TURON

“Bir soʻzga boyidi lugʻatim shunda,
Buncha goʻzal ekan Vatanim ismi…”

Bek Ali she'ri
Erkin Bozorov o'qigan.

@She_rIshqi

Nihoyat....

Necha kunlik mutolaamdan so'ng,Baxtiyor Abdug'afurning "Kazbek"Osiyo arsloni kitobini o'qib tugatdim.

<Vujudini urush\-qirg'in,vaxshiylik,yo'qchilik,fitna,xoinlik...qaritgan o'zbek yigiti.Talato'plarda umr kechirib mazlumlarni himoya qilishga o'rgangan musofir.Nasoroni himoya qilishga kelgan musulmon...>>

-3 yil davomida Nemislar tomonidan ishg'ol qilingan Belorussiya o'rmonlarida nemislarga qarshi partizanlık harakatlarida faol ishtirok etgan,nemislarning katta generalini asir olgan,ko'plab qishloqlarni ozod etgan,boshi uchun hatto Gitler tomonidan salkam 1 mln $ tikilgan,maxfiy hujjatlarni Qo'mondonlikka yetkazish uchun Belorussiyadan Moskvagacha piyoda yo'l bosib yetib kelgan o'zbekning jaydari,sodda,yigiti edi u.

Oxirida meni ta'sirlantirgan va faxr hissini tuydirgan narsa,Moskvaning bosh generali-mayori Safonov Mixail Kondratevich Mamadalining qahramonliklariga tan berib,bu ishlarni hatto men ham qilolmasdim deb tan oladi.Generaldan -nimani xohlar edingiz deb so'rasa,Mamadali bosib o'tgan yo'lni "Mamadali Topvoldiyev"yo'li deb nomlashni,bu jasoratni kitoblarga muhrlashni,maktablarda o'qitilishni xohlar edim deydi.
Keyinchalik,Belorussiyadagi Paserevo qishlog'ining nomi o'zgartirilib, "Topvoldiyevka"deb ataladi,maktab va ko'chalarga uning nomi beriladi.

Asar barcha tarixda o'tgan qahramon bobolarimizni birgina Mamadali,to'liq ismi MuhammadAli Topvoldiyev orqaligina (mana senga bobolaring qanday bo'lgan)ko'rsatib bera olgan..

Tashqi dushmanni jang bilan yengish mumkin,lekin ichingdagi xoin seni yeb bitiradi..(

BAG’ISHLOV

Uzun-uzun karvonlar,
Hazin-hazin zamonlar,
Zarbof-zarbof choponlar,
Qator-qator a’yonlar,
O’tdi ketdi hoqonlar
Qancha beku boyonlar,
Bir el qoldi dunyoda,
Bir el qoldi yoronlar!

Halolligu poklikdan
Uyiga eshik etgan.
O’zi erday, er ishlab
Tuproqni qo’shiq etgan.
Ko’kda oy,quyoshlarni
Ko’rkiga oshiq etgan,
Yuragida tog’laru
Ko’kragida osmonlar.

Xudo o’zi hohlasa
Imkonlarga yetkizgay,
Daryolarga mavj berib,
Ummonlarga yetkizgay.
El qadriga yetguvchi
Sultonlarga yetkizgay,
Toleiga bitgaydir
Ulug’ davru davronlar.

Dilbandlari o’smoqda,
Ko’zlari jonga jondir.
Birlari Jaloliddin,
Birlari Shohjahondir.
Har biri bir qo’rg’ondir,
Qilich birlan qalqondir
Bu qadu bu qomatlar,
Bu qoshlar, bu mijgonlar.

Farzand bo’lsang, elga boq,
Elni ko’r, elga aylan.
Olamda nokas ham ko’p
Elu dinidan qaytgan,
So’z qadriga yetkuvchi
Zotlar ham bilib aytgan:
Qaydan bilsin el qadrin
El ko’rmagan nodonlar!

Sirojiddin Sayyid

@She_rIshqi

#Mitti_hikoya
#Drabl

Oyning oxirgi kunlari.Har doimgidek ishga ketayotgandi,xotini yoniga keldi.
-Bugun qizimizni tug'ilgan kuni,ishdan ertaroq kelarsiz.
-Xop,xotin dedi u.
Shu payt qizi ko'zini ishqalab chiqib qoldi,
-Dada, menga qo'g'irchoq olib keling.
Bo'pti,qizim olib kelaman dedi-u.
Ular turmush qurganiga 5 yil bo'lgan,qizi bugun 4 yoshga to'ladi.Ular shaharning chekkarog'ida 4 qavatli domning 1-qavatida ijarada turardi.Ish joyi shahar markazida,ishni yangi boshlaganligi uchun oyligi ham kam edi,bu oydan u oygacha zo'rg'a yetar,hali ijara pulini ham berish kerak edi.Lekin bugun o'zgacha kun,qizini xursand qilishi kerak.
Qaytishda O'yinchoqlar do'konidan katta bir qo'g'irchoqni tanladi.Qizim bir xursand bo'lsin dedi-u.
Magazindan endi chiqayotyanda televizor ovoziga qulog'i chalinib qoldi,muxbir qaysidir hududda allaqanday portlash sodir bo'lganligi haqida aytayotgandi.Yuragi orqaga tortib ketdi,Uyiga qarab yugurdi.Ma'lum bo'lishicha portlash ular yashaydigan domni oldidagi katta binoda bo'lgan ekan.U qanday qilib magazindan chiqdi-yu,qanday qilib taksiga minganini ham bilmadi,taksichiga tezroq haydashini iltimos qildi.Xotiniga qo'ng'iroq qilib ko'rdi,javob bo'lmadi.Yana xayoli qiziga ketdi.Nahotki,bo'lishi mumkin emas.Endigina 4 yoshga to'lgan qizchasini o'ylardi u.E,xudo,o'zing madad ber derdi, to'xtovsiz.Mahallasiga yetib kelgandan so'ng,taksidan tushdi-da,uyi tomon yugurdi.Atrofni mashinlar ovozi tutib ketgan,har-har joyda ko'rinib qoladigan odamlar olazarak,har yoqqa yugurib yurardi.Yetib keldi-da, karaxt bo'lib qoldi,qo'lidagi qo'g'irchoq yerga tushib ketdi.Domdan asar qolmagan,faqatgina siniq oyna bo'laklari va bo'laklangan beton bo'laklari uymalanib yotardi,Xuddiki,ko'cha supiruvchi farroshlar xazonlarni bir joyga uyib qo'ygandek.Yigitning ko'zlaridan yosh sizib chiqdi.Barcha umidlari ham yosh bilan qo'shilib oqardi...

