ወዳጄ ሆይ!
ላይህ እያለቀሰ ውስጥህ የሚጽናና ከሆነ እግዚአብሔር እየደገፈህ ነው። ማልቀስህ ሩኅሩኅነትህን፣ መጽናናትህ መንፈስ ቅዱስ ካንተ ጋር መሆኑን ያሳያል።

✍ዘሰዋስው

ኦርቶዶክሳዊ አገልግሎት

ሰው ብቻውን አይሆንም ። ወይ ከእግዚአብሔር አሊያም ከራሱ ጋር ያወጋል ። ሰው ካገኘም ከሰው ጋር ያወራል ። ትዝታም እንደ አሁን ትኩስና ወቅታዊ ሁኖ ያነጋግረዋል ። የመምህር ቃልም ከሚኖረው ኑሮ ጋር ሲገጣጠም እንደ ገና አዲስ ፍንዳታ ሁኖ በውስጡ ይጮኻል ። መስፈርት እጅግ አስፈላጊ መሆኑን ቅዱስ ጳውሎስ የነገረኝን ከኤፌሶን ቤተ ክርስቲያን አስተዳደር ጋር ማነጻጸር የጀመርኩት አሁን ነው ። ቤተ ክርስቲያን በእምነት የምትቀበል ፣ በፈሪሀ እግዚአብሔር መስፈርት የምትሾም ናት ። የአገልግሎት የመጀመሪያው መስፈርት ፍላጎት ነው ። አገልግሎት ጊዜን ሳይሆን ሕይወትን ሰጥተው የሚገቡበት ነው ። አገልግሎት የፍትፍት ሰደቃ ሳይሆን የመስቀል ጉዞ  ነው ። ገሀነምን ከሚያህል የእሳት ዓለም ነፍስ ሲያወጡ ወላፈኑ አይንካኝ ማለት ሞኝነት ነው ። የአገልግሎት ጉዞ ራስን መካድ ያለበት ነው ። ራሴን ከዛሬ ጀምሮ ያለ ክርስቶስ አላውቀውም ብሎ መማል ይጠይቃል ። ይልቁንም ኦርቶዶክሳዊው/ቀጥተኛው ጎዳና ብዙ እንግልት ከውስጥና ከውጭ ያለበት ነው ። ከክርስቶስ ጋር ያልሞተ ፣ ገና ውዳሴና ክብርን ነቅዐ ሐሰት ከሆነው ከሰው ልጅ የሚናፍቅ ጉዞው ይከብደዋል ። ኦርቶዶክሳዊው አገልግሎት በመከራ እድናለሁ ሳይሆን በመከራ የድኅነት ጉዞዬን እፈጽማለሁ ብሎ የሚያምን ነው ።

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523

ወዳጄ....ዲቁና

መጨረሻ

ዲያቆን የሚያሰክር መጠጥ  አይጠጣም ። እንደ ውኃ እናት ከውኃ አይለይም ፣ ከውኃ ውጭ አይደፍርም ። አለልክ መብላትም የመስከር ያህል ነው ። ዲያቆን መጥኖ የሚበላ ፣ በምግብ ብዛት ዕድሜውን የማይጐዳ ነው ። ዲያቆን ከብዙ ሴቶች ጋር ወዳጅ የሚሆን ፣ የቆነጃጅት አጃቢና አጫዋች አይደለም ። መፍራት ገደሉን ሳይሆን የሚያዳልጠውን ስፍራ ነው ። አርቆ ማጠር የዲያቆን መገለጫ ነው ። አንድ ዲያቆን እውቀት ፣ ምሥጢር ጠባቂነት ፣ ጠንቃቃነት ያስፈልገዋል ። እንደ ወታደር የሚዘምት ፣ እንደ ሰላይ ለቤተ ክርስቲያት ጆሮ የሆነ ነው ። መጠጥና ሴት የሚወድድ ወታደርም ደኅንነትም መሆን አይችሉም ። ሁለቱም ጎበዙን ሁሉ ወንፊት ያደርጉታልና ። ዲቁና ትልቅ ሥልጣን ነው ። ብሉይ ሐዲስን ነገር መለኮትን ላላወቀ አይሰጥም ። ዲቁና ትልቅ ሥልጣን ነው ። ምእመናን ሊያከብሩት ይገባል ። ቀዳሜ ሰማዕት እስጢፋኖስ ዲያቆን ነበረ።

#ዘሰዋስው

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523

ወዳጄ ...ዲቁና?

