الشام شحزن دربه
كل خطوه بي غربه
لاچم گلب زينب
ياصعبت الصعبه

شتتحمل شتصبر
من ناسه ضاگت مر
اتگرّب منيتها
بأخوتها من تذكر
...
من عاشر اتفض يلاگيها عاشر
ماعاشت براحه مكسوره خاطر
تغمّض نواضرهه بس للمنيه
وتذكر يتاماهه وترد تكابر
__
كل فاجعات الكون
طاحن عله ام عون
من البچي والنوح
ماضلن الها عيون

دموع العقيلة اتسيل
عذب گلبها الليل
ماضل صبر بيها
والذكريات اتعيل
...
ياوسفة دار الزمن عالعقيلة
اليفگد عشيرة اشيضل بدليلة؟
عگب الدلال السبي مارحمها
المكفوله چانت تصير الكفيله
__
شتضَمّد امن جروح
البلغربه بس اتنوح
بيها تفز احزان
شما ذكرو المذبوح

التغفه اعله حرگ اخيام
وتصحه اعله لوعة شام
شيضل بعد بيها
وحچي الشماته اسهام
...
آه شعضم وشحزن هالمصيبه
عاشت جروح ومصايب عجيبه
بس غربه غربه سمعنه اعله زينب
يمته بعد نسمع بمو غريبه
_
فراگ الاخو چتال
كلش يغيّر الحال
بعد الجرى والصار
ماضل حچي ينگال

تنطي الوجه لاوين
ودوهنهه فگد احسين
وفگد الگمر عباس
حومر دموع العين
...
فوگ الهزل ويلي من صعدوها
بهاللحضة زينب ترة موتوها
راحت سبية وگلبها تگطع
اتفزّع بأهلها وتناطر يجوها
____
دار الزمان ودار
واخت الگمر تحتار
زينب تطب ديوان
ماكو اقسى من هالصار

الدمعه تاذيها
وماكو اليواسيها
ويلاه عله زينب
وعاللي جرى اعليها
...
تعمه العيون لحزنها وصبرهه
يمصايب ام عون وألمها وكسرهه
نحلانه مثل امها گالو اويلي
وخلّص جروح وبواچي عمرهه

