ياخوية شهل رزية
شهل مصباح الاكشر حسوني
انعاك كل يوم والله ما امل ياهو يصبرني ع كلشي وينصحني بعد ??

#الفاتحـة
٢٠٢٤/٨/٢٨

#حُب

حب عبيد.. بكل جنون
ذابلات .. هل العيون
عشكي صار.. للضعون.. ياحسين

وياك اريد .. حب صريح
لو تروح .. بذنبي اطيح
ياسليب ... يا ذبيح.. ياحسين

يا نبعي ابسواحل شوگ مزروعـه عله اسفوحه
ياوصفة ورگ صبار للمحروگ وجروحه
مو عجبه الاجه يمك فطرس هيمت روحه

.............

روحي هاي.. ابلايه شوف
تنتظر دمع.. الطفوف
بيك اهيم.. وما اعوف... حسين

والحنين.. بروحي وداع
بلاحسين..كلشي ضياع
من اعتنيك..سمعاً وطاعَ ... حسين

يعتني الشوگ واتمزگ واصير اشراع حنية
مثل سرعة عرش بلقيس من ادعيك ليلية
إلك يامن زرعت ابروحي نسمة صيف بردية

............

عقلي صار.. بلايه راي
واستمد.. منك دواي
ياحبيبي.. ومحتواي... حسين

نشفت .. ابعيني المدامع
بالغرام .. كلي ضايع
للغريب.. انه تابع.. حسين

تفرهد عمري من دونك والايام محسوبة
بس اسنيني الي بصحنك من العمر مذبوبة
راجـع يمك اگضيـهن ومنك اطلب التـوبة

.........

يامــلاذ ... الخائفين
ياشفيع... المذنبين
ياحبيبي.. ياحسين... حسين

ياسراط َ ... المستقيم
حبك .. بروحي عظيم
انته لذنولي.. رحيم.. حسين

ياصحنك سفينة نوح ماخاب الگصد رابح
ياعنبر يريحة هيل من اشمن ريحك الفايح
يشذرة مطرزة بياقوت والمرجان بي سابح

.....................

مصطفى المرشدي

ليلة مولاي علي الاكبر ع

م// لحن القصيدة خاص

تعبته گلبي ..يــولــيــدي يالاكــبـر
هَدّ حيلي فگدك..وعمري اسنينه تگصر

چا ماحسّبيت بحيلي ينهار..وگلبي بطيحتك بي تشتعل نار

يوليدي يلـ أكبر
______
يبن گلبي..العذّبيته..بطيحتك طيّحت ابوك اعله الارض
من أجيتك..خطوة خطوة..اشما اگرّبلك يقل بيّة النبض
كلها حيرة..وحيرة بيّة…خاف اجيك وروحي يمّك تنقبض
وبين خوفي..ودمع عيني..ذكرياتك على احزاني تنعرض

حــزنـي من أذكرك ..اتـخيّل صفـاتــك
طولك والمهابة..تضوّي الطف حلاتك

شفتك بس حناني ايچذّب الصار..وگلبي بطيحتك بي تشتعل نار

_______
من وصلتك..خلص عمري.. أحتضرت ورادت اتفارگني روح
شگد أحبك ..انت روحي…على هالدنيا العفـة وكلشـي يــروح
بكتر طولك…تمددتلك..ومن حضنتك كَثرت بروحي الجروح
ياحبيبي..آه يبني…من حدر طولك عطر فرگة يفوح

حلمي آنه بويه ..سالم من انظرك
خربته حلمي .. سيوف و رمح حدرك

نحري بدال نحرك ريته يندار..كلبي بطيحتك بي تشتعل نار
________
يدمعاتي ... يمذبوحي... من اجيتك روحي ماليها القهر
وين اروحن ... اني حاير ... يمـــك ابقـى لـــو اروحــن للنهـر
عگب فكدگ... وفگد أخويه ... سلمـت روحـي وحياتـي للقـدر
من وصلتك ... وصلّه منك ... مـا لگيـت ومنـها گلبـي أنعصـر

أشلـون أعـوفـك.. تَعَبته أنته عمـري
گلبي و يروحـي .. خلص يبني صبري

حار الهوه و سومر وجهك الحار.. كلبي بطيحتك بي تشتعل نار
ــــــــــــــــــــــــــــــــــــــــــــــــــــــــــــــــــ

عوف ونَك..يا حبيبي .. ونام ياكبر اجروحي واستراح
ها يتعبي.. أنسه تعبك.. وانسه كل ذيج الاذية والرماح
تاه عقليّ.. وطاح كلبي.. ومن رحت يوليدي كله حيلي طاح
الماي عوفه.. مو نصيبك.. الماي صار اعلينه حتماً لا مُباح

مسافــر حبيبــي.. ماگدر بدونك
كاسـرلي خاطــر.. شيفارگ عيونك

مسافر حبيبي و آنه محتار .. وكلبي بطيحتك بي تشتعل نار
ـــــــــــــــــــــــــــــــــــــــــــــــــــــ

مصطفى المرشدي

للتواصل
M_75A_25

Telegram

MS.A .

