صباح⁩ الخير؛ ثم
‏مهما رمت الحياة أثقالها على عاتقك، اعلم أن الله لا يُكلف نفسا إلا وسعها واطمئِن💚

‏تَكلِم لَرُبَّمَا كُنْتُ أنْتَظِرَك .

إشْتَقْتُ إلَيْكَ
وَلَكَنَّهَا لَيْسَتْ المَرَةُ الأُوْلَى
بَلْ هِيَ عَادَتِي كُلَّ يَوْمٍ
وَلَكِنْ بِصَمْتْ .

خلال ال 21 سنة الماضية التخلف بدأ يظهر على ملامح المجتمع العراقي وتشوف مظاهر التخلف بمختلف انواعها من التعامل الهمجي مع الموظفين او من تخريب وسرقة للمتلكات العامة الخ.. تشعبت بالمجتمع .. وكأنهم في قرارة انفسهم همج مغول او برابرة .

بس اني هسة ما اريد احجي عن كل هذه الانواع اليوم اريد احجي عن موضوع  التخلف المجتمعي والارتباط الوثيق ما بينه وبين الاعتداء على الكادر الطبي . ظاهرة الاعتداء على الاطباء منتشرة بكثرة بالمجتمع العراقي وهالشي سبب نفور وسبب انعدام للثقة بين المواطن والطبيب ( البوست السابق ) بالاضافة لهل شي سبب ضعف بتأدية الواجب الطبي وارباك  للطبيب! .

يعني اليوم الطبيب او الممرض او الصيدلي او اي شخص من المجموعة الطبية من يريد يأدي واجبه الطبي على اكمل وجه راح يرتبك  ويتخوف بسببك بسبب الخوف من اهل المريض ومن عشيرة المريض ! ومن يصير اي خطأ راح يتعرض هالموظف للاعتداء بالضرب واحيانا توصل للقتل. ويصير اللوم كلة عليه !

الى متى يبقى هذا التخلف منتشر بالمجتمع شنو ذنب الطبيب من تجي تعتدي عليه ؟ ما هو بذل كل جهدة حتى ينقذ هذا الفرد من عائلتك ولكن شاء الله ان يتوفاه ويتغمده برحمته ! انت شنو من منطق شايل شنو التفكير الي براسك بحيث تعتدي على شخص مو هو السبب بوفاة الشخص العزيز على كلبك ؟ لنفرض انت متأثر انو هذا الشخص تحبة بس هل من المعقول تروح تعتدي على شخص حاول بكل طاقتة ان ينقذة بس للاسف فشل ؟! .

• لذلك حبيبي المواطن الشريف الاسلام يدين بكل كلماته الاعتداء على اي مسلم او اي انسان بغير حق لذلك انت اليوم لازم وغصبا عليك تحترم الطبيب وتحترم الممرض والصيدلي وكل الكادر الطبي ( اذا هم ايضا محترمين ) بغض النظر عن المسميات لان هم  جايين هنا لخدمتك ولتأدية واجب انساني حتى ينقذوك وينقذون اهلك ولولا الله ثم هم  مجان تكدر تعيش حياة صحية فحاولوا تطورون من انفسكم اعرف يمكن هذا الكلام يبقى مجرد كلام ولكن  عسى ولعل ان تغير هاي الرسالة ولو شيء بسيط بالواقع العراقي .

و #بيني_وبينك انت مواطن واحنا الكادر المسؤول عن صحتك فخلينا نشوف شغلنا.

هل كل شخص متعلم يعتبر مثقف ؟
هل كل شخص ضمن المجموعة الطبية يعتبر انسان حقيقي ولديه مقومات الانسان الناجح ؟

السؤالين الي فوك يحتاجن نظرة شاملة للمجتمع وخصوصا مجتمعنا العراقي لازم نوكف لحظة من الزمن ونسأل نفسنا ، ليش ( البعض ) سواء الطبيب او الصيدلي او اي شخص متعلم يفتقر للاخلاق وللاحترام ؟

حتى نجاوب كل هذه الاسئلة خلي نرجع للخلفيات الاجتماعية لهؤلاء الاشخاص ( عديمي الاخلاق من المتعلمين ) راح تلكاهم يعانون من حالات نفسية من اضطرابات عاطفية من انعدام بالتربية كل هذه المقومات ولدت النا كائن ( طبيب،صيدلي ،مهندس ، عالم ) قبيح ينظر بدونية للناس الي داير مدايرة.

هذا الشي جاي نشوفة بمجتمعنا مثلا فلان صيدلي اعتدى على طفل او فلان طبيب يتاجر بالاعضاء الخ.. رغم القلة الا انو هو حالة خطرة وممكن تنتشر بباقي السنوات وبدوري اني وانت ننشر هاي التوعية .

رسالة التوعية للمجموعة الطبية :

?️ الرسالة : الي جاي تشوف رسالتي ويجوز هسة تشوفها مبيها فائدة بس اكو 3 نقاط اساسية لازم تمشي عليهم طول حياتك :

1- خلي الله بين عيونك وانت تتعامل وية المواطنين والمرضى .

2- كل فعل تسويه هسة راح يطلع بيك بعدين ( اعتديت ، سرقت ، نصبت على مواطن ، تاجرت بصحة مواطن ) ورب العالمين يُمهل ولا يُهمل .

3- انت اعلى طبقة اجتماعية ومتعلمة بالمجتمع خليك انسان ناصح يترك بصمة مشرفة وكريمة النا كمجتمع طبي وبعيد عن الانتقادات .

هاي الرسالة لكل المجتمع الطبي واتمنى توصل

واكلك شغلة ؟ خليها #بيني_وبينك

من الامور المحزنة للاسف الي يمر بيها المجتمع العراقي حاليًا هي ( انعدام الثقة بين المجتمع الطبي والمريض )

هذا الشيء ما اجة من فراغ ولا تَولد من العدم بس هو نتيجة تراكمات سابقة كان سببها الاول والاخير هو المجتمع الطبي ! اي نعم مثل مقريت .

المجتمع الطبي الناجح من احد مقومات نجاحه ان يعزز الثقة بينه وبين المريض ، هالشي مجاي نشوفة بالعراق ليش ؟ مجاي نشوف اكو محاولات لتعزيز الثقة بين الطبيب او الصيدلي او المحلل الخ.. وبين المواطن المريض !

السبب هو الانانية والتكبر تشوف الطبيب ميهتم بحالة المريض الصحية بس يهتم بالكشفية ، تشوف الصيدلي ميهتم بنوع الوصفة ولا يهتم فيما اذا كان هالعلاج يأثر عالمريض او لا يهتم بالبيع فقط ، تشوف المحلل ميهتم بالتحليل الصحيح اهم شي يكون التحليل غالي ! ( الاغلب )

هذا الشي سبب اخطاء بالتشخيص اخطاء بصرف العلاج اخطاء بالتحليل الخ.. وبسبب هالشي صار اكو انعدام ثقة بين الطرفين فالنتيجة كانت " فشل الصحة بالعراق " .

هل من الممكن ان تُسترد هذه الثقة ؟

جاوبني وخليها #بيني_وبينك

" لقد اغلقنا الاضواء ، من يريد أن يجدنا ليحرق نفسه "

- جداريات < الحفرة >

مثل بغداد صرنا ، صغيرة بس بيها ازدحامات

يلا اخوان الى هنا وتنتهي سهرتنا نلقاكم فيما بعد ?