اللهم عجّل لوليك الفرج

غمها الاگلوب الخايفة من اليجي
يم علي دام الراي والمستقر

بطارف عباته تمسكينه ولمَن
هب الهوى معاكس ولا مسنه ضرّ

نوّخنه يمة وما نسّدر بعد
حُب علي امتاع وهذا الاسمه سفر

يا من هوه الشوفنه وجه الصبح
لن عاشگ المعشوگ لذتة السهر

اعطش تشّهد لأسمه وكت الفرض
خو للشهادة الثالثة اعطش بحر

سلمان مو بس حَب علي وانتهت
لا چان فوگ اثاره يتّبعة اثر

دين الله ربحه بيا(علي)شتعترض؟
واصل الولاية تميزك اعله البشر

تريحك ثرها ديار أهل لا فتى
وديار غير إلا علي چن سقر

اني انتمائي وكل وجودي إله
شيعي واضل وعنادي من الگمر

ما ارتد ولا رد شبر ليورة
لو عرف حبه يريد حزة نحر

اسعد الله ايامكم وارواحكم بولادة وولاية علي بن ابي طالب صلوات الله عليه🤍

#الليالي_العلوية

ياليل طوّل ياليل..خل نشبع اموادع عمر
رايح ولينه وأيتام..عافانه نبچبي بلا صبر
بيت وتهدّم بجفاه..وشتت شملنه ابروحته
اليفگد ابو الوحشه اتعيل..بي والفگد يكسر كسر
..
راح ابونه شگد صرخنه .. وفگده شنهو امخلي بينه
دمعه دمعه تجري تچوي .. وماكو اليسكت بچينه
عله الگاع اموسدينه .. وبالمشاعر جرحه ينزف
كون إليودعله غالي .. عگبه ماتطّول سنينه
..
العمر اشيخلصه ابلا ابو .. فگد الابو امصاب
ايضل ابكسر دومه البشر .. واليّة لو غاب
ياجرح تنسى الذاكرة .. والذاكرة اجروح
طبرت ابونه الكلها ألم .. لو عملت الباب
_____
آنه ام الاجروح اوساع..الماراحم اگليبي الزمن
زينب واموت شما شوف .. عيون أخوتي اگبالي بچن
ويلاه خلانه ايتام .. وماكمل اصيامه ومشه
كاسر گلبنه فرگاه .. وتارسنه شوغات ومحن
..
يازمنه ارحمنه فدوه .. وارحم الضل من عمرنه
يا مصايب فكي عنه..ادخيلچ اجروح انترسنه
العمره دمعه بيا سكينه .. بله راح ايعيش گلبه
يكسر الخاطر بچينه .. امن الونين ولا صبرنه
..
فراگ الولي كل البشر ..بي تدري چتال
بُعده يذبلنّه الجفن.. ويهدّم الحال
مو مثل أي اب والدي..حته احنه ننساه
داره صبح مثل الگبر من عافنه وشال
_____
مكتوبلي الون والنوح..ولعمري مكتوب القهر
ياهوه غيري من الناس..شاهد الشفته من صور
بعمر الطفولة اعله الباب..شاهدت امي ملوعه
وهسة الگلب شاب وذاب..من رد ابويه وانطبر

ويلي من شاهدته ينزف .. عيني نزفت كل دمعها
گال اصبري واعله راسي .. ايده بالگوه وضعها
گلي احمل جرح راسي .. واحمل السم الترسني
لچن ونتچ والله بويه .. ابد ما احمل وجعها

وگلالي نتفارگ لچن .. باچر بالالام
نتلاگه بالطف من يحروگون الكم اخيام
باچر اجيج من النجف..لمن تنادين
لحگ يبويه احمي الحرم..واحميها الايتام
_____
ذبلت مهجتي بفرگاه..وكل حيلي بالطبره ركد
چبدي انمرد حيل اعليه..ومابيه اتحمل بعد
لتكفل ايتام الناس .. محد كفلنه من مشه
راح واعوضنه ابيش..الميعوض امچانه أحد
..
فرگته ذبحت فرحتي .. وروحته اذتني كلش
شلون راح اگظي حياتي والابو لبنيته عِش
ويلي من فارگني طوله .. وجت النار بدليلي
من مشه هاجمني حزني ..وگام وني اعليه يغبش
..
كل لحضه اذكرنه واحس..ابطلعت الروح
كل ثانيه بعده تمر..تهيجلي الجروح
شتصبّر وجرحه لچمني وذبل العين
وراح اكظي بعده هالعمر..بالحسره والنوح

#الليالي_العلوية

موادع جروح ويه الولي ..طوّل يليل
الليله الاخيره وي علي ..طوّل يليل
زينب أو ونها يعتلي ..طوّل يليل

بواليها باجر تنفجع..ويتناثر اعله الخد دمع

گرّب رحيل اعضم بشر..وطولك يليل چنّه گصر
_لمن مشه ايصلي الفجر..حيدر علي
ايتامه عرضوله اشكثر .. حيدر علي
ولعياله رد ومنطبر ..حيدر علي

بي يلچم السم والجرح ..وخاف اعله زينب تنذبح

يتلوه بس لو سألته..ايطمن گلبها ابحالته
_
يمسح دمعها ابيمنته .. كلما تنوح
وتزيّد اعليَّ لوعته .. كلما تنوح
يبچي لدموع ابنيته ..كلما تنوح

وعيونه عالفرگه حچن..ايصبرها ودموعه جرن

ايهد الگلب هذا الوداع..من يمها حست كلشي ضاع
__
صوته خفت وام الخدر ..زادت ونين
فارگها وانكسرت كسر ..زادت ونين
شتتصبر ومات الصبر ..زادت ونين

دوهنها فگده ومن رحل..ببنيته زينب شنهو ضل

اهنانه ابتدت لوعه ونياح..زينب علي من يمها راح
_لفگد الابو ضلت تون ..ليل ونهار
وذابح گلبها هالحزن ..ليل ونهار
راح وبقة يجري الجفن..ليل ونهار

