كتير ناس عم يتسائلو انو ليش الرئيس أحمد الشرع عم يقول "الجمهورية السورية" بدل "الجمهورية العربية السورية"

شو الفرق وشو بيقصد؟

استخدام اسم “الجمهورية السورية” بدل “الجمهورية العربية السورية” بيعني تغيير كبير بالهوية الرسمية للبلد، وبيعكس توجه جديد من الإدارة الحالية

هالتغيير ممكن نفهمه من عدة زوايا:

1. الابتعاد عن القومية العربية التقليدية
   من سنة 1961، سوريا كان اسمها الرسمي “الجمهورية العربية السورية”، وهاد كان جزء من الفكر القومي العربي اللي كان منتشر بفترة حكم حزب البعث واللي غزاه عبد الناصر والضباط الأحرار
   اسم الدولة كان بيعبر عن الهوية العربية كشيء أساسي، وكان مرتبط بمشاريع الوحدة العربية اللي كانت مطروحة بهديك الفترة

هلق، لما يتم إزالة كلمة “العربية”، هاد ممكن يعني إنو الدولة ما عاد بدها تكون محصورة ضمن الإطار القومي العربي، وإنما تتحول لهوية وطنية أشمل، بتضم كل المكونات الموجودة بسوريا، مو بس العرب

1. محاولة لاحتواء جميع المكونات السورية
   سوريا بلد فيه تنوع كبير من حيث الأعراق والقوميات، فيها أكراد، آشوريين، أرمن، تركمان، سريان وغيرهن، وهالمجموعات ما بتعتبر نفسها عربية، فإزالة كلمة “العربية” ممكن تكون خطوة لجعل الدولة تعبر عن الكل، مو بس عن العرب

بمعنى آخر، الشرع ممكن يكون عم يحاول يبني هوية سورية جامعة بدل التركيز على البعد القومي العربي، وهاد الشي ممكن يساعد بإنهاء النزاعات مع الأكراد اللي كانوا دائماً معترضين على الطابع العربي للدولة

1. رسالة سياسية داخلية وخارجية
   داخلياً: التغيير ممكن يكون إشارة إنو المرحلة الجاية رح تكون مختلفة عن حكم حزب البعث، وإنو الدولة رح تبتعد عن الأيديولوجيا القومية العربية اللي كانت مهيمنة لعقود

خارجياً: ممكن يكون محاولة للتقرب من المجتمع الدولي، خاصة الدول اللي بتدعم الأقليات القومية بسوريا، مثل الأكراد، أو حتى القوى الغربية اللي بتشوف إنو الهوية الوطنية لازم تكون شاملة وما تكون محصورة بقومية واحدة

زبدة الحشي:
حذف كلمة “العربية” هو خطوة باتجاه دولة سورية متعددة القوميات بدل ما تكون دولة عربية صرفة
هالشي ممكن يساعد بتحقيق اندماج مجتمعي أفضل ويقلل من النزاعات القومية ❤️

وهي خطوة مهمة جداً للأمام

#سوريا_الحرة
#دخيل

الألوان اللي مختارتها السيدة لطيفة (الأسود، الكحلي، والخمري) عم تحاول تعطي فيها انطباع كتير مميز يجمع بين الوقار، الأناقة، والدفء بنفس الوقت

خلينا نحكي عن كل لون لحالو وكيف بيشتغلو سوا ليعطو هالطلة

• اللون الأسود
الأسود دائماً بيمثل القوة، الجدية، والهيبة، وهو اختيار كلاسيكي لأي شخصية رسمية
العباية السوداء عم تعطي طابع رسمي ومحافظ، وبتحط التركيز على الملامح والتفاصيل بدون ما تكون ملفتة بشكل زائد
بس بنفس الوقت، الأسود ممكن يكون قاسي شوي أو يعطي إحساس بالبعد والصرامة، لهيك كان ضروري يكون فيه لمسات تطرّي هالإحساس

