ҚОР
Қор босмоқда атрофни—
оқлар босар гупиллаб.
Оқлар... ҳатто Офтобни
Кўкда таслим қилдилар.

Қаҳратоннинг қаҳридан
Қўрқиб қотган ер-фалак.
Қўл кўтариб асирдай
Қилт этмай турар дарахт.

Фақат курашар бетин
Азамат шербилaклар—
Кураш учун яралган
Фидойи...Қоркураклар.

@dilshod_rajab_ijodi

ҚИШГА
Қовоғингдан қор ёғар,
Бунча совуқ феълинг, Қиш.
Тарновларда осилган,
Сумалаклар-тилинг, Қиш.
Ҳеч гуноҳ қилмасак-да,
Чимчилаб юз-бурунни,
Тағин қилиб масхара,
Кўрсатасан тилингни.

@dilshod_rajab_ijodi

Dilshod Rajab sheʼri
Nuriddin Dadaev musiqasi va ijrosi

Dilshod Rajab sheʼri
Qadoq qoʻl qissasi

Уйқу лаззатидан кечган ягона,
Кечиксанг кўз тикиб кутган парвона.
Бетоб бўлсанг жонин тикишга қодир,
Тарифи хамсаи достон дурдона,
Мўътабар онадир,азиз онадир.

Таомин сарасин илингангина, Қоқилиб тиззаси шилингангина.
Борлигида ўрни сезилмай асло,
Йўқлигида қадри билингангина,
Мўътабар онадир, азиз онадир.

Иқболой

#Мулоҳазалар

Юз йилдан кейин, яъни 2124 йилда барчаларимиз қариндошларимиз билан биргаликда ер остида бўламиз.Биз қурган уйларда нотаниш одамлар яшайди. Йиғган мол-мулкимизга бошқалар эгалик қилади. Биз ҳақимизда ҳеч нарсани эслашмайди ҳам. Ичимизда ким ҳам отасининг бобосини эслай олади. (Бўлса ҳам жуда озчилик эслайди).

Бизлар ўша пайтда сатрларда эсланамиз, исм ва шаклимиз унутилган тарихга айланади. Шундай экан нима учун келажакдаги мол-мулкимиз, уйларимиз ва аҳлларимиз ҳақида кўп бош қотирамиз. Ахир юз йилдан кейин булардан ҳеч наф йўқ-ку?!

Бизнинг борлиғимиз коинотнинг умри олдида бир лаҳза холос. Бизнинг умримиз унинг олдида кўз очиб юмгунчалик фурсатдир. Биздан кейин ўнлаб авлодлар келади. Улар ҳам дунёни худди биз топширгандек кейинги авлодга байроқни топширадилар. Улар орзуларининг тўртдан бирини ҳам амалга оширмасдан ўтиб кетадилар. Шундай экан, дунёдаги ҳақиқий ҳажмимизни билиб олишимиз керак. У, биз тасаввур қилгандан ҳам кичикдир.

Юз йилдан кейин зулумот ва сукунат ичра юриб, дунё нақадар ҳақир эканини ва орзуларимиз чўпчак эканини биламиз. Қани эди умримизнинг барчасини жиддий ишлар, яхшиликларни жамғариш ва солиҳ амалларни қилишга сафарбар қилсак эди, деб орзу қиламиз.

Карим Баҳриев