فارگها ونترست محن..وماترحم اجروح الزمن

افراگ الولي ماتحملة..راح وتركله امدللة

هنانه ابشع جرم صاير
هيج اللوعه والحسره
من مصاب النبي إلاله
فاطمة والجرم كسره
هنانه هجمو ثلثميه
المحسن هنا علي يخسره
الروحه طلعت گبل امه
بذره چان وخلص عمره
..
ومن المشاعل..چلمة وأن تحرگ وتاذي اكثر
وشحت مناضل..بس حيدر وبالوصية تكتر
هنانه التسائل..ليش اعله باب الامان انجمع شر
_____
ويه جرة النفس تهوى
انحيله صارت من المدمع
وخايفه عن علي يدري
ضلت بخفيه تتلوع
تكابر ومو جرح هوه
لا كسر منه تتوجع
وليله ليله بدت تذبل
ومن گلبها الحزن يطلع
..
روح الله فاطم.. وما خافو الله بغصبها وكسرها
وين الهواشم..ماراعو امكم يساده وقدرها
هواي المضالم..اعله ام الحسن وشلو كل صبرها
__
توصي اسماء إلم بيه
وروحي طلعت من احشاها
لحجرتي رايحة اتعبد
ولو خفت صوتي معناها
اتيتمو ولدي باريهم
وصبّريهم بأسم طه
منهم شما يون واحد
يعني هم عيني بجاها
..
يا فضه وآنه..تگللها فگدي ادري كسره لعمرهم
يبقون امانه..وتجلين اريد الحزن فدوه عنهم
بليل الجفانه.. راحت غريبه وفلا ودعتهم
__
الحيره من تعرف الكاتل
وانته مستلزم بطاعه
اتگطعت حيدر انياطه
وجرحه لا ماركد ساعه
غسلاها بدمع عينه
والبچي جارح اسماعه
روحه يم فاطمة ضلت
ورد ضهر محني بأوجاعه
..
ردو غرايب..حيدر علي او ولده ساعة دفنها
بچه الكواكب..خطوه يرد خطوه يتلفتلها
يابير اصاحب؟..ويتحمل جروحي عگبچ يگلها
___
ايطلع شبي حزن للبير
وبكثر مايه ترسا هم
يخفي يم ولده دمعاته
لاكن بعينه الف مأتم
منه باگو بدر روحه
ومن وجع حزنه مايسلم
ورده وانكسرت الزهره
لا ترد عدله لا تنشم
..
الليله الاوله..لحيدر بلا فاطمة حاله يكسر
واتبده طوله..عالعتبه لمن رجع بيها يذكر
وبين نحوله..عالجانت الكسرة احموله تجبر

:
اللهم عجل لوليك الفرج

مولاي يا موسى بن جعفر

___

ياعشگ روحي..يبو المعصومة يارجواي
مغرم باسمك..سحر دلالي من اصباي
وبيش يتجازه.. حنانك هذا يامولاي
..
كلشي يم اعتابك ايفض شيخ الاگلوب
وسيدي بلذة غرامك گلبي مصيوب
حيه اگلوب الناس عشگك چانت ارماد
ادخيل حبك واسمك البلروح مكتوب
..
ابتديت الـ..عشگ وياك بنوح
ميكمل .. غرام بدون جروح
اعله بابك .. يمحلات الدمعات
يمولاي .. تهل و تحيي الروح
______
عايش بخيرك...أنه السائل وانتة المُعطي
شگد كريم انته..وبلا اي منّة من تنطي
زيدت كَيلِي..لَمَن جيت اشكيلك قَحطي

