Урыстәыла Аҧсны аҭышәынтәалареи аҿиареи азеиҕьанашьоит, абас аҳәамҭа ҟаиҵеит урыстәылатәи ахада ипресс-маӡаныҟәгаҩ Дмитри Песков.

Аҧсны фымцалашарала аиқәыршәараз агуманитартә цхыраара аҟаҵаразы аҳәара шааилакгьы — аҭак ҟаҵахоит иҳәеит Песков, РИА Новости аинтервиу аҭо.

⚡️Адгәыр Ҳаразиа идепутаттә кьымсра ихыхуп.

Аӡбамҭа рыдыркылеит Аҧсны Жәлар Реизара адепутатцәа еицҿакны изаамҭанытәим аилатәараҿы.

Абжьыҭара иалахәын 28-ҩык адепутатцәа.

🖇 Ԥхынҷкәын 19 рзы Апарламент аҿы иҟалаз ахысраан дшьын адепутат Вахтанг Гәаланӡиа, дхәын адепутат Кан Кәарҷиа.

Аҧсны Жәлар Реизараҟны имҩаҧысуеит изаамҭанытәим аилатәара.

Адепутатцәа Адгәыр Ҳаразиа икьымсра ихыхреи иганахьала ашьаус ахацыркреи рзы азин аҟаҵаразы азҵаара иахәаҧшуеит.

Аилатәара алагамҭаз адепутатцәа минуҭктәи аҿымҭрала дыргәаладыршәеит ишьыз Вахтанг Гәаланӡиа.

Иахьатәи аамҭазы афымца аамҭа-аамҭала арцәара иадҳәалоу ауадаҩрақәа ирыхҟьаны ачаӡырҭақәа ахарџь рықәшәоит, иҟалап ача ахә ацҵара ҳақәшәаргьы иҳәеит Аҟәа ақалақь Аҳабла ҿыц иҟоу аҷаӡырҭа аиҳабы Нодар Ҵулукьиа.

Иара иажәақәа рыла, ача ахә иацырҵаргьы, афымцалашаразы аҭагылазаашьа ҭышәынтәалахар, ахә шьҭырхаанӡа ишыҟаз еиԥш ҩаԥхьа иладырҟәуеит.

Ачаӡырҭақәа уадаҩрақәас изынио атәы инарҭбааны шәазыӡырҩыр шәылшоит Sputnik Аԥсны асаит аҿы.

Ареспубликатә психиатриатә хәышәтәырҭеи аимҳәацәгьаҽацәыхьчаратә диспансери лашарада иаанхеит афымцацәаҳәақәа ахьыԥҵәаз иахҟьаны.

Ахҭыс ҟалеит ахәаша ахәылбаҽха ҳәа аанацҳауеит Аԥсны агәабзиарахьчара аминистрра. Ареспубликатә психиатриатә хәышәтәырҭаҿы адизельтә генератор ала афымца роуеит.

Уи адагьы, афымца аҟамзаара иахҟьаны аӡыҭгагақәагьы русура аанкылеит, аӡыржәтә рызнагоуп. Иара убасгьы агенераторқәа рзы абылтәы аахәоуп.

Аенергетикцәа уажәы аҭыԥаҟны аус руеит.

Михаил Кавелашвили Қырҭтәыла ахадас далхуп.

Апартиа "Қырҭтәылатәи агәазыҳәара" аҟынтәи иқәгылаз акандидит алхыҩцәа рколлегиа алахәылацәа рҟынтәи иахәҭаз 200 бжьы иоуит ҳәа аанацҳауеит АКХ.

*🖇 Аконституциа иалагалоу аҧсахрақәа инарықәыршәаны, 2024 шықәса инаркны ишиашоу ахада иалхрақәа аҧыхуп.

Атәыла ахада далырхуеит АКХ ишьақәнырҕәҕәо алхыҩцәа рколлегиа. Аколлегиа иалоуп 300-ҩык — 150-ҩык Апарламент адепутатцәа, егьырҭ 150-ҩык аҭыҧантәи анапхгараҭарақәа рхаҭарнакцәа.*

Дамаск иҟоу Аԥсны ацҳаражәҳәарҭа аусзуҩцәа рҭыԥқәа рҿы иҟоуп, русурагьы иацырҵоит ҳәа Sputnik иазеиҭеиҳәеит Аԥсны адәныҟатәи аусқәа рминистр и.н Сергеи Шамба.

