🕊                      †                        🕊

[ ተዋሕዶ ፍጽምት የቅዱሳን ሃይማኖት ]
▬▬▬▬▬▬   †    ▬▬▬▬▬▬

[  ሥጋዬንም ሞት የሌለው አደረገው !  ]

🕊

▬▬▬▬▬▬▬▬▬▬▬▬▬▬

❝ ከዘመን ሁሉ አስቀድሞ በቅድምና የነበረ ፤ ሥጋ የሌለው ፤ ከአብ የተወለደ ወልድ ፤ ከብርሃን የተገኘ ብርሃን የማይሞት ፤ የሕይወት መገኛ የማይለወጥ ፤ አብን በመልክ የሚመስለው በባሕርይ የሚተካከለው ቀዳማዊ እርሱ ነፍሳችንንና ሥጋችንን ከኃጢአት ፍዳ ያድን ዘንድ ከድንግል ተወለደ። [ዮሐ.፩፥፩-፲፰ ። ዕብ.፩፥፫]

እግዚአብሔር ላደረገው ለዚህ እንግዳ ሥራ አንክሮ ይገባል ፤ መቀላቀል ለሌለበት ድንቅ ለሚሆን ለዚህ ተዋሕዶ አንክሮ ይገባል ፤ ጥንት ሳይኖረው በቅድምና የነበረ ቀዳማዊ እርሱ ዛሬ ጥንት ያለው ሆነ ፥ ያልተፈጠረ እርሱ የተፈጠረ ሥጋን ለብሶ ዛሬ ተገለጠ ፥ ሊቀ ካህናት ሐዋርያ በአደረገው በአብ ዘንድ የታመነ የምናምንበት ኢየሱስ ክርስቶስን ዕወቁ ተብሎ እንደ ተጻፈ። [ዕብ.፫፥፩-፫]

ሰማይ ምድር የማይወስነውን ድንግል በማሕፀንዋ ወሰነችው ፤ ብዕልን የሚሰጥ ባለጸጋ ሰው ስለሆነ ድኃ ሆነ ፥ በእርሱ ድኃ መሆን እኔ እከብር ዘንድ እርሱን መምሰልን ፥ በተፈጥሮ ገንዘብ አደረግሁ ፥ ግን አልጠበቅሁትም ፥ እርሱ ግን በአርአያው በመልኩ የፈጠረኝን እኔን ያድነኝ ዘንድ ሥጋዬን ተዋሕዶ ፥ ሥጋዬንም ሞት የሌለው አደረገው። [ዘፍ.፩፥፳፮ ። ፫፥፩-፲፱ ። ዮሐ.፩፥፩-፲፬] ❞

[    ቅዱስ ጎርጎርዮስ  ዘእንዚናዙ    ]

▬▬▬▬▬▬▬▬▬▬▬▬▬▬

ወስብሐት ለእግዚአብሔር ፤ ወለወላዲቱ ድንግል ፤ ወለመስቀሉ ክቡር። አሜን።

†                         †                         †
💖                      🕊                      💖

ድጋሚ በበትራቸው ነክተው ወደ ነበረበት መለሱ:: ከዚያም ቅዱሳኑ ወደየ በዓታቸው ተሰነባበቱ:: ታላቁ አባ በኪሞስ ከዚህ በሁዋላ ለ፯ ዓመታት ያህል መልአክ በክንፉ እየወሰደው ወንጌልን ሰብኩዋል:: ብዙዎችንም ወደ ሃይማኖትና ንስሃ አምጥቷል::

ሁሌም እንቅቦችን እየሰፋ ይሸጥ: በዋጋውም ለነዳያን ይራራ ነበር:: መልአኩም ወደ ፈለገበት ቦታ ተሸክሞ ይወስደው ነበር:: ታላቁ ቅዱስ አባ በኪሞስ በርሃ በገባ በ፶፰ ዓመቱ : በተወለደ በ፸ ዓመቱ በዚህች ቀን ዐርፏል:: የክብር ክብርንም ወርሷል::

አምላከ አባ በኪሞስ ጸጋውን: ክብሩን አይንሳን:: ከበረከቱም ይክፈለን::

