O'zbekiston turizm salohiyatini oshirish yo'lida

Sayohatimizning oltinchi kunida ham O'zbekiston  turizm salohiyatini o'rganish va baholash vazifasini bajarishda davom etdik. Biz Samarqandlik taniqli gid Abdu Samadov va G Adventures Tourism kompaniyasi vakili Laziz Otayorov bilan uchrashdik. Ular bilan suhbatda sarguzasht turizmi marshrutlarini rivojlantirish va gidlar tayyorlash tizimini yaxshilash borasida suhbatlashdik.

Shundan so'ng biz Qashqadaryo viloyatiga yo'l oldik. Viloyatda joylashgan Miraki qishlog'ida Qashqadaryo viloyati hokimligi huzuridagi Turizm infratuzilmasini rivojlantirish va boshqarish departamenti direktori o‘rinbosari Javohir Tojiyev bilan uchrashdik. U hududda amalga oshirilayotgan muhim turistik loyiha haqida so'zlab berdi. J.Tojiyevning aytishicha, hokimiyat Mirakida turistik maskan va Oqsuv soyi bo'ylab 10 kilometrlik masofada yayov yurish uchun yo'laklar qurilishini boshlanganini aytdi.

Keyingi manzilimiz esa Mirakidan 40 km uzoqlikda joylashgan G'ilon etnoqishlog'i bo'ldi. To'rt tarafi tog' bilan o'ralgan G'elonning ekoturizm salohiyati yuqori, madaniy jihatdan boy taassurot beradi. Biz qishloqdagi mehmon uylari va yayov yurish imkoniyatlarini o'rgandik. Bu yo'nalishdagi tur paketlarini rivojlantirish hududga keladigan turistlar oqimini ko'paytirishi mumkin.

USAIDning Biznesni qo'llab-quvvatlash loyihasi O'zbekistonda etnoturizmni qo'llab-quvvatlash va turizm sektori qiymatini oshirishda davom etadi.

@bspuzb