбир Ибраһим ✍️
"КУ", 7 (июль), 2019

Яшь иҗатчылар игътибарына! Бүгенге видеоязмада - остаз Галимҗан Гыйльмановтан практик киңәшләр! ?

Әсәр кайчан туа? Ничек татарча бестселлер язарга? Язучы буларак уңышка ирешү өчен, нәрсәдән башларга кирәк? Әлеге һәм башка сорауларга җавап эзлибез.

?СЫЛТАМА: https://vk.com/kazan_utlari?w=wall-157469183_38510

Миләүшә һәм сары төстән торган
Кипкән букетта
Һәрвакыт ак бөрчекләр җитми.
Шуңа күрә кыланчык томан,
Лазутчик парашюты булып,
Шәһәремне каплый.
Һәм шәһәр йөзә шәрыкка таба,
Һәм төшләр йөзә шәрыкка таба.
Әкрен генә чеңләп, сикергәләп куя
Шкафтагы савыт-саба гына...
Кипкән букеттагы
Миләүшә һәм сары,
Сигез миллиардның берәрсен
Вәсвәсәләндерергә теләп,
Бер мизгелгә талпынып куя...

Лилия Газизова ✍️
Илсөяр Иксанова тәрҗемәсе
? "КУ" 02, 2018

? Акрын уку: Ризаэддин Фәхреддин «Тәрбияле бала»

▪️ 23 ноябрь, 15:00
▪️ Милли китапханәнең күргәзмә залы

1913 елда чыккан китабында Ризаэддин хәзрәт «Тәрбияле бала иртә белән йокысыннан зурлар белән бервакытта торыр. Алардан элек тормас, соңга да калмас» дип яза. Бу хезмәт турында фикер алышырга чакырабыз.

Текстны укыйлар: Айрат Шамс, Илзирә Алиакберова, Инсаф Хәләүтдинов, Азалия Әхмәтова, Алия Әбдрәшитова, Ринат Низамов, Алия Гарифуллина.

Фикер алышуда катнашалар: Айгөл Тимер, Лилия Галиәхмәтова, Рәмзия Галимова, Чулпан Галиәхмәтова, Динара Әхмәт, Фәгилә Шакирова.