حلو ان تبدأ من جديد ☀️
تشرق شمسك الك من جديد بشكل ساطع الك اكثر
وكل يوم تختار فكرة جديدة ، مشاعر تخدمك جديدة، نوايا تحمل خير الك ، مشروع جديد ، هدف جديد
مثل فكرة البيت الجديد وتختار الة كل يوم حاجة اثاث تليق بية تطلعة بصورة مرتبة حتى يكون متكامل
لاتتردد بهذه البداية
من حقك تبدأ كل يوم المهم انت تكون راضي ومرتاح ع خطواتك بحقك نفسك وراحتك.

انا انوي واسمح لكل شيء حجب عني الحياة بالرحيل بهدوء ولطف ، انا اسمح لكل رواسب الماضي المنخفض بالرحيل ، كل شعور وفكرة و قناعة و معتقد حجب عني الحياة اسمح برحيله بكامل السهولة واللطف.

? اسعى ان مايدخل حياتك الا المساهم
لو تكلمت وياه ولع لمبة بداخلك ✨

للابد ابقى احب الاشخاص الي الحب منهم يشع ، حب للطبيعة، للجمال، للحيوانات النبات، حتى للجماد وكل جزء من هذا الكون صغير او كبير
اشخاص اذا مروا ع حياتك تركوا اثر حلو ساهم الك
قضيتهم الكبيرة سلامهم الداخلي ✨?

الايام الي جنت اتعب بيها
هي الايام الي ماكدر اكون مُحبة لشيء واولها نفسي ايام ماعندي وقت اكعد مع نفسي
ايام ماكدر انطي واخذ حب
لابسط الاشياء
ايام تسيطر علية الافكار والمشاعر الي ماتعود الي تجي من مصدر خارجي
لذلك حلو انك تعرف شوكت تكون انت فعلاً وهذا انت بطبيعتك وجوهرك
وشوكت تكون عبارة عن مجموعة مشاعر وكراكيب من افكار وهواجس مو الك وتجمعت بحقلك الطاقي??

واذا جنت متأخر ع هذا شيء ف أبدي من اليوم انت اولاً بعدين تجي بعدك الاشياء .

اسعى ان مايكون بيومك جهد او وقت ضائع لاجل شخص مهما كان قريب
لان بنهاية يكلك اني ماطلبت منك
اذا كنت ع بالك التفاتة منهم الك
ف هذا يكون جوابهم لو ماكانت نفسك الاولوية عندك?.

نفسك اولاً بعدين كل شيء يجي وراها ✨✨
لو ماكانت عندك هيج الامور راح تضيع طاقتك وتمر الايام وانت مامسوي شيء يخليك احسن من البارحة .

كل حاجة تسويها خلال يومك خليها تكون استثمار لنفسك تشوفها شلون راح تجيبلك خيرها
وهاي الحاجات مهما كانت صغيرة
وانت تقوم بيها انظر الها ان هي تنفعك الك اولاً !
تبني جزء منك تعيشك شعور ايجابي??✨

دائماً اكو بداية من جديد
دائماً اكو طاقة تغير تقلب حياتك للأحسن
كون مستعد الها وعندك طاقة الها
ماتعرف منو يساهم الك من الاشخاص بفكرة بمساندة وبتشجيع ومع منو راح تبدي وشلون راح تكون
شنو السبل الي تتوفر حتى تعيشها
وتكدر تبديها بروحك وحدك اذا ماتوفر كل هذا
وهي راح يكون هدفها لاجل نفسك اكراماً الها ?✨.