“Hududgaztaʼminot” AJ rasmiy munosabati

Ijtimoiy tarmoqlarda suyultirilgan gaz toʻldirilgan maishiy gaz ballonlari bir oy ichida yetkazib berilmagan taqdirda penya belgilanishi haqidagi xabarlar tarqaldi.

Vazirlar Mahkamasining 646-son qarori asosida tuziladigan isteʼmolchi va gaz taʼminoti tashkiloti oʻrtasidagi shartnomada yetkazib berish muddatlari kechikkan taqdirda penya belgilanishi haqidagi band mavjud emas.

Suyultirilgan gaz ballonlari mahalliy hokimliklar tomonidan tasdiqlangan reja-grafik boʻyicha “mahallabay” asosida 35–40 kunda yetkazib berilmoqda.

Qayd etish kerak, koʻrsatuvda Raqobatni rivojlantirish va isteʼmolchilar huquqlarini himoya qilish qoʻmitasi mutasaddisi tomonidan kechiktirilgan tovar uchun penya belgilash tartibi ayni vaqtda respublikamizda yoʻqligi va bu boʻyicha qoʻmita taklifi hukumatga kiritilgani aytilgan, biroq jurnalist bu masalani notoʻgʻri talqin qilgan.

Fursatdan foydalanib, “Hududgaztaʼminot” AJ OAV xodimlaridan qonunchilikda belgilangan qoida va tartiblarni notoʻgʻri talqin qilmaslikni soʻrab qoladi.

Shu oʻrinda suyultirilgan gaz ballonlaridan faqat ovqat pishirish va choy qaynatishda foydalanish belgilangan boʻlib, undan xonani isitish va boshqa maqsadlarda foydalanish qoidalarga zid ekanini maʼlum qilamiz.
💬Facebook | *👉Telegram *|*▶️YouTube *| *📷Instagram *| *🌐***hududgaz.uz

😊😊😊😊😊

#Energetika_xavfsizligi_oyi
Surxondaryo viloyatida faoliyat yuritayotgan hammom tabiiy gazdan noqonuniy foydalangani aniqlandi

“Hududgaztaʼminot” AJ Boshqaruv raisi Ma’rufxon Xodjayev topshirigʻi bilan respublika boʻyicha tabiiy gazdan noqonuniy foydalanish holatlarini aniqlash boʻyicha tezkor ishchi guruhlar tuzilgan. Mazkur ishchi guruhlar hamkor tashkilotlar bilan tabiiy gazdan noqonuniy foydalanish holatlarini aniqlashga qaratilgan nazorat tadbirlarini davom ettirmoqda.

Ana shunday tadbirlardan biri “Hududgaz Surxondaryo” gaz taʼminoti filiali komplayens nazorat tuzilmalari, “Sariosiyoutmangaz” gaz taʼminoti boʻlimi, “Oʻzenergoinspeksiya” va huquqni muhofaza qiluvchi organlar xodimlari ishtirokida Surxondaryo viloyatining Sariosiyo tumanida oʻtkazildi.

Tumanning “Aeroport” mahallasi Oq yoʻl koʻchasida istiqomat qiluvchi fuqaro X.M. xonadonida faoliyat yuritayotgan hammom koʻzdan kechirilganda hududdagi oʻrta bosimli gaz quvuriga hisoblagichsiz oʻgʻrincha ulanib, gazsoʻrgʻich uskunasi orqali tabiiy gazdan noqonuniy foydalanib kelingani aniqlandi.

Holat yuzasidan dalolatnoma tuzilib, sarflangan tabiiy gaz hajmi qonunchilikda belgilangan tartibda qayta hisob-kitob qilindi va 1,88 milliard soʻmlik zarar aniqlandi. Barcha hujjatlar huquq-tartibot organlariga yuborildi.

Batafsil: https://hududgaz.uz/ads?id=12667
*💬Facebook *| *👉Telegram *|*▶️YouTube *| *📷Instagram *| *🌐***hududgaz.uz