للابد هاي الاغنيه لسيمور جلال
الوحيده الي تكدر توصف حبي الك وحنيتي الك واشتياقي الك
الاغنيه احسها خاصه بينه وبس
من اسمعها اذكر بداياتنه ونظراتنه وحبنه و قوة علاقتنه وغيرتنه
كل كلمة بهل اغنيه تمثل عظيم حبي الك 🤍

طول عمري ما اصدك بجملة
" كل فَترة و الها ناسها " بس
الزمن ويه الوكت ديأكدها والمشكلة ديأكدها ويه المعتبرهم اغلى من روحك .

قرار انك تتخلى بعد الادراك قرار مابي رجعه ، وقتها الشخص حيكون فاهم كل
شي و شاف الصورة كاملة من
كل الزوايا ويشوف نفسه ضحى هواي، اتحمل ، داس على نفسه و على كرامته ، و بالمقابل شاف تهميش و ماكو تقدير لكل اللي قدمه، وقتها حيفهم انو كافي بعد ، الكفة ممتوازنة و لا عمرها
هتتوازن و بهلحظة المشاعره تتغير ١٨٠ درجة .

بنهاية اليوم ، بعد ما تخلص طاقتنا و نتعب بعد الشغل والحجي و المحاولات والتفكير بألف هم وبألف شغله ، مو دائما نحتاج احد يسمعنه اوقات حتى الحجي منكدر نحجي ويكون ثكيل ، فندور على شخص الي يشاركنا الهدوء ، نكعد بدون محد يحجي شي
مجرد كوب جاي يمنه و صافنين وهادئين نريح بالنه وتفكيرنه هاي كلش كافيه ?

??

شعور اول مرة من كل شي ويا الشخص الصح يسوه الدنيا كلها ??

دائماً اكو وقت , دائماً اكو خطة بديلة
دائماً اكو فرصة , دائماً اكو طريق جديد
دائماً اكو احتمالية ان الشي يصير
دائماً اكو أمل
اذا ماكو كل هاي الأشياء معناها الحياة انتهت
وما دام الحياة بعدها مستمره يعني كل شي ممكن? .

هاي الفترة من بين كل الفترات ما الها شعور محدد ، مرات تكعد من النوم وتتمنى تختفي ، ومره تكون متصالح ويا الحياة ، مره تكعد قلقان بدون سبب ، مره تتمنى يمشي اليوم و انت ساكت ، وهذا غير انك تتمنى تنام لساعات طويلة كلش بدون مايزعجك شي .