❗️Haqorat qilganlik uchun qanday javobgarlik bor?

☑️Haqorat qilganlik – shaxsning shaʼni va qadr-qimmatini qasddan kamsitganlik yoki beodoblik bilan qasddan tahqirlaganlik uchun qonunchilikda maʼmuriy va jinoiy javobgarlik nazarda tutilgan.

❕Xususan, Maʼmuriy javobgarlik toʻgʻrisidagi kodeksda haqorat qilgan shaxsga nisbatan 6 mln 800 ming soʻmdan 13 mln 600 ming soʻmgacha miqdorda jarima solinishi belgilangan.

☝️Agar ushbu huquqbuzarlik 1-yil ichida takroran sodir etilsa, huquqbuzarga nisbatan jinoiy javobgarlik belgilanadi.

⚖️ Jinoyat kodeksiga asosan haqorat qilgan shaxsga:

➡️68 mln soʻmgacha miqdorda jarima;
➡️240 soatgacha majburiy jamoat ishlari;
➡️1-yilgacha axloq tuzatish ishlari jazosi berilishi mumkin.

⚖️ Nashr qilish yoki boshqacha usulda koʻpaytirilgan tarzda, shu jumladan OAVda, telekommunikatsiya tarmoqlarida yoki Internetda joylashtirish orqali haqorat qilinsa, ushbu harakat toʻgʻridan-toʻgʻri jinoyat hisoblanadi va aybdor:

➡️68 mln soʻmdan 136 mln soʻmgacha jarima;
➡️240 soatdan 300 soatgacha majburiy jamoat ishlari;
➡️1-yildan 2-yilgacha axloq tuzatish ishlari bilan jazolanishi mumkin.

✅ Agarda haqorat qilish:

➖jabrlanuvchini oʻz xizmat yoki fuqarolik burchini bajarishi munosabati bilan bogʻliq holda;
➖xavfli retsidivist tomonidan;
➖tuhmat qilganligi uchun ilgari sudlangan shaxs tomonidan qilingan boʻlsa:

➡️136 mln soʻmdan 204 mln soʻmgacha miqdorda jarima;
➡️2-yildan 3-yilgacha axloq tuzatish ishlari;
➡️1-yilgacha ozodlikni cheklash jazosi tayinlanishi mumkin.

? @Lawyer_NamDU