( ဓနဉ္စာနိ သုတ္တန် )
အတူတူစားသူများ

သင်မှတတ်မည် ကျင့်မှ မြတ်မည်

လောကလူအများစုဟာ အပြင်ပန်းသဏ္ဌာန်ကိုယ်ကာယကြီးကိုပဲ လှသထက်လှအောင်ပြင်ကြတယ်။

ပြင်ရင်း ပြင်ရင်းနဲ့ ပိုပြီးနုပျိုလာသလားဆိုတော့……

မဟုတ်ဘူး။

သူ့သဘာဝအတိုင်း အိုအိုလာတာပဲ။

တကယ်ပြုပြင်သင့်တဲ့အရာကတော့ “စိတ်ထား”

စိတ်ကိုပြင်လေ အထက်တန်းရောက်လေ...

စိတ်ကိုပြင်လေ အသိဉာဏ်တွေကြွယ်ဝလာလေ...

စိတ်ကိုပြင်လေ မိမိဘဝ တန်ဖိုးရှိလာလေ...

စိတ်ကိုပြင်လေ စိုးရိမ်မှုတွေနည်းလာလေ...

စိတ်ကိုပြင်လေ စဉ်းစားတတ်လေလေ...

ဆင်ခြင်တတ်လေလေ၊ သိမ်မွေ့လာလေလေ...

ဒီလိုဖြစ်လာတာ...

ဒါကြောင့်မို့ စိတ်ကိုလွှတ်မထားပဲ ကောင်းတဲ့အာရုံ ကုသိုလ်ဖြစ်စေမည့်အရာတွေနဲ့ ကိုယ့်သန္တာန်မှာနေနိုင်အောင် ပြုပြင်ကြဖို့ ပေါ့ နော်။