Иара иазгәеиҭеит, аусбарҭа аҭагылазаашьа ишахылаԥшуа, иаҭаххар адипломатцәа рҭаацәеи дареи шалыргуа.

"Ҳара ҳаимадоуп, иацгьы ҳцҳаражәҳәаҩи сареи ҳаицәажәон. Аҭагылазаашьа уадаҩуп. Ҳгәыӷуеит еиӷьхоит ҳәа", — иҳәеит Шамба.

📎 Шьамтәылатәи арратә дҵаҟаҵара аҳәамҭа ҟанаҵеит, аҳҭнықалақь анҭыҵ архәҭақәа рҭыԥқәа шдырӷәӷәо атеррористцәа аҭагылазаашьа аҭышәнамартәаларазы рҽазышәарақәа ирыхҟьаны. Ҳама, Хомс, Дараа апровинциақәа рҟны шәҩыла аибашьцәа ықәхуп.

Аҟәа Аршба имҩаду аҟны игылоу аҭоурыхтә хыбра изакәанымкәан зырбгара иалагаз аус аанкылоуп ҳәа Sputnik иазеиҭеиҳәеит Аҭоурыхтә культуратә баҟақәа рыхьчаразы аҳәынҭқарратә усбарҭа аиҳабы Гарри Сангәлиа.
"Ҳаицәажәеит ашәахьанӡа ахыбра иаламкьысарц. Анаҩс иҟоу аҭагылазаашьа аҭҵаара ҳалагоит", — иҳәеит иара.

Иара иажәақәа рыла, ахыбра аган ауп ирбгоу, аҿыԥшылара еиқәырхоуп, ахыбра аиҭашьақәыргылара ауеит.

Аҭоурыхтә культуратә баҟақәа рыхьчаразы аҳәынҭқарратә усбарҭа агәы иҭоуп арбгара аҭакзыԥхықәу ахыбра аиҭашьақәыргылара идырҵарц. Иара убас, Аԥсны иаԥҵазарц абаҟақәа ринспекциа.

*📎 Уаажәраанӡа Сангәлиа иҳәахьан, ԥыхьатәи аферментациатә зауад ахыбра Аҵара аминистрра абаланс аҟны ишыҟаз. Ахыбра згаз Аҵара аминистрреи аусбарҭеи дрыдымҵаалакәан арбгара дшалагаз.*

Урыстәыла иалшо зегьы ҟанаҵоит Шьамтәыла иҟоу атеррористцәа рҿагыларазы ҳәа инаҵшьны иазгәеиҭеит Адәныҟатәи аусқәа рминистр Сергеи Лавров.

"Ҳара иҳалшо зегь ҟаҳҵоит атеррористцәа рнапахьы инарымгартә еиԥш, дара уаҳа ҳтеррористцәам ҳәа рҳәозаргьы", — ҳәа инаҵшьны иазгәеиҭеит иара Дохатәи афорум аҟны.

Аминистр иҳәеит Москва, Анкара, Тегеран ишьақәдырӷәӷәеит Шьамтәылатәи Арабтә Республика акзаареи асуверенитети, ааԥхьара ҟарҵеит Шьамтәылатәи аҳәынҭқарреи оппозициеи рыбжьара аиҿцәажәарақәа ралагараз.

🎭РУСДРАМ арежиссиортә лабораториа "Сандро" аҿы иқәдыргылараны иҟоу аескизқәа рзы ԥшь-усумҭак алхуп.

Урҭ рахь иаҵанакуеит Фазиль Искандер иҩымҭақәа "Ҭали – Чегем аџьашьахәы", "Амшын", Џьума Аҳәба иҩымҭа "Аҵыҵындра", Шьалодиа Аџьынџьал иҩымҭа "Амза ҿа ангыло" ҳәа адырра ҟаиҵеит атеатр адиректор хада Иракли Хынҭәба.

Аԥсуа классикцәа русумҭақәа рыла алабораториа аусура мҩаԥысуеит 2024 шықәса ԥхынҷкәын 3 инаркны 7 рҟынӡа. Ԥшьҩык арежиссиорцәа хымш рыла аескиз дырхиоит, уи ахәаԥшцәеи аекспертцәеи рыбжьыҭира алҵшәақәа рыла иааиуа ашықәс азы инаӡоу спектакльны иҟалар алшоит.