تم تعديل القصيده???

#جديدمحرم 1439 مجلس العليله.....
.
وزن موشح........
.
.
دمعتك يابويه تچوي اثيابي
گمت اشوفن كربله من بابي
راح اصير اميتمه
دمعي ينزف بس دمه
گمت اشوفن كربله من بابي
.
.
كلمه لاتحچي شفت كل غُربتك
گمت اشوفن كربله من دمعتك
دمعه چن بيها الشمر حز رگبتك
ظامي چبدك والحوافر طحنتك
.
دمعه بيها الحجر صوب هامك
گمت اسمع بويه كسر اعضامك
ريت بعيوني العمه
دمعي ينزف بس دمه
گمت اشوفن كربله من بابي
.
------------------------------------
.
وين رايح عني ياروح النبي
مو يتيمه وتدري گلبي عله بي
شفت بدموعك اثر سوط السبي
وعمتي زينب على التل الزينبي
.
دمعتك شرحت وضع مأساتي
هذا كله يصير وي عماتي
عيني وي عين السمه
دمعي ينزف بس دمه
گمت اشوفن كربله من بابي
.
-------- -------------------------------
.
چوت اثيابي دموعك يالإمام
موتتني ومات بلساني الكلام
گمت اشوف بعتبتي جمر الخيام
چن رمح غافي على صدرك ينام
.
الرضيع انظر ذبح انفاسه
الشمر فوگ الرمح شد راسه......*
يبس اشفافه الظمى
دمعي ينزف بس دمه
گمت اشوفن كربله من بابي
.
--------------------------------------
.
ودعتني بويه الله اليحّرسك
ياهوه وبريتي شهگه اتنفسك
يلي ماشي تحيي بالطف مجلسك
عني رايح خلي عندي محبسك
.
خله عندي ذكره من اغيابك
لجله يذبح خنصرك سلابك
بخدي دمعة فاطمه
دمعي ينزف بس دمه
گمت اشوفن كربله من بابي
.
---------------------- ----------
.
فوگ خدك دمعه بيها ركزت
چن رقيه اختي تمشي وتلتفت
الشمر يچتفها وبچفها يعت
تنادي بسمك بويه عني شو رحت
.
خدها ازرگ حافيه امگيدينها
بويه اشوفن شوكه تذبح عينها
ها يبن حامي الحمه
دمعي ينزف بس دمه
گمت اشوفن كربله من بابي
.
---------------------- ----------------
.
عمري اظلم لو عفتني ياضواي
شلون تعطش وآنه اشرب بويه ماي
لو رحت عني اظل ابلا دواي
بويه اروح وياك آنه كل مناي
.
تگلي ظلي يالعليله ابدارچ
باچر ايصير السبي خطارچ
عالمصاب امعلمه
دمعي ينزف بس دمه
گمت اشوفن كربله من بابي
.
-----------------------------
.
بويه رهن أمرك اظل وما أروح
عن مصابي وسري للباري ابوح
انتظر عمتي ترد ابيا جروح
واگظي عمري اندب امصابك وانوح
.
دمعتك آية سبي اقراهه
يعني صارت غربتي معناهه
بالليالي المظلمه
دمعي ينزف بس دمه
گمت اشوفن كربله من بابي
.
-----------------------------------
.
لا تنسوني ووالدي من فضل دعائكم المبارك
.
حسن الموالي الفاطمي
.
2017/6/4
.
القصيده محرمه على رواديد ال DJ
.

*...ورد في تاريخ المقاتل ان رأس عبدالله الرضيع تم شده على الرمح وذلك لأن نصل الرمح كان اكبر من اوداج نحره الشريف

القصيدة....كامله....
جديد محرم 1438
.
دعاء الوالده...قصيدة لشهادة علي الاكبر.....حدي تام
.
ليله اندعت يرجع علي..گالت یربي رده الي
أبني ارد اشمن مهجته
مشتاگه ابوسن وجنته
بالشیله امسح دمعته...هاي المسيه
.
.
شگد تنهظم أم الولد...لو راح ابنها ومارجع
چن بالگلب طعنة رمح...ماينشف ابخدها الدمع
بغربه ويسر تگضي العمر...مسبيه محنية ضلع
تظل چن یتیمه ابلا اهل...عالخد بلف چف تنصفع
.
ومن لیله شافت کربله...بیها الشباب امچتله
نظرة علي لمن برز
بيمينه سيفه وارتجز
امه وتعاين فزعته....هاي المسيه
.
.
ماتحمل اتعاین جرح...أبنها لا ماتنظره
لو جدمه بالشوكه انلمس...تشعر چبدهه اموذره
تنظر علی حسین بحذر...من وجهه تعرف اشجره
لمن صفن شبل النبي...شافت دموعه امکدره
.
گالتله شنهي الي حصل...جاوبها ابن غانم نزل
هذا بألف فارس يُعد
ياليله ادعي للولد
صعبه وعظيمه محنته...هاي المسيه
.
.
انظر دعاء الوالده...بالطف ذبح نحر الدمه
بالخيمه ليله من دعت...انفتحت ابواب السمه
الباري من اتنخته...تقسم عليه ابفاطمه
بحزن العليله اترجته...وغربتها والهم والظمى
.
ما يطفي جمرة دمعتي...الا ابني يرجع ضنوتي
ياربي طر چبده العطش
بس بالدمه دربه انفرش
ما احمل انظر طبرته...هاي المسيه
.
.
شافت علي لمن رجع...یسحگ علی ضلوع الخطر
من کل کتر تنظر اله...خاف برمح جسمه انطبر
ایگلها یایمه اصبري...بجبيني مكتوب القدر
لابد اموت ابكربله...وعيونچ اتشوف النحر
.
الشده غربة والدي...يگعد علی صدره الردي
ماريده ينظر دمعتچ
اتهظمه یمه عبرتچ
بالحومه واسمع ونته...هاي المسيه
.
.
ودعها والمدمع نزف...صد بالنظر صوب الولي
يابويه هدمّني العطش...ما الگه قطرة ماي الي
عاينله الحسين ابحزن...هاي يبني اسمع مايلي
الساني اصبح كالخشب...يوليدي مثلك ياعلي
.
.
يتمنى جدك شوفتك...من جوده تطفي جمرتك
يابويه لو دمك جره
تشرب عذب من كوثره
ساعه وتكون ابحظرته...هاي المسيه
.
.
من رد علي صوب الحرب...دارت عليه اهل الرده
سد النزف عين الفرس...سوت دربها اعله العده
هذا الطعن گلبه برمح...ذاك السلاح ايجرده
فوگ الترب صدره انطحن...وتنظره عین الوالده
.
بخدوده چم حافر طبع...فوگ الرمح راسه ارتفع
حگها والف حگها وبعد
لوماتت ابفگد الولد
مذبوح ابنها الربته....هاي المسيه
.
.
لاتنسوني ووالدي من فضل دعائكم المبارك
.
حسن الموالي الفاطمي
تمت بتاريخ آخر ذي القعدة..1437
.
لايجوز شرعا قراءة هذه القصيده من قبل رواديد الDj ...اللهم أشهد اني قد بلغت وأبرأت ذمتي بين يديك