انطيتني من صار بية قحط بالعين
انطيتني يا ابو القاسم دمع لحسين
وآنة هالمرة اجيت بطلب مولاي
كون اكضّي العمر كلة خدمة وونين
..
دخيلك .. اريد لحدما اموت
عله حسين .. انوح وميضل صوت
واذا اموت .. اريدن منك هاي
بحضرته .. يطوفون التابوت
______
ال يضيعني..أعله بابك واگف يلگاني
ما ألي غيرك..يبو دمعاتي واحزاني
يانسيم الحب..يمالي بحبك وجداني
..
هاك گلبي اخذه بيدك واحبس اعليّ
ولون عنك راد يمشي لا تخلّي
عَيشه رحمانيتك ابرقة حنانك
وبس عله ادروبك يغالي فدوه دلّي
..
ارتجيتك .. يمولاي وانخاك
اضل بالـ..عشگ صادق وياك
اريد العمر يخلص بس كون
بجوارك اعيشنّه وبحماك
____
ياعذوبيتك..اجيلك ضامي وترويني
ادخيل حنيتك..يالمرّخص دمعت عيني
راح اغمضّهن..وبحبك يامولاي احديني
..
گلبي مستوطن بخيرك يابو الاحساس
عشگك بيا عشگ گلي بلا ينقاس
علماني اسمك حبيبي معنى الشوگ
وراح اضل بذكرك الهچ لآخر انفاس
..
ذبحني الـ..عشگ يابو السلطان
يمولاي .. أنه بحبك ولهان
رحمتك .. دليل الماله ادليل
ويضل دوم.. ال يحبك ربحان
_____
يابخت گلبي..شكثر محظوظ وحبيتك
اختارني گلبك..گبل ما آنه اختاريتك
ولو ادور الكون..ابد ما الگه بحنيتك
..
جرحك القرر اعيشن الك خدام
هوه اليبَچّي غرامك ليش ينلام
ياعشگ عمر الطفوله العشته وياك
وكل مقاييس الغرام ابدونك اوهام
..
اخذ گلـ..ـبي گوده بچف ايديك
امن اضيعن .. بعد وين آنه الگيك
أنه الما..لي غيرك يامولاي
اريدن .. اهيمن اكثر بيك

اللهم عجل لوليك الفرج

الساقي..طاغي باحسانه
روانة..حبة روانه
وحروفة من نرددها
ماتبقة..مهجة عطشانه

نردد..إسمهُ السامي
نندبة..ومايضل ضامي
دخيلة..شگد چبير اسمه
ابو الجود..وللخيم حامي

دخيل الگمر..شمسوي بينه
تهنة لچن..باسمه انهدينه
حُب ودمع..مطيتنه ادينه
____
أدخيل امروة الكافل
بس حبة..بهالگلب شايل
كل شده..وكلفه بية اتمر
يخلصني.. چف ابو فاضل

حنانه ورحمته جبيره
امن ازورة انترس غيره
دخيل المن اجي محتار
يرجعني بلا حيره

لو بينه مر..طارية لثگيل
حروف الگمر..نرتلها ترتيل
ومنه المدد ..والحرگه والحيل
__
سلطان الحب والمروّه
وقرآن الغيره والخوه
با الطف من..فات ابو فاضل
بس الله..اليعرف شسوه

خذه الروس سيل صمصامه
واجه ايدوس فوگ كل هامه
ضحاياه الما يموت بسيف
يموت إبرجفة اعظامه

سبعين الف.. صارو گناطر
فات وعُبر .. فوگ المنحار
خزرة اله .. تعادل عساكر
__
دخيله عسكر الوحده
يفر الجيش اليگصده
يحير ومدري وين يروح
اليضوگ السطره من عنده

اذا مو كافل وقسور
اشتريده المن ضهر حيدر
يحير اليبرز اگباله
منو اللي يگابله يگدر

من حيل ابو..حيلة وعظمته
والگابلة..وعاين خزرته
مثل السعف..تصبح وگفته

خطوه صعبه
انجمعو اطفال الحسين
يسولفون اعله السفر اليصير باچر
وگاعده بنصهم عليله
محسبه وياهم تسافر

ما محسبه احساب تبقه
شلون بيها
شلون تتحمل الغربه
خطوه صعبه

طفلة واكثر شي تحبه احضان ابوها
تضل وحَدهه بيا طريقه يفاتحوها
شلون راح ايوادعوها؟!
هذا اول سفر چان وما خذوها

