Тошкент вилояти прокурори лавозимида фаолият юритиб келган Сирожиддин Қоршибаевич Эшқувватов Қурилиш ва уй-жой коммунал хўжалиги соҳасида назорат қилиш инспекцияси раҳбари лавозимига тайинланди.
Бош прокуратура жамоаси Сирожиддин Қоршибаевични янги лавозим билан табриклаб, куч-қувват, саломатлик ва ишларида улкан зафарлар тилаб қолади!

Тошкент вилояти прокуратураси томонидан савдо ва хизмат кўрсатиш объектлари, аҳоли хонадонларига энергия тежамкор ускуналарни ўрнатилиши юзасидан ўрганишлар олиб борилмоқда.

Хусусан, вилоят прокурори С.Эшқувватов Юқоричирчиқ тумани “Саҳоват” маҳалласида аҳоли хонадонларига қуёш панеллари, гелиоколлекторлар ва тежамкор газ жиҳозларини ўрнатилиши билан танишди.

Ушбу тадбирларни самарали ташкил этиш, вужудга келиши мумкин бўлган муаммоларни зудлик билан бартараф этиш, етказиб бериш ва ўрнатиш билан боғлиқ ишларни тўғри ташкил этиш бўйича кўрсатмалар берилди.

Тадбиркорлар ва фуқаролар ўртасида тарғибот тадбирларида энергия ресурсларидан фойдаланиш ҳамда энергия таъминоти бўйича ҳаражатларни сезиларли даражада қисқартиришда энерготежамкор ускуналарнинг аҳамияти тушунтириб ўтилди.

Масъулларга тадбиркорлар ва аҳоли вакилларига яратилган имкониятлар ва берилаётган имтиёзлар ҳақида тушунтириш ишларини ташкил этиш, шартномаларни расмийлаштиришда барча қўлайликларни яратиш лозимлиги таъкидланди.

*? Бош прокуратуранинг ижтимоий тармоқлардаги саҳифаларига аъзо бўлинг!*Sayt |Telegram | Instagram | YouTube | Facebook

Давлатимиз раҳбари томонидан 27.08.2024 йилда ўтказилган йиғилишда электр энергия йўқотишларини камайтириш ва ресурсларни тежаш бўйича берилган топшириқлар ижроси юзасидан Олмалиқ шаҳридаги И.Каримов номидаги Техника университети Олмалиқ филиалида илмий-амалий семинар ўтказилди.

Тадбирда вилоят прокуратураси, филиалининг энергетика соҳаси тадқиқотчилари, таъминотчи корхоналар ҳамда алоқадор ташкилот раҳбарлари иштирок этишди.

Семинарда вилоят прокурори С.Эшқувватов “энергия сифати”, “ишончлилиги” ва “иқтисодийлиги” каби мезонлар асосида тадқиқотлар олиб бориш, мавжуд муаммолар ҳақида илмий хулосалар олиш технологик йўқотишларни бартараф этишдаги ўрни ҳақида гапириб ўтди.

Олинган хулосалар линиялардаги юкламаларни балансировка қилиш, тармоқ узунлигини конкретлаштириш, трансформаторлардаги техник йўқотишларни камайтиришга олиб келиши таъкидланди.

Семинар якунида мутахассислар томонидан филиал тадқиқотчилари, энергоинспекция ва электр тармоқлари корхоналарининг ходимларидан иборат ишчи гуруҳларнинг вазифалари ҳақида атрофлича тушунчалар берилди.

*? Бош прокуратуранинг ижтимоий тармоқлардаги саҳифаларига аъзо бўлинг!*Sayt|Telegram | Instagram | YouTube | Facebook

Тошкент вилояти прокурори С.Эшқувватов раислигида вилоят ҳуқуқни муҳофаза қилувчи органлари фаолиятини мувофиқлаштирувчи Кенгашининг навбатдаги йиғилиши бўлиб ўтди.

Унда ҳуқуқни муҳофаза қилувчи органлар масъуллари, фуқароларнинг ўзини-ўзи бошқариш идоралари раҳбарлари иштирок этди ва ҳисоботлари тингланди.

Йиғилишда жорий йилнинг ўтган даврида жамоат хавфсизлигини таъминлаш соҳасида қабул қилинган комплекс чора-тадбирлар ижроси, бу борада амалга оширилган ишлар, вояга етмаган шахслар ҳамда аёллар томонидан содир этилган жиноятлар, мавжуд муаммолар танқидий муҳокама қилинди.

Шу билан бирга, ҳуқуқни муҳофаза қилувчи органлар ва бошқа мутасадди ташкилотлар томонидан жамоат тартибини сақлаш, жамоат жойларида ҳуқуқбузарлик ва жиноятларни барвақт олдини олиш борасида йўл қўйилган хато ва камчиликлар алоҳида таъкидлаб ўтилди.

Келгусида, ҳудудда криминоген вазият барқарорлигини таъминлаш мақсадида ҳуқуқни муҳофаза қилувчи идоралар томонидан манзилли чора-тадбирлар белгилаб олинди.

Мувофиқлаштирувчи кенгаш якунида мавжуд камчиликларни бартараф этиш ва фаолият самарадорлигини оширишга қаратилган қарорлар қабул қилинди.

*? Бош прокуратуранинг ижтимоий тармоқлардаги саҳифаларига аъзо бўлинг!*Telegram | Instagram | YouTube | Facebook | Veb-sayt

Тошкент вилояти прокуратураси томонидан кичик саноат зоналарида фаолият юритувчи тадбиркорларни қўллаб-қувватлаш ва хорижий инвестицияларни кенг жалб қилиш юзасидан муайян ишлар амалга ошириб келинмоқда.

Хусусан, вилоят прокурори С.Эшқувватов Янгийўл туманидаги кичик саноат зонасида “Infinitiy-Plast” МЧЖнинг “пластик маҳсулотларни ишлаб чиқариш” ва “PRICELESS MILK” МЧЖнинг “қоп маҳсулотларини ишлаб чиқариш” лойиҳалари билан танишди.

Сўнгра, саноат зонасидаги лойиҳа эгалари билан “Очиқ мулоқот” тарзида учрашув ўтказилиб, уларни қийнаб келаётган масалалар тингланди.

Шунингдек, соҳага масъул идора раҳбарларига тадбиркорликни
қўллаб-қувватлаш, инвестицион жозибадорликни ошириш, юзага келаётган муаммоларни ваколат доирасида ижобий ҳал этиш юзасидан тегишли кўрсатмалар берилди.

Маълумот ўрнида, прокуратура органларининг амалий кўмагида вилоят бўйича кичик саноат зоналарининг 62 та лот бўйича жами 32,4 гектар ер майдони аукцион савдоларига чиқарилган.

Шунингдек, ушбу зоналарда ўндан ортиқ лойиҳалар ишга туширилиши, 254 та иш ўринлари яратилиши
ва 36,6 млрд. сўм инвестиция ўзлаштирилиши таъминланган.

Мазкур йўналишда назорат тадбирлари давом этмоқда.

*? Бош прокуратуранинг ижтимоий тармоқлардаги саҳифаларига аъзо бўлинг!*Telegram | Instagram | YouTube | Facebook | Veb-sayt