• اللون الكحلي
الكحلي بيكمل الأسود بشكل مثالي لأنو بنفس جدية الأسود بس بدرجة ألطف، وبيعطي لمسة من العمق والتوازن (ايضا تحدي كبير نلبس هاللونين مع بعض لان صعب يلبقو إذا ما كان في تنسيق متباين جدا بين اللونين) ممكن يكون موجود بالنسيج أو بالتفاصيل الدقيقة للعباية، وهاد الشي بيعطي إحساس بالفخامة بدون ما يكون متكلّف. الكحلي كمان لون مرتبط بالهدوء والرصانة، فبيعزز الصورة الرسمية اللي حابّة تقدمها السيدة لطيفة

• اللون الخمري
لمسة الخمري على الحواف أو ببعض تفاصيل العباية كانت حركة زكية، لأنو الخمري لون دافئ بيكسر رتابة الأسود والكحلي، وبيعطي توازن حلو بين الجدية والأناقة
هاللون بيوحي بالرقي والدفء بنفس الوقت، و
بيعطي بُعد أكتر للستايل بدل ما يكون كلو بألوان باردة

الطلة متناسقة جداً وذكية، فيها احترام للتقاليد والأناقة الكلاسيكية، بس بنفس الوقت فيها لمسات خفيفة من الألوان اللي بتخفف من جمود الأسود
الأسود بيعطي قوة
الكحلي بيعطي هدوء
والخمري بيعطي دفء
وهالثلاثة سوا عم يخلقو صورة متزنة بين الرسمية والأنوثة

النقد الوحيد الممكن هو إنو الطيف اللوني ككل قريب من بعضو، وهاد الشي بيقلل من التباين، فلو كان فيه قطعة إضافية بلون أفتح ممكن يعطي حيوية أكتر للّوك

لكن بشكل عام، الطلة محافظة، أنيقة، وبتعكس شخصية قوية بدون تصنّع 💅🏻

طبعاً يعني سيدتي الأميرة مرتو لسيدي الأمير بدها تكون قوية لانو وراء كل أمير أميرة 🙈

#دخيل

سلم وزير الداخلية السوري الأسبق محمد الشعار نفسه اليوم للإدارة السورية الجديدة، وذلك بعد 58 يوماً على خلع نظام بشار الأسد. وقد تم التداول بمقطع فيديو ظهر فيه الشعار برفقة عناصر مدنية، وأكدت معلومات صحفية أنه سلم نفسه «طوعياً»، زاعماً عدم تورطه بجرائم النظام ضد الشعب السوري؛ مع العلم أنه كان العضو الوحيد الذي نجا من تفجير خلية الأزمة في 2012، والذي أدى إلى مقتل كبار قادة النظام وأبرزهم آصف شوكت وداوود راجحة.

وقد خدم الشعار في أجهزة المخابرات السورية بلبنان، مع علي حيدر وغازي كنعان. ويصف موقع «مع العدالة» السوري الشعار بـ«سفاح طرابلس» في لبنان، إذ كان مسؤولاً عن المجازر والإعدامات التي ارتكبها جيش الأسد في المدينة خلال ثمانينات القرن الماضي، والتي أدّت إلى مقتل المئات؛ كما أن عائلة الشهيد خليل عكاوي، أحد قيادات باب_التبانة، تتهم الشعار شخصياً باغتياله في شباط 1986.

ويصف الموقع الشعار أيضاً بـ«سفاح صيدنايا»، إذ اتُهم بالضلوع في مجزرة صيدنايا عام 2008 التي قُتل فيها العشرات. وقبل تبوّئه منصب وزير الداخلية في نيسان 2011 بعد اندلاع الثورة، شغل الشعار مناصب أمنية رفيعة في النظام، وهي: قائد الشرطة العسكرية، رئيس فرع المنطقة 227 في دمشق، رئيس فرع الأمن العسكري في حلب، ورئيس فرع الأمن العسكري في طرطوس.