ዲያቆናት ጭምት መሆን አለባቸው ። እኮ  ጭምት ማለት ምን ማለት ነው ? ጭምት ማለት ጣፋጭ ዝምታ ፣ ጣፋጭ ዝግታ ፣ ጣፋጭ ዕይታ ያለው ማለት ነው ። ጭምት ዱዳ አይደለም፣ ጭምት ለፍላፊ አይደለም ፤ ጭምት በቦታው ተገቢ ነገርን የሚናገር ነው ። የበደለ ሲያይ “የእኔን መጨረሻ አሳምርልኝ” ብሎ እያለቀስ የሚመክር ነው ። ድምፁ  እንደ አዋጅ ድምፅ አይደለም ። ያልሰማህ ስማ ፣ የሰማህን ላልሰማ አሰማ አይልም ። ዲያቆን የበላዩም የበታቹም ሲሳሳት በጭምትነት ይጸልያል ፣ በወዳጅነት ይመክራል። የቤተ ልሔም ምሥጢር ጠባቂ ነው ። የቤተ ልሔም ድንግል ሁሉን ነገር በልቧ ትጠብቀው ነበር ። ዲያቆንም ብዙ የማይደነቅ ፣ ብዙ የማይደነግጥ ነው ። ጭምት ለነገው የሚያስብ ፣ መጨረሻው እንዲያምር የሚጸልይ ነው ። ጭምት የሁል ጊዜ ተማሪ ነው ። ጆሮው እንደ ዝኆን ጆሮ ሁሉን የሚያደምጥ ፣ መልካሙን የሚቀበል ነው ። ጭምት ጊዜ ሰጠኝ ብሎ ማንንም ድጦ የማያልፍ ነው ። ጭምት ባይርበውም ለራበው ያዝናል። ራሱን ብቻ ሳይሆን ዙሪያውን ያያል።

ለዲያቆን... ወንድሞች #share

#ዘሰዋስው

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523

ወዳጄ ፍቅር

ወደ እግዚአብሔር የሚያቀርብ ኀዘን የልብ መሰበርን ያመጣል፣ የልብ መሰበርም እግዚአብሔርን ያያል። መገፍተር ሲያቅትህ ያቀፍከው የወደድከው አይደለም። አገርን የትኛውም ጠላት ማፍረስ አይችልም፣ አገርን የሚያፈርሱት የአገሬው ሰዎች ናቸው። እንኳን ጠላት ያለበት ወዳጅ ያለውም የሚጠቃው በመጠጥ ነው። መልካም ባልንጀራ መፈለግ ያደክማል፣ መሆን ግን ያሳርፋል። ለምኖ አነሰ ማለትና መሳደብ ታላቅ ውርደት ነው። እጅህ የሚሠራልህን የሰው እጅ አይሠራልህምና ሌሎች ይሥሩልኝ ብለህ አትቀመጥ። እንደ ደረስህ በር አትግፋ፣ አንኳኳ። እንደ ሰማህም ቱግ አትበል ፣ አጣራ። ተበደልሁ እንጂ በደልሁ የሚል እየጠፋ ነው። ሰላም ራሳቸውን ባጸደቁ ሳይሆን ንስሐ በሚገቡ ትሑታን ጋ ትኖራለች። ሙትን ሲያወግዙ መኖር ተናጋሪ ሙት መሆን ነው። ዘረኝነት በቃል የተወገዘ በተግባር የሚኖሩት አስመሳይነት ነው። የጋራ ጠላት ከሌለው የጋራ ፍቅር የሚያጣ ሕዝብ ምስኪን ነው።

#ዘሰዋስው

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523

ወዳጄ ጥበብ

ከአዲስ ንጉሥ የቆየ ወታደር፣ ከአዲስ ባለትዳር የቆየች ሠራተኛ፣ ከአዲስ ሐኪም የቆየ በሽተኛ፣ ከአዲስ ባለጠጋ የቆየ ደላላ፣ ከአዲስ ሰባኪ የቆየ የደብር ዘበኛ፣ ከአዲስ መካሪ የቆየ ጥፋተኛ፣ ከአዲስ ቄስ የቆየች አቃቢት ይበልጣሉ። የከረመ ወይን ዋጋው ትልቅ ነው፣ የበሰለም ሰው ተፈላጊ ነው። አገር የምታብደው እውነተኛ አዋቂዎቿን የናቀች ቀን ነው።

#ዘሰዋስው

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523

ወዳጄ ትኩረት

የወደቅህበት ቦታ ላይ ስታለቅስ አትኑር፣ የተንሸራተትህበትን ቦታ መመርመር ከዳግም ውድቀት ያድንሃል። ንግግርህ እውነት ቢሆን እንኳ ፍቅር ከጎደለው ሰባሪ ነው። የማያጸጽት ምርጫ እግዚአብሔር ብቻ ነው። ዙሪያህን ካየህ ጨለማ ነው፣ ወቅቱን ካዳመጥህ ነፋስ ነው። የጠራህን አምላክ ስታይ የማይቻለው ይቻልሃል፣ እርሱን ስታደምጥ ልብህ በእምነት ይጸናል። ጨለማ እንዲወገድ እውነት፣ እውቀትና ኑሮ ያስፈልጋሉ። ያልተኖረ እውቀት የባከነ ነው። እውነት በሌለበትም እውቀት ሊኖር አይችልም።

#ዘሰዋስው

https://t.me/ZSewasw

Telegram

ሰዋስው/@zsewasw

ሰዋስው # ሰዋስው ማለት መሰላል ነው። መሰላል የማይደርሱበት ነገር ተጠቅመው እንዲቻል እንደሚያደርጉት ሁሉ በዚህም ቻናል ችግር የሚባል ነገርን አስወግዳችሁ ወደ መልካም ነገር የምትወጡበትን ትምህርት ታገኛላችሁ። እኔን ለማግኘት የሚፈልግ ሁሉ +251934636523