Jaahil ayaa dhahay: “Qofka aan ku raadinin, lama raadsado.”

Rasuulkii Alle (Sallallaahu Calayhi Wasallam) wuxuu dhahay: “ Xiriiri cidda ku jarta, iska cafi cidda kugu gardaroota, oo wanaaji cidda ku xumaysa.”

╭┈─────────
╰┈➤. #WanaagBile.

DHAB UGA FIKIR.

Dhab uga fikir waxa Niyaddaada Ku jira iyo waxa si muuqata kaaga dhacaya , maxaa yeelay labaduba Alleeysan ka qarsoonaan Karin wuuna kaa abaal marinayaa.

{ قُلْ إِن تُخْفُوا مَا فِي صُدُورِكُمْ أَوْ تُبْدُوهُ يَعْلَمْهُ اللَّهُ ۗ وَيَعْلَمُ مَا فِي السَّمَاوَاتِ وَمَا فِي الْأَرْضِ ۗ وَاللَّهُ عَلَىٰ كُلِّ شَيْءٍ قَدِيرٌ }

U sheeg in waxa ay laabahooda Ku qarinayaan iyo waxa ay muujisanayaan Alle isku si u wada ogyahay labadubana Aakhiro ayeey kaaga horreeyaan waana lagaa abaal Marin doonaa waana sababta aan kuu leeyahay dhab uga fikir.

╭┈─────────
╰┈➤. #WanaagBile.

Irsaaqad uu qofku heli lahaa ayuu ku waynaa danbiga uu galayo dartiis

إنَّ العَبدَ ليُحرَمُ الرِّزقَ بالذَّنبِ يُصيبُه... الحديث

Walaalka muslimka ahow ogow danbigu wuxuu sabab u noqdaa cariiri aduunyo iyo cadaab aakhiro

Walaal dunuubta ka dheerow oo adeecida Allaah u dag dag.

╭┈─────────
╰┈➤. #WanaagBile.

Fadliga Soonka Caashuura:

Nabigu wuxuu yiri: "Soonka maalinta Caashuura waxaan Ilaahay kaga Rajeynayaa inuu ku dhaafo danbigii sanadkii hore." maashaAllah.

وعن أبي قتادة رضي اللَّه عنه ، أن النبي صلى الله عليه وسلم قال: " صيام يوم عاشوراء، أحتسب على اللَّه أن يكفر السنة التي قبله" .

bal maxaa ka wanaagsan inuu Ilaahay kaa dhaafo danbiyadaadii sanadkii tagay oo dhan gaar ahaan kuwa yaryar sababtoo kuwa waaweyn Ilaahay wuxuu ku dhaafa toobad In lala yimaado.

Ilaahay waxaan ka baryeynaa inuu ina waafajiyo soonka maalintan iyo inuu inaga yeelo kuwa loogu danbi dhaafo danbiyadooda.
Aamiin.?

╭┈─────────
╰┈➤. #WanaagBile.

Fadliga iyo soonka maalinta carafo.
Maalinta Carafo waa Maalin uu Illaah (SW) ku Dhaartay weynideeda Daaraadeed, waa maalin uu rasuulkeena Muxamad(NNKH) umada islaamka faray inay soomaan.

mar la waydiiyay uu yiri "soonka maalinta carafo waxaa loo dhaafaa dambiyadii sandkii hore iyo sanadka soo socda".

Maalinta carafo waa maalintii la dhamaystiray diinta iyo nimcada uu Allaah (SW) ku maneeystay muslimiinta, waxaana soo dagay iyadoo carafo la taaganyahay aayado muslimiinta ugu bishaareynaya in diintoodii loo dhamaystiray.

Maalinta carafo waa maalinka ugu badan ee uu Allah(SW) naarta dadka ka xoreeyo.

Rabina adoomadiisa ugu dhow yahay,“Bukhaari iyo Muslim ay wariyeen inuu Nabigeena suuban Muxamad(NNKH) yiri:-
"ma jirto maalin ka badan inuu Allah adoomanka ka xoreeyo naarta maalinta carafo ahayn".

Maanta oo ah maalintii 9aad ee bisha Dul-Xijjah (carafo) ayaa ah maalin aad u weyn fadligeeda. Maanta waa maalinta ay Xujeeyda ay u diyaar garoobayaan inay istaagaan buurta Carafa, tasoo ka mid ah tiirarka uu Xajka ka kooban yahay kan ugu weyn, oo la’aantiisu uusan ansax noqonaynin xajka,

sida uu Nabigeena Muxammad (NNKH) uu u yiriba: "Xajku waa Carafa".
taasoo loola jeedo istaagga buurta Carafa.

Ugu dambayntiina waxan eebaha awoodiisu sarayso ka baryayaa in uu naga mid dhigo aniga iyo dadka walaalahayga ah ee muslimiinta ah kuwa ka faaiidaysta maalinkaan ee loo dambi dhaafo.

Ißraahim Haaji Salath ✍️?

╭┈─────────
╰┈➤. #WanaagBile.

Gabar kasta oo Muslimad ah waa inay ogaataa Arrimahan:

1. Haku degdegin inaad ka guurto guriga waalidkaa. Way fududahay inaad guurto, laakiin way adag tahay inaad ku soo noqoto marka xaaladdu kugu xumaato. Arrin kasta ogaysii Waalidkaa oo kala tasho.

2. Ha sugin nin ku guursada, adiga oo aan baran inaad noloshaada dabarto. Waad noolaan kartaa nolol fiican adiga oo single ah. OGOOW, guur xalaal ah in aad hesho noloshaada waa u muhiim, laakiin guurka haka dhigan qorshaha kaliya ee aad sugayso.

3. Si haboon u labbiso: Muuqaalkaagu intaan lagula hadal ayuu sharraxaad ka bixinayaa nooca ay tahay shakhsiyadaadu.

4. Ka fogoow habeenkii inaad nin Hotel ama meelo cidlo ah haasaawe/Shukaansi ugu raacdo, Dumar badan ayaa sidaas lagu khalday, adna Dumarkaas waxba kama duwanid.

5. Ha adeegsan jirkaaga si aad usoo jiidato nin. Waayo ninkaas aad jirkaaga kuusoo jiidatay waxa uu rabaa waa jirkaaga/galmo, ma aha guur daacad ah.

6. Nin haku guursan lacag, haddii kale waxaad ka mid noqon hantidiisa.

7. Naftaada qiimo u yeel, aqoon baro, shaqo raadso hadday kuu suurto gasho. Haku talo galin dhib kasta in uu nin kuu xalliyo.

8. Quruxdu wax kasta ma aha, waxaad haysato hadday qurux kaliya noqoto, gabadh kaa qurux badan ayaa booskaaga buuxin karta. Markaa Isku day inaad aqoontaada Diineed, Maaddi iyo maskaxdaada dhisto.

U faa’idee Dumarkena oo sii Faafi.

Mohamed A. Kahn

╭┈─────────
╰┈➤. #WanaagBile.