ونظراً لدوره الأمني والمناصب التي تولاها، فإن الشعار متهم بارتكاب العديد من الجرائم والانتهاكات بحق الشعب السوري، ومنها المجازر وجرائم القتل الناتجة عن قرارات خلية الأزمة، ووزارة الداخلية التي استمر على رأسها حتى 2018. كما أنه مدرج على لوائح العقوبات الغربية منذ منتصف عام 2011، بسبب قمع الثورة_السورية

#سوريا_الحرة
#دخيل

" - كيف تخطيت كل ذلك وبقيت كما انت؟
‏- لا أحد يتخطى و يبقى كما كان ، مع كل تخطي هناك شيء بتر منك و احتل الخوف مكانه"

لما بتقول “كيف تخطيت كل ذلك وبقيت كما أنت؟” الجواب هو إنو ما حدا بيقدر يتجاوز الصعوبات ويمر بالتجارب الحياتية القاسية بدون ما يتغيّر من جوّاتو
لأنو كل تجربة، خاصة إذا كانت صعبة أو مؤلمة، بتترك أثر، وهاد الأثر غالباً بيغيّر شي بشخصيتنا أو طريقتنا بالتفكير

إنك تتجاوز شي وتبقى نفس الشخص هي نوع من الخيال أو الوهم
يعني، كل مرة منواجه فيها تحدي أو صعوبة، في جزء مننا بيتغير أو “بينبتر”، سواء كان هالجزء هو البراءة، الثقة، التفاؤل، أو حتى الأمان النفسي

وأكتر من هيك، المكان اللي كان فيه هالجزء المفقود غالباً بيجي الخوف ليحتله
الخوف هون ممكن يكون خوف من المستقبل، من تكرار التجربة، أو حتى من الألم نفسه
يعني مثلاً، إذا شخص خسر حدا عزيز أو عاش تجربة مؤلمة، هالشي بيخلق عندو مخاوف جديدة، سواء من فقدان ناس تانين أو من تكرار نفس الألم

الفكرة الأساسية إنو التخطّي مو عبارة عن نسيان أو تجاوز كامل، بل هو عملية معقدة بتخلّف وراها آثار مُتراكمة
الشخص بيتغيّر بطريقة أو بأخرى، وبينفقد منو شي، بس بنفس الوقت بيتعلّم شي جديد
الخوف اللي بيجي مكان الجزء المفقود هو جزء طبيعي من هالتجربة، لأنو لما منخسر أو منمرّ بصعوبة، منبني ميكانيزمات دفاع جديدة ومنصير أكتر حذرين ومنتعلم، على أمل انو ما نوقع بالجورة اكتر من مرة مرتين تسعة ?

زبدة الحشي:
ما في حدا بيتخطى الصعوبات ويبقى “نفس الشخص”
دايماً في تغيّر داخلي بيصير، سواء كان ظاهر للناس أو مخفي، ودايماً في شي جديد من الخوف أو الحذر بيحل محل الجزء اللي اتغيّر فينا، والوقت بيشفي يعني ??

والسلام عليكم ?

#فلسفة
#دخيل

الفيلسوف سينيكا قال: "ليس هناك أي حصن يحمينا من القدر ، لذلك علينا أن نبني دفاعاتنا في دواخلنا ، إذا كان حصننا منيعاً وآمناً يمكن مهاجمتنا ، لكن لا يمكن احتلالنا "

القدر أو الظروف الصعبة بالحياة هنن أشياء ما فينا نهرب منها أو نمنعها بشكل كامل
الحياة بطبيعتها فيها تحديات، مصاعب، وأشياء ما منقدر نتحكم فيها
فحتى لو بنينا “حصون” مادية، متل مال، منصب، أو قوة خارجية، هالحصون ما بتكفي لتضمن سلامنا أو راحتنا
ليش؟
لأن الظروف الخارجية دايمًا ممكن تهاجمنا وتتغير الأحوال

