سن نه بیلیرسن اخی سئومک ندی

جانی سئوگی یولوندا ورمک ندی

ای گوزومی یاشلی قویان سئوگیلیم

ایندی منیم حالیما گولمک ندی

سینمده عشق اوخو چیخاریب آتابیلمیرم ..???

سارا بیر آیدی بیزیم ائللره، آی سیز گئجه لر
بیر اوجا سسدی قولاق وئر اؤنا، هایسیز گئجه لر
سارا بیر باغدی طبیعتدن آلیب قول بوداقی
بیر شیرین ماهنیدی، یانلیز اؤخویار ائل دؤداقی
سارا بیر قیزدی، سودان سورمه چکیب گؤزلرینه
جان دئییب بیرده اورکدن آرازین سؤزلرینه
سارا سئودا ایله دونیانی آتان بیر قیزدی
سارا غملر اؤجاقینادا آلیشان بیر کؤزدی
بیر نجابتلی گلین دیر، ائله آسلان سایاغی
قؤیمادی تار ائده دونیاسینی، چاققال آیاقی!
اؤزونو آتدی سئله، اؤزگه نی حئیران ائله دی
اؤ یانان شمعینی، پروانه یه قربان ائله دی
قؤشولوب سئللره گئتدی آنا یوردون ساراسی
قالدی شیرین اوره گینده یئنه فرهاد یاراسی
باغلادی ساچلارینی، قؤیمادی بیگانه گؤره
آنا یوردون قیزی وئرمز ساچین هر کیمسه هؤره
گلین اؤلدو آرازا، اؤردا تؤیون توتدو سارا
سؤیله دی اؤردا اورک سؤزلرینی نازلی یارا
آراز آغلار گؤز ایله، آلدی سارا اللرینی
دارادی ائل قیزینین بیرده قارا تئللرینی
گئتدی گؤزلردن اوزاق، دوشدو ائلین بیردنه سی
گؤرمه دی خان چوبانین آیریلیقین سؤن نفسی
سارا گؤزلردن اوزاق دوشسه ده، ایتمز اثری
بیر یاراق تک سؤزونون واردی هله چؤخ کسری

اوستادنامه

دونیا بیر مئشه دیر اینسان اودونچو
چوخلار  اودون ساتیر کؤز آلیر گئدیر
نه ساتان یورولور نه آلان دویور
آخیرده بئش آرشین   بئز آلیر گئدیر

ظولم کار آغادان بیر قول یاخشدی
چورکسیز واریلدان  یوخسول یاخشدی
کیم دئسه هر جایی  چوغول  یاخشدی
ایماندان  پایینی     آز      آلیر     گئدیر

بیری تخته چیخیر اولور  ظولوم کار
بیری یالتاق  اولور بیلمیر غیرت آر
بیری ده دردینی دئینمیر آشکار
عزیز   تک  الینه  ساز آلیر  گئدیر

رحمتلیک آشیق عزیز شهنازی

هارا گئديرسن!؟

شيرين رؤيا مى سان
يا خيال مى سان؟
مين جاواب آختاران بير سوال مى سان؟
اوميديم , نه يامان سن قوجالميسان
دئ هارا گئديرسن , هارا گئديرسن!؟

يوللارين اوولى-آخيري وارمى؟
بو پاییز عؤمرومون باهارى وارمى؟
چاغیرسام هاراییم سنه چاتارمی؟
دئ هارا گئديرسن , هارا گئديرسن؟!

طالعين آلديغى حسرتلى ايل سن
نئجه گؤزله ميشم من سنى بيلسن!
سن سيياح دييلسن , يولچو دییلسن
دئ هارا گئديرسن , هارا گئديرسن!؟

گونلریم اریییب , ایللریم آخیب
باشیمدا نه قدر شیمشک لر چاخیب
منیم بو ییخیلمیش دونیامی ییخیب
دئ هارا گئديرسن , هارا گئديرسن!؟

سئوينجيم آج قاليب , كدريم دويوب
رنگلى گونلریمی گؤز ياشيم يويوب
منى بو كدرين الينده قويوب
دئ هارا گئديرسن , هارا گئديرسن!؟

✍:نوصرت_كسمنلى