?

#قصيدة

#ذاك_الشارع_الرمادي ?

*ذاك الشارع الرمادي
في قلبي
اختصر مأساتي
في بلادي
لا أدري من عبّده
آخر مرة
ولا أيضاً من شردّه
من بلاده الحرة
لكني أظن
أنه شادي !

هناك ترى بقايا الفراق
على ضفيّه منثورة
و سيدة تطلب الطلاق
و أخرى تأخذ صورة
لا أعمدةُ إنارة
في ليله
و لا حتى شمسٌ
تحرقُ نهاره
لكن الجميع إن أتى
ف هو مَن اختاره
ل ربما فرض عليهم
أن يمشوه حافيين
عراة
مرثيين
جناة
لكن هذا قانونه الوحيد
و من يخرقٌ القانون
س ينهي
مشواره !

ف لا أعلم من سِلمَ هُنا
كل من بدأوا الغِنى
في بدايته
تراهم دفعوا الهنا
سعراً ل روايته !
ف الحقوق هنا
مهدورة
لا أحلام وردية
بل أرق
ولا أخطاء مستورة
من أخطأ ، احترق !
و آخر من اجتاز السور
بقيَ طافياً
لا يصلُ الشاطئ
لا يعرف الغرق !

و بين هذه المعاناة
طريقٌ يوازي شارعنا
طريقٌ ب شفاه
شاعرنا
قلبنا

مضيء
بطيء
يحيطه حريق
حوافه مخضّرة
و أغانيه مصفرة
عنيدة
تأبى التصديق
لا يعلمها
اصحاب المكيدة
و لا من أكثروا التصفيق
ف ل كل أغنيةٍ
جريدة
لا يقرأها
إلّا سكان الموسيقى !

لذا حين تراني
س تعلم أني
ابن ذاك الشارع الرمادي
حيث تركت قيودي و أصفادي
حيث قتلت ب ألف طريقة
آخرها
كانت الحقيقة !
و بعثتُ
لأكتب لأجلك
قصيدة
هذه القصيدة !*

كتابة ، مونتاج ، إلقاء : الأنيَّيْن ?

- المثقف الكسول

- هو شخص حافظ كم شعار، بتبع ل حزب معيّن، ب شكل عاطفي، يعني بعجبوا قيادي معيّن ف صراخه ولا زعيقه، ولا قيادي بساركه نفس نظرته العنصرية او المتطرفة للعالم، و النظرة السطحية للفشل، و بكون حاقد ع كلشي بخص الدنيا، و مخطط ل دمار اي اشي ثاني..

- ف شوي شوي، مخه بصير حرفياً يشوف ب عين القائد هاد، بمارس حياته الطبيعية، اللي لو عملت عليها زووم إن رح تلاقيها سيئة، و مليئة ب كل تفاصيل الإرهاق النفسي، و الديساوردرز، بس هو لا، يعشق هذا القائد الفتّاك..

- طبعا هو ما بقرأ، بس بسلكك ف شوية اقتباسات، بقرألك شوية كتب بحبها القائد و الفصيل ولا الحزب تاعه، و بس، اي نقاش خارج الحدود هاد، بقلك انت غبي ولا سطحي ولا نظرتك للأمور مش مكتملة!..

- بتقله طب شو هدفك ك مثقف؟ بقلك اني اوعي الناس! طب كيف دك توعيهم! بقلك الطريق طويلة للوعي، و محتاجة تضحية! طب التضحية زادت، لا لا هي ما زادت بس احنا حدودنا السما، و بصير بعدها لما يشوف حاله دخل ف حلقة مفرغة، يصير يحكيلك عن الاساسيات..

- شو الاساسيات، انت خاين و عميل و ملحد و سخام و لطام، ( مخه ما بستوعب ) مش مسخرة هاد علمي الكلام، ف بثور غضب! او بشتمك او بضربك، حسب فرق القوة!..

- و هاي هي الحلقة المفرغة ل معظم المثقفين اللي عنا ، و اللي للأسف طلعوا فوق جثث اطفالنا..

- تستبعدش هاد المثقف يكون دكتور، رئيس بلدية، رئيس حزب او قائد أو اي تفصيلة ثانية..