لهيك، الحل الصحيح هو إنو نبني حصن داخلي جواتنا، بمعنى إنو نشتغل على حالنا نفسياً وعقلياً لنوصل لمرحلة من القوة والثبات الداخلي اذا طرأ اي تغيير خارجي ف نحنا مستعدين إلو
إذا كنا واثقين من حالنا ومن مبادئنا، وعنا تحمّل وقدرة على التعامل مع الصعوبات، حتى لو هالظروف حاولت تضغط علينا، رح نقدر نثبت وما ننهار

الفكرة متل مثال الشجرة القوية: إذا كانت جذورها عميقة ومتماسكة، الرياح القوية ممكن تهزها بس ما رح تقلعها
أما إذا كانت ضعيفة من جواتها، مجرد هزة صغيرة رح تكسرها قدرما كانت عملاقة

سينيكا عم يدعونا نكون متل هالشجرة القوية، نعتمد على قوة داخلية بدل ما نعتمد على أشياء خارجية دايمًا معرضة للتغيير ??

والسلام عليكم ?

#فلسفة
#دخيل

"سوف تكتشف متأخراً بأن الأخطاء التي شكلت كثير من معاناتك كانت آتية من أن نفسك لم تكن على رأس اولوياتك، في محطة من محطات الحياة سوف تكمل وحيداً مع تلك النفس التي ارهقتها الأيام"

بعد فترة من الزمن، رح نوصل لمرحلة من الوعي الذاتي وقت نكتشف انو سبب كبير من معاناتنا كان ناجم بشكل اساسي عن إهمالنا لنفسنا ومشاعرنا

لما الإنسان ما بيحط نفسو وأولوياتو على رأس اهتماماتو، بيصير يعطي وقت وطاقة لناس أو أمور بتستنزفو بدون ما يحس، بحجج مثل “المسؤولية”، “التضحية”، “الواجب" أو حتى "الحُب"

هالمسميات الناعمة، بتضل عم تسحب من طاقتك النفسية والجسدية شوي شوي لحتى تلاقي نفسك مُنهك، وخصوصا وقت تكون هالمسميات بدون جدوى…

كتير ناس بيفكرو إنو الاعتناء بالنفس أو إعطاءها الأولوية هو نوع من الأنانية، بس بالحقيقة هالشي هو عين العقلانية
لما ما تكون مرتاح مع نفسك أو ما عم تعطيها حقها، ما فيك تكون فعّال بأي جانب من جوانب حياتك سواء بشغلك أو بعلاقاتك مع الآخرين

نفسك هي الأساس، وإذا ما اعتنيت فيها، كل شي تاني رح يتأثر

وفي مرحلة معينة من الحياة، الكل بيوصل لمكان بيحس إنه مهما كان حواليه ناس أو علاقات، بالنهاية هو رح يكمل لوحده مع نفسو
متل ما قال سارتر : "الجحيم هو الآخرون"

هون بيجي أهمية الاهتمام بالنفس من البداية، لأنك إذا ما كنت مرتاح وعم تعتني بنفسك، رح تحس بتعب كبير لما توصل لهالمرحلة وما رمرتقدر حتى انك تعتني بالآخرين بطريقة صحيحة

انت بحاجة دايماً تحط حالك وأولوياتك بمقدمة اهتماماتك، مش لأنو العالم ما بيستاهل أو ما في ناس يستحقوا اهتمامك، بس لأنك إذا كنت منهك ومهمَل، ما رح تقدر تعطي أي شي لأي حدا أو لأي شي بطريقة صح ??

والسلام عليكم ?

#فلسفة
#دخيل

‼️ عاجل :

قالت صحيفة "معاريف" العبرية، إن الهجوم الذي استهدف العاصمة السورية دمشق، الخميس، جاء بعد وقت قصير من وصول علي لاريجاني مستشار المرشد الأعلى الإيراني علي خامنئي

وأعلن الجيش الإسرائيلي أنه شن هجمات جوية على مواقع مرتبطة بحركة "الجهاد الإسلامي" في العاصمة دمشق، فيما قالت وزارة الدفاع السورية إن القصف استهدف عددا من الأبنية السكنية في حي المزة بدمشق ومنطقة قدسيا بريف دمشق، وأسفر عن مقتل 15 شخصا وإصابة 16 آخرين بينهم نساء وأطفال ووقوع أضرار مادية في المباني المستهدفة، في حصيلة غير نهائية للهجوم

