السلام عليكم يا دفعه 2025
راح اقول لكم تجربتي با التحصيلي خصوصا ان اختبرته ٤ مرات
اولاً صلو على النبي ?
ثانيا : اهم شي التوكل على الله? في كل أمور حياتكم وادعو كثيييررر الدعاء يغير المستحيل صدق ادعو الله ان ييسر اختباركم وييسررر لكم كل عسير واهم شي أدعو ان الله يرزقكم الرضاء كيف ماكانت الدرجه ??
المصادر المعروفه كتاب ناصر كتاسيس
وبعد ماتخلصون وتتاسسون فيه تجميعات الحوت ال ٥٠٠
وبعدها تدربو با الكويزات بقناه الحوت نصيحه الكويزات مره مهمه تثبت لكم المعلومه وتعرفون اخطائكم ولا تضايقون إذا اخطائكم كثيره عادي تتعلمون منها وتذاكرونها وتركزون عليها علشان ماتغلطون فيها با الاختبار ??

ونصيحه با العربي حاولو تفهمونه بحيث لو جاكم برا الكتاب والتجميعات تقدرون تحلونه أنا جاني كم سؤال عربي ما اذكر ان شفته لا با الكتاب ولا بتجميعات وممكن هذا الي نقصني ولا يمكن مفروض فوق ال ٩٠ لان كل شي كان تمام إلا سئله الي جت وماكنت فاهمتها لكن الحمدلله..
بقولكم قنوات عربي سمعت عنها بس ما امدا اذاكر منها من ضيق الوقت ولان ماتوقعت تجي اسئله عربي جديده
-بسطهالك
-بحر النحو
و لا تشيلون هم ترا اسئله العربي الجديده كانت قليله الباقي كان من الكتاب والتجميعات ?

وترا الكتاب والتجميعات كلهم مهمات ❗️
يعني لاتنخدعون إذا جاكم احد وقال اختباري كله من اسئله الكتاب او كله من التجميعات ركز على شي و اترك شي لا غلطططط مممكن هو اختباره كله من الكتاب بس انت لا تجميعات ويمكن العكس
فيه بعضهم وقعو بهذا الخطاء وانكبو علشان كذا انتبهو ❗️❗️

و باالنسبه للارث إذا مستصعبينه صدقوني أنا كنت مثلكم اول اختبارين اختبرتهم كنت مره خايفه منه وحاولت افهمه بس كنت اشوفه شي مره يخوف ومره صعب وان مستحيل افهمه وسحبت عليه وانكبت با الاختبار جاني منه يمكن مسالتين او ثلاث
بس بعدها لما عدت التحصيلي بعد سنه
عطيت نفسي فرصه وقلت بحاول افهمه
واول حفظت من ياخذون النصف ومن ياخذون السدس وكذا وكذا مهم حفظهم وفهم الأسباب الي تخليهم يأخذونه
وبا اليتيوب الي يشرحون كثير شوفو شروحات كثيره لين تلقون الي تفهمون عليه ما اقدر اقول لكم قناه معينه لاني ذاكرت بعشوائيه وماعندي القنوات وترا الأرث مو صعب واذا تشوفونه صعب مو مستحيل
وحتى لو كنتو تسمعون الي حولكم يقولون صعب لا تحبطون طبيعي اي شي بدايه ماتبدون تتعلمونه بتحسونه صعب رغم انه كان موجود با المدرسه بس في حال ماكنتو فاهمينه

وحتى بالعربي كنت مره مستصعبته لاني ضعيفه بمواد الفهم وكنت خايفه انه هو الي نزل درجتي بس الحمدلله اني عطيته حقه عكس ألسنه الي فاتت وحاولت اتسس فيه من الكتاب وذاكرت التجميعات حقته وكثرت كويزات لين بدأ مستواي فيه يتحسن

وبا النسبه لتواريخ حاولو تربطونها بشي من الواقع إذا قدرتو الربط احلا شي واذا ماقدرتو خوذو اقل شي ٥ تواريخ يوميا واختبرو با الكويزات كثير اشوي اشوي خلاص بتحفظوها من كثر التكرار نفس الي صار لي

ونصيحه إذا صعب عليكم اي شي أسلو الي با القروب وهم ان شاءالله بيساعدوكم وانتم بعد إذا شفتو وحده تحتاج شي ساعدوها لان بعدين ممكن تكونو ماكانها وتحتاجون والله يوفق كل من يبي الخير لغيره ويجزاه ان شاءالله ?
واخر شي بقوله لكم ان حاولو تبدون بتحصيلي بدري علشان تعطون التاسيس والتجميعات حقها شوفو الوقت الي يناسبكم واحس يفضل مايكون اقل من شهرين واهم شي بعد الجد والتعب هو الرضا عن الدرجه حتى لو ماكانت قد التعب قولو الحمدلله لان إذا رضيتو الله بيرضيكم ان شاءالله يا اما بقبول با الجامعه او بتخصص أحلامكم او غيره علشان كذا لازم يكون عندكم رضا برزق الله ?
وبا الختام الله يوفقكم ويرزقكم الدرجات الي تبونها ??ومره شكراً لقناه الحوت ولكل من كان با القروب يساعد ويتجاوب معنا ??
ودعواتكم لي بتوفيق ?
#مقررات

راح تقولون كذا غلط اصبرو ماشرحت لكم ??اخذ كل كلمه بصفحه وافتح شرح تقريبا 3ساعات على صفحه لما اخلص الصفحه وحده بس واكون فاهمتها صح اكتب الي فهمته بالدفتر?ارتاح نص ساعه واخذ ثلاث صفحات ادب واحفظ

لين خلصت النحو والادب صرت اذاكر تجميعات اتدرب عليهم صرت اعرف احل قناه ⭐️بستطتهالك ⭐️بطله بطله ساعتين خلت النحو اسهل شي كل بعد عشر دقايق وقفي الفيد واحفظي وافهمي الي قاله بالعشر دقايق هذي

صرت اراجع الادب والنحو كل مافتحت الكتاب عشان ماانسى

ذاكرت التوحيد سهل??⭐️

الفقه اسبوع على✨ درس الاول✨وصرت اعيده كل شوي ✨الدرس الثاني حفظته الصراحه حاولت افهم الي اقدر عليه وصرت اخذ الدفتر واحل تجميعات الفقه كل يوم 10صفحات كانو ودي اوريكم دفتري كله تجميعات

والباقي حفظ الجغرافيا والتاريخ بس ذاكرت تجميعات?

