#hayotiy

Manfaat — munosabatlarning boshlanish va tugash nuqtasini belgilab beradigan mezon.

Bundan ustalik qilib foydalanganlar mahoratli, yaqqol sezdirib qo'yganlar esa hali mahorati kam:)

@Quvonchbek_Gaybullayev

Ичимда бир бургут,
ичимда бир ғул,
ичимда бир турку,
ичимда бир хун,
ичимда бир ҳадис,
ичимда минг шарҳ,
ичимда бир жадид,
ичимда бир шайх,
ичимда бир қарғиш,
ичимда бир oҳ,
ичимда бир дарвеш,
ичимда бир шоҳ,
ичимда бир жоно,
ичимда бир ҳирс,
ичимда бир Раҳмон,
ичимда Иблис,
ичимда бир ҳаёт -
манглайимдай талх,
ичимда бир мамот -
ичимда минг завқ.

Нурмуҳаммад АЗИЗ

@Quvonchbek_Gaybullayev

Gaplar dunyo-yu, lekin aytishga na hafsala, na jur'at yetishadi. Shunchaki, bu paytda kuzatish va gapirmay yashash kerak)

@Quvonchbek_Gaybullayev

YURAKDAN

Dunyoda eng go‘zal mo‘jiza,
Har kuni o‘tadi yo‘lakdan.
Qadami ohista va lekin
Yurakdan yuradi yurakdan.

Ko‘zlarim ergashar, iziga
Muhabbat to‘kilar zirakdan.
Sochlari yashirgan qomati
Yurakdan uradi yurakdan.

Xayolan, yonida kuyovman,
Bilakdan tutganman bilakdan.
Aslida muhabbat o‘yni ham
Yurakdan suradi yurakdan.

Kech tushar xotira uyg‘onar,
Yor yodin o‘tkazar elakdan.
Oshiqlar tushlarni men kabi
Yurakdan ko‘radi yurakdan.

Navoiylik Alisher

@Quvonchbek_Gaybullayev

METRO

Ko'zlar ko'zga tushganda bir zum,
Tabassumlar uyg'onar beshak.
Bekatlarni ishg'ol qilar vaqt,
Yurak o'ynar zimdan qarasak.

Shovqinlari tutashar qalbga,
Metrolarda sarson bo'lgan ishq.
Bozor solsa qiymati hadsiz,
Metrolarda arzon bo'lgan ishq.

Muddaoni tasodif atab,
So'zlarimni tutib elakdan.
Ko'zlarimga sig'magan sevgi,
Qolib ketar "Novza" bekatda.

Quvonch Bek

@Quvonchbek_Gaybullayev

"Вақт ҳамма нарсани ўзгартиради" дейишади. Бу нотўғри ибора. Вақт ҳеч кимни ва ҳеч нарсани ўзгартирмайди.

— Ўн йил аввалги ичувчи, ўзини ўзи тарбиялаб, ичкиликдан воз кечмас экан, у ичувчилигича қолаверади.

— Ўн йил аввалги хасис, бахил инсон ўз хулқини ўзи тарбияламаса, ўн йилдан кейин ҳам ҳасад ўтида ёнаверади.

— Ўн йил аввалги дангаса ўзи шижоат қилмас экан, ўн йилдан сўнг ҳам дангасалигича қолаверади.

Вақт ҳеч кимни ўзгартирмайди... Инсон ўзини фақат ўзи ўзгартира олади!

@Quvonchbek_Gaybullayev

Erksizlarning qalbi burda-burdadur,
Erksiz odam doim ochiq go'rdadur,
Erksiz odam go'yo tirik murdadur,
O'z erkim deb o'lganlarga o'lim yo'q.

Bosqinchiga dilin sotganlar o'lik,
Bosqinchiga tilin sotganlar o'lik,
Bosqinchiga elin sotganlar o'lik,
O'z elim deb o'lganlarga o'lim yo'q.

"Meshpolvon" filmidan

@Quvonchbek_Gaybullayev

✅Diplom himoya — 5

#kun_hikmati

"Барчанинг жонига тегар даражада шафқатсиз ва учраган кимса сени туртиб кетар даражада ювош бўлма."

Саъдий Шерозий

@Quvonchbek_Gaybullayev

Bekorga "O't balosi, suv balosi, tuhmat balosidan o'zing asra" deb duo qilishmaydi.

Bugun, bir do'stimning omonatini topshirganini eshitdim. Cho'kib vafot etibdi.

Azizlar, o'zingizni ehtiyot qiling. Mavsum boshlandi deb har qanday joyda cho'milavermang, iltimos!

Inna lillahi va inna ilayhi roji'un!

@Quvonchbek_Gaybullayev