#سياسة
#سوريا
#دخيل

نحنا البشر عادةً منبني تصورات مسبقة عن الأمور من خلال التربية، الثقافة، الدين، والمجتمع يلي منعيش فيه
وهالتصورات هي بتصير متل عدسات لعيوننا، بحيث كل شي منشوفو و ومنختبرو بالحياة بيتوضح وبيتفسر من خلال هالعدسات

يعني، لما منكون عم نقرأ أو نتعرف على ثقافة جديدة، معتقد جديد أو أفكار ما منعرفها، ما عنا أي شي سابق نحكم عليه، فممكن نشعر بالدهشة، الجمال أو حتى التسامح مع هالشي المختلف عننا
بس لما نجي على موضوع نحنا عنا خلفية مسبقة عنو، سواء من خلال الدين أو التربية أو المجتمع، بيصير أصعب نتعامل معو بموضوعية

ليش؟
لأن عقلنا من بداية الموقف بيكون عم يحاول يأكد أو ينفي شي هو أصلاً مبرمج عليه

التحرر من التصورات المسبقة هو شي مو سهل أبداً

لازم الواحد يكون عندو إرادة حقيقية ليتعلم ويشوف الأمور بطريقة جديدة
لما الإنسان يبدأ يتحرر من هالتصورات، بيكتشف إنو العالم أو الأمور حوالينا ما هي بهالتعقيد يلي ممكن كنا متصورينو، وإنو الاختلافات بين البشر أو المواقف او الأفكار هي غالباً نابعة من أفكار وصور عقلية تم غرسها فينا من إحنا وصغار، يعني تصورات مسبقة عن أمور لا نعلم عنها شيء

كل ما كانت هالتصورات متجذرة أكتر، كل ما بيصير صعب نتقبل أفكار جديدة أو نحاول نفهم الآخر
وهون بيصير في نوع من “الموقف النفسي” يلي بيرفض فكرة الفهم
يعني بدل ما نحاول نفتح عقلنا للفهم، منوقف بوجه هالفكرة و منتمسك برأينا أو بموقفنا، وهالشي بيخلق تفاوت بين الناس بكيفية تعاملهم مع الواقع

بالنهاية، التحرر من التصورات المسبقة بيطلب وعي و جهد كبير والخروج من الـ comfort zone بيتطلب شجاعة كبيرة جداً

مو بس إنك تقرأ أو تتعلم، لازم يكون عندك الرغبة إنك فعلاً تشوف الأمور من منظور مختلف وتكسر هي الحواجز العقلية ??

والسلام عليكم ?

#فلسفة
#دخيل

"إذا كنت متدين سوف يتم انتقادك
‏إذا كنت ملحداً سوف يتم انتقادك
‏إذا كنت مفكراً سوف يتم انتقادك
‏إذا كنت جاهلاً سوف يتم انتقادك
‏إذا كنت غنياً سوف يتم انتقادك
‏إذا كنت فقيراً سوف يتم انتقادك
‏عش نفسك ، يشعر الإنسان بقسوة النقد كلما عاش بغير حقيقته"

مهما عمل الإنسان، دائماً رح يكون في حدا ينتقدو
إذا كنت متدين، رح تلاقي ناس تنتقدك لأنك متدين
إذا كنت ملحد، رح تواجه نفس الشي
نفس الموضوع إذا كنت غني، فقير، مفكر، أو حتى جاهل
يعني، النقد دائماً موجود مهما كان خيارك أو طريقة حياتك
الموضوع بيرجع لطبيعة الحياة الاجتماعية والمجتمع، يلي بيخلينا نشعر دايماً اننا تحت المجهر