- طب شو المثقف ي فيلسوف زمانك ي نور، المثقف مصطلح هبل، و ملوش علاقة ف اي اشي حرفياً، بدك تقرأ عنه اكثر، اقرأ عن الانثروبولوجي و بعدها ادخل ف الآركيولوجيا، شوي شوي بتصير تفهم شو المعنى ل المثقف و شو هدول اللي بجعروا حواليك..

- الحلقات هاي و القتل موجود ف التاريخ، ب كثرة! مليش ف اسلوب الحلقة، بس ك بشر، موجودة ب كثرة! و العواطف هي كانت السيد الأوحد ل هاي الحلقات، ف العالم، و آخر ٧٠ سنة بلشت تختفي شوي شوي، و حاليا يعتبر احنا و بعض الدول ف افريقيا مركزها..

- السبب الأوحد الها هو الجهل، و استغلال الجهل! من قبل اللي وصفتهم فوق! اصل المثقف الكسول، لما يصير قائد، ه يحتاج مثقفين كسولين تحته، و جاهلين تحتهم و هكذا..

#تضلوا_بخير

??

- الى الاردن ♥️

- مشكلة المصطلحات عنا، إنه تم استخدامها ب شكل كثير هزلي، و سطحي!، و من اكثر المصطلحات اللي انظلمت فعلاً، هي مصطلح " الإنسانية "..

- للأسف الناس مفكرة إنه موجود من زمان، و مع بداية وعينا ! او ف خلال فترات ما مرتبطة ب ديانات، او ب ثقافات محددة! بس الموضوع فعلاً حديث! و ك تنفيذ فعلي، بدأ من ٨٠ سنة تحديداً، مع بداية الأمم المتحدة، و لحد الآن بيتم تطبيقه!..

- بس للأسف التطور الرهيب ف التكنولوجيا، فعلاً سبق تطور المصطلح نفسه ف معظم البلدان! بل يمكن أثر سلباً على تطوره!..

- ليش بحكي هيك؟ لأنه كثير لازم نكون متصالحين مع ذواتنا ل حتى نبدأ، و بداية التصالح هاي، بتكون بدايتها الإنسان نفسه، و في هاد التاريخ مصطلح الإنسان كثير مجهول! يعني انت ممكن بتعرف عن قبيلتك اكثر اشي، و بعدها الحي و بعدها المدينة و بعدها البلد و بعدها القارة، و يمكن بس بتعرف عيلتك! و يمكن لسا ما بتعرفهم، و يمكن لسا ما بتعرف نفسك، بس منتمي ل قبيلتك و عيلتك اكثر..

- هاي التركيبة المعقدة، هي تركيبة المجتمعات عنا للأسف! ل هيك الشخص عنّا ب غض النظر عن ايديولوجيته، بس اول م يكون فيه اختلاف معها، بيتم نفس الشخص، ب طريقة جدا لا إنسانية! و هالفعل نفسه بيتم دعمه ب خوف داخلنا ف بالتالي تطرف!..

- متى بتظهر هاي المساوئ، أكيد مش ف مناطق الراحة و مواقفها! بل ف المواقف الفعلية إللي فعلاً بتكون بحاجة مصطلح الإنسان!، وقتها الدائرة ه تظهر قديشها ضيقة! و قديش الشخص نفسه، ما بهمه إلا الدوائر الخاصة فيه! و ممكن ابسطها مواقف " الواسطة! "..

- ف دايماً فعلاً بحيي من كل قلبي الشخص الإنسان قبل أي شيء، يمكن زمان ما كنت أعرف المصطلح، ولا حتى كنت أدركه، بس كنت استخدمه عادي، بس هو فعلاً عمره م كان عادي، و كان فعلاً من أعلى المراحل إللي فعلاً كل يوم لازم نسعى ل نكونه و نوثق هاد المصطلح فينا و حوالينا..

#تضلوا_بخير ?

- طب انا اكلت راسكم ب الشخص العاطفي!

- شو يعني الشخص العاطفي؟ يعني مش دارس بالمدارس و الجامعات و معاه دكتوراة؟ كيف بدك تقنعني انه هاد عاطفي؟ او كيف يعني مهو بصرخ و صوتي ذكوري بحت و بمشي بالعرض و كتافه كثير عراض و دقنه طويلة! ولا بقبض راتب ١٠ دولار، بالشهر، و عنده دار! ولا بقطعش فرض صلاة و بصوم الاثنين و الخميس؟ اه ولا مقضيها سب و شتم ؟ ولا كاريزما و غامض و محدش بعرف عنه اشي ؟..