خيعونه

من اجل أحياء #التراث #الحسيني قصيدة #الخدمة #الحسينيه على #لحن القصيدة التراثيه الخالده (يردونه يردونه)
للمرحوم الرادود الحسيني #حمزه #الزغير
.

خيعونه خيعونه .. خادمهم خيعونه
اهل البيت اليردوا .. بالخدامه يكلفوا
كل خادم يردونه .. يدورونه يدورونه

ـــــــــــــــــ ❁ ❁ ❁ ـــــــــــــــــ

باب الخدامه الكل موالي مفتوح
والزهره تنظر… . واليفوز الاجدر

أمر الحقد بين الخدم ما مسموح
واليبقى يمكر … ينمسح بالدفتر

والينجح بحبهم يظل عطره يفوح
يتعلم السر … .. بالغنايم يفخر

يميزونه يميزونه .. عالناس يميزونه
يصبح خادم لحسين .. ويفوز بدمع العين
كل خادم يردونه .. يدورونه يدورونه

ـــــــــــــــــ ❁ ❁ ❁ ـــــــــــــــــ

خادمهم وحگهم لون ايدوروه
شايل اسمهم .. وي جروح الدمعه

من ينقبل لابد يظل يختبروه
يحمل حملهم .. من تضيگ الوسعه

واليبتعد عنهم يقين ايذكروه
حتماً يهمهم .. بلكي يترك طبعه
.
ايتانونه ايتانونه .. للتوبه ايتانونه
الي بزيناته يبيع .. بالمحشر والله يضيع
كل خادم يردونه .. يدورونه يدورونه

ـــــــــــــــــ ❁ ❁ ❁ ـــــــــــــــــ

اول هديه للخدمهم بحساس
ينال السفاره .. والبتول اتنظره
.
يتقرب وياخذ بديه العباس
ويسل فقاره .. وعالعدو ينصره
.
بثوب الخدامه يكشخ ابين الناس
هاي البشاره .. والحسين ايحظره
.
يحضرونه يحضرونه .. بكل شده ايحضرونه
بالكرامه اتحيت .. ياخادم اهل البيت
كل خادم يردونه .. يدورونه يدورونه

ـــــــــــــــــ ❁ ❁ ❁ ـــــــــــــــــ

جرح الزچيه بلوعِته مايلتام
بجروحه سرها.. وهيه مجمل هظمه

عايش حزنها بيقضته والاحلام
ذاك العصرها .. چن كسر ضلع أمه

يوم الوديعه كربله وجمر خيام
يكسر ظهرها .. كل مصاب يضمه

ينطونه ينطونه .. من سرهم ينطونه
بالكرامه يعدوه .. من يطلب ميردوه
كل خادم يردونه .. يدورون يدور

ـــــــــــــــــ ❁ ❁ ❁ ـــــــــــــــــ

فاضل طينتهم وبكرمهم منظور
يفرح فرحهم .. وبحزنهم يحزن

لوشاهد ابوجه السمه يهل عاشور
ايهل دمعهم .. والنواظر يعمن

لعاشر محرم دم وريده منذور
منزف جرحهم ..بالهامه منبعهن

يداوونه يداوونه .. كل نزفه يداوونه
كل الجروح تطيب .. شمابيه القامه تصيب
كل خادم يردونه… يدورونه يدورونه

ـــــــــــــــــ ❁ ❁ ❁ ـــــــــــــــــ

باب الخدامه لكل موالي ميدان
من جد وجدهم… بالكرم يتحلى

والمالبس ثوب التواضع خسران
اول وعدهم .. يبتلي بالذله

حسين اليخلي الخادم يظل سلطان
مخلص عهدهم … كل محب يندله

يقربونه يقربونه .. منهم ايقربونه
خادم عترة ياسين .. أيفوز بدنيا ودين
كل خادم يردونه .. يدورونه يدورونه

ـــــــــــــــــ ❁ ❁ ❁ ـــــــــــــــــ

تمت بفضل ربي وعطاء اهل البيت
#لايسمح بتبديل لحن القصيده وتقرأ فقط بطريقتها التراثيه المعروفه .
.
حسن الموالي الفاطمي

القصيدة محرمة على رواديد ال DJ

٢٠١٩/٧/٢٦