🕊

[  † ታሕሳስ ፲፩ [ 11 ]ቀን  የሚከበሩ ዓመታዊ የቅዱሳን በዓላት  ]

፩. ታላቁ አባ በኪሞስ
፪. ቅዱስ በርተሎሜዎስ
፫. ቅዱስ ቴዎድሮስ
፬. ቅዱስ በጥላን

[  †  ወርሐዊ በዓላት   ]

፩. ቅዱስ ያሬድ ካህን
፪. ማር ገላውዴዎስ ሰማዕት
፫. ቅዱስ ፋሲለደስ ሰማዕት
፬. አቡነ ሐራ ድንግል ጻድቅ
፭. ቅድስት ሐና ቡርክት

" በእሸቅድምድም ሥፍራ የሚሮጡት ሁሉ እንዲሮጡ: ነገር ግን አንዱ ብቻ ዋጋውን እንዲቀበል አታውቁምን? እንዲሁም ታገኙ ዘንድ ሩጡ:: የሚታገልም ሁሉ በነገር ሁሉ ሰውነቱን ይገዛል:: እነዚያም የሚጠፋውን አክሊል ሊያገኙ ነው:: እኛ ግን የማይጠፋውን::" [፩ቆሮ.፱፥፳፬]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

†              †               †
▬▬▬▬▬ ▬▬▬ ▬▬▬▬▬
💖                   🕊                    💖

ለዚህም ምክንያቱ አባ ገብረ ናዝራዊ ፍጹም ተሐራሚ በመሆናቸው ማንኛውም መነኮስ ከአንድ ማዕድ ውጪ እንዲቀምስ የማይፈቅዱ ስለ ነበር ነው:: ከታላቁ አቡነ ኤዎስጣቴዎስ ቀጥሎም ሰንበትን አክብሮ በማስከበር ጻድቁ ትልቁን ቦታ ይይዛሉ:: በተለይ ቀዳሚት ሰንበት እንድትከበር ታግለዋል:: በበጐ አበ-ምኔትነታቸውም ብዙ ፍጹማንን ለሃገራችን አፍርተዋል:: ራሳቸው የበሰለ ነገር ወደ አፋቸው ሳያስገቡ ፳፬ ሰዓት በዳዊት መዝሙር ይደሰቱ ነበር::

ላባቸው እስኪንጠፈጠፍም ይሰግዱ ነበር:: ሐዋርያዊ ግብርን ለመፈጸምም ወንጌልን እየሰበኩ ያለቻቸውን ነገር ይመጸውቱ ነበር:: ዛሬ የጻድቁ ዕረፍታቸው ነው::

🕊  † ቅዱስ ፊቅጦር ዘሻው †  🕊

ይህ ቅዱስ ከታላላቅ ሰማዕታት አንዱ ነው:: ሻው ማለት ሰማዕትነትን የተቀበለባት ቦታ ስትሆን "ፊቅጦር ካልዕም" ይባላል:: ከክርስቲያን ወላጆቹ የወረሰውን በጐነት አጽንቶ በቅን መንገድ ኑሯል:: ምንም ወጣት: የሃገር አስተዳዳሪ: ሃብታምና መልከ መልካም ቢሆንም ይህ ሁሉ ከክርስቶስ ፍቅር ሊለየው አልቻለም:: [ሮሜ.፰፥፴፭] ዘመነ ሰማዕታት በደረሰ ጊዜም ክብሩን ንቆ: ስለ ክርስትና ብዙተ ሰቃይቶ: በዚህች ቀን ከነ ተከታዮቹ ሰማዕት ሆኗል:: ጌታም ቃል ኪዳንን ገብቶለታል::

አምላከ ቅዱሳን የወዳጆቹን ምሥጢረ ቅድስና አይሰውርብን:: በረከታቸውንም ያብዛልን::

🕊

[ † ታሕሳስ ፭ [ 5 ] ቀን የሚከበሩ ዓመታዊ የቅዱሳን በዓላት  ]

፩. ቅድስት አውጋንያ ተጋዳሊት
፪. አባ ገብረ ናዝራዊ ንጹሕ
፫. ቅዱስ ፊቅጦር ሰማዕት
፬. ቅዱስ ፊልዾስ ሰማዕት
፭. ቅዱስ ናሆም ነቢይ

