Астанада жылыту маусымы басталды – бүгін, 24 қыркүйектен бастап тұрғын үйлерге жылу беру кезең-кезеңімен басталды

Астана әкімдігінің Telegram-арнасындағы ақпарат бойынша, қалада барлық нысанды екі-үш күн ішінде толық қосу жоспарланған.

Бұған дейін әлеуметтік нысандар (мектептер, балабақшалар, емханалар) өздерінің өтінімдері бойынша жылытуға қосылған болатын. Сонымен қатар Астанада жылыту маусымына дайындық және оны өткізу ережелеріне сәйкес, тұрғын үйлерге жылу беру орташа тәуліктік сыртқы ауа температурасы +10 градус немесе одан төмен көрсеткіш бес күн бойы тұрақтағанда басталатыны атап өтілген.

t.me/kaznurkz

Қайрат Дәуітов Қарулы күштері Әуе қорғанысы күштері Әуе шабуылына қарсы қорғаныс әскерлерінің қолбасшысы лауазымына тағайындалды.

t.me/kaznurkz

Жамбыл облысының полициясында бірқатар кадрлық ауыс-түйіс болды.

Полиция департаментінің бастығы Арманбек Баймурзин және оның орынбасарлары Құрмет Мажикенов, Нұржан Рахметуллаев, Қанат Сматов, Бауыржан Удергенов, сондай-ақ ПД өзіндік қауіпсіздік басқармасының бастығы Алмас Қожашев қызметінен босатылды.

Облыстық ПД-ның жаңа бастығы болып бұрын көліктегі полиция департаментін басқарған Бақытжан Малыбаев тағайындалды.

ПД бастығының бірінші орынбасары қызметіне Мақсат Қанапяев, ал орынбасарлары болып Бауыржан Жанаев, Жайдарбек Құттыбаев және Мұхтар Аманбеков тағайындалды.

t.me/kaznurkz

Қазақстанда қосымша бөлінген білім гранттары иегерлерінің тізімі жарияланды

Құжаттардың критерийлерге сәйкестігін тексеру нәтижелері бойынша мынадай санаттар бойынша бөлінген 792 өтініш берушінің түпкілікті тізімі қалыптастырылды:

1. 3 өтініш беруші (0,4 пайыз) – 2022 жылғы қаңтар оқиғасы кезінде қаза тапқан азаматтардың балалары;
2. 168 өтініш беруші (21,2 пайыз) – жетім немесе ата-анасының қамқорлығынсыз қалған балалар;
3. 149 өтініш беруші (18,7 пайыз) – ауылдық елді мекендердегі, шағын және моноқалалардағы аз қамтылған отбасылардан үміткерлер;
4. 177 өтініш беруші (22,4 пайыз) – мүгедектігі бар азаматтар;
5. 295 өтініш беруші (37,3 пайыз) – мүгедек балаларды тәрбиелеп отырған отбасында тәрбиеленіп отырғандар.

"Қазақстан халқына" қорының білім гранттары иегерлерінің тізімін сайттан қарауға болады.

t.me/kaznurkz