ကျေးဇူးတော်ရှင်ပါမောက္ခချုပ်ဆရာတော်ဘုရားကြီး
#ဒေါက်တာဘဒ္ဒန္တနန္ဒမာလာဘိဝံသ
🙏🙏🙏

၁။ NUG ရဲ့ ယာယီ သမ္မတကြီး ဆိုတဲ့သူလည်း ခုတော့…အဝေးရောက် အစိုးရ ဘဝရဲ့ ဖြစ်တည်မှုကို အတော်လေး သဘောပေါက်သွားပြီထင်တယ်။ ခက်တာက သူကိုယ်တိုင် တောင် KIA က ကျောထောက် နောက်ခံပေးနေလို့ မြန်မာပြည်မှာ နေလို့ အဆင်ပြေနေ သေးတာ။
---
၂။ တော်တော်များများကတော့ စဖြစ်ပြီ ဆိုကတည်းက တတိယနိုင်ငံတွေ ပြေးဖို့ တာစူပြီးသား။ ဒီ ၃ နှစ်အတွင်းမှာ ခိုးတဲ့သူက ခိုး၊ ကိုယ်ကျင့်သိက္ခာ မရှိတဲ့သူတွေကလည်း သူ့တို့ လိပ်ပြာလုံဖို့အတွက် ပြည်တွင်းပြန်လာဖို့ဆိုတာ အတော်လေး စဉ်းစားရတော့မယ်။ အထူးသဖြင့် ဇော်ဝေစိုး တို့လို့ လူသတ်ဖို့ အားပေးခဲ့တဲ့ ဆရာဝန်တွေလိုမျိူးကျတော့ ပြည်တော်ပြန်ဝင်ပြီး ဘယ်လို မျက်နှာ ပြဝံ့တော့မလဲ။
---
၃။ ဒီနိုင်ငံရေး ပဋိပက္ခ စဖြစ်ကတည်းက ပြောခဲ့ဖူးပါတယ်။ ရှေ့မှာ ပြည်ပြေးအစိုးရ ဦးနု ရှိတယ်။ စိန်ဝင်း ရှိဖူးတယ်။ ဘယ်သူမှ လောက်လောက်လားလား ဖြစ်မလာဘူး။ ဖြစ်မလာ ဘူးဆိုတာက… လက်နက်ကိုင်ပြီး တော်လှန်တာကို၊ လက်နက်ကိုင်ပြီး အကြမ်းဖက် လူသတ်၊ နိုင်ငံပိုင်အဆောက်အဦတွေ ဖျက်ဆီးမှုလုပ်တဲ့ အပေါ်မှာ ဘယ်နိုင်ငံ တကာကမှ ဒီမိုကရေစီအရေးဆိုပြီး ထောက်ခံပေးဖို့အဆင်မပြေဘူး။ လူသတ်တာက သတ်တာပဲ။ အကြမ်းဖက်လုပ်ငန်းတွေ လုပ်တာက လုပ်တာပဲ။
----
၄။ နောက်တစ်ခါ… သူတို့ အားယူနေတဲ့ EAO ဆိုတာကလည်း သူတို့အကျိုးစီးပွားက သာ အဓိက ။ ဆိုလိုတာက သူတို့လိုချင်တဲ့ အခွင့်အရေးတစ်ခု ရရင်…တက်လာတဲ့ ဘယ်အစိုးရနဲ့မဆို…အချိန်မရွေး အပစ်အခတ်ရပ်စဲမှုတွေ ချက်ချင်းဖြစ်လာနိုင်တဲ့ အနေ အထားမျိုး။ သတိပေးဖူးပါတယ်။ စစ်ပွဲဆိုတာ ဖြစ်ချင်တိုင်းဖြစ်လို့ မရဘူး။ နောက်ခံ ဓန အင်အားရှိမှ စစ်ဖြစ်လို့ရတာ။ အချိန်ပိုကြာလေလေ ပိုက်ဆံ များများ ကုန်လေလေပဲ။
---
၅။ လက်ရှိ မြောက် (၃)ကောင်ကို ဘယ်သူက အချိန်ကြာကြာထောက်ပံ့မလဲ။ အတိတ်မှာ ဗကပကို တရုတ်က (၂)နှစ်စာလောက်ထောက်ပံ့ထားလို့ ရေရှည်ရပ် တည်နိုင်ခဲ့တာ။ တရုတ်ဘက်က မူဝါဒလည်းပြောင်းရော..ဗကပလည်း ချက်ချင်းပြိုကွဲ ရတာပဲမဟုတ်လား။ အထူအပါးနားလည်ဖို့ လိုတယ်ဆိုတာ သတိပြုနိုင်ဖို့ပါ။

(နရီမိုး)

၂၀၀၈ ဖွဲ့စည်းပုံမှာ ကိုးကန့်လူမျိုးတွေရဲ့ ကိုယ်ပိုင်အုပ်ချုပ်ခွင့်ကို လောက်ကိုင်နဲ့ ကုန်ကြမ်းဆိုပြီ ပေးထားသလို တအာင်းလူမျိုးတွေရဲ့ ကိုယ်ပိုင်အုပ်ချုပ်ခွင့်ကိုလည်း နမ့်ဆန်နဲ့ မန်တုံဆိုပြီး ပေးထားတယ်။ ဒါက ဥပဒေအရ တရားဝင်ဖြစ်တည်မှု ဖြစ်တယ်။

လက်ရှိ အခြေအနေမှာ တရုတ်က ဖိအားပေးတယ်ပြောပြော MNDAA နဲ့ TNLA ဘက်က ငြိမ်းချမ်းရေးဆောင်ရွက်မယ်ဆိုတဲ့ ကြေညာချက် ထုတ်ပြန်လာတယ်။ ဆိုလိုတာက လက်ရှိ ရှိနေတဲ့ နယ်မြေပိုင်ဆိုင်မှု အနေအထားကနေ ငြိမ်းချမ်းရေးဆွေးနွေးမယ်ဆိုတဲ့ ပုံစံ မျိုး လုပ်လာတယ်။