[  † ወርኀዊ የቅዱሳን  በዓላት  ]

፩. ቅዱስ ዼጥሮስ ሊቀ ሐዋርያት
፪. ቅዱስ ዻውሎስ ብርሃነ ዓለም
፫. አቡነ ገብረ መንፈስ ቅዱስ
፬. ቅዱስ ዮሐኒ ኢትዮዽያዊ
፭. ቅዱስ አሞኒ ዘናሒሶ

" ነገር ግን ለበጐ ነገር ጥበበኞች: ለክፉትም የዋሆች እንድትሆኑ እወዳለሁ:: የሰላምም አምላክ ሰይጣንን ከእግራችሁ በታች ፈጥኖ ይቀጠቅጠዋል:: የጌታችን የኢየሱስ ክርስቶስ ጸጋ ከእናንተ ጋር ይሁን:: " [ሮሜ.፲፮፥፲፱]

† ወስብሐት ለእግዚአብሔር †
† ወለወላዲቱ ድንግል †
† ወለመስቀሉ ክቡር †

[ ዲ/ን ዮርዳኖስ አበበ ]

†              †               †
▬▬▬▬▬ ▬▬▬ ▬▬▬▬▬
💖                   🕊                    💖

🕊

✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞

[  ✞ እንኩዋን ለእናታችን "ቅድስት አውጋንያ" : "አባ ገብረ ናዝራዊ" እና "ቅዱስ ፊቅጦር" ዓመታዊ የዕረፍት በዓል በሰላም አደረሳችሁ ✞  ]

🕊  †  ቅድስት አውጋንያ  †   🕊

ይህቺ ቅድስት ወጣት ስም አጠራሯ በእውነት የከበረ ነው:: ዜና ሕይወቷ ሲሰማ ጣዕመ ነፍስን ያድላልና:: በፈጣሪ ረዳትነት ልጀምር:: እናንተም በእግዚአብሔር አጋዥነት ተከተሉኝ::

ቅድስት አውጋንያ የ፫ኛው መቶ ክ/ዘ የክርስትና ፍሬ ናት:: በትውልዷ ሮማዊት ስትሆን አባቷ ፊልዾስ ይባላል:: ሥራውም የጦር መሪ: የሃገርም አስተዳዳሪ ነው:: በስም ያልተጠቀሰች እናቷ ደግሞ ክርስቲያን ነበረች::

ዘመኑ አስከፊ ሰለ ነበር [ለክርስቲያኖች ማለቴ ነው] ክርስትናዋን ደብቃ: አልባሌ [አሕዛባዊ] መስላ ትኖር ነበር:: ቅድስት አውጋንያን ስትወልድ ግን ጨነቃት:: እንዳታስጠምቃት የእርሷም ሆነ የሕጻን ልጇ እጣ ፈንታ ሞት መሆኑ ነው::

ምክንያቱም ባሏ ፊልዾስ ክርስትናን ፈጽሞ የሚጠላ ጣዖት አምላኪ ነበርና:: ከዚያም አልፎ ሰዎች ለጣዖት እንዲንበረከኩም ያስገድድ ነበር:: ስለዚህ እናት ልጇን ሳታስጠምቅ: ግን በፍጹም የክርስትና ትምሕርትና ሥርዓት አሳደገቻት::

ቅድስት አውጋንያም ጾምን ጸሎትን: ትሕትናን: ትእግስትን የተመላች ወጣት ሆነች:: ግን ምሥጢረ ጥምቀትን ታገኝ ዘንድ ዘወትር ፈጣሪዋን ትማጸን ነበር::

በዚህ ሁኔታ ላይ እያሉም አንድ መልካም አጋጣሚ ተፈጠረ:: መኮንኑ አባቷ [ፊልዾስ] በምድረ ግብጽ እስክንድርያ አገረ ገዥ ሆኖ በመሾሙ ጉዋዛቸውን ጠቅልለው ወረዱ:: ምንም ይህ ለቅድስት አውጋንያ መልካም አጋጣሚ ቢሆንም ሌላ ፈተናን አመጣባት::

