🔘 **هەواڵ / سلێمانی - کوردستان

ماوەی ساڵێکە مامۆستایەکی ئاینی لە پارێزگای سلێمانی بەبێ هیچ تاوانێك ڕفێندراوە :**

مامۆستا ئیدریس نەجات مامۆستایەکی ئاینی و پێشنوێژ و ووتار خوێنە و ماوەی ساڵێکە بەبێ هیچ هۆکارێك و بە پاساوی بێ بنچینەی تیرۆرەوە وەك دەیان گەنجی دیکەی زۆنی سەوز ڕفێندراوە، جێی باسە ماوەی ساڵێکە مامۆستا ڕفێندراوە و لایەنە ئەمنیەکان هەتا ئێستا هیچ پاساوێكیان ڕانەگەیاندووە سەبارەت بە هۆکاری دەستگیرکردنەکەی.

ئەوەی ڕوودەدات لە ناوچەی ژێر دەسەڵاتی یەکێتی بەتەواوی پێچەوانەی ئەو بانگەشانەیە کە باڤڵ تاڵەبانی و حیزبەکەی سەبارەت بە ئازادی ژیان و ڕادەڕبڕین و سەربەخۆیی وتاردان و مامۆستایانی ئاینی باسی لێوە دەکەن، چونکە بەپێی ئەو زانیارییانەی کە دەگاتە دەست تۆڕەکەمان لە ئێستادا لە زیندانەکانی کانی گۆمە و ئاسایشی گشتی و مەعەسکەر سەلام و زیندانەکانی فەرماندەیی سەدان گەنج و مسوڵمان بە پاساوی تیرۆرەوە دەستگیرکراون و ئەشکەنجە دەدرێن و سزا دەدرێن و تەنها تاوانیشیان ئەوەیە مسوڵمانێکی بێ لایەنن نایانەوێت ببنە کۆیلەی حیزبە هەڵخەلەتێنەرەکان و لە دونیا و قیامەت خەسارەتمەندبن.

لە پەروەردگاری جیهانیان دەپاڕێینەوە لەبەر ناوە جوانەکانی و سیفەتە بەرزەکانی ڕەحم و بەزەیی خۆی بەکار بهێنێت لەبەرامبەر ئەو مسوڵمانانەی کە بەدەست ستەمکارانە لە زیندانەکان دەست بەسەر کراون و بە جۆرەها شێوە ئەشکەنجە و ئازار دەدرێن لەبەرئەوەی دەیانەوێت تەنها تۆ بپەرستن و نەبن بە عەبدی ستەمکران، اللهم آمین.

#کانیاو_نیوز_24

? **بەدواداچوونەکان

ڕۆژی عاشورا چیە؟ ڕووداوەکانی ئەم ڕۆژە چیە؟! سونەتە چی بکرێت لــــەم ڕۆژە؟**
ڕۆژی عاشورا کە دەکاتە دەی مانگی موحەرەم کە لەم ڕۆژەدا پێغەمبەر موسی -علیه السلام - و ئومەتەکەی لەدەست فیرعەون ڕزگارییان بووە ، وەجولەکە ئەم ڕۆژەیان بە ڕۆژو گرتن یاد دەکردەوە.

لە صحیح مسلم هاتووە پرسیارن کرد لە پێغەمبەری خوا ﷺ دەربارەی ڕۆژووی عاشورا ، ئەویش فەرمووی:
وَصِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ
واتە :- وە ڕۆژووی ڕۆژی عاشوڕا وا حساب ئەڪەم ڪە خوا بیڪاتە هۆی سڕینەوەی تاوانی ساڵێڪ پێش خۆی .

وە هەروەها سونەت وایە لەم ڕۆژە بەڕۆژوو بیت ، وە بۆ ئەوەی جیاواز بیت لە یەهودیەکان سونەت وایە ڕۆژێك پێش یان پاش ئەویش بەڕۆژوو بیت.

پێغەمبەری خوا ﷺ ئەفەرموێت:
ئەگەر بمێنم بۆساڵی داهاتوو، ڕۆژی ۹مەحڕەمیش بەڕۆژوو دەبم.

ئەسوەدی ڪوڕی یەزیدی نەخەعی دەڵێت :
ڪەسم نەبینیوە زیاتر لە عەلی كوڕی ئەبی طالب و ئەبی موسی ئەشعەری فەرمان بكات و ھانی خەڵڪی بدات دەربارەی ڕۆژووی عاشورا .
مسند الطيالسي ١٣٠٨ بسند صحيح

شێخی ئیسلام ئیبن و تەیمییە - بەڕەحمەت بێت - دەفەرموێت : صيام يوم عاشوراء كفارة سنة، ولا يُكره إفراده بالصوم .
واتە :- ڕۆژووی ڕۆژی عاشورا کەفارەتی تاوانی ساڵێکە، وهیچ خراپی وکەراهەتێکی تێدا نیە ئەگەر بەتەنها ئەو ڕۆژەش بەڕۆژوو بیت.
?[ الفتاوى الكبرى لابن تيمية: ٤/ ٤٦١ ]

کەواتە ئەگەر کەسێک توانی ڕۆژی نۆیەمیش بەڕۆژوو بێت لەگەڵ دە "عاشورا"، یان دە ویانزە باشترە، بەڵام بەتەنها بەرۆژووبوونی ڕۆژی عاشوراش هیچ کەراهەت ونادروستیەکی تێدا نیە.

بۆیە هەوڵدە ئەم سونەتە گەورەیەت لە دەست نەچێت چونکە بەبەڕۆژوو بوونی ئەم ڕۆژە ئەمانە بەدەست دەهێنیت:!

1ـ سونەتی پێغەمبەر علیه السلام زیندوو دەکەیتەوە.
2ـ حەفتا ساڵ لەجەهەنەم دوور دەکەویتەوە، وەك لەفەرموودەدا هاتووە.
3ـ گوناهی ساڵێك پێشوو ترت لێ ڕەش دەبێتەوە.
4ـ پاداشتی ڕۆژووش بەخودای گەورە نەبێت بەکەس نادرێتەوە.
5ـ دەبێتە شفاعەت کارت ڕۆژوو گرتنەکەت لە ڕۆژێك کە هەموو کەس ڕادەکە لەبەر یەك.

#کانیاو_نیوز_24