ပြည်နယ်အဆင့် ရလိုမှုနဲ့ ကိုယ်ပိုင်အုပ်ချုပ်ခွင့်ရ ဒေသအဖြစ် ဖြစ်တည်မှုတွေဟာ နစက ရဲ့လုပ်ပိုင်ခွင့်မဟုတ်သလို တပ်မတော် ဘက်က ဖြည့်ဆည်းပေးနိုင်စရာ အကြောင်းလည်း မရှိဘူး။ လွှတ်တော်ကသာ ဆောင်ရွက်နိုင်တဲ့ အခြေအနေဖြစ်တယ်။ ဆိုလိုတာက ခုလို အခြေအနေမျိုးရောက်မှ ကိုယ်ပိုင်အုပ်ချုပ်ခွင့်နဲ့ တန်းတူညီမျှမှုအတွက် လက်နက်ကိုင် တိုက်ခိုက်ရပါတယ်လို့ အကြောင်းပြရင် တအာင်း TNLA နဲ့ ကိုးကန့် MNDAA အနေနဲ့ တိုင်းသိပြည်သိ လုပ်ပေးရမယ့် အချက် (၃)ချက်ရှိလာတယ်။

နံပါတ်(၁)အချက်။ လက်ရှိသိမ်းပိုက်ထားတဲ့ နယ်မြေတွေဟာ တအောင်းပိုင်နယ်မြေ မဟုတ်သလို ကိုးကန့်ပိုင်ဒေသတွေလည်း မဟုတ်ဘူး။ ခုလို ကျူးကျော်သိမ်းပိုက်ထားတဲ့ နယ်မြေတွေပေါ်က ဘဝပျက်ခဲ့ကြရတဲ့ ၊ အိုးအိမ်ပစ်ထွက်ပြေးကြရတဲ့ နိုင်ငံသူ/နိုင်ငံသား တွေ(ဒေသခံတွေ)ကို တရားဝင် တောင်းပန်မှု ပြုရမယ်။

နံပါတ်(၂)အချက်။ ကိုယ်ပိုင်အုပ်ချုပ်ခွင့်နဲ့ တန်းတူညီမျှမှု အတွက် ငြိမ်းချမ်းရေးဆွေးနွေး ချင်တယ်ဆိုရင် ၁၀၂၇ စစ်ဆင်ရေးမတိုင်ခင်ဆိုတဲ့ အခင်းအကျင်းမျိုး ပြန်သွားရလိမ့်မယ်။

နံပါတ်(၃)အချက်။ ဒီလိုအလားတူကိစ္စရပ်မျိုးထပ်လုပ်ရင် လက်ရှိ ပေးအပ်ထားတဲ့ ၂၀၀၈ ဖွဲ့စည်းပုံပေါ်က ကိုယ်ပိုင်အုပ်ချုပ်ခွင့်ရဒေသ ပေးအပ်မှုအပေါ်မှာ ဗဟိုအစိုးရအနေနဲ့ ဥပဒေကြောင်းနဲ့အညီ ပယ်ဖျက်ခွင့်ရှိကြောင်းဆိုတဲ့ သဘောတူညီမှုမျိုးမှာ လက်မှတ် ရေးထိုး စေသင့်တယ်။

တကယ်လို့ ဒီအချက်တွေကို မလုပ်ခဲ့ဘဲ လက်ရှိ အခြေအနေမျိုးနဲ့သာ အပစ်ခတ်ရပ်စဲပြီး ငြိမ်းချမ်းရေး တည်ဆောက်ခဲ့ရင်….နောင်လည်း ဒီလို ဖြစ်ရပ်မျိုး ဒုတိယအကြိမ်မဖြစ်မနေ ထပ်ပြီး ဖြစ်လာနိုင်တယ်ဆိုတာမျိုုး ကြိုပြီးမျှော်လင့်ထားရတော့မယ်။ ဥပမာ- ကချင် KIA ကို မျိုးမဖြုတ်ခဲ့လို့ လိုင်ဇာဟာ ပြည်ထောင်စုကို ဒီနေ့လိုအခြေအနေမျိုး ဒုက္ခပေးနေတယ် ဆိုတဲ့ အချက်ကို လစ်လျူမရှုသင့်ဘူး။