አባቷ ለአረማዊ መኮንን ሊድራት መሆኑን ሰማች:: አሁን ግን መቁረጥ ያስፈልግ ነበርና ወሰነች:: ወደ አባቷ ገብታም "አባቴ! አንድ ነገር ላስቸግርህ:: አንተ ለምትለኝ ሁሉ እታዘዛለሁ:: ግን ከሠርጌ ቀን በፊት ለአንዲት ቀን በዱር ውስጥ ተናፍሼ: ተዝናንቼ እንድመጣ ፍቀድልኝ?" አለችው::

ምን እንዳሰበች ያልጠረጠረ አባቷም ከ፪ ጃንደረቦች ጋር እንድትሔድ አደረገ:: በርሃ አካባቢ ሲደርሱም ቅድስት አውጋንያ እውነቱን ለ፪ቱ ጃንደረቦች ተከታዮቿ ነገረቻቸው::

"እኔ ወደ በርሃ የምሔደው ክርስቲያን ልሆን: ደግሞም ልመንን ነውና ካላሰኛችሁ ተመለሱ" አለቻቸው:: ፪ቱም ግን በአንድ ቃል "ሞታችንም: ሕይወታችንም ከአንቺ ጋር ነው" ብለዋት አብረው ገዳም ገቡ::

እንደ ደረሱም ምሥጢራቸውን ለአንድ ጻድቅ መነኮስ ተናግራ እንዲያጠምቃት ጠየቀችው:: መነኮሱም ፫ቱንም ካጠመቃቸው በሁዋላ ቅድስት አውጋንያ "አመንኩሰን" ብትለው "ልጄ! ይሔ የወንዶች ገዳም ነውኮ" አላት::

"አባ! ግድ የለህም! እኔ ራሴን እሰውራለሁ" አለችው:: ከዚያም ሥርዓተ ገዳምን አስተምሮ ስሟን "አባ አውጋንዮስ" ብሎ ከማሕበረ መነኮሳቱ ቀላቀላት:: - አውጋንያን - ታኦድራ - አንስጣስያ . . . የመሳሰሉ ስሞች በቀላል መንገድ ወደ ወንድ ስምነት - አውጋንዮስ - ቴዎድሮስ - አንስጣስዮስ . . .በሚል መቀየር ይችላሉና::

ከዚህች ዕለት ጀምራ ቅድስት አውጋንያ በአባ አውጋንዮስነቷ ተጋድሎን ጀመረች:: ቀን ቀን ወንዶች መነኮሳት የሚሠሩትን ከባድ ሥራ ሁሉ ስትሠራ ትውልና ሌሊት በትጋት ስትጸልይ ታድራለች:: ለ፩ ዓመት ያህል በፍጹም ተጸምዶ ገዳሙን አገለገለች::

በነዚህ ጊዜያት የመጡባትን ፈተናዎችም ታገሰች:: ዓለምን የናቀችለት: የአባቷን ቤተ መንግስት የተወችለት ክርስቶስ ኃይሏ ነበርና:: በዚያ ሰሞንም የገዳሙ አበ ምኔት በማረፉ መነኮሳትን የሚመራና የሚናዝዝ ሌላ አበ ምኔትን ለመምረጥ ሱባኤ ገቡ::

ከሱባኤ ወጥተው ሲሰበሰቡ ግን ያመጡት የመንፈስ ቅዱስ መልእክት የሚገርም ነበር:: የሁሉም ዓይን ወደ አባ አውጋንዮስ ተወረወረ:: እርሷ ምሥጢሯን [ሴትነቷን] ታውቃለችና ደነገጠች:: ምርጫው ግን የመንፈስ ቅዱስ ነበርና ግድ ብለው በእነዛ ሁሉ መነኮሳት ላይ እረኛ ሁና ተሾመች::

በእርግጥ እርሷ ሴት በዚያውም ላይ ወጣት ናት:: ግን እውነተኛ የክርስቶስ ወዳጅ ነበረችና በፍጹም ትጋት መነኮሳትን አስተዳደረች:: ጸጋው ቢበዛላት የተጨነቀውን ታረጋጋ: የታመመውን እጇን እየጫነች በጸሎቷ ትፈውስ ነበር:: በዚህም መነኮሳቱ ደስ ተሰኙ::