بس النقطة الأساسية، واللي هي أهم شي، إنو الإنسان بيحس بوجع النقد أكتر بكتير لما بيكون عايش بطريقة مو حقيقتو
بمعنى إنو إذا كنت عم تحاول ترضي الناس وتعيش بطريقة مغايرة لشخصيتك الحقيقية، وقتها كل نقد رح يكون مؤلم أكتر بمراحل
بينما لما تكون عايش على حقيقتك وما بتكترث لرأي الآخرين، بيصير النقد أقل أهمية وما بيأثر فيك بنفس الدرجة لأن الإنسان لما بيعيش حياة مغايرة لحقيقتو الداخلية، بيحس بضغط أكبر

زبدة الحشي:
النقد دايماً رح يكون موجود، بس كيف نحس فيه بيعتمد على مدى توافقنا مع ذاتنا الحقيقية. لما منكون متصالحين مع حالنا، النقد بيصير مجرد صوت بالخلفية، ما بيأثر فينا بنفس القوة لأنو من جواتنا مرتاحين وعايشين حقيقتنا ????‍♂️

والسلام عليكم ?

#فلسفة
#دخيل

كيف رح يكون تاثير فوز ترامب على الوضع بسوريا؟

1. الوجود العسكري الأميركي: بفترة ترامب الأولى، قرر سحب جزء من القوات الأميركية من شمال سوريا، وهاد الشي ترك مجال لتركيا لشن عمليات ضد الأكراد، يلي كانو حلفاء للولايات المتحدة ضد داعش
   إذا رجع ترامب للرئاسة، ممكن يرجع يطبق نفس السياسة ويفضل تخفيف الوجود العسكري الأميركي، وهاد رح يخلق فراغ أمني ممكن تستفيد منو تركيا أو حتى روسيا وإيران لتوسيع نفوذهن بالمنطقة

2. العقوبات الاقتصادية: ترامب كان وراء فرض قانون قيصر يلي شدد العقوبات على النظام السوري، واستهدف الاقتصاد بشكل مباشر
   فوزو ممكن يعني استمرار هالعقوبات أو حتى زيادتها، وهاد الشي رح يزيد الوضع الاقتصادي بسوريا صعوبة، خاصة على الشعب يلي رح يتأثر بشكل أكبر

3. التعامل مع النظام السوري: إدارة ترامب ما كانت مركزة على تغيير النظام بدمشق مثل إدارات أميركية سابقة، وكان اهتمامو الأكبر بمحاربة داعش والحد من نفوذ إيران
   إذا فاز ترامب مرة تانية، غالباً رح يضل نفس التوجه، يعني ما رح يكون في ضغوط كبيرة على النظام السوري لتغيير سياساتو
   واللي بيدعم هاد الرأي هو تدهور النفوذ الإيراني بالمنطقة ومن الوارد انو النظام السوري يرجع يعيد النظر بالتحالفات السياسية تبعيتو وبخص بالذكر حزب الله وايران

4. الدور الروسي والإيراني: ترامب عندو علاقات معقدة مع روسيا، وأحياناً بيحاول يتقرب منها ولكن العلاقة بيناتن افضل بكتير من علاقة الديمقراطيين (بايدن مثلا) مع روسيا
   إذا صار في نوع من التفاهم بين أميركا وروسيا، هالشي ممكن يأثر على التنسيق بين البلدين بسوريا
   بس من جهة تانية، ترامب معروف بمواقفه المتشددة ضد إيران، وهاد ممكن يزيد التوترات خصوصي إنو إيران إلها دور كبير بسوريا

بالمختصر، فوز ترامب رح يؤدي غالباً لاستمرار الضغط الاقتصادي على سوريا مع تركيز على محاربة الإرهاب وتقليص التواجد العسكري الأميركي، وترك النظام السوري واللاعبين الإقليميين مثل روسيا وتركيا وإيران يتنافسوا على النفوذ

هاشتاغ سيادة وطنية
هاشتاغ لحمة بعجين وطنية
هاشتاغ أنا سوري اااااااااه (بصوت مجدي ووجدي) يا نيالي

#سوريا
#سياسة
#دخيل