(နရီမိုး)

အန္တာရယ်များလှတဲ့ ဤမှာဘက်ကမ်း
တရားဒေသနာတော်
ပါမောက္ခချုပ်ဆရာတော်
ဒေါက်တာနန္ဒမာလာဘိဝံသ
🙏🙏🙏🙏🙏
https://t.me/Ashinandarmarlrbiwitha

တိုင်းရင်းသားအရေး

အလောင်းမင်းတရားတည်ထောင်ခဲ့တဲ့တတိယမြန်မာနိုင်ငံတော်ဟာ အင်္ဂလိပ်မြန်မာပထမစစ်နဲ့ရခိုင်တနင်္သါရီ၊ဒုတိယစစ်နဲ့ အောင်လံ(မြေထဲ)အောက်မြန်မာပြည် ဗြိတိသျှအောက်ကျရောက်ခဲ့ပေမယ့်ရှမ်းနယ်များအပါအဝင်အထက်မြန်မာပြည်ဟာကုန်းဘောင် မင်းဆက်(၁၁) ဆက်မြောက်ဖြစ်တဲ့နောက်ဆုံးမင်းဆက် သီပေါမင်းလက်ထက်အထိ တည်ရှိခဲ့ပါတယ်။

တတိယစစ်နဲ့မန္တလေးနေပြည်တော်ကိုသိမ်းပိုက်ပြီးတာနဲ့ မြန်မာဘုရင်ပိုင်နယ်အားလုံးဟာအလိုအလျောက် ဗြိတိသျှပိုင်နယ်ဖြစ်တယ်လို့ ဗြိတိသျှတို့သတ်မှတ်ခဲ့ပြီးဖြစ်ပါတယ်။

မြန်မာပြည်တစ်ပြည်လုံးကျွန်ဘဝရောက်ပြီးမှဗြိတိသျှ အုပ်ချုပ်ရေးစနစ်အရ တောင်တန်းဒေသအုပ်ချုပ်ရေးနဲ့မြေပြန့်အုပ်ချုပ်ရေးစနစ်နှစ်မျိုးခွဲအုပ်ချုပ်တဲ့အတွက် အုပ်ချုပ်ရေးစနစ်နှစ်မျိုးကွဲသွားတာဖြစ်ပါတယ်။တိုင်းပြည်ကဒီတိုင်းပြည်ပဲ ဖြစ်ပါတယ်။

သိမ်းယူခဲ့စဥ်ကမြန်မာထီးနန်းကို သိမ်းပြီးတာနဲ့ မြန်မာဘုရင်ပိုင်နယ်အားလုံးသိမ်းပိုက်ပြီးဖြစ်တယ်လို့သတ်မှတ်ပြီး၊လွတ်လပ်ရေးပေးရမယ့်အချိန်ကျမှ အုပ်ချုပ်ရေးစနစ်မတူလို့ မြေပြန့်ဒေသကိုပေးမယ်၊တောင်တန်းဒေသကိုဆန္ဒသဘော ထားမေးမယ် လို့လုပ်တာက ဗြိတိသျှတို့ရဲ့တော်တော်လူလည်ကျ တဲ့ ကလိန်ကကျစ်လုပ်ရပ်ဖြစ်ပါတယ်။

အိန္ဒိယမှာ လည်း ဗဟိုအစိုးရနဲ့မဟာရာဇာနယ်များကို စနစ်မတူတဲ့အုပ်ချုပ်ရေးစနစ်နှစ်မျိုးခွဲအုပ်ချုပ်ခဲ့ပေမယ့်လွတ်လပ်ရေးပေးချိန်မှာတော့ဗဟိုအစိုးရအောက် တစ်ပေါင်းတစ်စည်းတည်းပေးခဲ့တာ ဖြစ်ပါတယ်။