እርሷ ግን ስለዚህ ፈንታ ብዙ ፈተናዎችን በአኮቴት ታሳልፍ ነበር:: ስም አጠራሯም ከበርሃ ወጥቶ ወደ ከተሞች በመግባቱ ድውያን እየመጡ ከእርሷ ዘንድ ይፈወሱ ነበር:: አንድ ቀን ግን ያልተጠበቀ ፈተና መጣባት::

አንዲት ሰይጣን ያደረባትን ሴት ካዳነቻት በሁዋላ: መልኩዋ እጅግ ውብ ስለ ነበር የዝሙት ጥያቄን አቀረበችላት:: [ሴቷ ለሴቷ ማለት ነው] ለእርሷ ወንድ መስላታለችና:: ቅድስት አውጋንያ ግን ገሥጻ ሰደደቻት:: በዚህ የበሸቀችው ያቺ ክፉ ወጣት ወደ ከተማ ሒዳ ለሃገረ ገዢው ፊልዾስ [የቅድስቷ አባት] ክስ አቀረበች::

እርሱ [ፊልዾስ] አውጋንያ ከጠፋችበት ቀን ጀምሮ በስሟ ጣዖት አሠርቶ የሚሰግድ ሆኖ ነበር:: ወጣቷ "በገዳም ያሉ መነኮሳት: በተለይ አውጋንዮስ የሚሉት መሪያቸው አስገድዶ ከክብር ሊያጐድሉኝ ሲሉ አመለጥኩ" ብላ በሃሰት በመክሰሷ ገዳሙ እንዲመዘበር: መነኮሳቱም እንዲገረፉ መኮንኑ ፊልዾስ አዘዘ::

በግርፋቱ መካከልም ብዙ መነኮሳት ሞቱ:: የእነርሱ ስቃይ ያንገበገባት ቅድስት አውጋንያ ግን አባቷን ለብቻ ወስዳ አስምላ ማንነቷን ገለጸችለት:: የናፈቃት ልጁን ሲያገኝ ደስ ብሎት መነኮሳቱን እንዲተዉ አዘዘ::

ለብቻ ከልጁ ጋር ተቀምጦም ያለፈውን ነገር ሁሉ ነግራ ስለ ሰማያዊ ሕይወት አስረዳችው:: በስሟ የተቀረጸውን ጣዖትም ሰብራ አባቷን አስጠመቀችው:: እርሱም መንኖ ለዓመታት ኖረ:: ከዚያም ዻዻስ ሆኖ ተሹሟል::

በዚህች ቀንም ስለ ክርስቶስ አንገቱን ተሰይፏል:: ቅድስት አውጋንያ ግን ከግብጽ ወደ ሮም ሒዳ የደናግል ገዳምን መሠረተች:: በሥሯም አምላክ 3,300 ደናግልን ሰበሰበላት:: እነርሱን ስታጽናና: ስትመክር: ስትመራ ለዓመታት ኑራ በአካባቢው ገዢ ሃይማኖቷን እንድትክድ ተጠየቀች::

"እንቢ" በማለቷ እርሷም እንደ አባቷ በዚህች ቀን ተሰይፋ ሰማዕት ሆናለች:: አብረዋት የመነኑ ፪ቱ ጃንደረቦችም ዻዻሳት ሆነው ቤተ ክርስቲያንን አገልግለዋል::

" - ድንግል: - መናኝ: - ፈዋሽ: - ናዛዥ: - አበ ምኔት: - እመ ምኔት: - ጻድቅትና - ሰማዕት ለሆነች ለእናታችን ቅድስት አውጋንያ ክብር ይገባል! "

🕊  † አባ ገብረ ናዝራዊ  †  🕊

እኒህ ጻድቅ በ፲፬ኛው መቶ ክ/ዘ የነበሩ ኢትዮዽያዊ ናቸው:: ጻድቁ ትግራይ [ገዳማቸው ያለበትና] ሽዋ አካባቢ በደንብ ይታወቃሉ:: የእርሳቸው የቆብ አባት የሆኑት አባ ጐርጐርዮስ የታላቁ አኖሬዎስ [የደብረ ጽጋጋው] ልጅ ናቸው::

