طبعاً بوكت راحتي هلفتره داشوف قناه واحد كوري يشتغل بلمستشفى ك خفاره بعض ايام ويدرس مواد طبيه ف كلش يحفزني روتينه وشجاعته وحبه للماده ومن اضوج كمت أشوفله مقاطع دراسه ويا وادرس ف أذا تردون تشجعون بموضوع معين دائماً تابعوا أشخاص يهتمون بهل موضوع حتى تشجع ويصيرلك واهس وتحب هلموضوع وتحسه مو أجباري ومو وحدك دسوي.

لي عنده امتحانات وضغط الله يسهللنه كلنه
بس فكروا اذا واحد ميضغط على روحه
ويجتهد ويدرس شوكت يگدر يكون منضبط
فتره امتحانات هي فتره جهد وسعي مو فتره
راحه حقكم تشكون من تعب بس ممعناها ماتسعون بلماده شدوا حيلكم افهموا ماده هي
براسكم براسكم وكل ماده تحطون واهسكم بيها
وتحبوها حتدرسوها عدل وتوكلوا على الله
{فَإِنَّ اللَّهَ لَا يُضِيعُ أَجْرَ الْمُحْسِنِينَ ْ} بل يتقبل الله عنهم أحسن الذي عملوا، ويجزيهم أجرهم، بأحسن ما كانوا يعملون، وفي هذا ترغيب عظيم، للزوم الصبر، بتشويق النفس الضعيفة إلى ثواب الله.

أدعيه ✨

1. دعاء تسهيل الأمور:
   "اللهم لا سهل إلا ما جعلته سهلاً، وأنت تجعل الحزن إذا شئت سهلاً."

2. دعاء الفهم والحفظ:
   "اللهم افتح عليّ فتوح العارفين، وعلّمني ما ينفعني، وانفعني بما علّمتني وزدني علمًا."

3. دعاء تثبيت الحفظ:
   "اللهم ثبّت عليّ عقلي ودراستي، واجعل الإجابة سهلة عليّ، وبارك لي في وقتي وجهدي."

4. دعاء التوكل على الله:
   "حسبي الله لا إله إلا هو، عليه توكلت وهو رب العرش العظيم."

5. دعاء الخروج من التوتر:
   "اللهم إني توكلت عليك، وسلمت أمري إليك، لا ملجأ ولا منجا منك إلا إليك."

6. دعاء النجاح والتوفيق:
   "اللهم إني أسألك النجاح والتوفيق في هذا الامتحان، وأعوذ بك من النسيان والخطأ."

بعد 3ساعات بده عد تنازلي 👇
يمه متوتره حموت عبالك مو اول فاينل عبالك اول مره امتحن

باجر اول فاينل ادعولي هواي هواي ✨

بلشت أدرس أخير مد للكورس 1( حاسوب) إن شاء الله تكون ختاميه حلوه حتى لو لم تكن البداية هكذا.

وحده من ثنين يوم لو أقتل ماده لو أقتل روحي لحد يمنعني 🙂🥲

2024/12/1
3.13
هذا شهر حاسم الي بأمور هوايه حتى انهي سنه بأنجازات رايدتها
هذا شهر امتحن بي فاينل كورس وبعض امور بالي

طلاب جامعه م1.

هواي بالكم تساؤولات وقلق واشياء مجهوله

1-أول أيام دخلت بيها لجامعه أثناء شرح لمواضيع عامه أو تخص محاضره جانت دكتوره تسأل وبعض طلاب متفاعلين وياها وأني اصفن أكول منيلهم هلمعلومات وأسئله اول مره اسمع بيها فيعني أذا مريتوا بهل موقف لاتضوجون ولاتقلقون ممعناها أنتم فاشلين امر كلش طبيعي لحد الان أذكر هم اول كم يوم جانت اكو من ضمن طالبات متفاعلات طالبه صفنت كلت هاي تطلع من اوائل بس بعدين رسبت بسنه ليش لانه غيابات ملل متدرس هواي هي كالتها فلاتحكمون على رواحكم من بدايه

2-اول ايام طبيعي تضلون بلصفحه ساعتين اكثر كون انتم اول مره تقرون ماده ك انكليزي ومعلومات ممكن جديده مع بعض (قسم داخلي)فكلشي جديد وبودكم بس تدرخون شلون مدرسه جنت اني اضل نوبات يوم كامل 4ورقات واعيد واكرر بيها عمود مانساها وادرخها لانه مجنت اعرف طريقه دراسه.

3-هسه تگلون شلون ندرس لعد صفحه افهمها فهم لاتدرخ كلمات اول مره تشوفها عيدها مره مرتين ايديكم ورقه وقلم وكرروا كلمات سوي تلخيص للملزمه مرتب حتى تفهم أكثر.

4-شنو برامج لي تفيدكم بشرح صفحه او موضوع
chatGpt plus: هذا برنامج تنسخوله صفحه وتكلوله بسطها الي بلعربي ثم بلانكليزي اشرحلي وضحلي هكذا

Ocr text scanner: هذا برنامج تاخذ سكرين للصفحه ودزها الها يحولها نص الك وهيج تكدر تنسخ نص وتودي للبرنامج GPTلون برنامج ازرق.

اما يوت تكتب اسم موضوع واكو شرح اله(اني مسويتها)

5-أستمراريه ثم استمراريه اعرف اول ايام حتخافون تضلون بهل مستوى وتكعد بلمحاضره مفاهم شي بودك تبجي لتخاف مو وحدك مريت بهل شعور اكثر طلاب هيج جنه ومنفهم شديحجي دكتور بس كورس اول تخلصه لاملك مصطلحات تعرف شلون تدرس كورس ثاني حيصير أسهل ولتضوج اذا طولت بلصفحه استمر حتلو عندك تراكم قوي امر طبيعي كونك بلبدايه بس مو طبيعي اذا مدرست بسبب خوفك.