التجميعات 500مهمه تسريبات السنين مهمه

معكم نجمه مقررات ⭐️?

السلام عليكم ورحمة الله وبركاته انا طالبة ادارة اعمال،الحمدلله حمدا كثيرا طيبا مباركا يليق بجلالة وجهه وعظيم سلطانه،على كل حال قبل ان تسعوا دائما توكلوا على الله في كل اموركم واي نتيجة بتكون جاتكم بتيقنون انها من عند الله وان الله لن يخيبك،

١-فالترم الثاني من سنة ثالث ثانوي لقيت ملف ريما المنقذ للتحصيلي وكان اسم على مسمى كان جدا مساعد لي عطاني فكره كامله عن التحصيلي
٢-طلبت كتاب ناصر العبدالكريم لمساري
٣- ابدأو ذاكروا من اصعب قسم لكم فالمدرسه فانا مثلا بديت اذاكر فالكتاب من قسم اللغه العربيه ومن ثم العلوم الاجتماعيه الخ....
٤-عند انتهائك من اي وحده كاللغه العربيه ابدأ اختبر نفسك فيها وهذي الاختبارات طبعا بتكون بمنصة الحوت(لها الشكر الجزيل)
٥-لو عندك معارف واصدقاء كانوا في مسارك اسمع نصايحهم وطبق اللي تقدر عليه
٦-اعرفوا انكم سعيتم ومهما كانت نتيجتك بتكون مرضيه لانك عارف ان ربي رزقك اياها وبيعوضك بالافضل

????????ما استغنيت عن منصة الحوت ابدا في مسيرة مذاكرتي للتحصيلي قنوات المناقشه ساعدتني قنوات الاختبارات ساعدتني فنصيحة من اختكم لاتتركونها هي من بعد فضل الله سبب في اني حققت ٩٠ بالتحصيلي دمتم سالمين????????
#مسارات

تابع ?
مصادري كانت كتاب ناصر 2022 لان الجديد يشمل مواد المسارات وانا مقررات فما حبيت اني الخبط نفسي
التوحيد والحديث كانت سهله جداً الدروس اغلبها بديهيه وتتكرر علينا كثير في المدارس فكنت اقرأها وخلصتها بسرعه ما اخذت مني وقت
الفقه كنت اذاكره واللي احس اني ما فهمته في المواريث ارجع لشرح حصه حمد الله يسعدها
العربي سهل بس النحو يلخبط شوي عشان كذا كنت احاول احل وافهم بنفسي قبل اروح للشرح عشان تثبت المعلومة ولا انساها وان صعب علي مره ارجع لشرح معاً نحو الابداع حلو شرحه ومبسط جداً ويشرح المهم
بسطتها لك شفت نص مقاطعه التأسيسيه وحسيته يطول مره ويتكلم كثير ويدخل في تفاصيل يلخبطك فماناسبني شرحه
الدراسات الاجتماعيه اغلبه حفظ و التواريخ كنت احفظها بطريقة فهم وشرح اكثر من حفظ للارقام عشان ما تلخبطني
يعني مثلاً تواريخ السعوديه كنت احفظ سنه التأسيس + مدة الاستمرار = سنة السقوط

بعدها ذاكرت ملف الحوت ال200 الله يسعدهم ويوفقهم وين ماراحو وذاكرت الملخصات اي ملخص اشوفه قدامي اذاكره وذاكرت التسريببات للمختبرين قبلي واختبر كويزات قناة الحوت عشان اراجع مذاكرتي فيها

الاختبار كان سهل نوعاً تقريباً اكثر من النص جاني كثير نفس اللي ذاكرته وفيه صيغ اسئله تتغير عشان كذا ركزوا وانتم تحلون
كانت الاقسام سهله فيه قسمين كانت صعبه شوي واسأله جديده بس توكلت على الله واخترت الاجابه الاقرب لفهمي

اختبرت فتره وحده كان عندي ظرف منعني من حضور الاختبار الثاني،
طلعت من الاختبار الاول وقعدت اراجع في قروبات البنات تقريباً كنت متأكده من ١٨ خطأ عشان كذا انصدمت من درجتي بس كنت دايم ادعي واتوكل على الله وأوكل أمري لله رغم اخطائي الكثيره واللي حولي يقولون مستحيل تجيبين في التسعين اخطائك واجد لكن كنت ادعي الله في كل وتر وكل وقت انه يبشرني بالأفضل والحمدلله الله مايخيب ظن عبده ابداً مادامه يثق فيه ويفعل بالاسباب?
توكلو على الله وذاكروا وقسموا وقتكم زين وادعو لي وللجميع بالقبول في الجامعة والله يوفقنا ويكتب لنا الأفضل من كل شي وتأكدو ان صرف الله عنكم شي فهو شر وانصرف عنك وبيعوضك بالأفضل ولو بعد حين
#مقررات