Egamberdiyev Mansurbek

Kuz bogʻlarga olov yoqibdi,
Gʻussasida isinaylik,  yur.
Qovjirashin kuzatib bargning,
Ogʻrigʻidan qilaylik huzur.

Tashlab chiqqin kulgularingni,
Iztirobdan ne bor boqiyroq?..
Bir joningni boʻlak-boʻlaklab,
Dard beraman senga ming quchoq.

Titrayotgan xasning,  xazonning,
Tushlariga kirar bahorlar.
Tunda gullar soʻlganin koʻrib,
Aza ochib otar nahorlar.

Daraxtlarda janubga qarab,
Koʻz yumolmay yotibdi inlar.
Lahzalardan asrab,
qushlarning
Tashlab ketgan chugʻurin tinglab.

Soʻlgan gulning tagiga qara,
Bulbul yodin koʻmyapti shamol.
Yigʻlayapti,
axir,  sevgilim,
Bizlar kulsak boʻlmasmi malol.

Xazonlarni chertib yomgʻirning,
Chalayotgan xonishiga boq.
Baxt-la emas,  gulroʻy, dard ila,
Qanday shirin ishqni oʻylamoq.

Gar koʻnmasang,  ranjimayman,  bor,
Oʻzingnimas ishqni baxsh etgin.
Yoningdamas,  sendan olisda,
Seni qumsab yashayin,  ketgin.

2018 yil, oktabr

N. E.

https://t.me/She_rIshqi

Telegram

She'r Ishqi

Kunlarni yetaklab borarman,balkim She'rsiraydi Qalbim,she'r so'rar Qalbim!.. Murojaat: @Mansur3004 @Urolov202 ORZUMUROD\_GADAYMUROT\_ÖĞLI @Seni\_Sevdim\_gulladi\_Taqdir

Манов осмон,
манов юлдуз,
манов япроқ,
манов қушлар
сано айтар ҳабибимга
мингта рангу минг товушда.
Манов темир,
манов тошлар
аро нафсим кўзин хушлаб,
манам борман,
ман борарман —
жон ҳовучлаб,
руҳ ҳовучлаб.
Келар,
кетар,
тинар,
шошар —
ўнг тарафим,
сўл тарафим...
ичимда бир дарё тошар:
зикри хафий,
зикри хафий.
Сассиз кишнар қайғуланиб
асовларим,
айғирларим...
улуғ севги — пинҳон севги:
ҳайқирмадим,
ҳайқирмадим.
Биз шундайин суғро, ғариб,
биз шундайин кубро, шариф,
биз шундайин ялдоли тун,
биз шундайин субҳи зариф.
Бизга бир ёр ёрдир — тамиз,
сукут бизни эш этадир:
севгимизни севгилимиз
айтмасак ҳам эшитадир.

Мансур ЖУМАЕВ

https://t.me/She_rIshqi

Telegram

She'r Ishqi

Kunlarni yetaklab borarman,balkim She'rsiraydi Qalbim,she'r so'rar Qalbim!.. Murojaat: @Mansur3004 @Urolov202 ORZUMUROD\_GADAYMUROT\_ÖĞLI @Seni\_Sevdim\_gulladi\_Taqdir

#FreePalestine

FALASTIN

Hobilning joniga qasd qildi Qobil,
Qotillik yuz berdi ilk bor ochunda,
Ilk bor Haq hukmini chiynadi botil,
Qarg'a go'r qazishni o'rgatdi unga.

Karbaloda oqdi Husayn qoni
Yaziyd dunyo fitna ko'rsatgan edi.
Ummat bir-birining olganda jonin
Qarg'a go'r qazishni o'rgatgan edi.

O'tdi qancha tug'lar, xochlar, saliblar,
Ma'sumlar qonidan hilol qizardi.
O'tsa-da Ayyubiy, ibn Validlar,
Qarg'a odaticha mozor qazardi.

Bugun ham Haq degan jonlar jabrda,
Mazlumga tikilgan dunyoning dori.
Ularning qalqoni– Iymon, Sabrdan!
Yolg'iz Xudo bo'lar yolg'izning yori.

Bu dunyo – Falastin, bu dunyo – G'azo,
Bunda "adolat" ham zolimlar tomon.
Ojizlar boshida aylanar qazo,
Qarg'alar go'r qazib yuribdi hamon.

Suhrob Ziyo

1. Noyabr.

@She_rIshqi