جدول محاضرات بنوك (بنات)

السبت ٢-٤
الثلاثاء ٤-٦
الخميس ٤-٦
الجمعة ١٢-٢ امتحان اسبوعي

السلام عليكم ورحمة الله

?تبليغ

طلاب البنوك (الحضوري) سوف يكون يوم غداً المصادف 5/30 اللقاء الاول مع الطلاب + اولياء الامور في تمام الساعة 4 عصراً

?الموقع

البنوك- شارع المشاتل- ثانوية القيم الاهلية للبنين

⭕️السلام عليكم طلاب الخامس الاعدادي المقبلين للصف السادس الاعدادي

عرض التسجيل لمادة علم الرياضيات بمنطقة زيونة معهد الجامعة و منطقة البنوك بدأ من اليوم وراح ينتهي يوم ٥/٢٢

الي يريد يعرف تفاصيل اكثر يتواصل على هذا المعرف @j_iq8
تحياتي للجميع

السلام عليكم ورحمة الله طلابي الاعزاء

?اكو شغلة جداً مهمة من تبدي مراجعة وهذا الكلام عن لسان وتجربة طلاب سابقين اني لخصت الكم التجربة بمجموعة من النقاط المهمة تحت عنوان :-

?الدفتر قاهر الاحزان في ليلة الامتحان

(ملاحظة :- لتتعاجزون من قرائة الكلام ممكن يكون هذا الكلام يغير حياتك كلها وينقذك )

⭕️الدفتر
لاحظت بالفترة الاخيرة من احجي عن الدفتر مع اي طالب ،كَبل يكَلي :-

"شسوي بالدفتر اذا الملزمة موجودة"

فقررت انو احجيلكم ليش الدفتر احسن من الملزمة بفترة المراجعة والامتحانات

⭕️ لما تسوي شي بنفسك

كلنا سامعين المثل الي يكول "أهل مكة ادرى بشِعابها" يعني اهل مكة ادرى بطرقها ومحلاتها من باقي الناس لان ببساطة هم اصحاب المكان، وكذالك كلنا نعرف انو من اتسون شي بنفسكم تكونون حافظي بكل تفاصيلة،

ليش ؟ لان انت بنفسك سويته

⭕️راح تتذكر كل سطر

نفس الشي الدفتر ، من اتسون دفتر خاص بيكم و ترتبوا وتهتمون بي ، راح تلاحظون سهولة المادة كلش وراح تتذكرون كل كلمة وكل سطر وكل صفحة كتبتوها لان بأختصار (انو انتوا بنفسكم كتبتوها)

⭕️المرجع المتكامل .

وبنفس الوقت تكدر تستغني عن شرح المدرس او الملزمة وعن الكتاب من خلال الدفتر لان راح تجمع جميع المصادر بداخلة ، ويصير المرجع المتكامل بالنسبة الك.

"بس اتخيلوا وياي شكد الدفتر راح ينقذكم في ليلة الامتحان"

⭕️مفصل عن مستواك .

الملزمة تعاملك كأنك متعرف شي ،
بينما الدفتر مثل الي يروح للخياط يفصل ملابس بالملي على قياسه ، الدفتر يكون مفصل عن مستواك ومدى صعوبة وسهولة المواضيع وانت راح تتحكم بي لان انت جاي اسوي المنهج .

⭕️ الشغلة راح تكون متعبة بالبداية بس فائدتها راح تبدي تلاحظها من اول اسبوع.