ويلي لمن ماخذوها...شصار بيها
كلشي قاسي مر عليها
تبچي ويرد الصده اعليها بچيها

وحيده تبقه مامجربه
خطوه صعبه

ودعتهم غالي غالي
ومنها تنزل دمعه تچوي
ويه كل غالي تودعه
اللله واااكبر مو مصيبه
بعين التودعه تعاين ماكو رجعه

الوحشه تكتل
والعليله عمر ضحكه
مو عمر يخلص نوايب
الليل والمغرب اذيه
لشكو واحد عنده غايب
اترف من الگطن خدها
وخّشنه ادموع المصايب

ااا يغربتها شكبرها
امصابها اكبر من عمرها
طفلة وگصّير صبرها
ما اضن تتحمل اكثر

ضلت ومكسوره خاطر
بعد ما بيها تكابر
دموعها تذبّل النواضر
امصيبه عن الثانيه اكبر

والضعن ماشيّ بدربه
خطوه صعبه

والله محنه
وي گلبها تسولف جروح العذاب
اي يگلبي
تذكر وياهم شلون بخير چنه
وين صارو هسه اهلنه؟

بيا درب نوخ ضعنهم
هالسفر شتت شملنه
آيگلبي
عذباني وعذباك
والله محنه

بين كل هاي السوالف
غفت والدمعه اعله خدها
وهيه وردة
الوردة من يذبلوها
گلي ياماي اليردها

راح تبقه تناطر
اضعون الجفوها شوكت تجبل
راح تبقه تناطر
ودمعتها تهمل

والضعن ماشيّ بدربه
خطوه صعبه

مكسور .. يافاطمة بعدچ عشت
مكسور ..وچم موته بفراگج متت
مكسور ..من ايدي رحتي شحتمل..يازهراء
..
عصرتي چبدي لمّن غسليتچ
مكسورة ضلع ويلا لگيتچ
طلعت روحي من جسمي احسهه
وبكسره يفاطم ودعيتچ

ياحزن انسه خاطر اتصّبر
من يمر الليل وبيچ أنه اتذكر
نار البگلبي بكل مسه تكثر
فگدچ شما طال الجرح يكبر
..
شينگال ..عن هاي المصيبه حچي
شينگال ..يافاطمة غير البچي
شينگال ..وبالفرگه ليليه انچتل..يا زهراء
__
دفنتچ بالگبر وآنه اجري دمعات
وترديلي بعد يالزهره هيهات
ذبل چفني ودليلي بهالفگد ذاب
مشيتي وفرگتچ ترستني اهات

امصابچ شبّقه بيه ياويلي
بهذا الموادع انهدم حيلي
حالي من دونچ الشافه يبچيلي
ليلي شيخلصه من يمر ليلي
..
چتال ..يافرگة الغالي ذبح
چتال ..وعيشني ضلمه بلا صبح
چتال ..فگدچ ابد لا مو سهل..يازهراء
____
لوين امشي واسولف هذا المصاب؟
ويا بير ايتحمل قصة الباب؟
جرح بيه تركتي ايعذب الروح
ياهو يضمده وانتي حدر الاتراب

هوايه استاحش الصوتچ وعذبه
والله انه بلياچ حالتي صعبه
ذكرچ ايزيّد دمعي ويصبه
يا أنُس روحي شيحمل الغربه
..
مجروح ..وكل ليله يزداد الالم
مجروح .. امن مصابچ الچنه سهم
مجروح ..ودم مو دمع عيني تهل..يا زهراء
__
يتاماچ بحزن گامو يونون
شلون اگدر اصبر بيهم شلون
تردلنه بعد لو راحت بعيد
يذبوحي لمن عنچ يسئلون

چلمه يحجوها والغصص زادت
ترد النة امنة؟ لو بعد ماتت
گاعد ويمهم دمعتي بانت
بدمعي اكللهم للابد راحت
..
ملچوم ..دلالي من هذا البعد
ملچوم ..من چلمة اليمته ترد
ملچوم ..كلما عليج آنة انسئل ..يازهراء