አባ ገብረ ናዝራዊ በምናኔ በየገዳማቱ ሲጋደሉ ከኖሩ በሁዋላ በምክረ አበው ራሳቸው ገዳምን መሥርተዋል:: ብዙ ደቀ መዛሙርትንም ሰብስበው ገዳሙ ታላቅ ሆኗል:: በወቅቱ ከገዳመ ዋሊ [ዋልድባ] ቀጥሎ ጥብቅ ሥርዓት የነበረበት ታላቅ ገዳምም ሆኖ ነበር::

†                        

[      🕊   ፍኖተ ቅዱሳን    🕊      ]

[ የቅዱሳን አባቶቻችን የቅድስናና የተጋድሎ ሕይወት ]

▬▬▬▬▬▬   †    ▬▬▬▬▬▬

[  ሁል ጊዜ በትጋትና በጥንቃቄ መሆን እንደሚገባ !  ]

🕊

"  ሦስት የዲያብሎስ ኃይሎች .... ! "
........

- አበው እንዲህ አሉ ፡- ❝ ከማንኛውም ኃጢአት ፊት የሚሄዱት የዲያብሎስ ኃይሎች ሦስት ናቸው ፣ እነዚህም ዝንጋኤ ፣ ግዴለሽነት እና ምኞት ናቸው::

ዝንጋኤ [ መዘንጋት ] በሚመጣበት በማንኛውም ጊዜ ሁሉ ግዴለሽነትን ይወልዳል ፣ ከግዴለሽነት ደግሞ ምኞት ይከተላል ፣ ምኞት ደግሞ ሰውን እንዲወድቅ ያደርገዋል፡፡

ነፍስ ጠላትን በትጋት ነቅታ የምትጠብቅ ከሆነ ግን ለሰይጣን መግቢያ ቀዳዳ አትሰጠውም ፣ ካልተመኘች በክርስቶስ ቸርነት ከመውደቅ ትጠበቃለች። ❞

የአባቶቻችን ጸሎትና በረከት ይደርብን፡፡

†                       †                         †
💖                    🕊                     💖

†                          

[    🕊    ገ ድ ለ   ቅ ዱ ሳ ን   🕊     ]

▬▬▬▬▬▬   †    ▬▬▬▬▬▬

[ ቅዱስ መቃርዮስ ካስተማረው ትምህርት ]

[             ክፍል  ሃምሳ               ]

🕊  

[            ስለ ትሕትና !           ]

🕊

❝  አባ ወቅሪስ እንዲህ አለ ፡- “ኣባ መቃርዮስን ልጎበኘው ሄድኩና ፦ 'በሕይወት ለመኖር የሚጠቅመኝን አንድ ቃል ንገረኝ' አልሁት፡፡ እርሱም ፦ 'ብነገርህ ሰምተኸኝ ታደርገዋለህ?' አለኝ፡፡ እኔም እምነቴና ፍቅሬ ከአንተ የተሰወሩ አይደሉም አልሁት::

አባ መቃርዮስም እንዲህ አለኝ ፦ 'በእውነት እኔ የመልካም ምግባር ሕይወት ይጎድለኛል ፤ አንተ ግን ጥሩ ነህ፡፡ ነገር ግን የዚህ ዓለም ትምህርት የሚያመጣውን ክብርና ዝና አውልቀህ ብትጥልና የቀራጩን ትሕትና ብትላበስ በሕይወት ትኖራለህ::'

እነዚህን ነገሮች በተናገረኝ ጊዜ ሃሳቦቼ ሁሉ በንነው ጠፉ ፣ ይቅርታውን በጠየቅሁትም ጊዜ በላዬ ላይ ከጸለየልኝ በኋላ አሰናበተኝ፡፡ የውስጤ ሃሳቦች ሁሉ ከእግዚአብሔር ሰው ከአባ መቃርዮስ የተሰወሩ እንዳልሆኑ ተረዳሁ ፣ ወደ እርሱ በሄድሁ ጊዜም ሁሉ እንዳዳምጠው ከሚያደርገኝ ከጸጋው የተነሣ እርዳለሁ ፣ ለእኔም ትሕትናን የምለማመድበት አጋጣሚ ነበር፡፡ ❞

የአባታችን የቅዱስ መቃርዮስ ምልጃና ጸሎቱ አይለየን፡፡

ይቆየን !

†                       †                         †
💖                    🕊                     💖