ကိုယ်ပိုင်စစ်တပ်တွေရှိကြပြီးအိန္ဒိယအစိုးရအောက်မနေလိုဘဲသီးခြားခွဲထွက်နေလိုကြတဲ့မဟာရာဇာနယ်ပေါင်းများစွာရှိပေမယ့် မပူးပေါင်းရင်စစ်တပ်နဲ့တိုက်ယူသိမ်းပိုက်မယ်လို့ အိန္ဒိယခေါင်းဆောင်တွေက ပြတ်ပြတ်သားသားပြောသလို ဗြိတိသျှအစိုးရကလည်း လွတ်လပ်ရေးကြေညာပြီးတာနဲ့ သူတို့ဆီကအကူအညီရဖို့ ဘာမှ မမျှော်လင့်ပါနဲ့ လို့ မဟာရာဇာတွေကို ရှင်းရှင်းပြောခဲ့တဲ့အတွက်မြန်မာပြည်လို ပင်လုံစာချုပ်တွေဘာတွေမလိုဘဲ တစ်လုံးတစ်စည်းထဲလွတ်လပ်ရေးရခဲ့ပါတယ်။

အိန္ဒိယမဟာရာဇာနယ်ကြီးတစ်နယ်လောက်တောင်မရှိတဲ့မြန်မာပြည်ကျမှ တောင်တန်းနယ်စော်ဘွားနယ်တွေ ဆန္ဒသဘောထားရယူရမယ်၊သူတို့ဆန္ဒရှိမှ မြန်မာပြည်နဲ့အတူလွတ်လပ်ရေးပေးမယ် လို့ ဗြိတိသျှတို့ပညာပေးလိုက်တဲ့ နိုင်ငံရေးကစားကွက်တစ်ကွက်၊တို့မီးရှို့မီးတစ်ချက်ဟာ ပင်လုံစာချုပ်ပင်လုံကတိကဝတ်ဆိုပြီး အခု အချိန်အထိ တောင်တန်းဒေသအရေး၊တိုင်းရင်း သားအရေး ဆိုပြီး မပြီးနိုင်မစီးနိုင် အရှိန်ကောင်းစွာတောက် လောက်နေဆဲ ဖြစ်ပါတယ်။

#ThaungLwinHein

မြန်မာ - တရုတ် တပ်မတော် နှစ်ရပ်အကြား သင်တန်းနှင့် လေ့ကျင့်ရေးဆိုင်ရာ ကိစ္စရပ်များ ဆွေးနွေး

မြန်မာ - တရုတ် တပ်မတော် နှစ်ရပ်အကြား သင်တန်းနှင့် လေ့ကျင့်ရေးဆိုင်ရာ ကိစ္စရပ်များကို နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ဒုတိယဝန်ကြီးချုပ်နှင့် ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်း နှင့် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး မစ္စ မာကျားတို့ တွေ့ဆုံစဉ် ဆွေးနွေးခဲ့ကြောင်း နိုင်ငံပိုင်သတင်းဌာနများတွင် ဖော်ပြထားသည်။

ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်း သည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး မစ္စ မာကျားအား သြဂုတ် (၂၈)ရက်က ပြည်ထောင်စုဝန်ကြီးရုံး ဧည့်ခန်းမ၌ လက်ခံတွေ့ဆုံခဲ့ခြင်းဖြစ်သည်။

ထိုသို့ တွေ့ဆုံစဉ် မြန်မာနိုင်ငံနှင့် တရုတ်နိုင်ငံတို့အကြား ကာကွယ်ရေးဆိုင်ရာ ပူးပေါင်းဆောင်ရွက်မှုများကို ဆက်လက်တိုးမြှင့် ဆောင်ရွက်သွားနိုင်မည့် အခြေအနေများ၊ နှစ်နိုင်ငံနယ်စပ်ဒေသ တည်ငြိမ်ရေးနှင့် လုံခြုံရေးဆိုင်ရာ ကိစ္စရပ်များ၊ တပ်မတော် နှစ်ရပ်အကြား သင်တန်းနှင့် လေ့ကျင့်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း ထုတ်ပြန်သည်။