You can contact @M\_75A\_25 right away.

⚫️ وحين يموتُ خادمٌ تشتعلُ الخيامُ مرةً أُخرى في قلوبِ أربابِ العزاءِ ، وتتوهجُ جمراتُ الخِبا فيُسبى الكمال ، ويُثكلُ الجلال ، وتبكي عليه عيونُ ربَّاتِ الحِجال ...

⚫️ وحينَ يموت خادمٌ تبكي عليه المدنُ التي كان يسقيها برثائه على مصائب من لم يسقوه ماءً وقضى عطِشًا جنبَ الفُرات !
وتنوحه المساجد ، والحسينيات ، والمواكب ، والمآتم ، والهيئات ، وحتى المايكرفون ...

◼️ تنحب عليه المنابرُ ، والشعائرُ ، والمآثرُ ، والمنائر ... تنصب عليه مأتمًا وتقرأ : ( آه يحسين ومصابه ) ، (يحسين بضمايرنه ) ، (زينب يا غريبة ، الله شمصيبه) ، (گلي يالميمون) ...

◼️ وستبقى تندبه أبياتُ النعي ، ومقدمات القريض ، ومحاور البحث ، وشواهد الشعر ، ولطائف التفسير ، والقصة الشاهدة ، والگوريز ...

⚫️ وداعًا سيد محمد باقر #الفالي سيفتقدك المنبر كثيرًا ، وسيبكيك #حديث_الكساء بدموع الشوق ، وستبكي عليك عيون المفجوعين على سبي زينب (عليها السلام) .

#ذنوب_القلب

رديــت بــسفيــنة گـــدر متـعوبــة
علــــى اشافــي ثگيلــة كلـمـة..الـتوبـة..!
نظـرت ابعــيد والمجــروح الــه حـوبــه
وشعلت النار بجروحي فـــرد نـــوبـــه
وهـدنـّـه والگلــب سـويـت واذنـوبــه

ياكلب عوف الموده وانسه كل التعباني
وينه وينه الصفگالك من ذنوبه عذباني
جم ذنب بيك التداوي وبعدك تگول انه واني

مادريتك تلعب بروحي على ادروب الزمان
وماعرفتك باللهو والحب ابد مالـك امـــان

♕♕♕♕

بنـــص الطيــف مــن حبــي تــراوالـك
ولهــب مــن مــوگــد اجـروحـي تــدنالـك
جان شصار وشسويت لو مثلي صفه حالك..؟
جان شصار لو مثل الجره يم روحي يجرالك..؟
اضــن يـصبـح نـواعـي اگبــــور مـوالـك..

ياگلب شفت الاذية وعلگم الكاس الجرعته
ماشفت فرحه بوصلهم شنهو من عدهم عشگته..؟!
مرت اسنين بأملهم عشت كل الضيم شفته

من مشت انه اعل رايك روحي بس مكسورة خاطر
صاحبت ذنبي ومشيت وغيرت مجرى الخواطر

♕♕♕♕

حلـمت بخيـمة اذنوبــي ولا اكـــثر
انصبـها بصـحـار الســوء واتـنــطــر
وابصابعنـا نحـوش الذنـب لـو اثمـر
حلمـت ابـحر مـن ذنبـي وارد ابحـر
ولأجل هذا الحلم للفجر جنن اسهر

تنطروك بعين صلفة وعاشروا كــل العــواذل
والثمر حـاشـو ابغفـلة وبعـد ماتگــدر تجــادل
ياگلب صوچك تودهم صوچك اتساگي المشاتل

جنت اكولن نزوه وتردني المكاني بكل امانه
ومادريت اتبيع روحي وتمشي بدروب الخيانه

♕♕♕♕

بعالم اذنوب ومعاصي شفت الــف عبـره
اصد للروح متعوبه اصد للگلب كـ الجمره
وعاهدت بـعهد واجيت الديرتي الخـضـره
بيدي ضمدتها الروح من الضيم والحسره
وشــــبابـي الـراح مـن اجديـد هـلّ فجـره

ياهو مثلي ارد انشدك ذنبي يفضحني واحبه
حاولت انساه لاجن مانسيته وهايــه صعبــه
شبه مصيوب انه الـوّجن صار عمري كله غربه

برأي گــلبي هل مشيت ومن ذنوبي هذا حالي
واحصدت من راي گلبي دمعة بعيـوني تـلالـي
♕♕♕♕

مصطفى المرشدي