- كل هدول شغلات سطحية، و ظاهرة و تم استحداثها ف العصر الجديد، لانه زمان الناس فعلا ما كانت مشغولة فيهم، و فعلا كانت ظروف حياتهم، مبنية على الحياة بس او كيف ممكن نعيش! و الخرافات، و كان معدل عمر الشخص ما بيتعدى ال ٥٠ سنة، و المعدل هون للعوام، و اقصد فيها جدا العوام، مش الملوك و الملاك! لانه حيكتلك هو مش قادر يعيش! ف الموضوع اعمق..

- بس دحاول اظهره شوي شوي، و يمكن اللي قرأ قبل بلش شوي شوي يعرف..

- الشخص العاطفي ما فيه حد رح يدرك انه عاطفي غيره، يعني هو بينه و بين نفسه، بس متى؟ لما تكون عنده المساحة للمراجعة، يعني السخص العاطفي ممكن يكون كل الامثلة اللي قلتها فوق، و يمكن يكون ولا واحد منهم، بس هو اصلا ما عنده المساحة، داخل ف توجهات معينة، ب شكل متطرف جدا ، حتى لو اختلفت النسب، و هاي التوجهات مش معطية مساحة، لاي اشي ثاني، او مش معطية مساحة ل جزء المنطق عنا ك بشر، ب شكل مبسط، المنطقة المسؤولة عنه ف دماغنا..

- ف هاد الشخص لو قربت عالمنطقة هاي، رح تظهر عنده مظاهر العاطفية اللي هي المشاعر الظاهرة و المعروفة ، الغضب، البكاء، الضحك، و الافعال المرافقة ل الهم..

- و ه تلاقي الروابط م بين هاد الشخص، و المنطقة هاي، تفاصيل يا اما مفروضة عليه، او سهلة، او مؤذية ب شكل ما..

- عشان هيك، هو ممكن يسلك و يحكي معك ف اي اشي، اي اشي فعليا، لكن لما تقرب من المنطقة هاي، يا بتحول ل وحش و بيبدأ يشتمك او يضربك حسب ميزان قوته، يا بتحول ل حمل وديع و بيبدأ ف البكاء، و انا هون كمان مرة بحكي عن اللي بصير داخل الشخص نفسه! ..

- طب يعني الشخص الغير عاطفي، مجرد من المشاعر و سفاح؟ هاد اكبر خطأ او ترويج خاطئ، بالعكس السفاح هو شخص عاطفي جداً! لكن الموضوع انك تدرك طريقة عمل دماغك ب طريقة علمية صحيحة و سليمة، و وقتها ه تعرف تفلتر! و تدرك ماهية تصرفاتك و تفاصيلك اليومية و تاثيرها عليك..

- هل الموضوع اعقد من هيك؟ اه جدا، بس زي دايما بحاول قد م اقدر ابسط، و حتى لو م اسعفنيش، بس بحاول احسن من ولا اشي..

#تضلوا_بخير

- مساحة الفراغ الذهني، اللي موجودة ب عقلك، هاي أثمن مساحة ف حياتك!

- بس مشكلتها سهل تمليها ب أي خرافات، ب أي انتماءات، ب أي توجهات حياتية، و أي مشاعر!..

- ف فكرة إعادة إفراغها عمرها ما ه تكون عن طريق هاي الأمور، ه تكون عن طريق العلم فقط، المجرد!..

- ف أي حد استأجر هاي المساحة، ع حسابك و حساب شخصيتك، صدقني هو المستفيد الأول ب طريقة مباشرة او غير مباشرة، و عمرك م ه تحس، او يفرق معك..

- و للأسف الإعلام عبارة عن جهل و استغلال عاطفي ضخم، عارف شعوبنا و عارف كيف يغذيها و يغذي عواطفها و يستغلهم..

- ف بس بضل أقول فيه أمل و ع أمل و ربنا يلطف ف شعبنا..

ف عشان هيك، لو ما لقيت يا حبيبي مساحة ف ذهنك، صدقني علمياً، إنت مسروق! هاد الرأي الأكيد الساحق الماحق، خدعة!

ك نصيحة إقرأوا Neuroscience ما بعد ٢٠١٥! مليان كتب تشرحلك!
و تبدأ معها شوي شوي !..

#تضلوا_بخير