တွေ့ဆုံပွဲသို့ ဒုတိယဝန်ကြီးချုပ်နှင့် ပြည်ထောင်စုဝန်ကြီးနှင့်အတူ တာဝန်ရှိသူများ တက်ရောက်ကြကြောင်း သိရသည်။

Credit Popular News Journal

မနေ့ညက MRTV သတင်း မန္တလေးကျုံးရေလယ်ဗယ်နိမ့်ကျ လျော့နည်းသွားမှု ကြောင့် မြို့လူထု သောက်သုံးရေ ပြတ်လပ်မှုမရှိစေရေး အခြားနည်းလမ်းများနဲ့ ဖြည့်တင်းနေမှုအခြေအနေ မန္တလေးမြို့တော်ဝန်က ရှင်းပြသွားတယ်။

ဆည်တော်ကြီး ရေကိုပိတ်ထားလို့ ကျုံးရေလျော့နည်းတာ ဖြစ်ပြီး ဆည်ရေသောက် လယ်တွေပါ အခက်အခဲဖြစ်နေကြောင်းလည်း ပြောသွားတာတွေ့ရတယ်။

မန္တလေးနားကပ်နေတဲ့ မတ္တရာဆည်တော်ကြီး တစ်ဝိုက်လောက်တော့အမြန် ပြန်ထိန်းချုပ်ထားနိုင်ဖို့မသင့်ပေဘူးလား။
#SittNyein

တိုင်းရင်းသားလား သောင်းကျန်းသူလား

ဒီကနေ့တိုင်းပြည်မှာဖြစ်နေတဲ့ပြဿနာက တိုင်းရင်းသားလားသောင်းကျန်းသူလား၊နိုင်ငံသားလား အကြမ်းဖက်လား လေနဲ့ဝမ်းမကွဲတဲ့ ပြဿနာ ဖြစ်ပါတယ်။

တိုင်းရင်းသားက လက်နက်ကိုင် ပုန်ကန်ရင်သောင်းကျန်းသူ၊နိုင်ငံသားက အကြမ်းဖက် လုပ်ရပ်တွေလုပ်ရင်အကြမ်းဖက်သမားဆိုတာ ပီပီပြင်ပြင်ကွဲကွဲပြားပြားခွဲခြားမြင်ကြဖို့လိုပါတယ်။

သောင်းကျန်းသူ သူပုန်ကနေ တိုင်းရင်းသားလက်နက်ကိုင်အဖွဲ့(EAO)လို့ဂုဏ်တင်ပေးလိုက်တဲ့အတွက် ယခင်က သောင်းကျန်းသူသူပုန်ဟာအလိုလိုနေရင်သက်ဆိုင်ရာ တိုင်းရင်းသားကိုကိုယ်စားပြုတဲ့လက်နက်ကိုင်အဖွဲ့တွေအဖြစ် နေရာရလာကြပြီး အခုဆိုရင် သက်ဆိုင်ရာတိုင်းရင်းသားလက်နက်ကိုင်အဖွဲ့တွေအဖြစ် တရားဝင်အသိအမှတ်ပြုခံနေကြရတဲ့ အနေအထားမျိုးတောင်ရောက်လာပါတယ်။

ဒါဟာအလွန်မှားပါတယ်။
တိုင်းရင်းသားလူမျိုးအသီးသီးမှာ ပြည်ထောင်စုစိတ်ဓာတ်နဲ့အေး အတူပူအမျှအတူတကွနေထိုင်ကြမယ်ဆိုတဲ့ သူတွေက ကျဥ်းမြောင်းတဲ့လူမျိုးရေးစိတ်ရှိသူထက်ပိုများကြပါတယ်။

