Куни кеча Навоий шаҳрида Ҳазрат Алишер Навоий таваллудининг 584 йиллиги муносабати билан, "Алишер Навоий ва Шарқ ренeссанси" IV халқаро симпозиуми доирасида Ўзбекистон Ёзувчилар уюшмасининг аъзолик гувоҳномаларини топшириш маросими бўлиб ўтди. Икки кун аввал менга берилиши ҳақида эшитиб хурсанд бўлдим. Рост, ҳар бир қўлига қалам олиб, сўз майдони билан тақдирини боғлаган ижодкорнинг орзуси бўлса керак деб ўйлайман.
Бундан бир неча йиллар олдин устоз шоирларимиз аъзоликка ҳужжат топширишимни кўп айтишган. Билмадим, ҳафсаласизликми ёки ҳали вақти бор деган андишами... Насиб қилган куни бугун экан.
Мени янада хурсанд қилган ҳолат шуки, Ҳазрат Навоий таваллуд кунларида топширилганидир. Эҳтимол, Навоийга бўлган ҳурмат ва меҳримизнинг рамзий маънода мукофоти бўлса керак.
Шу лаҳзаларда Устозим Абдулла ОРИПОВни эсладим. Катта ишонч ва умид билдирган, дуолар қилиб келажагимизни тилаган. Олам-олам хотиралар ёғилди. Бари хаёлотимдан ўтмоқда... Аллоҳ раҳматига олган бўлсин.
Яна бир устозим катта шоир ва олим Ғафуржон ТОЖИБОЕВга чексиз раҳмат демоқчиман. Шеърит йўлидаги чин мураббий ва холис инсоним... Аллоҳ умрини зиёда қилсин.
Мени уюшма аъзолигига катта ишонч билан тавсия берган устозлар: Ўзбекистон халқ шоири Усмон АЗИМга, Филология фанлари доктори, профессор Нурбой ЖАББОРОВга "Шуҳрат" медали соҳибаси, катта шоира Фaроғат ХУДОЙҚУЛОВАГА, Ёзувчилар уюшмаси Навоий вилоят бўлими раҳбари, катта шоир Баҳриддин САДРИДДИНОВга чексиз миннатдорлик ва ўз ҳурматимни изҳор қиламан.

"Mangulik" I.A.Karimov xotirasiga
✍ Abdulla ORIPOV
🎤 Jahongir YORQIN

YANGI YIL

O'tgan umrimizni xotira qo'zg'ab,
Quvonch, ehtirosga to'lib borar dil.
Xuddiki yurgandek bizlarni izlab,
Kirib kelayotir yurtga yangi yil.

Keksa yil,
senga ham rahmatlarim bor,
Qancha orzularim senda ushaldi.
O'zing bo'lding axir hamdam, madadkor.
Shodliklar poyondoz bo'lib to'shaldi.

Yuraklarni o'rtar ba'zi armon ham,
Ezilgan qor kabi nola qilar goh.
Yangi yil, bizlarga berma endi g'am,
Vatan tinch bo'lsin-u, bizlar esa sog'.

Umr shodasidan to'kilar bir don,
Tog'dan yumalaydi yana bitta tosh.
Lekin yashamoqqa bor axir imkon,
Do'ppilar topilgay omon bo'lsa bosh.

O'tgan umrimizni xotira qo'zg'ab,
Quvonch, ehtirosga to'lib borar dil.
Xuddiki  yurganday bizlarni izlab,
Kirib kelayotir yurtga yangi yil.

Jahongir YORQIN

Бугун Ўзбекистон Республикаси давлат Мадҳиясига 32 йил бўлди.
Юртимни мадҳ этувчи бу бош қўшиқ мангу янргаб туражаклигига иқрорман. Мадҳиянинг муаллифлари
Устозим Абдулла ОРИПОВ ва композитор Мутал БУРҲОНОВларни Оллоҳ раҳматига олган бўлсин!

10.12.2024- й.