شعور الأمان هو إلي لازم تحصله بالعلاقات
أما بالنسبة للحب اي إنسان
يگدر يحسسك بالحب
شخص يشاهد حساباتك مُمكن يحبك
أبو الأسواق يمكن يحبك
طالب وياك بالدفعة تلاگي يحبك
طفل يتجه إلك بدون أسباب
وحتىٰ جيرانكم إلي يومية يسلم عليك
بس إنسان يخليك تحس بأطمئنان إتجاه الحياة
هاي إلي تخلي العلاقات حقيقة🤍

والله شعور كلش حلو لمن واحد يگلك تعال احجيلك شغلة، أو حابب اخذ رأيك بموضوع، نسيت اگلك كذا، اريد أحجيلك سر، أو شنو رايك بالصورة .
حلو كلش انك تكون المكان المُريح لشخص شنو ما جانت علاقتك بيه، انك تكون المكان البعيد الهادي المطمئن اللي يجي يحجيلك بيه همومه ومشاكله ويرتاح، ومو شرط ابداً إنك تنطيه حلول المهم تطمنه ويثق بيك🤍****

أحب الناس اللي دائما تمدح
ودائما طاقتها حلوة وكلامها
طيب،
اثرهم بالدنيا حلو وله تأثير على
النفس
وكلمتهم ممكن تعيشك طول
يومك مرتاح
لأن للكلام تأثيرة حلو على
الواحد،
يتمنون الخير للكل ويمدحون
بدون حقد وبكل صدق 🤍

مُمكن؟
تصير إنت هذا الشخص اللي ينگال عليه
"شگد الله يحبني حتىٰ رزقني بيك 🤍

مو حلوه تعاتب شخص على
موضوع اكثر من مره أو انك
تنبه ع شي ويرجع يسويه بدون
ما يفكر بيك دائما اختار
السكوت لأنه لو فعلا مهتم
بشعورك ما يكرر افعاله لا تطلب
الاشياء من الشخص مرتين ولا
تعاتبه ع غياب أو اهتمام لان
الما تجيبه المشاعر ما يجيبه
الكلام🤍

كلنا نغلط ...
كلنا نقسى كلنا نبتعد كلنا نتغير
بس بعد فترة من الزمن كلبك يرجع لمكانھ ويرجع دكتة ويرجع عقلك براسك
بس بلوقت الي انتَ غلطت ، قسيت، بعدت عن ناس، تغيرت
اكو ناس تتحملك وناس سامحتك وناس نستك وناس وكفت وياك وناس وكفو بدونك وضدك. انتَ لا تزعل لانو بھل لحظة تكدر تعرف منو يحبك ومنو فھمك والاھم منو ميتحملك وميريدلك الخير بين قوسين تعرف ناسك.
لان بلاخير راح يضل يمك الي يحبك مو الي انتَ تحبة
وصلت 🤍

خلي يروح براحته، اي واحد يريد يعوفك عمرك لتتمسك باحد يريد ينسحب و انت مغلطان بحقه حتى لو متعرف انت شسويت  !!!
الي يريد يضل راح يضل، و الي يريد يروح راح يروح لانه جان ناوي و مخطط من الاول انه يروح.. والي زعلان منك و يحبك يعتب عليك راح يجي يستفسر منك على اي سوء تفاهم صار ... يزعل و يعاتب .
وياخذ منك مواقف مو بس موقف واحد.. بس ماياخذ قرار الانسحاب ... و يصير واحد كانه عمره ماشايفك ولايعرفك... !!

افسحو المجال للي يريد يروح .. من دون ما توكف بطريقهم.. لانه اذا اليوم ضلوا وياكم.. باجر راح يروحون لان من الاول ما عدهم نية يضلون🤍

جذب لا مرضه
ولا نعسانين
ولا يمهم خطار
ولا النت يمهم ضعيف
ولا عدهم دراسة
ولا مشغولين
ولا عدهم طلعات
الله وكيلكم الأكل بأيد والجهاز
بأيد
بس
القصه وما بيها
. الرغبة بيك انتهت🤍

ما راح تگدر تسلم من أذية النّاس حتّىٰ لو چنت أنت الّي ما تأذي نملة، ولا تگدر تسكت حچيهم عنك وتلفيقهم وسوء ظنهم تجاهك بس اتطمن إنو رب العالمين دام مطّلع علىٰ نوايا نفسك وصدگها ف أنت بـ مأمن مُريح، حتّىٰ لو عشت بوسط ما بيه هالنزاعات من تختلط راح تعرف إنو لازم تخليلك مناعة خارجية تحافظ بيها علىٰ طبيعتك السليمة وما تخلي نقائك يتلوث باللي تشوفة وتسمعة وتتعامل بيه والأهم إنو ما تستسهل الباطل ولا تستصعب الحقّ وتخلي معاملتك مو للشخص نفسه وإنما لله 🤍****

لَا يُكَلِّفُ اللهُ نَفْسًا إِلَّا وُسْعَهَا
دائما من نسمع كلام يطمن من شخص معين نرتاح ،
فكيف اذا كان الكلام والمواساة من الله
ابد لتفكرون يجي يوم ولو لحضه تصيرون بموقف
مو كده ولا أكبر من طاقتكم .
لانه الله عادل يخلي كلشي بمكانه الصح
المتاعب الصعبه للاشخاص الاقوياء
والي عندهم طاقه ايمانيه تفوق المواقف الي همه
بيها
حيجي يوم وتذكرون الايام المره والقاسية
وتكولون شكد احنه تحملنه وصبرنه لكن الله ما
قصر🤍