ကျဥ်းမြောင်းတဲ့လူမျိုးရေးစိတ်ရှိသူ အနည်းစု နဲ့တည်ထောင်တဲ့ လက်နက်ကိုင်အဖွဲ့ကအသံကျယ်ကျယ် နဲ့သက်ဆိုင်ရာလူမျိုးစုရဲ့ကိုယ်စားလှယ် ခေါင်းဆောင်လို ဖြစ်လာတဲ့အခါ ပြည်ထောင်စုစိတ်ဓာတ်အပြည့်ရှိတဲ့ သူအများစုကအသံပျောက်လာပြီး အလိုလိုနေရင်းနောက်ရောက်သွားရလို့ နေရာမရဖြစ်လာတဲ့အတွက် ပြည်ထောင်စုပြိုကွဲရေးလမ်းပေါ်ရောက်လာပါတယ်။

AAဘယ်လောက်ပဲ လူမျိုးရေးစိတ်ပြင်းတယ်ပြောပြော လက်နက်မကိုင်ဘဲ ပြည်ထောင်စုထဲမှာ နေလိုတဲ့ ရခိုင်လူမျိုးအများအပြားရှိနေပါတယ်။အခြားတိုင်းရင်းသားတွေမှာလည်း ဒီအတိုင်းဖြစ်လို့ တိုင်းရင်းသားနဲ့ သောင်း ကျန်းသူကို ကွဲကွဲပြားပြား ခွဲခြားထားဖို့လိုပါတယ်။

သောင်းကျန်းသူကို တိုင်းရင်းသားအချင်းချင်းဖြစ်လို့ညှာတယ်၊အကြမ်းဖက် သမားကိုနိုင်ငံသားအချင်းချင်းဖြစ်လို့ညှာတယ်ဆိုတာ ခြေမမကောင်းခြေမ၊လက်မမကောင်လက်မ ဖြတ်ရမယ့်ကိစ္စကိုအချိန်မီ မဖြတ်တဲ့အတွက်အသက်အန္တရာယ် ကျရောက်လာစေမယ့်ကိစ္စမျိုးဖြစ်ပါတယ်။

အမှောင်ထဲကနေ အလင်းထဲလာဖို့၊သောင်း ကျန်းသူဘဝကနေ သက်ဆိုင်ရာတိုင်း ရင်းသားကိုယ်စားပြုနိုင်ဖို့ NCA လမ်းကြောင်းနဲ့ ဖိတ်ခေါ်ထားပြီးဖြစ်ပါတယ်။NCAထဲဝင်လာသူတွေကိုEAO တွေအဖြစ်နွေးထွေးစွာကြိုဆိုဆက်ဆံပြီးဝင်မလာသူတွေကို သောင်းကျန်းသူအဖြစ်ချေမှုန်းသင့်ပါတယ်။

NCAထဲမလာဘဲNCAပြင်ပကနေသောင်းကျန်းနေတာကို ကမ္ဘာတည်သရွေ့ရာသက်ပန်တံခါးဖွင့်ကြိုနေဖို့ မလိုသလို NCAကိုသာလာယံဇရပ်လို ဝင်ချင်သလိုဝင်ထွက်ချင်သလိုထွက်၊NCAထဲဝင်ပြီး သောင်းကျန်းသူလုပ်နေတာတွေကိုခွင့်ပြုထားခြင်းဟာNCAကိုတန်ဖိုးမဲ့စေပါတယ်။

တိုင်းရင်းသားEAOနဲ့ သောင်းကျန်း သူ လေနဲ့ဝမ်းကွဲ ရမယ့်အချိန်ရောက်နေပြီဖြစ်လို့ တိုင်းရင်းသားလက်နက် ကိုင်အဖွဲ့နဲ့သောင်းကျန်းသူအဖွဲ့ ရောထွေးမနေဘဲ ပြတ်ပြတ်သားသားခွဲခြား သွားဖ်ို့လိုနေပြီဖြစ်ပါတယ်။

#ThaungLwinHein